The Great

گھر جب بنا لیا ترے در پر کہے بغیر
جانے گا اب بھی تو نہ مرا گھر کہے بغیر؟

کہتے ہیں جب رہی نہ مجھے طاقتِ سخن
’جانوں کسی کے دل کی میں کیونکر کہے بغیر‘

کام اس سے آ پڑا ہے کہ جس کا جہان میں
لیوے نہ کوئی نام ستم گر کہے بغیر

جی میں ہی کچھ نہیں ہے ہمارے وگرنہ ہم
سر جاۓ یا رہے، نہ رہیں پر کہے بغیر

چھوڑوں گا میں نہ اس بتِِ کافر کا پوجنا
چھوڑے نہ خلق گو مجھے کافر کہے بغیر

مقصد ہے ناز و غمزہ ولے گفتگو میں کام
چلتا نہیں ہے دُشنہ و خنجر کہے بغیر

ہر چند ہو مشاہدۂ حق کی گفتگو
بنتی نہیں ہے بادہ و ساغر کہے بغیر

بہرا ہوں میں ، تو چاہیۓ دونا ہوں التفات
سنتا نہیں ہوں بات مکرّر کہے بغیر

غالب نہ کر حضور میں تو بار بار عرض
ظاہر ہے تیرا حال سب اُن پر کہے بغیر


مرزا غالب

مرزا محمد فاروق

کیا بات ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔ ڈش ڈیش ڈیش

خرم شہزاد خرم

یہ تو غالب کی غزل ہے اس کو غالب والے سیکشن میں ہونا چاہے کیا خیال ہے
بہت اچھی غزل ہے

مرزا محمد فاروق

جناب سیکشن کا تو پتہ نہیں پر غزل اچھی ہے بہت اچھی

The Great

شکریہ آپ سب دوستوں کا۔۔۔

خرم شہزاد خرم

اس میں‌تو کوئی شک نہیں‌غزل بہت اچھی ہے