ماشاء اللہ ساتھیوں‌کو اقبال عظیم مرحوم کا کلام کا فی اچھا لگا،کچھ مزید پیشِ خدمت ہے


ہم پیاسوں‌کے میخانے میں‌یوں‌جام چلے ہے
آنکھوں‌سےچھلک جائے ہے جب شام ڈھلے ہے


کیا پوچھو ہو ہم خانہ خرابوں کی کہانی
مٹی کا دیا رخ‌پہ ہواؤں‌کے جلے ہے


تھک جائیں‌تو سوجائیں‌کسی پیڑ‌کے نیچے
ہم خانہ بدوشوں کا یونہی کام چلے ہے


ڈیوڑھی سے تری آج میں‌کچھ لے کے ٹلوں گا
ٹلتی ہی چلی جائے ہے ،جب بات ٹلے ہے


ہم باتیں‌بھی کرلیں‌ہیں‌سرِ‌بزم کسی سے
آنکھوں سے محبت میں‌بڑا کام چلے ہے


چمکے تو ہے سورج کی طرح حسن تمہارا
لیکن یہ سمجھ رکھیو کہ سورج بھی ڈھلے ہے


اے سروِ سر اَفراز ذرا دیکھ کے چلیو
اک شہرِ‌خموشاں‌ترے قدموں کے تلے ہے



دیوانے کے ہاتھوں میں‌یہ مٹی ہے کہاں کی
چومے ہے کبھی اور کبھی آنکھوں‌سے ملےہے



جو جاوے ہے کوچے میں‌ترے آوے ہے گھائل
تلوار کھنچے ہے نہ کوئی تیر چلے ہے



دیوانے کی یہ بات ، بڑی بات ہے پیارے
سب پوچھیں‌ہیں‌لیکن وہ ترا نام نہ لے ہے



ماحول کا شکوہ کبھی اقبال نہ کیجو
وہ پھول بھی مہکے ہے جو کانٹوں میں‌پلے ہے