محمدعدنان

پھولوں کی چنریا نہیں رنگین ترے بعد

خوشبو بھی دھواں ہوگئی پروینؔ ترے بعد



خامے پہ ترے اترے محبت کے صحیفے

باتوں سے تری سیکھے بہاروں نے سلیقے



پیراہنِ مفہوم بھی نغموں کی طرح کی

آنچل ترے اتعار کے یہ قوسِ قزح سے



نرماہٹیں لہجے کی سماعت کی گلی میں

نظمیں کہ دمک جیسے ہو سونے کی ڈلی میں



کس دوشِ نزاکت پہ رہی تیری سواری

پا رفت غزل کی بھی تھکن تو نے اتاری



گجروں کی طرح درد کو بانہوں میں سجائے

خوشبو کے فسانے تری ہستی نے سنائے



جھلسے ہوئے الفاظ کی مٹی بھی ہوئی نم

ہاتھوں سے چھوا تو نے تو یہ ہوگئے شبنم



پیرائش سنبل تھی کہ گلدانِ سمن تھی

اغیار بھی کہتے ہیں تو بارانِ سخن تھی



مصروفِ عمل ہوں گے کئی تیرے ترانے

اس باغِ ارم کی بھی کوئی بزم سجانے

__________________