خرم شہزاد خرم

یقین ہو تو کوئی راستہ نکلتا ہے
ہوا کی اوٹ بھی لے کر چراغ جلتا ہے

سفر میں اب کے یہ تم تھےکہ خوش گمانی تھی؟
یہی لگا کہ کوئی ساتھ ساتھ چلتا ہے

غلافِ گل میں کبھی چاندنی کے پردے میں
سنا ہے بھیس بدل کر بھی وہ نکلتا ہے

لکھوں وہ نام تو کاغذ پہ پھول کھلتے ہیں
کروں خیال تو پیکر کسی کا ڈھلتا ہے

رواں دواں ہے ادھر ہی تمام خلقِ خدا
وہ خوش خرام جدھر سیر کو نکلتا ہے

امید و یاس کی رُت آتی جاتی رہتی ہے
مگر یقین کا موسم نہیں بدلتا ہے

__________________

The Great

واہ بھائی کمال کی شاعری ھے ۔

عامرشہزاد

بہت اچھی شاعری ہے،،،،،،،،،،،،،،،،،،،،،،، ،،

راجہ اکرام

کمال اور جمال دونوں ہیں اس میں