The Great

یہاں جس کا کسی سے معتبر رشتہ نہیں ہوتا
وہ لٹ جائے تو اس کا شہر میں چرچا نہیں ہوتا

بظاہر دوستی رکھے بباطن بغض بھی رکھے
سو اس جیسا منافق دوست بھی اچھا نہیں لگتا

ترا حق وراثت تو مجھے تسلیم ھے لیکن
خود اپنے ہاتھ سے اس گھر کا بٹوارہ نہیں ہوتا

ہمیشہ جھوٹ بولے اور پھر اس پر وہ ڈٹ جائے
کسی بھی طور محفل میں وہ شرمندہ نہیں ہوتا

نہ جانے کن مصائب سے گزرتے ہوں گے پھر امجد
وہ بچےجن کے سر پر باپ کا سایہ نہیں ہوتا