راجہ اکرام

یہ باتیں جھوٹی باتیں ہیں

یہ باتیں جھوٹی باتیں ہیں ، یہ لوگوں نے پھیلائی ہیں
تم انشاء جی کا نام نہ لو ، کیا انشاء جی سودائی ہیں ؟

ہیں لاکھوں روگ زمانے میں ، کیوں عشق ہے رسوا بیچارہ
ہیں اور بھی وجہیں وحشت کی ، انسانوں کو رکھتیں دکھیارا
ہاں بے کل بے کل رہتا ہے ، ہو پیت میں جس نے جی ہارا
پر شام سے لے کر صبح تلک یوں کون پھرے گا آوارہ ؟
یہ باتیں جھوٹی باتیں ہیں ، یہ لوگوں نے پھیلائی ہیں
تم انشاء جی کا نام نہ لو کیا انشاء جی سودائی ہیں؟

یہ بات عجیب سناتے ہو ، وہ دنیا سے بے آس ہوئے
اک نام سنا اور غش کھایا ، اک ذکر پہ آپ اداس ہوئے
وہ علم میں افلاطون سنے ، وہ شعر میں تلسی داس ہوئے
وہ تیس برس کے ہوتے ہیں ، وہ بی۔اے ، ایم۔اے پاس ہوئے
یہ باتیں جھوٹی باتیں ہیں ، یہ لوگوں نے پھیلائی ہیں
تم انشاء جی کا نام نہ لو ، کیا انشاء جی سودائی ہیں ؟

گر عشق کیا ہے تب کیا ہے ، کیوں شاد نہیں آباد نہیں
جو جان لیئے بِن ٹل نہ سکے ، یہ ایسی بھی اُفتاد نہیں
یہ بات تو تم بھی مانو گے ، وہ قیس نہیں فرہاد نہیں
کیا ہجر کا دارو مشکل ہے ؟ کیا وصل کے نسخے یاد نہیں؟
یہ باتیں جھوٹی باتیں ہیں ، یہ لوگوں نے پھیلائی ہیں
تم انشاء جی کا نام نہ لو ، کیا انشاء جی سودائی ہیں؟

وہ لڑکی اچھی لڑکی ہے ، تم نام نہ لو ہم جان گئے
وہ جس کے لانبے گیسو ہیں، پہچان گئے پہچان گئے
ہاں ساتھ ہمارے انشاء بھی اُس گھر میں تھے مہمان گئے
پر اُس سے تو کچھ بات نہ کی ، انجان رہے انجان گئے
یہ باتیں جھوٹی باتیں ہیں ، یہ لوگوں نے پھیلائی ہیں
تم انشاء جی کا نام نہ لو، کیا انشاء جی سودائی ہیں ؟

جو ہم سے کہو ہم کرتے ہیں ،کیا انشاء کو سمجھانا ہے ؟
اُس لڑکی سے بھی کہہ لیں گے ، گو اب کچھ اور زمانہ ہے
یا چھوڑیں یا تکمیل کریں ، یہ عشق ہے یاافسانہ ہے ؟
یہ کیسا گورکھ دھندا ہے ، یہ کیسا تانا بانا ہے ؟
یہ باتیں کیسی باتیں ہیں ، جو لوگوں نے پھیلائی ہیں
تم انشاء جی کا نام نہ لو ، کیا انشاء جی سودائی ہیں ؟؟؟؟؟

ھارون اعظم

راجہ بھائی، یہ کس کی شاعری ہے؟

عبداللہ آدم

آئی تھنک ابن انشا ہیں..........

راجہ اکرام

جی بھائی
جی انشاء جی کی شاعری ہے راجہ نے تو بس لگائی ہے
کی کہندے ہو یارو کیا اس لگانے میں کچھ برائی ہے

محمدعدنان

راجہ جی کوئی برائی نہیں ہے
بہت اچھی شاعری ہے

راجہ اکرام

شکریہ عدنان بھائی ۔

طاھر

السلام علیکم،

بہترین نظم

عبداللہ آدم

پیر ساب آج کل بھی کوئی نظر کرمفرما ہی دیں شاعری پر..................!!!

ابھی تو آپ کی شادی بھی نہیں ہوئی کہ اتنےسنجیدہ ہو گئے ہیں!!!

فیصل ناصر

میری ٹیلی پیتھی کی پرواز عبداللہ آدم کے جملوں پر ہی کیوں کام کرتی ہے ؟

راجہ اکرام

اپ کی ٹیلی پیتھی کا سسٹم درست نہیں ہے
اس کی ریپئرنگ کروا لیں جناب

راجہ اکرام

پائی جی
شاعری کے لئے کوئی باعث شاعری بھی ہونا چاہئے ناں

ابھی تو ۔۔۔۔۔۔۔۔۔۔۔ اکیلے ہم اکیلے تم
ویلے ہم اور ویلے تم

ھارون اعظم

کوئی برائی نہیں۔ میں صرف اپنی معلومات کی خاطر پوچھ رہا تھا۔

راجہ اکرام

السلام علیکم رورا
اچکوئلی میں نے لفظ ’’برائی‘‘ صرف وزن برابر کرنے کے لئے لگایا تھا ۔۔۔ مجھے آپ کے سوال پر کوئی اعتراض نہیں ۔۔۔

ھارون اعظم

جی، کوئی بات نہیں۔ میں نے توجہ نہیں دی تھی کہ آپ اب نارمل باتیں بھی شاعری میں کرتے ہیں۔

__________________


http:// haroonazam.wordpress.com

ھارون اعظم کا بلاگ۔

حیدر

آپ نے وزن برابر کرنا چاہا لیکن اُدھر ڈر کے مارے ہارون بھائی کا وزن ہی کم ہو گیا آپ کے فقرے سے۔
براہ مہربانی اپنے ہر مراسلے کے نیچے لکھا کریں کہ "مخالف مفہوم مراد نہ لیا جائے "