سیفی خان

وطن سے بلاؤں کو ٹالو تو مانیں
اسے دشمنوں سے بچاؤ تو مانیں

بدیسی خداؤں کے ہاتھوں سے پہنا
یہ طوقِ غلامی اُتارو تو مانیں

اندھیروں میں ڈوبا ہمارا وطن ہے
امیدوں کو پھر سے جگاؤ تو مانیں

گرانی گھٹاؤ غریبی مٹاؤ
کوئی معجزہ کر دکھاؤ تو مانیں

بہت اُڑ لیے تم بدیسی ہوا میں
ہوا اب وطن کی جو کھاؤ تو مانیں

تجوری تمھاری لبالب بھری ہے
یہ قرضے وطن کے اُتارو تومانیں

بہت لڑ چکے دوسروں کی لڑائی
ہمیں یہ لڑائی جتاؤ تو مانیں

کئی ہم وطن گم شدہ لا پتہ ہیں
کہیں سے اُنہیں ڈھونڈ لاؤ تو مانیں

__________________

میرا بلاگ۔ صدائےقلندرhttp://saifikhan011.blogspot.com/