TALASH KARTA RAHA MAIN TUJHAY



Talash karta raha maiN tujhay, dar-badar, idhar-udhar

Goya maiN janta tha keh moujood hai tu har guzar



Tha gaa'oN meiN to kabhi tujhay mahsoos bhi kiya,

Na jaanay kahaN kho diya, jab se aaya iss shaher



Suna hai, saaNseN bhi bakshi haiN, gin gin kay mujhay,

Jab dekha hisab-e-zindgani, to bacha hai sifar



Baroodi havaa'eN kuchh iss tarah chhaa'ee haiN fizaa'oN meiN

Laakh koshisheN, par raah-e-aman aati nahiN nazar



Lamhay-dar-lamhay ho raha tha mout se saamna

Yeh teri hee inaayat keh maiN kar gaya zindagi basar



Ab sarokaray jahaaN bhi nahiN, maiN bhi nahiN, tu bhi nahiN

Aakhirkar Chetan bandagi meiN aaya woh asar

http://voobuzz.com

it's the place where you can talk about things you find interesting, Share updates, photos, videos, and more.