The Great

tumhaare Gam kaa mausam hai abhii tak
lab-e-tashnaa pe shabanam hai abhii tak

[lab-e-tashnaa = thirsty lips]

safar me.n aabale hii aabale the
magar pairo.n me.n dam-Kham hai abhii tak

[aabalaa = blister; dam-Kham = strength]

tumhaare ba.nd dar mujh se Khafaa hai.n
mere jiine kaa maatam hai abhii tak

[dar = door; Khafaa = angry; maatam = mourning]

terii aab-o-havaa raas aa ga_ii thii
bichha.D jaane kaa kuchh Gam hai abhii tak

[aab-o-havaa = environment; raas aanaa = to like]

ga_ii rut me.n hu_ii thii fasl achchhii
idhar paaniii giraa kam hai abhii tak

[rut = season; fasl = harvest]

mai.n Khud ko Dhuu.NDhataa phirataa huu.N sab me.n
junuu.N kaa ik aalam hai abhii tak