حیدر

الحمد للہ ، چونکہ آج جولائی کے شمارے پر کام مکمل ہو چُکا ہے اور آج کسی وقت وہ ایشو کر دیا جائے گا۔
اِس شمارے کے لیے کام کرنے والی تمام تر ٹیم بالعموم اور سحر، عدنان دانی، راجہ اکرام شافریشہ بالخصوص مبارک باد کے مستحق ہیں جن کی انتھک محنت نے اس مشکل کام کو پایہ تکمیل تک پہنچایا۔

چونکہ شمارے کے لیے نیا شیڈول وغیرہ متوقع ہے، جو اس وقت کا موضؤع نہیں ہے اور اسکا اعلان الگ تھریڈ میں کر دیا جائے گا انشا اللہ۔ اس لیے وقت کی بچت کے لیے

بہتر سمجھتا ہوں کہ نئے شمارے کے لیے تجاویز مرتب کر دی جائیں۔

اگست کے شمارے کے بارے میں ذہن میں رکھنے والی بات یہ ہے کہ اس ماہ دو نہیں تین ایونٹ وقوع پذیر ہوں گے۔

ایک: رمضان
دو: 14 اگست
چونکہ عید سے قبل ہمارا الگ شمارہ آنا ممکن نہ ہو گا اس لیے
تین: عید سعید

اس لیے اس شمارے میں رمضان اور 14 اگست کے ساتھ ساتھ عید کے لیے خصوصی تحریروں کا اہتمام بھی ہونا چاہیے۔

چناچہ میری تجویز یہ ہے کہ اس بار سیکشن مندرجہ ذیل ہوں۔

1 :اسلام اور ہم (اسلام کا ہماری زندگیوں پر اثر)
2 :رمضان اسپیشل( رمضان سے متعلق تحاریر)
3 :عید اسپیشل (عید سے متعلق تحاریر)
4 :حالات حاضرہ (بشمول سیاسیات)
5:خواتین کارنر
6 : بچوں کا صفحہ
7:مالیات
8:انفارمیشن ٹیکنالوجی
9 : اردو ادب
10:پاکستان کی آواز (14 اگست کے حوالے سے تحاریر)

باقی آپ لوگ دیکھ لیں کہ کون کون سی تحاریر موجود ہیں جو اس شمارے میں شامل ہو سکتی ہیں اور آیا کہ انکو کس سیکشن میں ایڈجسٹ کیا جائے۔

میری ایک تجویز مزید یہ ہے کہ شمارے کو یک رنگا مت کیا جائے۔ یک رنگ سے مراد یہ ہے کہ ایسا نہ ہو کہ اگر کوئی خاص موقع ہو تو شمارے پر تحاریر کی اکثریت صرف انہی مضامین کی ہو۔ اس طرح میگزین کی چاشنی ختم ہو جاتی ہے۔ مثلاً ہمارے گھر میں اُردو ڈائجسٹ آتا تھا۔ کیونکہ اُس میں ہر موضوع پر تحاریر پڑھنے کو مل جاتی تھیں۔
لیکن اس سال سے انہوں نے ہر ماہ "ایک سپیشل نمبر" نکالنے کا فیصلہ کیا۔ دو ہی ماہ بعد ہم نے وہ ڈائجسٹ لینا چھوڑ دیا۔ کیونکہ جس مہینے صحت نمبر ہے تو صرف صحت سے متعلق مضامین۔ آدمی بور۔ جس مہینے شکاری نمبر ہے تو صرف شکاریات کے مضامین۔
انسان یکسانیت سے اُکتا جاتا ہے اور ویسے بھی ہر کسی کی پسند نا پسند مختلف ہوتی ہے۔ اس لیے متنوع مضامین پیش کیے جانے چاہیں۔

راجہ اکرام

السلام علیکم
اگست کے شمارے کے لیے اچھی تجاویز دی ہیں
آخری تجویز بھی مناسب ہے۔ لیکن ہمارے ہاں ایسا نہیں ہوتا۔ بلکہ جس موضوع کی مناسبت سے میگزین شائع کرنے کا پروگرام ہوتا ہے اس کو مرکزیت حاصل ہوتی ہے۔ لیکن اس کے ساتھ ساتھ دیگر تحاریر کے لیے بھی جگہ دستیاب ہوتی ہے جس سے تنوع برقرار رہتا ہے اور یکسانیت کے باعث اکتاہٹ اور بوریت والا معاملہ نہیں رہتا۔

__________________
محتاج اصلاح و دعا

حیدر

چیف ایڈیٹر اے کیو صاحب ، مجھے اگست کے شمارے کے لیے دستیاب تحریروں کی موجودگی یا دستیابی سے تو آگاہ کیجیے۔ کہ کتنی تحریریں موجود ہیں ، اور انکے نام وغیرہ

کیونکہ اگلا شمارہ 5 اگست تک شائع کرنا ہے۔