فیصل ناصر

انگریزوں کے امن و انصاف کی فضا اور انسانی جان کی قدر و قیمت عوام کے لئے فلاح و بہبود اور باقی سب خوبیاں "ایسٹ انڈیا کمپنی" کے تحت ہمیں خوب معلوم ہیں
لیکن یہ عوام ہے ہی احسان فراموش !!
کبھی ٹیپو سلطان کے پیچھے تو کبھی 1857 کی بغاوت
نا نا نا
یہ قوم کبھی نہیں سدھرے گی
بتاؤ
ملکہ کے پوتے کی شادی اور بھائی لوگ لگے ہیں اعتراضات میں

کوئی ذرا ان لوگوں کو بتا ئے کامن ویلتھ کی ممبر شپ کے لئے پاکستان نے کتنے پاپڑ بیلے
اور
کامن ویلتھ میں ملکہ کا کیا مقام ہے ؟؟

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

کنعان

السلام علیکم!

کچھ تجزیہ نگار بھائیوں کو تو یہ بھی نہیں معلوم ہو گا کہ کامن ویلتھ ھے کیا، اور اس کے فائدے کیا ہیں۔

سابقہ وزیر اعظم ٹونی بلیئر اور گورڈن براؤن کو اس شادی میں دعوت نہیں دی گئی یہ بھی ایک المیہ ھے۔

رائل شادی دیکھنے پر اگر کسی کو اتفاق ھے تو کسی کو اعتراض بھی ھے دونوں ساتھ ساتھ ہیں۔ اینکرز کو جیسے ہدایت ملتی ھے انہوں نے ویسے ہی پروگرام پیش کرنا ہوتا ھے۔ اب تو پوری دنیا میں پاکستانی چینل دیکھے جاتے ہیں۔ اور یہ خریدنے پڑتے ہیں۔ ایک طریقہ سے تفریح بھی ھے اور کاروبار بھی۔ کوئی بھی پاکستانی جب کیبل خریدتا ھے تو وہ پاکستانی چینلز کے لئے انگلش چینل تو فری میں نیشنل سیٹلائٹ کے ذریعے بھی دیکھے جا سکتے ہیں۔

یہاں چھٹی ہونے سے ہم نے بھی لائیو شادی دیکھی، میں نے شادی میں ڈسپلن دیکھا مثلاً شہر کی ٹریفک بھی چل رہی ھے اور شادی میں مہمان بھی گاڑیوں پر آ رہے ہیں۔

اگر کسی کو اعتراض ھے تو اس کے پہلو بھی دیکھنے چاہئیں، ویلکم۔

والسلام

__________________

شمشاد احمد

اس شادي كو ميڈيا پر ديكھائے جانے كے حوالے سے جو عام عوام كے تاثرات ميڈيا پر ديكھائے گئے ہيں ان ميں سے‌بيشتر نے يہي كہا ہے كہ ان كا اس شادي سے‌كوئي لينا دينا نہيں ہے۔۔۔۔‌كسي نے بہت ہي قابل ذكر بات كي ہے تو وہ يہ كہ وہ دولہا دلہن كي اس خوشي كي گھڑي ميں دعا گو ہيں۔۔۔۔۔ ليكن بات يہاں يہ نہيں‌كہ ان كے لئے ہميں دعا گو ہونا چاہے يا نہيں بات يہ ہے كہ اس بے چيني اور اہتمام كي كيا ضرورت تھي۔۔۔۔ يہاں پہنچ كر ميري اس سوہني جمہوريت كے خلاف وحشت ميں اضافہ ہو جاتا ہے ۔۔۔ جس جمہوريت كي بنياد عوام كي اكثريتي رائے كے فيصلہ كے احترام پر قائم كئے جانے كے دعوي كئے جاتے ہيں اسي دور جمہوريت ميں عوام كي ناك ميں ميڈيا كي لگام لگا كر من ماني حركتيں كي جاتي ہيں۔۔۔۔۔۔۔۔

اس كي بد ترين مثال ميں لا ل مسجد كے واقعہ كو قرار ديتا ہوں۔۔۔۔ مجھ سميت ساري قوم كو ميڈيا كے چكر ميں ڈال كر دس روز تك ٹي وي كے سامنے بٹھائے ركھا كہ ابھي مسئلہ حل ہوا كہ ہوا۔۔۔۔ بس فيصلہ ہونے ہي والا ہے۔۔۔۔ اور رات گئے خبر آ جاتي كہ صبح چار بجے فيصلہ متوقع ہے۔۔۔۔۔ اور قوم اطمينان سے دن بارہ بجے تك گھوڑے گدھے بيچ كر سو جاتي۔۔۔۔
آخر اچانك ہي ہوا وہ جس كي كسي كو اميد نہ تھي۔۔۔

ميڈيا كے حوالے سے عموما يہ بحث كي جاتي ہے كہ ميڈيا معاشرے كے مائنڈ كي عكاسي كرتا ہے يا معاشرے كو مائنڈ ديتا ہے۔۔۔۔۔۔

ميرا خيال يہ ہے كہ اگرچہ كہنے كو ميڈيا دونوں كام كرتا ہے۔۔۔۔۔۔۔۔ ليكن اصل فريضہ اس كا معاشرے كا مائنڈ تبديل كرنا ہي ہے۔۔۔۔

__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔

راجہ اکرام

میڈیا چاہے وہ پرنٹ ہو یا الیکٹرونک اس کا کام ذہن سازی ہوتا ہے۔ اطلاعات اور خبریں دینا بھی اس کا اہم مقصد ہوتا ہے لیکن یہ بہت محدود ہوتا ہے۔ اصل کام ذہن سازی اور رجحان سازی ہے۔
کسی بھی ملک کے میڈیا کا اپنے اقدار اور روایات کا امین ہونا ضروری ہے، اسی صورت میں ملکی اور عوامی مفاد پیش نظر رہ سکتا ہے اور میڈیا کی سرگرمیوں سے مثبت سوچ پیدا ہو سکتی ہے۔
لیکن اگر میڈیا خود اپنے ملکی اور عوامی مفاد سے بالا تر ہو، اپنی اقدار اور روایات کو فرسودہ سمجھتا ہو، غیر ملکی اور غیر ملی کلچر کے فروغ کے لئے کوشاں ہو، ،ملکی اور عوامی مفاد سے اسے کوئی سروکار نہ ہو تو پھر وہی ہوتا ہے جو ہم آج دیکھ رہے ہیں۔

اس حوالے سے بہت کچھ کرنے کی ضرورت ہے۔ صاحبان عقل و شعور اور محبان وطن کو اس سلسلے میں قدم اٹھانے کی ضرورت ہے۔ میڈیا میں شامل ہو جائیں بہتری کے لئے اپنے طور پر کچھ کریں
میڈیا کے افراد کے ساتھ رابطہ کر کے ان کی فکری تربیت کی کوشش کریں
ورکشاپس اور راؤنڈ ٹیلبز کا اہتمام کریں
اور ہو سکے تو اپنے ذرائع پیدا کریں تا کہ عوام کی درست سمت رہنمائی کی جا سکے۔

اس حوالے پاک نیٹ کا کردار مثبت اور امید افزا ہے۔ لیکن یہ کردار ابھی بہت محدود ہے۔ یقینا اس کی محدودیت میں وسائل ایک بڑی وجہ ہوں گے۔ لیکن اگر ہم سب مل کر کوشش کریں تو ہم اپنے موجودہ کردار کو بھی وسعت دے سکتے ہیں۔ اور اس کا بہتر طریقہ اپنے پیغام کو زیادہ سے زیادہ افراد تک پہنچانا ہے۔
اچھی تحاریر کو انٹر نیٹ کی ہر ممکنہ جگہ پر پیش کرنا، شیئر کرنا اور لوگوں کو اس طرف متوجہ کرنا۔

سوشل میڈیا مارکیٹنگ ایک بہترین ذریعہ ہے عوام تک پہنچنے کا ۔ ایک محتاط اندازے کے مطابق صرف فیس بک پر 25 لاکھ کے قریب پاکستانی رجسٹرڈ ہیں۔ کیا ہم ان میں سے 1 لاکھ تک بھی اپنا پیغام نہیں پہنچا سکتے؟
اسی طرح توٹر، یاہو، لنکڈ ان اور دوسرے بے شمار نیٹ ورکس ہیں جہاں ہمارے ممبرز موجود ہیں۔ اگر اپنے اپنے دائرے میں رہ کر ہر ساتھی پاک نیٹ کا پیغام پھیلانا شروع کر دے تو بہت اچھے اثرات مرتب ہو سکتے ہیں۔

دوسرا پہلو جس جانب ہم توجہ دے سکتے ہیں وہ ہے ویب ٹی وی۔۔۔ کوئی ایک ڈومین لے کر، یا پھر یوٹیوب کو ذریعہ بنا کر ہم اپنا پیغام ایک نئے انداز سے پیش کر سکتے ہیں۔ بیشک اس کے لئے وسائل، مہارت اور وقت درکار ہوگا۔ لیکن ہم پر امید ہیں کہ مستقبل قریب میں ہم یہ سب کچھ کرنے کے اہل ہوں گے۔

اللہ تعالی سے پاک نیٹ کے سرپرستوں اور انتظامیہ کے لئے دعا کیا کریں کہ اللہ ان کے رزق اور اوقات کار میں برکت عطا فرمائے اور انہیں مزید کام کرنے کی توفیق اور ہمت دے ۔۔ آمین

__________________
محتاج اصلاح و دعا

شمشاد احمد

بات نكلي ہي تو عرض كرتا چلوں كہ ميڈيا كا اثر كيا ہے۔۔۔۔۔۔۔ اور ہم پر يہ كيا اثر ڈال رہا ہے۔

چند دن قبل كسي پاكستاني ٹي وي چينل پر چائے كي پتي كا اشتہار ديكھا۔۔۔۔۔

اشتہار كچھ ايسے تھا كہ

ايك امير سي خاتون اپنے گھر ميں آئي ہوئي سہيلي كے لئے چائے بنا كر لاتي ہے۔۔۔ تو ساتھ ہي كام كرتي ہوئي نوكراني سے‌كہتي ہے كہ تمہاري چائے بھي بنا كر ركھي ہے لے لو۔۔۔ تو مہمان خاتون بڑي حيرت سے‌پوچھتي ہے تم نوكراني كے لئے چائے بناتي ہو۔
اور وہ خاتون اس كي حيرت كو نظر انداز كرتے ہوئے بڑي ہي اپنائيت سے جواب ديتي ہے‌كہ كيا تو كيا ہوا اب ديكھو نہ وہ بيچاري سارا دن ميرے اور گھر كے كام كرتي رہتي ہے اگر ميں نے ايك كپ چائے بنا دي تو كيا فرق پڑتا ہے۔۔۔۔۔۔
برسوں بعد ميں نے كسي كمرشل اشتہار ميں‌كوئي سبق آموز اور اصلاحي چيز ديكھي تھي۔۔۔۔۔۔۔۔

اس وقت ميري توجہ اس اشتہار كي طرف بالكل بھي نہيں تھي جس كي وجہ سے مجھے اس چائے كي پتي كا نام تك معلوم نہ ہو سكا۔۔۔۔۔۔‌ليكن بعد ميں آفس ميں دوستوں كي ايك محفل ميں ميڈيا كے حوالے سے ہونے والي گفتگو ميں وہ اشتہار يا د آيا۔۔۔۔۔۔۔ تو ان كے ساتھ شيئر كيا۔ اور ان سے‌ميں نے‌كہا مجھے يقين ہے اس اشتہار كي وجہ سے بہت سي خواتين نے اپني نوكرانيوں كو چائے بنا كر دي ہو گي۔۔۔۔۔

اور ميں نے بھي آفس ميں‌كہہ ديا ہے كہ اس اشتہار كو دوبارہ تلاش كرو۔۔۔۔ اور ديكھو كہ وہ كون سي چائے كي پتي تھي اور آفس ميں بنائي جانے والي چائے ميں وہي استعمال كي جائے اور گھروں ميں بھي اس كے استعمال كي رائے سامنے آئي۔۔۔۔۔۔۔ صرف اس لئے كہ ہم نے تو چائے استعمال كرنا ہي ہے تو كيوں نہ اس سوچ كے ساتھ تعاون كريں جو اچھي ہے۔

ہاں اگر كسي دوست نے يہ اشتہار ديكھا ہو تو يہاں پتي كا نام ضرور بتائے
شكريہ

حیدر

اسلام کی سب سے بڑی "مصیبت" یہی ہے کہ یہ ہوا کے رُخ (بدی) پر چلنے کے بجائے ، اس کی مخالف چلنے کو پسند کرتا ہے۔ یہ کہتا ہے کہ اگر دریا کی موجوں کے سنگ ہی بہنا ہے تو پھر میری کشتی میں کیوں بیٹھنا۔ جاؤ اور بھئی بہت کشتیاں ہیں۔ ان میں جا کر بیٹھ جاؤ۔

اسی لیے کہا گیا کہ "اور داخل ہو جاؤ پورے کے پورے اسلام میں"۔ یعنی اپنی پسند نا پسند کو چھوڑ کر یہ دیکھو کہ قرآن و شارع قرآن کیا کہہ رہا ہے۔ عجیب بات ہے کہ قرآن، حدیث، علمائے اسلام، مسلمانوں کی اکثریت جو بات کہہ رہی ہوتی ہے ، اس کے بر عکس ہم مغرب کی مثالیں پیش کرتے ہیں اور پھر اصرار بھی کرتے ہیں کہ تم جاہل ہو۔ ارے بھائی مغرب میں تو اڈلٹ ٹیلی ویژن چینلز بھی ہیں۔ انکے تو عام پروگرامز میں بھی فحش مناظر دکھا دئیے جاتے ہیں جو دنیا کے کئی ارب افراد "براہ راست دیکھ" سکتے ہیں۔ تو کیا اب اسکو بھی اپنے لیے حجت بنا لیا جائے؟ بھارت کے ٹیلی ویژن چینلز جو دکھاتے ہیں وہ کم و بیش ایک ارب افراد خود بھارت کے تک کو میسر ہے، کیا یہ بھی ہمارے لیے حجت ہے؟بھارت کی فلم انڈسٹری عروج پر ہے۔ وہ اپنی ہر فلم میں اپنے بھگوان ڈال دیتے ہیں۔ کیا یہ بھی ہمارے لیے حجت ہیں۔ اگر تو ناظرین کی تعداد ہی حجت ہے تو پھر پاکستان کا واقعی خدا ہی حافظ۔

ناظرین کی تعداد کا معیار بھی آج تک مجھے سمجھ نہیں آ سکا کہ یہ کس طرح گن لیتے ہیں کہ اتنے ناظرین نے براہ راست دیکھا۔ جیو ٹیلی ویژن پاکستان کے مقبول ترین چینلز میں سے ہے۔ ہو سکتا ہے اسکی ویور شپ 5 کروڑ افراد کی ہو۔ لیکن کیا ضڑوری ہے کہ ان افراد نے وہ دیکھا ہی ہو؟ میں جیو دیکھتا ہوں۔ لیکن میں نے یہ پروگرام نہیں دیکھا۔ میری فیملی کے 6 دیگر افراد نے یہ پروگرام نہیں دیکھا۔ میرے 5 دوست ہیں۔ انہوں نے اور انکی فیملیز نے یہ نہیں دیکھا۔
یہاں فورم میں موجود 90 فیصد سے زائد ممبرز نے میرا خیال ہے یہ پروگرام 10 منٹ سے زائد نہ دیکھا ہو۔
تو یہ کیسے حجت بن جاتی ہے کہ اتنے کروڑ ناظرین نے یہ شادی براہراست دیکھی؟کیا ٹی وی کی ریز سے کیلکولیشن کرتے ہیں کہ اتنے ناظرین نے سارا دن بیٹھ کر دیکھا چناچہ لوگوں کی اکثریت اس کو یا اس طرح کے پروگرامز کو دیکھنا پسند کرتی ہے؟
اگر ہم گہرائی میں جا کر شماریاتی تجزیہ کریں(مزدور طبقہ، مذہبی طبقہ، طلبا کی تعداد، بوڑھے افراد کی تعداد، کام پر جانے والے وغیرہ) تو باآسانی معلوم کر سکتے ہیں کہ پاکستان میں شاید چند لاکھ افراد ایسے ہوں گے جنہوں نے یہ پروگرام دیکھا ہو گا اور اس میں سے بھی چند ہزار ہوں گے جنہوں نے یہ پروگرام "شاید" مکمل دیکھا ہو۔

6 گھنٹے کی مسلسل ٹرانسمیشن ، جس کی وجہ سے انتہائی اہم اور سوچ بیدار کرتے پروگراموں کو عضو معطل بنا دیا گیا، کیا کوئی عقل مندی کہلائے گی کہ جاپان، انڈیا، مصر، امریکہ ، برطانیہ میں چونکہ ایسا ہوا تو ہم بھی ایسا ہی کریں گے؟
کیا اب بھی کوئی احادیث کا انکار کرے گا کہ جن میں 1400 سال قبل بتا دیا گیا تم مسلمان غیر مسلموں کی اس حد تک نقالی کرو گے کہ اگر وہ کسی بِل میں گھسیں گے تو تم بھی انکے پیچھے پیچھے ہو گے۔؟؟؟؟؟؟
واؤ ۔۔۔کہ چونکہ اتنے اتنے ٹیلی ویژن چینلز یہ شادی براہراست دکھا رہے تھے اس لیے ہم نے بھی دکھا دیا۔

طلعت حسین نے اشارۃ کہا تھا اس پروگرام میں کہ اگر یہی چینلز شادی کو "اس سے بھی آگے" دکھانے پر تل جائیں تو کیا آپ بھی دکھائیں گے۔ بات ائی گئی ہو گئی تھی، لیکن سوال چبھتا ہوا ضرور تھا کہ ہماری اکثریت تو "بہت کُچھ" ڈیمانڈ کرتی ہے ۔ تو کیا ہم اس اکثریت کے لیے ہر کام کر ڈالیں گے

کیا ہم کو اب بھی اپنے اُن نادان دوستوں کی پہچان نہیں ہو گی جو ہمارے بزرگوں کی تعلیمات اور کوششوں کو علانیہ اور خفیہ اور اشارہ کنایۃ میں طنز اور مذاق کا نشانہ بناتے ہیں۔

آبی ٹوکول

لفظ " مصیبت " کو واوین یعنی انورٹڈ کاماز میں کرلیں میرے بھائی ۔ ۔ ۔ ۔ ۔

احمد بلال

مجھے ہمیشہ حیرت اس بات پہ ہوتی ہے کہ کوئی بھی انسان/طبقہ/گروہ جو مغرب کی نقالی کر رہا ہوتا ہے۔ چاہے وہ تھوڑی ہو یا زیادہ، دوسروں کو جاہل اور دقیانوس سمجھنے لگتا ہے۔اسکی کئی مثالیں پاک نیٹ‌پہ لائیو دیکھی جا سکتی ہیں۔
کسی خاص کی طرف اشارہ نہیں ہے ۔

احمد بلال

حیدر بھائی یہ کیلکولیشن کسی نہ کسی طرح کر لیتے ہیں۔ اور یہ صرف مفروضہ ہوتا ہے پکی بات نہیں ہوتی۔ کسی سروے کے نتیجے میں یہ مفروضے قائم کیے جاتے ہیں۔

شمشاد احمد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔

حیدر

کر دیا ہے۔ بر وقت نشاندہی کا شکریہ