میاں شاہد

مختصر صحیح بخاری
تہجد کی نماز کا بیان
باب : نبی کریم صلی اللہ علیہ وسلم کا رمضان اور غیر رمضان میں رات کا قیام۔
حدیث نمبر : 608
ام المؤمنین عائشہ صدیقہ رضی اللہ عنہا سے رسول اللہ صلی اللہ علیہ وسلم کی رمضان کی نماز کے بارے میں دریافت کیا گیا تو انہوں نے کہا رسول اللہ صلی اللہ علیہ وسلم رمضان اور غیر رمضان میں گیارہ رکعت سے زیادہ نماز نہ پڑھتے تھے۔ (پہلے) چار رکعت پڑھتے تھے پس تم ان کی خوبی اور ان کے طول کی کیفیت نہ پوچھو، اس کے بعد پھر آپ صلی اللہ علیہ وسلم چار رکعت نماز پڑھتے تھے پس تم ان کی خوبی اور ان کے طول کی کیفیت نہ پوچھو، اس کے بعد تین رکعت وتر پڑھتے تھے۔ عائشہ صدیقہ رضی اللہ عنہا کہتی ہیں کہ میں نے کہا یا رسول اللہ! کیا آپ وتر پڑھنے سے پہلے سو جاتے ہیں؟ تو آپ صلی اللہ علیہ وسلم نے فرمایا: “میری آنکھیں سو جاتی ہیں اور میرا دل نہیں سوتا۔”
۔۔۔۔۔۔۔۔۔۔۔۔
نوٹ: اس حدیث کا تہجد کے باب میں‌شامل ہونا ظاہر کرتا ہے کہ رمضان اور غیر رمضان میں‌جس نماز کا ذکر کیا گیا ہے وہ تہجد کی نماز ہے جبکہ کچھ لوگوں‌کا خیال ہے کہ یہ تراویح‌کی نماز ہے، ایسی صورت میں‌اس کا ذکر غیر رمضان میں‌نہیں‌ہونا چاہئے تھا کیونکہ تراویح‌غیر رمضان میں‌نہیں‌پڑھی جاتی۔