پاکستانی

اسلام آباد میں امریکہ کی کولوراڈو یونیورسٹی کے تعاون سے ایک جدید میڈیا یونیورسٹی قائم کی جارہی ہے۔تین سے چار ارب روپے کےاس پراجیکٹ کے زیادہ تر مالی وسائل پاکستان کی حکومت فراہم کرے گی جبکہ تدریسی شعبوں کے قیام اور ماہرین کے سلسلے میں کولوراڈو یونیورسٹی معاونت کرے گی۔

کولوراڈو یونیورسٹی کے ایک وفد نے پروفیسر پال ووکیز کی قیادت میں اس عظیم تعلیمی پراجیکٹ کے مختلف پہلوؤں پر بات چیت کرنے کے لیے حال ہی میں اسلام آباد کا دورہ کیا۔انہوں نے خبروں سے آگے کو بتایا کہ اس یونیورسٹی میں دور جدید کے تقاضوں کو پیش نظر رکھا جائے گا جو پاکستان میں میڈیا کے شعبے میں تیز رفتار ترقی کی مستقبل کی ضرورتوں کو پورا کرے گا۔

میڈیا یونیورسٹی میں بین الاقومی معیار کی تعلیم فراہم کی جائے گی اور طالب علموں کو انتخاب کے لیے کئی کورسز پیش کیے جائیں گے جن میں پی ایچ ڈی کی بلند ترین ڈگری سے لے کرشارٹ کورسزتک شامل ہیں۔یونیورسٹی کی ڈگری اور ڈپلومہ عالمی طور پر تسلیم شدہ ہوگی۔

میڈیا یونیورسٹی تین کیمپس پر مشتمل ہوگی۔ پہلے کیمپس کی تعمیر پر پچاس کروڑ روپے لاگت آئے گی۔ دوسرے دو کیمپس مرحلہ وار قائم کیے جائیں گے۔ یونیورسٹی کا پچاس فی صد اسٹاف امریکہ سے آئے گا جبکہ باقی پچاس فی صد کا انتخاب کولوراڈو یونیورسٹی مقامی طور پر کرے گی۔

میڈیا یونیورسٹی میں کیمرہ، پروڈکشنز اور ایڈیٹنگ سمیت میڈیا سے متعلق کئی شعبوں میں جدید تعلیم کی سہولتیں فراہم کی جائیں گی جن سے ملکی اور غیر ملکی طالب علم استفاد کرسکیں گے۔

پروفیسر پال ووکیز کا کہنا ہے کہ میڈیا یونیورسٹی کے غیر ملکی اسٹاف کی اسلام آباد میں رہنے سے عالمی سطح پر پاکستان کے بارے میں پائے جانے والے سیکیورٹی کے خدشات دور ہوں گے اور پاکستان کا ایک مثبت تصور سامنے آئے گا۔

__________________

عبدالقدوس

پاکستانی

سوری منتظم اعلٰی۔۔۔۔۔۔۔۔۔۔رات کو نیند کے حالت میں شاید پوسٹ کیا تھا۔منتقل کرنے کا شکریہ

محمدعدنان

بہت اچھے جناب

ایم اے راجا

زبردست معلومات ۔۔۔۔۔۔۔۔۔۔۔۔۔۔۔۔۔۔۔۔۔۔۔۔