Zullu230

بڑی آسانی سے بیٹھ کر پیشاب کر سکتے ہیں۔۔ ۔ ۔ ۔ ۔ ۔!

منتظمین

اس بات کی کوئی دلیل نہیں‌کہ کھڑے ہو کر پیشاب کرناناجائز ہے۔ صرف چھنیٹوں سے احتراز ضروری ہے۔ اس معاملے میں کسی بھی عالم سے پوچھ لیں۔

والسلام

__________________
تم سپاہی نہیں ہو پیشہ ور قاتلو!

عرفان حیدر

سلام،

جناب کھڑے ہوکر پیشاب کرنے سے منع کیا گیا ہے،

وسلام

منتظمین

اس بات کی کوئی دلیل نہیں ہے۔ صرف چھینٹوں‌سے بچنے کا حکم ہے-

عادل سہیل

السلام علیکم ، بھائی متنظمین کی یہ مندرجہ بالا بات درست ہے ، پیشاب کی چیھنٹوں سے بچنے کا حُکم ہے کیونکہ یہ عذاب قبر کے بڑے اسباب میں سے ہے ، تفصیل """ فِکر آخرت ::: عذاب قبر کے اسباب """ میں‌دیکھی جا سکتی ہے ، اور پیشاب پاخانے سے فراغت کے وقت خیال رکھی جانے والی دوسری بات یہ ہے کہ قبلہ کی طرف نہ منہ ہو نہ پیٹھ ، اس سے منع کیا گیا ہے ، اور تیسری بات یہ کہ اپنی شرمگاہ کسی کے سامنے نہ ظاہر کی جائے ، یہ بھی ممنوع ہے ۔ چوتھی بات کھڑے پانی میں پیشاب کرنا ممنوع ہے ، پانچویں بات کسی بِل ( زمین ، پتھر ، درخت وغیرہ کے سوراخ ) میں پیشاب کرنا ممنوع ہے ، مزید تفصیل پھر کبھی انشا اللہ تعالیٰ ۔
بھائی عرفان حیدر ، کھڑے ہو کر پیشاب کرنے کی بلا سبب ، مطلق ممانعت کی کیا دلیل ہے ؟ ہمیں ضرور آگاہ فرمائیے ۔
و السلام علیکم ۔

__________________
اب نہ ہو گا کہیں کوئی نزول کتاب ::: بند کر دیا رب العالمین نے یہ باب
ہے جو بھی صحیح سنت رسالت مآب ::: بے شک ہے وحیء رب الارباب

وجدان

بھائی عادل آپ نے بہت اچھا لکھا،شکریہ

عادل سہیل

السلام علیکم ، بھائی وجدان جزاک اللہ خیر ، مندرجہ ذیل رابطہ ملاحظہ فرمائیے ، اور اِس کو زیادہ سے زیادہ نشر کجیئے ، اللہ قبول فرمائے ،
http://forums.com.pk/showthread.php?t=12972
والسلام علیکم۔

اکرام

اسلام علیکم دوستو !!!

کھڑے ہو کر پیشاب کرنے کی اس کا طبعی نقصان بھی جومیں نے ایک جگہ پڑھا تھا پر کیا تھا وہ ابھی یاد نہیں اس کے علاوہ انسان کے سب سے ذیادہ جراثم پیشاب میں آتے ہیں ۔اور اس لئے اسکی چیھنٹوں سے بچنے کا حُکم ہے۔ اور طہارت کرتے وقت اُلٹا ہاتھ بھی اس لئے استعمال کرنے کا حکم ہے ۔

منتظمین

اس بات کا کوئی وجود نہیں بلکے طبعی اسلامی میں کچھ بیماریوں کے علاج کے لیے کھڑے ہو کر پیشاب کا کہا گیا ہے۔
سعودی مفتی اعظم "عبدالعزیز بن باز" (فرقہ وہابیت) میں ان کا اونٹ کے پیشاب سے علاج کا فتوی بھی موجود ہے۔ جس پر وہ ہمیشہ قائم رہے ہیں۔

میں جناب عادل سہیل صاحب سے اس بارے میں مزید تفصیل کی گزارش کروں گا۔


والسلام

عرفان حیدر

سلام،

حدیث سے ثابت کریں

وسلام

منتظمین

مجھے ابھی حدیث تو یاد نہیں‌ہے لیکن‌ایک دفعہ کسی شخص کو کوئلوں پیشاب کرنے کا حکم دیا گیا تھا تاکہ اس کو اس کی بیماری سے نجات ملے۔۔۔۔
وضاحت تو اب عادل صاحب ہی کر سکتے ہیں کہ یہ بات درست ہے یا غلط۔

عادل سہیل

السلام علیکم و رحمۃُ اللہ و برکاتہُ ،
بھائی منتظمین صاحب ، مجھے شیخ ابن باز رحمۃُ اللہ علیہ کے اُس فتوے کا تو عِلم نہیں جِس کی طرف آپ نے اِشارہ فرمایا ہے ، لیکن اُونٹ کے پیشاب کو بطورِ دوا اِستعمال کرنے کی اجازت رسول اللہ صلی الہ علیہ و علی آلہ وسلم کی طرف سے دی گئی ہے ،
انس ابن مالک سے روایت ہے کہ [[[کچھ لوگ رسول اللہ صلی اللہ علیہ و علی آلہ وسلم کے پاس آئے اور اِسلام قبول کیا ، اور مدینہ میں رُکے، اور اُن لوگوں کو مدینہ کی ہوا راس نہ اور وہ لوگ کمزور ہو گئے اور اپنی اِس حالت کی شکایت رسول اللہ صلی اللہ علیہ و علی آلہ وسلم سے کی ، تو رسول اللہ صلی اللہ علیہ و علی آلہ وسلم نے اُن لوگوں کو اُونٹوں کا دُدوھ اور پیشاب پینے کی اجزت فرماتے ہوئے اِرشاد فرمایا ( اَفَلَا تَخرُجُونَ مع رَاعِینَا فی اِبِلِہِ فَتُصِیبُونَ مِن اَلبَانِہَا وَاَبوَالِہَاَ ) ( تُم لوگ ہمارے چرواہے کے ساتھ اُس کے اُونٹوں کے پاس کیوں نہیں جاتے کہ تُم لوگ اُن کے دُودھ اور پیشاب میں سے کچھ پا لو ) تو اُن لوگوں نے کہا ::: کیوں نہیں ::: اور چرواہے کے ساتھ اُونٹوں کے پاس جا رہے اور ''''' اُونٹوں کا دودھ اور پیشاب پیتے رہے '''' اور ٹھیک ہو گئے اور اُس چرواہے کو قتل کر کے مویشی چرا کے لے گئے ،،،،،،، ]]] صحیح البُخاری / کتاب الدیات /باب٢١ ، کتاب الزکاۃ /باب ٦٧ ، کتاب الطب /باب ٦ ، صحیح مُسلم /کتاب القسامہ و المحاربین و القصاص و الدیات /باب٢، (ترجمے میں واقعہ اِن سب مختلف روایت سے بیان کیا گیا ہے اور رسول اللہ صلی اللہ علیہ و علی آلہ وسلم کے اِلفاظ مُبارک صحیح البُخاری کی کتاب الدیات والی روایت کے ہیں )
یہاں ایک بات کی وضاحت کرنا ضروری محسوس ہوتا ہے کہ یہ ایک واحد چیز ہے جو حرام ہونے کے باوجود عِلاج کے لیے اِستعما ل کی جا سکتی اِس کے عِلاوہ کوئی بھی حرام چیز دوا کے طور پر بھی اِستعمال نہیں کی جا سکتی اِس موضوع کی تفصیل میرے جادُو سے متعلق مضامین میں ہے ،
منتظمین بھائی ، آپ کی ذِکر کردہ اِس مندرجہ بالا بات کی درستگی کا مجھے کوئی عِلم نہیں ، اور نا دُرستگی کا کوئی یقینی عِلم نہیں ، لیکن رسول اللہ صلی اللہ علیہ و علی آلہ وسلم کی دیگر تعیلماتِ مُبارکہ اور احکام شریف جو اِنسان کو اپنے ہی پیشاب، اُس کی چھینٹوں اور اُس کی بدبُو سے بچنے کے بارے میں ملتے ہیں اُن کی موجودگی میں یہ بات دِل قبول نہیں کرتا ، لیکن اپنے یا کِسی کے دِل کی قُبُولیت یا نا قُبُولیت کو بُنیاد بنا کر میں کِسی معاملے خاص طور پر دِین کے معاملے میں کوئی بات نہیں کرنا چاہتا ، اِنشاء اللہ جیسے ہی آپ کی ذِکر کردہ اِس مندرجہ بالا بات کے بارے میں کوئی معلومات حاصل ہوئیں آپ تک پُہنچاوں گا ،
اور ایک گذارش سب بھائیوں سے یہ ہے کہ فرقہ ، مذہب و مسلک کا فرق روا رکھا جائے کیونکہ شرعی حُکم میں یہ بہت مختلف چیزیں ہیں ، اِس موضوع پر ایک مضمون میں ارسال کر چُکا ہوں ، اللہ کی رحمت سے اُمید کرتا ہوں اُسے پڑہنے سے یہ بات سمجھنے میں آسانی ہو گی ، اِنشاء اللہ تعالیٰ ،
اُس مضمون کاعنوان """ دینی ، دُنیاوی ، مذہبی """ ہے
و السلام علیکم ورحمۃُ اللہ و برکاتہُ۔

محمد الیاس

انگریزی طریقے مسلمانوں سے مختلف ہیں اور ان کے غسلخانوں‌میں اونچا بیٹھ کر اور کھڑے ہو کر پیشاب کے اوزار نصب ہوتے ہیں۔ سائنسی اصول اور فطرت کا قانون ہے کہ انسان پاؤں کے بل بیٹھ کر پیشاب کرے تو انکا بدن زیادہ اچّھی طرح حاجت فارغ ہوتا ہے بہ نسبت ان کے جوکرسی پر بیٹھتےاور کھڑے کھڑےپیشاب کرتے ہیں۔ اُنکے طریقے طہارت سے متصادم ہیں کیونکہ انکا پیشاب کے یا گندے پانی کے قطروں سے ذاتی طور پر بچنے یا کراہت کے علاوہ کوئی اور پاکی کا عمل مانع نہیں‌ ہے ۔ بہتر ہوگا کہ سنّت کے مطابق بیٹھ کر ہی پیشاب کیا جائے۔ اس میں دراصل یہ بات مشکل لگتی ہے کہ انگریزی لباس یعنی پتلون پہننا عام ہے جس کے ساتھ ایک شخص بیٹھ کر پیشاب نہیں‌ کر سکتا۔ مزید یہ تکلیف اس لباس میں ہے کہ پتلون پہنا شخص اپنے آپ کو مکمل طور پر سُکھا بھی نہیں سکتا جو مسلمان کے لئے ایک لازمی امر ہے۔ بالکل اسی طرح شلوار پہنے ہوئے کو کھڑے ہو کر پیشاب میں دقّت ہوتی ہے جو ایک ہاتھ سے شلوار تھامے رہتا ہے اور ایسے موقعہ پر کچھ ناڑا منہ میں پکڑے خود کو درست کرتے دکھائی دیتے ہیں۔ پتلون انگریزوں کا لباس ہے جسکی مناسبت سے کھڑے ہو کر پیشاب کی جگہیں بنائی جاتی ہیں۔ پتلون کا زیرجامہ بھی ایسی چیز ہے جو صاف شائد ہی رہ سکتی ہے۔ ایک تو ان لوگوں کا ختنہ نہیں ہوتا اور دوسرے ناپاکی کی پرواہ نہیں ہوتی تو بے غم فارغ ہو کر جلد چلے جاتے ہیں۔

میاں شاہد

مذکورہ بالا تفصیلات و روایات سے یہ بات واضح ہوتی ہے کہ کھڑے ہوکر پیشاب کرنا ، ناتو نبی پاک علیہ الصلاۃ والسلام کی عادت مبارکہ تھی اور نہ ہی آپ صلی اللہ علیہ وسلم اس کو پسند کرتے تھے، بلکہ حضرت عمر کی روایت سے معلوم ہوتا ہے کہ اس سے منع فرماتے تھے، البتہ بخاری شریف میں ایک روایت ایسی ہے جس سے معلوم ہوتا ہے کہ آپ علیہ الصلاۃ والسلام نے کھڑے ہو کر پیشاب کیا جسکے راوی حضرت حذیفہ رضی اللہ عنہ ہیں ، تاہم مذکورہ حدیث کی شرح کے مطالعے سے یہ اندازہ ہوتا ہے کہ یہ امر کسی عذر کی وجہ سے تھا اور اس جگہ پر ایک سے زیادہ وجوہات کی جانب اشارہ بھی ملتا ہے جن کی بنا پر نبی پاک علیہ الصلاۃ والسلام نے اس ایک موقع پر کھڑے ہوکر پیشاب کیا وگرنہ اس کے علاوہ تمام سیرت کے مطالعے سے کہیں بھی ایسی کوئی روایت نہیں ملتی جس سے یہ اندازہ ہو کہ یہ نبی علیہ الصلاۃ والسلام کی عادت تھی جبکہ اسکے برعکس حضرت عائشہ رضی اللہ تعالیٰ عنہا اور حضرت عمر فاروق رضی اللہ عنہ کی روایات جو کہ مشکواۃ شریف کے صفحہ 43 پر مذکور ہیں ان سے یہ صاف معلوم ہوتا ہے کہ نہ تو کھڑے ہوکر پیشاب کرنا نبی پاک علیہ الصلاۃ والسلام کی عادت تھی اور نہ ہی آپ صلی اللہ علیہ وسلم اس کو پسند فرماتے تھے، اور ہمیشہ کسی معاملے میں نبی کریم علیہ الصلاۃ والسلام کے اکثریتی عمل کو اختیار کیا جاتا ہے نہ کہ ایسے عمل کو جو صرف ایک آدھ بار کیا گیا ہو اور وہ بھی کسی عُذر کی بناء پر۔

چناچہ کھڑے ہوکے پیشاب کرنا بغیر کسی عُذر کے تو فقہاء کے نزدیک مکروہ ہے البتہ اگر کوئی عُذر لاحق ہو تو بخاری شریف کی روایت کے تحت اس کی کراہت ختم ہوجاتی ہے تاہم نجس چھینٹوں سے بچنا ایک الگ مسئلہ ہے اور اس کی پابندی کرنا ہر حال میں ضروری ہے ۔

__________________