پچھلے دنوں خواتین پر تشدد کے حوالے سے ایک سیمینار میں شرکت کا اتفاق ہوا۔ بتانے کیی ضرورت نہیں لیکن اس قسم کی تقاریب میں باتیں بہت خوب ہوتی ہیں۔ بجٹ برابر ہو جاتا ہے۔ کچھ لوگوں کا ایک ٹارگٹ پورا ہو جاتا ہے۔اور سب خوشی خوشی گھروں کو لوٹ جاتے ہیں۔
وہاں بار بار یہ بات ہوئی کہ قانون سازی سے کچھ نہیں ہوگا۔ تبدیلی کا آغاز اپنے گھر سے ہونا چاہئے۔ ہم اپنے گھر میں انصاف کریں گے تو معاشرے سے بھی توقع کر سکیں گے نا۔
لنچ کے موقع پر ایک خاتون نے قصہ شروع کر دیا کہ میری بھابی بالکل اچھی نہیں، ہم تو سر پکڑ کر رو رہے ہیں۔ قصے کی تفصیل یہ تھی کہ میرا بھائی ذرا غصہ والا ہے ایک دن بھابی پر ذرا غصہ آگیا تو ایک دو لگادئیے۔ بس شور ہو گیا۔ محلے والوں نے پولیس بلا لی اور پولیس بھائی کو لے گئی۔ اب دیکھو کیسی بیوی ہے بجائے پولیس کو منع کرتی خون آلود چادر لئےان کے ساتھ میڈیکل کرانے چلی گئی اور تشدد کی رپورٹ بھی حاصل کر لی۔ بیچارہ بڑی مشکل سے اگلے دن چھوٹا وہ بھی پولیس والوں نے بیوی سے معافی مانگنے پر مجبور کیا اور اسنے معافی لکھ کر دی تب چھوڑا ہے۔دوسری ہمدرد خاتون نے ہاں میں ہاں ملائی کہ یہ تو بڑی زیادتی ہے، مرد تو غصہ کر ہی جاتے ہیں ہاتھ اٹھا لیا تو کیا قیامت آگئی۔ پھر بھائی نے تو اسے نہیں رکھا ہو گا۔ خاتون نے فرمایا، کہاں جی راج کر رہی ہے۔ پرچہ جو درج ہے۔ جب چاہے دوبارہ شکایت کر سکتی ہے۔
اس گفتگو کے درمیان بریک ختم ہو گئی اور اگلا سیشن شروع ہوا۔ کچھ دیر بعد مذکورہ خاتون نے تقریر شروع کر دی۔جسکے بنیادی نکات یہی تھے کہ خواتین میں شعور جگانا ہوگا۔ انہیں اپنے حقوق کا پتہ ہونا چاہئے۔ ظلم برداشت کرنا خود ظلم ہے۔گھریلو تشدد کے خلاف قانون سازی ہونی چاہئے۔ خواتین ظلم سہتے سہتے قتل ہوجاتی ہیں مگر کوئی آواز نہیں اٹھاتا۔ وغیرہ وغیرہ وغیرہ اور میں یہ سوچ رہی تھی کہ اپنے گھر کیلئے انکی سوچ کتنی مختلف ہے کہ انہیں بھابی کی خون آلود چادر تک نظر نہیں آئی۔ یہ بھی نہیں سوچا کہ کیا حد پار ہوئی ہوگی کہ محلے والے پولیس کو بلانے پر مجبور ہوئے ہوں گے۔
کاش ہم یہ سوچ سکیں کہ ہماری بہنیں بیٹیاں بھی کسی کے گھر جائیں گی۔ ہمیں یہ خوف ہو کہ ہمارے کسی ظلم کا کفارہ انہیں‫‫ نہ دینا پڑ جائے۔کاش!!!
جس دن یہ کاش کاش نہ رہے اس دن ہمارا معاشرہ بہترین عائلی زندگی کا نمونہ بن جائے گا۔ انشاءللہ

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین