حیدر Rehan

اس موضوع پر اگر کوئی نہ بھی بولے تو میں اکثر اہل سنت دوستوں اور ملنے والوں سے کہتاہوں کہ کبھی طلاق کا مسلہ ہوتو کوئی جلد بازی نہ کرنا
یہ عورت پر ظلم ہے

کسی اہل تشیع کے پاس نہ بھی جانا چاہو تو بہت سے اور دیگر مسالک میں نظریات تبدیل ہوچکے ہیں تبدیل ہونے والے نظریات سے اگر اہل تشیع کا نظریہ واضع ہو رہا ہو تو مہربانی کرنا اس پر تقیہ باز شیعہ کا لیبل نہ لگانا ۔



لوگوں کو ایسے مسائل سمجھنے میں وقت دینا چاہیے ۔

__________________
شمع ہر رنگ میں جلتی ہے سحر ہونے تک

فیصل ناصر

بہت اچھے سوالات اٹھائے ہیں سحر بہن

مرزا عامر

ان سوالات کو بٹھانے کے لیئے جوابات کی بھی ضرورت ہے ۔

فیصل ناصر

ویسے میرے خیال میں طلاق اتنا ناپسندیدہ عمل بھی نہیں ہے جتنا ہمارے معاشرے میں بنا دیا گیا ہے
خاص طور پر طلاق یا خلعہ یافتہ خاتون کے بارے میں تو ہمارا رویہ انتہائی نامناسب ہوتا ہے بلکہ بعض اوقات تو توہین آمیز تک ہوتا ہے
شاید اسکی بنیادی وجہ بھی وہی ہندوانہ بیک گراؤنڈ ہے جسکا اثر برصغیر پاک و ہند کے مسلمانوں میں‌ بیشتر جگہوں پر نظر آتا ہے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

فیصل ناصر

بھائی جی میرے جوابات تو "توہین مذہب" کے کھاتے میں شمار کرلئے جائیں گے اس لئے صاحب علم ہی اس پر رائے دیں تو بہتر ہے

سحر

فیصل بھائی
میرا نہیں خیال کہ آپ اسلام کے خلاف لکھنا پسند کرتے ہیں ۔
کسی کے کہہ دینے سے توہین مذہب کا مرتکب نہیں ہوتا کوئی ۔
اگر آپ سمجھتے ہیں کہ اپ حق پر ہیں تو لکھیں ۔ بس اللہ کا خوف ہونا چاہیے باقی جو کوئی کچھ بھی کہتا رہے اس کی پرواہ نہیں کرنی چاہیے ۔

سحر

اور ایسی طلاق میں عورت کو برا سمجھا جاتا ہے جس میں اس کی اپنی مرضی ہی شامل نہیں ہوتی ہے ۔

فیصل ناصر

شکریہ سحر بہن
اللہ ایسا وقت نا لائے کے میں کبھی اسلام کے متعلق کس بدگمانی کا سوچ بھی سکوں
میں تو خود داعی اسلام ہوں
مذہب سے میری مراد ہمیشہ "مسلک" ہوا کرتی ہے
اور یقینا اللہ ہی سے ڈرتا اور جو حق سمجھتا ہوں وہی کہتا ہوں
اللہ مجھے ، آپ کو اور سب کو اللہ کے پسندیدہ راستے پر چلنے کی توفیق عطا فرمائے

عروج

سولات اھم ھیں اس لیے جوابات کا انتظار رھے گا۔

ابرارحسین

اور یقینا اللہ ہی سے ڈرتا اور جو حق سمجھتا ہوں وہی کہتا ہوں

فیصل بھائی لگتا ہے آپ "سے" لگانا بھول گئے ہیں‌، تصیح‌کر لیں

dxbgraphics

عادل سہیل بھائی کا رابطہ کسی کے پاس ہو تو وہ ان کی توجہ اس تھریڈ کی طرف دلائیں

منتظمین

قرآن کےمطابق طلاق اور طلاق سے متعلقہ حقوق

آبی ٹوکول

جانتا ہوں بہنا مگر کبھی کبھی کچھ چیزیں سمجھ سے باہر لگنے لگتی ہیں خاص طورپر جب ایسی چیزیں بہت پڑھے لکھے اور زمہ دار اشخاص کی طرف سے آئیں تووووووو ۔۔۔۔۔دل دکھتا ہے ۔۔۔ بے جا کا تعصب سمجھ سے بالا تر ہے ۔۔ غلطیاں ہر طبقہ فکر میں موجود ہیں علماء کا طبقہ ان سے بری نہیں ۔۔
بجا کے ان کے مقام کی وجہ سے ان کی زمہ داری بھی زیادہ ہے مگر یہ کیا کہ ہمہ وقت کی "کوسنی " ان کو سنائی جائے ۔۔۔ مجھے سمجھ میں نہیں آتا کہ ایک طرف تو ہم میں وہ طبقہ ہے جو کہ ہر " شخصے " اور عامی کی مجتھدیت کا اس قدر کا قائل کے قرآن وسنت کو ہر ایرے غیرے کے لیے بازیچہ اطفال بنا دینا چاہتا ہے اور دوسری طرف اسی طبقہ کا ایک بالکل متضاد پہلو یہ ہے کہ جوبھی شئے انکے مطالعہ میں پہلی بار آئے اس پر بجائے یہ کہے اپنے قلت مطالعہ کا سہر ا خود کے سر لیں وہ طرہ امتیاز بھی بیچارے " ملاں طبقے " کے سرمنڈھنے پر تُلے بیٹھے ہیں ۔ ۔۔۔ بندہ پوچھے آپ تو جس مطلقا مجتھدیت کے قائل ہیں تو اسی پر قائم رہیے؟؟؟؟؟؟؟ قرآن کا کیا کسی ملاں پر نازل ہوا تھا جو کہ اس میں سے کچھ چھپاتا یا اپنی من پسند کا دکھاتا پھرے آپ خود کیوں نہیں تکلف فرماتے ؟؟؟؟ اور جب نہیں فرماتے کہ اتنی (علمی) اوقات نہیں تو پھر کم از کم کوئی ایک آدھ تو ایسی تفسیر پیش کیجیئے کہ جس میں ملاں طبقہ نے آپکے مبینہ آیات میں سے کسی ایک آدھ آیت کو چھپا یا ہو یا تفسیر سے اجتناب برتا ہو ؟؟؟؟ یا پھر یہ کیوں نہیں کہتے کہ ہمیں تو مطالعہ قرآن سے بس خدا واسطے کا بیر ہے سو اس کا طرہ بھی ہم ملاں طبقہ کے سر بلا امتیاز رکھ چھوڑتے ہیں ۔ ۔ ۔ ۔ ۔ ۔ ۔۔ ۔ خیر آپ نے ایک بار پھر توجہ دلوائی سوالات کہ جوابات کی طرف تو سچ پوچھیے بہنا کہ کل جب آپ کا پی ایم ملا اور اس میں آپ نے خلع اور طلاق کے چند مسائل پر میری رائے مانگی تو میں نے کل اس تھریڈ کا وزٹ نہیں کیا یہ سوچ کر یہ میرا میدان نہیں اور نیز یہ کہ شاید آپ نے چند فقہاء کہ فقہی اختلاف کے پیش نظر مختلف آراء کو موضوع سخن بنایا ہوگا سو یہ فروعی معاملات ہیں جس پر ہر فقیہ کی اپنی اپنی رائے ا سکے ذاتی اجتھاد پر مبنی ہوا کرتی سو ان مسائل کہ مختلف فیہ ہونے کو اوپن فورم میں بطور محل نزاع کیا ڈسکس کرنا ؟؟؟؟ اور دوسری وجہ یہ کہ میرا ذاتی میدان ہمیشہ سے اصول اور اصولی مسائل ہوا کرتے ہیں لہذا فقہی اور اسپیشلی اختلافی فقہی مسائل پر گفتگو کرنا کبھی بھی مناسب نہیں سمجھتا خاص طور پر اوپن فورمز پر الا یہ کہ مجبور کردیا جاؤں تو وہ بھی بجائے اقدامی کے دفاعی گفتگو کرنے کا قائل ہوں مگر آج جب آپ کا تھریڈ بائے دا وے برائے تجسس وزٹ کیا تو معلوم پڑا کہ آپ کے سوالات کا تناظر بجائے فقہی کے منطقی ، مصلحتی اور بعض نفسانی اور شرعی " اعتذاری " پہلؤں کو جاننے کی بابت ہے سو اپنے ذاتی مطالعہ کی بنا پر کچھ عرض کرنا کی کوشش کرتا ہوں پسند آیا تو فبھا وگرنہ ردی کی ٹوکری تو ہے ہی ۔ ۔ ۔۔

۔

الجواب : آپکے پہلے سوال کی نوعیت ایک شرعی حکم کی مصلحت کو جاننا ہے جس میں خالص اس بابت استفسار کیا گیا ہے کہ اسلام میں تفویض طلاق کا اختیار عورت کی بجائے مرد کو دیئے جانے کی کیا حکمت و مصلحت ہے ؟؟؟؟
تو اس کے اول اتنا سمجھ لیجیئے کہ دین میں اصل تو طاعت ہی ہے اگرچہ ہر حکم کی کوئی نہ کوئی مصلحت ضرور ہوتی ہے مگر وہ شارع کو تو معلوم ہوتی ہے مگر یہ ضرور ی نہیں کہ مکلفین بھی اس سے آشنا ہوں جہاں تک میرا ذاتی فہم ہے مرد کی بنسبت عورت چونکہ زیادہ جذباتی ہوتی ہے لہذا عورت میں جذبات کی زیادتی کبھی کبھی اسکی معاملہ فہمی کی راہ میں حائل ہوجاتی ہے نکاح چونکہ بنیادی طور پر ایک معاہدہ ہے جو کہ دو لوگو ں کے درمیان یا تو ان دونوں کی ذاتی یا پھر کبھی دو خاندانوں کی باہمی (mutual) انڈراسٹینڈنگ کی بنا پر وجود میں آتا ہے ۔ سو ایسے میں اس معاہدے کو برقرار رکھنے کے لیے جس معاملہ فہمی کی انتہاء کی ضرورت ہے وہ مرد میں عورت کی بنسبت بخوبی پائی جاتی ہے سو یہی وجہ ہے کہ اس معاہدہ کو فاسد کرنے کا اقدامی پہلو بھی مرد کی دانست میں رکھا گیا ہے یہ تو اس مسئلہ کی میرے نزدیک ایک نفسیاتی حکمت تھی دوسری حکمت کا تعلق معیشت کے ساتھ ہے چونکہ خاندان کا باہمی ادارہ معاشی طور پر مرد کی زمہ داری اور کفالت میں ہوتا ہے لہذا جس معاہدے کہ تحت وہ ادارہ وجود میں آتا ہے اس معاہدے کو ختم کرنے کا اختیار بھی اللہ پاک نے مرد ہی کو دیا ہے مگر اسکے ساتھ یہ بھی یاد رہے اسلام میں حق طلاق دونوں فریقین کو ہے فرق فقط اتنا ہے کہ مردکو بطور اقدام حق طلاق تفویض کیا گیا ہے جبکہ عورت کو بطور دفاع حق خلع ، دونوں کی حقیقت فریقین میں باہمی جدائی ہی کی صورت میں سامنے آتی ہے لہذا ایک طرح سے یہ حق عورت کو بھی حاصل ہے مگر بطور دفاع ۔ ۔ ۔ ۔

اقتباس:

آپکا دوسرا سوال 2 مرد اگر غیر شرعی عذر سے بیوی کو طلاق دیتا ہے تو طلاق تو واقع ہوجائے گی لیکن یہ بیوی پر ظلم تصور ہوگا کیا یہ بات درست ہے اگر درست ہے ۔تو شرعی عذر کیا ہیں طلاق دینے کے

آپکا دوسرا سوال مسئلہ طلاق کی جائز صورت کے شرعی اعتذارت کو جاننے کی بابت ہے اس کے لیے پہلے تو اتنا سمجھ لیجیئے کہ ظلم عد ل کی ضد ہے لہذا ظلم کی ادنی تفسیر یہی ہوگی کہ کسی چیز کو اس کےمحل غیر میں رکھ دیا جائے یعنی جو چیز جس طرح سے اور جس جگہ پر رکھنے کے قابل نہیں اسے اسی طرح اور اسی جگہ پر رکھ دیا جائے کہ جہاں کہ وہ قابل نہ تھی تو یہ ظلم کہلائے گا ۔لہذا مسئلہ طلاق کی جائز صورتوں کے بہت سے شرعی اعتذارات ہوسکتے ہیں مگر ان کی نوعیت جدا جدا ہوسکتی ہے مثلا نفسیاتی ،نفسانی ،معاشی اور معاشرتی ان تمام پہلؤں میں جس کسی بھی پہلو پر میاں بیوی کی آپس میں میچؤل انڈراسٹینڈنگ ناکافی ہو تو ایسے میں دونوں میں سے کسی ایک فریق کو یہ لگے کہ اب دونوں کا ایک ساتھ رہنا ان دونوں یا ان دونوں کی آئندہ آنے والی نسلوں یا انکے پہلے سے موجود خاندانوں کے لیے کسی عار یا مشکل یا گھٹن کا باعث ہوگا تو دونوں میں سے کوئی ایک فریق بھی ایکدوسرے سے خلاصی کے لیے اوپر بیان کی گئی بنیادی انواع میں سے جو بھی ضمنی وجہ پیش کرئے گا وہ شرعی عذر ہی کہلائے گی ۔ ۔ ۔ ۔

اقتباس:

آپکا تیسرا سوال 3 کیا شوہر، بیوی کو صرف دوسری شادی کرنے کے لیے طلاق دے سکتا ہے جبکہ پہلی بیوی کو دوسری شادی پر اعتراض نا ہو یا اس نے طلاق کا مطالبہ نہیں کیا ہو ۔

نہیں دینی چاہیے مگر اگر دے دے تو وہ ظلم ہوگا اور طلاق واقع ہوجائے گی مگر اس کا اس طرح سے طلاق دینا سمجھ سے باہر ہے جبکہ ایک ایک کی بجائے دو دو بیویاں مل رہی ہوں ۔

آپکے اس سوال کی ٹھیک سے سمجھ نہیں آئی کہ کس کی دوسری شادی آیا اس کے خاوند کی دوسری شادی یا وہ خود کسی دوسری جگہ خود کی دوسری شادی کی خواہش مند ہے ؟؟؟؟؟ دونوں صورتوں کا جواب بالترتیب یوں ہے کہ اگر عورت کو اپنا خاوند پسند نہیں اور وہ کسی اور جگہ اپنی دوسری شادی کرنا چاہتی ہے تو شرع نے اسے خلع کا حق دیا ہے جبکہ اگر عورت محض اپنے خاوند کی دوسری شادی کی وجہ سے خلع لینا چاہتی ہے تو شرعا اسکا ایسا کرنا ناپسندیدہ ہوگا کہ شرع نے اسکے شوہر کو ایک سے زیادہ شادیاں کرنے کا حق دیا ہے مگر تاہم وہ اس صورت میں بھی خلع کا مطالبہ کرنے کا حق بحرحال ضرور رکھتی ہے ۔۔۔۔ والسلام

__________________
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔
پیکرِ دلرُبا بن کے‌ آیا ،روحِ ارض و سما بن کے آیا
سب رسولِ خُدا بن کے آئے ،وہ حبیبِ خُدا بن کے آٰیا

سحر

آبی بھائی
جزاک اللہ خیر ، آپ نے تمام سوالات کے جوابات بہت تفصیل سے اور اچھی طرح سے دیے ۔
میں یہاں چند وضاحت کرنا چاہوں گی
پہلا سوال آپ میرا سمجھ نہیں پائے ۔
میرے پہلے سوال کا مطلب عورت کو طلاق کا اقدامی حق دینے کی بابت نہیں ہے ۔
بلکہ اس متعلق ہے کہ فرض کریں اگر شوہر طلاق دے اور بیوی طلاق لینے سے انکار کردے ۔ تو طلاق واقع نا ہو ۔
مطلب طلاق کا نکاح کی طرح میچول ایگریمنٹ کی طرح نا ہونے میں کیا مصلحت ہے ۔