یاسر عمران مرزا

ظاہری خوبصورتی کچھ حد تک محبت میں اضافے کا باعث تو ہوتی ہے تاہم اس کا رشتے کو پائیدار اور دیرپا بنانے میں کوئی زیادہ کردار نہیں ہے۔
ایک انسان کا خوبصورت ترین جیون ساتھی اگر اس کا کہا نہیں مانتا، اس کی بات کو اہمیت نہیں دیتا، یا بار بار تاکید کرنے پر بھی کوئی اہم بات بھول جاتا ہے تو جلد ہی ایسے جیون ساتھی سے محبت ختم ہو جائے گی۔

لیکن اگر آپکا جیون ساتھی خوبصورت نہیں جسکی وجہ سے آپکواس سے محبت نہیں ہے، لیکن وہ آپ کی چھوٹی چھوٹی خواہشات کو اہمیت دیتا ہے، آپ کا کہا مانتا ہے اور اچھے انداز سے بات کرتا ہے تو ہو سکتا ہے ان عادتوں کی وجہ سے جلد ہی اس سے محبت ہو جائے۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

راجہ اکرام

سب کچھ خوبصورتی نہیں لیکن خوبصورتی کا کچھ نہ کچھ عمل دخل بہر حال ہوتا ہے

فرحان دانش

میں بھی اس بات سے متفق ہوں۔

بنت حوا

میں بھی پیر صاحب کی بات اتفاق کرتی ہوں بجا فرمایا ھے آپ نے

سحر

اگر خوبصورتی ہی سب کچھ نہیں ہوتی ہے میاں بیوی کے رشتے میں تو
لڑکے اور لڑکی کا رشتہ کرتے وقت خاص طور پر لڑکی میں خوبصورتی کو فرسٹ پرائیرٹی پر کیوں رکھا جاتا ہے ؟

مرزا عامر

زندگی کے مختلف ادوار۔ لڑکے سے زیادہ لڑکے کی اماں کی خواہش ہوتی ہے کہ بہو چاند کا ٹکڑا ہو ۔ چاہے بیٹے کے سر پر ہی چاند کیوں نہ نکل آیا ہو۔
پھر عمر کے ساتھ ساتھ خوبصرتی ماند پڑ جاتی ۔ دونوں بڈھے بڑھیا میں بڑھاپے میں جوانی سے زیادہ محبت قائم ہو جاتی جہاں خوبصورتی نام کی کوئی شے نہیں ہوتی سوائے کڑ کڑاتی ہڈیوں اور کمر کے درد کے ۔
خیر کبھی کبھی ایسا نہیں بھی ہوتا۔
شادی کے لیئے میری نظر میں سب سے پہلے لڑکی کا اخلاق دیکھنا چاہیئے ۔ خوبصورتی تو ڈھل جائے گی اخلاق قائم رہے گا

__________________

میں اک دن لَوٹ کے آوں گا

سحر

کیا ان سب باتوں کا لڑکے کے تجربہ کار ماں باپ کو علم نہیں ہوتا ؟

مرزا عامر

کیون نہیں ہوتا لیکن انسان سب فراموش کر جاتا ہے ۔ اور پھر لڑکے میاں کی بھی تو اپنی کئچھ ضد ہوتی ہے ن۔
اب شادی تو دلی کا وہ لڈو ہے جس کا تجربہ کھانے کے بعد ہی ہوتا ہے ۔ جب خوبصرت بیوی نخرے دکھا کر میکے بیٹھ جاتی تو پھر بنے میاں کو احساس ہوتا ہے ۔ کہ یار خوبصورت کے بجائے خوب سیرت مل جاتی تو زیادہ بہتر تھا ۔
لیکن اگر خوبصورت کے ساتھ خوب سیرت مل جائے تو سونے پہ سہاگہ ۔
ویسے میاں بیوی میں محبت کا تعلق آسامنی ہوتا ہے ۔ یعنی یہ اللہ کی طرف سے عطا کردہ ایک انعام ہے جسے شاید میں صحیح سے الفاظ میں بیان نہیں کر پاوں ۔
جس طرح اطمینان قلب بھی گولیوں کے بجائے اللہ کی طرف سے نصیب ہوتا ہے اسی طرح میاں بیوی کی محبت خوبصورتی کی محتاج نہیں ہوتی ۔

سحر

آپ کے خیال میں میاں بیوی میں محبت کا ذرا بھی تعلق خوبصورتی کی وجہ سے نہیں ہوتا ہے ؟

مرزا عامر

باقی لوگوں کی رائے مجھ سے مختلف ہے ۔ لیکن میں یہ سمجھتا ہوں کہ میاں بیوی کی محبت کا تعلق خوبصورت سے نہیں ہوتا۔ میاں بیوی صرف جوانی میں نہیں ہوتے بڑھاپے میں بھی ہوتے ہیں ۔ اپنی کمزور طبیعت کی وجہ سے دونوں ہر وقت لڑتے رہتے ہیں ۔ لیکن جہاں کوئی تھوڑی دیر کے لیئے جدا ہوا نکل پڑے ڈھونڈنے۔
اپنے دادا کی مثال دیتا ہوں ۔ میری دادی کا بڑھاپے میں انتقال ہو گیا ۔ تھوڑے دن بعد میرے چچا نے محسوس کیا کہ میرے دادا پان نہیں کھا رہے ۔ چچا نے حیرت سے پوچھا ابا جی آپ پان کیوں نہیں کھا رہے ۔ داد کہنے لگے کہ وہ جو پان لگا کر دیا کرتی تھی وہی نہیں رہی تو پان میں مزہ کیا خاک آئے گا ۔

ننھا بچہ

سب سے پہلے احساس
پھر احساس زمہ داری اور باہمی ہم آہنگی

راجہ اکرام

دنیا داری اور دکھلاوے کا عنصر کچھ اس طرح شعوری اور غیر شعوری طور پر ہمارے مزاج میں رچ بس گیا ہے کہ بہت سے ایسے نازک معاملات جن میں ظاہر سے زیادہ باطن کا اچھا ہونا ضروری ہوتا ہے وہاں بھی ہم ظاہر کو ترجیح دیتے ہیں۔
یہی کچھ شادی کے ساتھ بھی ہے۔ بہو ہو تو چاند جیسی ۔۔ پھر اکثر اونچی دکان اور پھیکا پکوان والا حساب ہو جاتا ہے پھر نہ اگلنے کا نہ نگلنے کا
تاہم خوبصورتی کو نظر انداز بھی نہیں کیا جا سکتا۔ اس کا بھی بہر حال ایک اثر ہوتا ہے۔ لیکن اسے پہلی ترجیح یا اسے ہی سب کچھ نہیں بنا نا چاہیے، بلکہ اخلاق اور سیرت ۔
حدیث پاک میں بھی آیا ہے کہ تُنكح المرأة لأربع : لمالھا ولحسبھا ولجمالھا ولدينھا ، فاظفر بذات الدين ترِبَتْ يداك "

__________________
محتاج اصلاح و دعا

mama_shalla

میاں بیوی کے درمیان محبت میں دونوں کی ظاہری خوبصورتی کا کتنا دخل ہوتا ہے ؟

سحر ،آپ کا سوال قابلِ داد ہے
عورت اور مرد ،جب تک عملی زندگی کے ساتھی نہ ہوں ،یہ طے نہیں کیا جاسکتا کہ اُن کا تعلق کیسا ہے ۔
میاں بیوی کی حیثیت سے اگر خوبصورتی ہی محبت کی ضامن ہوتی توسب حسین عورتیں اور وجیہہ مرد محبت کی معراج پالیتے ۔ ۔ ۔
اچھا اخلاق زندگی میں سکون کے لئے ضروری ہے مگر تیکھے مزاج لوگوں کی آنکھوں میں محبت کا ناز نظر آتا ہے ۔ ۔ ۔بہت سے حلیم الطبع دل شکستہ ہوتے ہیں ۔ ۔
میرے ذاتی مشاہدے کے مطابق محبت وہ ہے جب میاں بیوی کو ایک دوسرے کے سامنے اداکاری نہ کرنی پڑے ، آپ دوسرے کی تمام خوبیوں اور خامیوں کے ساتھ عزت کریں ، جب دونوں کو ایک دوسرے سے بات کرنے سے پہلے سوچنا اور الفاظ تولنے نہ پڑیں، جب وہ ٹھیک، غلط، اچھا، بُرا، سوچ، خیال، ارادہ، خواہشات، تمنائیں، سب آپس میں ایک دوسرے سے نہ چھپائیں،
تو ۔ ۔ ۔
دوسرا ظاہری طور پہ کیسا بھی ہو، سرشاری تو اُسی کو دیکھنے سے ہوگی ۔ ۔ ۔ وہ کہتے ہیں نا کہ خوبصورتی تو دیکھنے والی آنکھ میں ہوتی ہے ۔

اور اگر دل کی اِس شفافیت کے ساتھ ظاہری خوبصورتی بھی ہو تو اضافی نعمت جانیے۔

قاسمی

رشتہ کرتے وقت اپنے پیارے آقاصلی اللہ علیہ وسلم کی ہدایت کو مدنظر رکھاجائے
مال و دولت ،حسن وجمال کی بجائے دینداری واخلاقیات کو فوقیت دینی چاہیے