عبداللہ آدم

اسلامی علم کے امتیازات::


1::حقانیت::
اسلام میں علم مبنی بر حق یقین کا نام ہے، جبکہ مغربی دنیا اور یونان علم کے آغاز کو شک سے مشروط کرتے ہیں.

بلاشبہ جستجو علم کا ایک حصہ ہے، اور اسلام کا متیاز یہ ہے کہ اس نے بندوں کو یہ علم دیا، لیکن ٹامک ٹوئیاں مارنے کو نہیں بلکہ یقین، نور اور تیقن کا !!! چنانچہ حق اور صداقت اس کی پہلی بنیاد ہے
سبق پڑھ پھر صداقت کا عدالت کا شجاعت کا
لیا جائے گا کام تجھ سے دنیا کی امامت کا

ایمان اور یقین ایک ہی بات کے دو رخ ہیں ، تو ہم کسی شک کی بنیاد پر نہیں کھڑے بلکہ ایک((firm foundation (( پختہ بنیاد پر قائم ہیں اور یہی امتیاز ہے.

2:: کلیت::

انسانوں نے ہمیشہ زندگی کو خانوں میں بانٹا ہے اور پھر ایک ہی خانے کو کل قرار دے کر سارے مسائل کو اسی حساب سے حل کرنے کی کوشش کی ہے نتیجتاٹھوکر کھائی ہے اور یہی وجہ ہے بگاڑ اور خرابی کی.

زندگی کے تمام روحانی اور مادی پہلو اللہ ہی کی طرف لوٹتے ہیں اور اسی سے منسلک ہیں، چنانچہ کلیت اور جامعیت اسلام کے علم کا امتیاز ہے اور جب ہم نے اس علم کو بانٹ دیا تو ہمارا حال آپ کے سامنے ہے !!!

3::نافعیت::

نبی علیہ السلام کی مشہور دعا ہے کہ ((اللھم انی اسئلک علما نافعاً(( یا اللہ میں تجھ سے فائدہ دینے والے علم کا سوال کرتا ہوں. اس حوالے سے علم نافع اور غیر نافع کو جانچنا پڑے گا.
((یہ پہلو شاید مزید توجہ چاہتا ہے، عبداللہ((

4::حرکیت::

زندگی کے رنگ ڈھنگ اور زمانہ بدلتا ہے. شب و روز کی تبدیلی سے جو اثرات پڑتے ہیں . . . ٹیکنالوجی کی ترقی اور تمدن کے تنوع سے نئے نئے مسائل اور معاملات ابھر کر سامنے اتے ہیں ، چنانچہ اصول و اقدار کے معاملے میں اصل سے پیوستہ بھی رہنا اور اس کے ساتھ سات خیر میں اگے بھی بڑھتے چلے جانا""سابقوا فی الخیرات""، اجتہاد کی طرف یہی رہنمائی حدیث معاذ میں کی گئی ہے.

اگر بظاہر راہنمائی نہیں ہے تو شریعت کا منشا دیکھو، اور اسی کے لیے ہمارے بزرگوں نے اجتہاد قیاس او استحسان پر کام کیا لیکن یہ بگٹٹ دوڑنا نہیں ہے بلکہ اسی فریم وک کے اندر آگے بڑھنا ہے.

معلوم کے ساتھ نامعلوم کو معلوم کے دائرے میں لانا اور حالات کے حساب سے اس سے استفادہ کرنا.....تلاوت کتاب کے ساتھ تعلیم الکتاب اور پھر ہے تعلیمِ حکمت، اور تعلیم حکمت نام ہے تعلیم کتاب کو اپنے حالات پر اپلائی کرتے ہوئے اگے چلنے کا
((جاری ہے((

عبداللہ آدم

5::عملیت::

علم اور عمل میں ناقابل انقطاع رشتہ ہے.اگر یہ رشتہ ٹوٹ جائے تو علم،عمل کے بغیر ثمر اور نہیں ہے اور عمل، علم کے بغیر گمراہی کی طرف کے جانے والا.

6::مقصدیت::

معرفت الٰہی ، معرفت نفس، دنیا اور آخرت کی فلاح. . . . خیر و شر کا امتیاز، یہ علم اسلامی کی مقصدیت ہے اور یہ دنیا اور آخرت دونوں پر محیط ہے.
""علم کا مقصد یہ ہے کہ دنیا اور آخرت کی فلاح و سعادت حاصل ہو""، جیس اکہ امام غزالہ نے احیائ العلوم کے شروع میں فرمایا ہے کہ "اصل السعادۃ فی الدنیا و الآخرۃ ھو العلم".

.................................................. .

چنانچہ علم سے سفر حیات کا آغاز ہوا،
علم کے لیے جو استعداد چاہیے تھی وہ دی گئی اور جو راہنمائی چاہیے تھی اس سے بھی نوازا گیا.....
یہ بتایا گیا کہ کس طرح سے علم کو زندگی کو سنوارنے اور روشن کرنے کا ذریعہ بننا ہے ....
پھر اس بنیاد پر بیٹھ نہیں رہنا بلکہ اس مقصد کی طرف بڑھنا ہے جو استخلاف کی شکل میں ہمیں سونپا گیا ہے !!!
..اسلام ہی نے علم کو حیات انسانی کا اغاز مقرر کیا.
..انسان کی مادی اور روحانی ضروریات کو پورا کرنے کے لیے مطلوبہ اگاہی دی.
..اور علم کو فریضہ قرار دیا. . . چنانچہ علم دین فرض عین اور باقی علوم فرض کفایہ ، اور یہ مل کر اسلامی معاشرے کی ضروریات پورا کرتے ہیں.

یہ ہے شہادت حق اور استخلاف کی ذمہ داریوں کو پورا کرنے کے لیے ضروری علم،مسلم معاشرے ایک لمبا عرصہ فرد اور ریاست دونوں سطح پر حصول علم، تحقیق اور جستجو میں لگے ہوئے تھے. . .جیسے ہی اس معاملے میں ہم پیچھے ہوئے تو پسپا ہوتے چلے گئے !!!

جاری ہے

عبداللہ آدم

نظام تعلیم::

تعلیم اس نظام کا نام ہے جس کے ذریعے یہ تمام مہارتیں ایک نسل دوسری نسل کو منتقل کرتی ہے اور یہ ایک انسانی اور اسلامی ضرورت ہے.
انسانی اسطرح کہ حیوانات تک کو اللہ نے ان کی بقا کے لیے خود سکھا دیا ہے لیکن انسان مہد سے شروع ہو کر لہد میں اتارے جانے تک سیکھنے میں دوسروں کا محتاج ہے اور یہ معاشرے کی ذمہ داری ہے کہ وہ اسے ذات،خاندان اور معاشرے کی حیثیت میں اپنا کردار ادا کرنے کے قابل بنائے.

اسلام میں تعلیم کا تصور ایک خاص وقت کے ساتھ محدود نہیں ہے بلکہ یہ نام ہے انسان سازی کا، ضرورت کے مطابق صحیح وقت پر صحیح راہنمائی کا..... انسان کو انسان اور مومن بنانا،تزکیہ، تربیت، علم و فضل، علم و عمل، علم و حکمت....اور یہ زندگی کے ہر پہلو کو "کور"کرتا ہے !!!
البتہ ہر مرحلے میں اس کے مطابق علم کی ضرورت ہے:

معلومات:
جبلت اور تعلیم کے ذریعے، ماضی میں جو کچھ انسان حاصل کر چکا ہے اسے پھر سے حاصل نہیں کرنا بلکہ اس سے آگے بڑھنا ہے.. . . .. اسلام اس سے ایک قدم آگے برھ کر کہتا ہے کہ "خود سے آگے بڑھنے کی صلاحیت" بھی پیدا کرنی ہے.. . . عقل جستجو ایجاد، اختراع......... اس کے مغیر ترقی نہیں ہو سکتی،چینی ضرب المثل ہے کہ اگر آپ ایک شخص کی بھوک مٹانا چاہتے ہو تو اسے مچھلی کھانے کو دو لیکن اگر اسے زندہ رکھنا چاہتے ہو تو اسے مچھلی پکڑنا سکھا دو !!!

کردار، استعداد اور معلومات مل کر اسلام کے نظام تعلیم کی تشکیل کرتی ہیں اور ہمیشہ ان سب کا لحاظ رکھا گیا ہے. ہاں اسلام ساتھ یہ ضرور بتاتا ہے کہ یہ سب کن اصولوں اور اقدار کی روشنی میں استوار ہوں.

آج ہمارا المیہ یہ ہے کہ ہم منتشر ہو گئے ہیں، چنانچہ سیکولر نظام تعلیم صرف پیٹ پالنے کو ہے، مذہبی تعلیم اپنے دائرے میں قید اور کردار کسی شمار قطار میں ہی نہیں !!! تین متوازی نظام تعلیم چلانے والا ہمارا یہ معاشرہ سرکاری، مذہبی اور بدیسی طرز تعلیم، طریق تعلیم اور مزاج تعلیم کے ذریعے تین یکسر مختلف مخلوقات دھڑا دھڑ پیدا کر رہا ہے.

ہماری تاریخ میں مختلف شعبہ ہائے علم کس طرح دینی ضرارتوں سے پھوٹے: چند مثالیں::

1::تحریر::قرآن کی کتابت، اور اس کو پائیدار ترین بنانے کے لیے روشنائی کو انمٹ بنانے کی تگ و دو ...... کاغذ سازی اور اس سے پہلے ہڈی پتھر کا استعمال....... کیمسٹری کہ جس سے دوات اور سیاہی کا محلول. . . صرف ایک ضرورت کے لیے اتنی چیزیں.... !!!

2::نماز کے اوقات:: علم الافلاک

3::قبلے کی سمت::جغرافیہ

4::احادیث کی حفاظت::علم الروایۃ ، اسماء الرجال، جرح و تعدیل وغیرہ اور یہ سب خالص آج کل کی سائنسی بنیادوں پر ہوا!!!

5:: طب نبوی صلی اللہ علیہ و سلم::"کوئی بیماری ایسی نہیں جس کی دوا نہ ہو" (الحدیث(....علم النباتات.

خلاصہ یہ کہ انساپئریشن ساری اسی ایک منبع و مرکز سے ہی آتی ہے، اسی نور سے راستوں کو روشن کرتے ہوئے ان سب سمتوں میں دنیاو آخرت کی فوز و فلاح کو مقصد بنا کر پیش قدمی کی جائے.
یہی اسلامی نظام تعلیم کی غرض و غالیت ہے اور یہی اس کا منتہائے کمال ہے.

واقول قول ھذا واستغفراللہ لنا ولکم ولسائر المسلمین العامین، واستغفروہ انہ ھو الغفور الرحیم.

سحر

قلم ٹیکنالوجی کا استعارہ کیسے ہے ۔ وضاحت درکار ہے ۔
جہاں تک میری نولج ہے ۔ قلم اللہ نے تخلیق کیا ہے ۔ اور قلم ہے علم کو سیکھنے کا ذریعہ ۔
جیسے اس آیت میں ہے کہ اس نے سکھایا قلم کے ساتھ ۔
قلم علم کے ساتھ لازم ہے ۔
اور ٹیکنولجی ہے اللہ کے عطا کردہ علم کے ذریعے انسان کی تخلیق کردہ
اگر میں غلط ہوں تو تصحیح کردیں
شکریہ

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے

راجہ اکرام

جس زمانے میں یہ آیت کریمہ نازل ہوئی تھی اس وقت قلم اور کاغذ کی کیا صورتحال تھی؟

سحر

اس پر تو عبداللہ بھائی ہی روشنی ڈال سکتے ہیں ۔
اس پر میرا ایک سوال اور ایڈ کرلیں کہ
اس آیت میں جو قلم لفظ استعمال ہوا ہے کیا اس کے معنی وہیں ہیں جو معنی ہم آج کل کے قلم یعنی پین کے سمجھتے ہیں ۔
یعنی ایسی شئی جو لکھنے کے کام آئے ۔

غلام خان

اللہ رب العالمین نے یہ بھی فرمایا: ( ویخلق مالا تعلمون۔۔۔۔۔۔۔)

حیدر Rehan

الَّذِي عَلَّمَ بِالْقَلَمِ
جس نے قلم کے ذریعے سے علم سکھایا

اس آیت سے مراد ہے کہ غور کیا جائے کہ
اللہ نے انسان کو کسی طریقے سے اور کسی وسیلہ سے علوم و فنون سکھائے ہیں۔

قلم وہ ہے کہ جس کے زریعے ’خدا کا علم‘ ظاہر ہوا اور انسان نے بھی اُسی قلم کے زریعے علم سیکھا۔

سحر

اس جملے کو ذرا تفصیل سے سمجھائیں گے ؟

حیدر Rehan

ایک طویل گفتگو سے اقتیباس …

امام جعفر صادق علیہ سلام سے سفیان (راوی) کہتا ہے:
یابن رسول اللہ (ص) مجھے لوح محفوظ، سیاہی اور اس قلم کے بارے میں وضاحت سے بتائیے اور وہ سب کچھ جو اللہ نے آپکو سکھایا ہے۔

امام (ع) نے جواب دیا اے ابن سعید اگر تم اس جواب کے قابل نہ ہوتے تو میں تمھیں کبھی جواب نہ دیتا (سنو) ‘ن‘ وہ فرشتہ ہے جو قلم کو حرکت دیتا ہے (اسکی ھدایت کرتا ہے) جو خود (یعنی قلم) بھی ایک فرشتہ ہے۔

اور قلم لوح محفوظ کو ھدایت دیتا ہے اور وہ بھی ایک فرشتہ ہے ۔۔۔ لوح محفوظ اسرافیل کو ھدایت دیتی ہے اور اسرافیل میکائیل کو ھدایت دیتے ہیں اور میکائیل جبرائیل کو اور جبرائیل انبیاء و رسل کو پہنچاتے ہیں۔۔

راوی کہتا ہے: پھر انہوں نے فرمایا: ‘سفیان اٹھ جا! اس سے آگے تیرے لئے بہتر نہیں (محفوظ نہیں)

معانی الاخبار ، باب 1 معنى الحروف المقطعہ في أوايل السور من القرآن

سحر

میں نے کہیں پڑھا تھا کہ اللہ تعالیٰ نے انسان کو پیدا کرنے سے پہلے قلم پیدا کیا اور لوح محفوظ میں تمام انسانوں کی تقدیریں لکھیں گئیں ۔
کیا یہ بات ٹھیک ہے ۔
لکھنے میں کچھ غلطی ہوسکتی ہے کیونکہ مجھے یاد نہیں کہ یہ میں نے کہاں پڑھا تھا ۔

حیدر Rehan

بے شک اللہ نے انسان کو خلق کرنے سے پہلے ’قلم‘ کو پہلے خلق کیا ہے وہ قلم نور سے ہے

سحر

الَّذِي عَلَّمَ بِالْقَلَمِ

اس آیت میں کس قلم کا ذکر ہے ؟

حیدر Rehan

ابتدائی آیات ہیں اس لیے یہ بات سب سے زیادہ قابل تعریف شئے یعنی ’قلم‘ کی طرف جائے گی


اسی سورہ کی آیت پر بھی غور کریں ۔۔۔۔کہ اگر کچھ بتا دیں تو کیا ہوگا ؟

کَلاّ إِنَّ الإِنْسانَ لَیَطْغى (6)
ایسانہیں کہ انسان حق شناس ہو، یقیناوہ سر کشی کرتا ہے ۔