پچھلے دنوں ایک اخبار میں ایک دینی مسئلہ پڑھا کسی نے سوال کیا کہ آجکل ایسے ایس ایم ایس آ رہے ہیں کہ جس میں لکھا ہوتا ہے کہ میںقسم کھاتا ہوں کہ اس ایس ایم ایس کو کم از کم دس لوگوں کو فارورڈ کرون گا۔
تو اسکا جواب یہ تھا کہ اگر آپ نے یہ الفاظ نہیں دوہرائے تو پھر قسم نہیں ہوتی۔لیکن اگر آپ نے یہ الفاظ زبان سے دوہرا لیے تو پھر آپکی قسم ہو جائے گی اور آپکو پوری کرنا ہو گی۔

تو میرے ذہن میں سوال پیدا ہوا کہ ایس ایم ایس پڑھنے والے کا کیا قصور۔ اسکو تو معلوم نہیں کہ ایس ایم ایس میں کیا لکھا ہے۔ کئیوں کی عادت ہوتی ہے کہ الفاظ کو بلند آواز میں پڑھتے ہیئں۔ اب اگر کوئی ایس ایم ایس میں یہ لکھ کر بھیج دے کہ میں اپنی بیوی کو طلاق دیتا ہوں اور کوئی نادانستگی میں پڑھ بیٹھے تو کیا اسکی طلاق واقع ہو جائے گی؟
مجھے نہیں معلوم اس فتویٰ کی دینی حیثیت کیا ہے ۔لیکن میرا دین مجھے اس کی اجازت دیتا ہے کہ میں اس فتویٰ کی حیثیت پر سوال کر سکوں۔ آپ لوگ اگر اس سلسلہ میں کچھ جانتے ہوں تو میری رہنمائی کریں۔ہو سکتا ہے مجھے مختصر جواب میں سے بات سمجھ نہ آئی ہو۔آپ کی کیا رائے ہے اس بارے میں؟
(میں فقہی اختلاف کی نہیں اجتہادی اختلاف کی بات کرنا چاہتا ہوں) واللہ اعلم بالصواب