مردوں کے لیے داڑھی رکھنا واجب ہے ۔اور داڑھی رکھنا تمام انبیا علیہم السلام کی سنت ہے اسلامی اور قومی شعار، شرافت اور بزرگی کی علامت ہے ۔ اسی سے مردانہ شکل کی تکمیل اور صورت نورانی ہوتی ہی۔ نبی کریم صلی اللہ علیہ وسلم نے اپنی امت کوداڑھی رکھنے کا تاکیدی حکم فرمایا ہے [۔چناچہ(۱) حضرت عائشہ رضی اللہ عنہا فرماتی ہیں نبی کریم صلی اللہ علیہ وسلم نے ارشاد فرمایا :
دس چیزیںفطرت میں داخل ہیں ان میں ایک یہ بھی ہے مونچھوں کا کٹوانا اور داڈھی کا بڑھانا)
(۲) حضرت عبداللہ بن عمر رضی اللہ عنہ سے روایت ہے کہ نبی کریمصلی اللہ علیہ وسلم نے فرمایا کہ
مونچھوں کو کٹواو اور داڈھی کو بڑھاو (صحیح مسلم ج۱) اور ایک روایت میں ہے کہ آپ صلی اللہ علیہ وسلم نے مونچھوں کوکٹوانے اور داڈھی بڑھانے کا حکم فرمایا۔۔
(۳)حضرت ابن عمر رضی اللہ عنہ سے رویت ہے کہ نبی کریم صلی اللہ علیہ وسلم نے فرمایا :
مشرکوں کی مخالفت کرو ،داڈھیاں بڑھاو اور مونچھیں کٹواو (مشکوۃ شریف )
(۴) حضرت ابو ہریرہ رضی اللہ عنہ سے روایت ہے کہ نبی کریمصلی اللہ علیہ وسلم نے ارشاد فرمایا :
مونچھیں کٹواو اور داڈھی بڑھاو، اور مجوسیوں کی مخالفت کرو (صحیح مسلم ج۱)
(۵)حضرت زید بن ارقم رضی اللہ عنہا سے روایت ہے کہ نبی کریم صلی اللہ علیہ وسلم نے فرمایا جو مونچھیں نہ کٹوائے وہ ہم میں سے نہیں (رواہ احمد والترمزی)
حضرت ابن عباس رضی اللہ عنہ سے ر وایت ہے کہ نبی کریم صلی اللہ علیہ وسلم نے ارشاد فرمایا کہ:
اللہ کی لعنت ہو ان مردوں پرجو عورتوں کی مشابہت کرتے ہیں ،اور اللہ کی لعنت ہو ان عورتوں پر جو مردوں کی مشابہت کرتی ہیں (رواہ البخاری ،مشکوۃ
۱: پہلی حدیث سے معلوم ہوا کہ مونچھیں کٹانا اور داڈھی بڑھانا انسان کی فطرت سلیمہ کا تقاضا ہے ،اور مونچھیں بڑھانا اور داڈھی کٹانا خلاف فطرت ہی،اور جو لوگ ایسا کرتے ہیں وہ فطرۃ اللہ کو بگاڑتے ہیں۔قرآن مجید میں ہے کہ شیطان نے اللہ سے کہا تھا کہ میں اولاد آدم گمراہکروں گا ،اور انہیںحکم دوں گا کہ وہ اللہ کی تخلیق کو بگاڑا کریں ۔تفسیر حقانی اور بیان القرآن میں ہے داڈھی منڈوانا بھی تخلیق خداوندی کوبگاڑنے میں داخل ہے ۔کیونکہ اللہ نے مردانہ چہرے کو فطرۃ داڈھی کی ز ینت و وجاہت عطا فرمائی ہے
۲: دوسری حدیث میںمونچھیں کٹوانے اور داڈھی بڑھانے کا حکم دیا گیا ہے اور حکم نبوی کی تکمیل ہر مسلمان پر واجب اور اسکی مخالفت حرام ہے ۔پس اس وجہ سے بھی داڈھی رکھنا واجب اور اسکا منڈانا حرام ہوا ۔
۴: اور تیسری اور چوتھی حدیث میں فرمایا گیا ہے مونچھیں کٹوانا اور داڈھی رکھنا مسلمانوں کا شعار ہے اس کے بر عکس مونچھیں بڑھا نا اور داڈھی منڈانا مجوسیوں اور مشرکوں کا شعار ہے ا ور۔ نبی کریم صلی اللہ علیہ وسلم نے اپنی امت کو مسلمانوں کا شعار اپنانے اور مجوسیوں کے شعار کی مخالفت کرنے کی تاکید فرمائی ہے ۔
چناچہ نبی کریم صلی اللہ علیہ وسلم کا ارشاد ہے : من تشبہ بقوم فھومنھم ۔
جو شخص جس قوم کی مشابہت کرے وہ انہی میں سے ہو گا۔(جامع صغیر ج۲)
پس جو لوگ داڈھی منڈواتے ہیں وہ مسلمانوں کا شعار ترک کر کے اہل کفر کاشعار اپناتے ہیں ۔ جس کی مخالفت کا نبی کریم صلی اللہ علیہ وسلم نے حکم فرمایا ۔ اس لیے ان کو وعید نبوی سے ڈرنا چا ہیی۔اور نبی کریم صلی اللہ علیہ وسلم کو داڈھی منڈوانے کے گناہ سے اس قدر نفرت تھی کہ جب شاہ ایران کے قاصد نبی کریم صلی اللہ علیہ وسلم کی خدمت میں حاضر ہوئے تو ان کی داڈھیاں منڈی ہوی اور مونچھیں بڑی ہوئی تھیں پسنبی کریم صلی اللہ علیہ وسلم نے ان کی طرف نظر کرنا پسند نہ کیا اور فرمایا تمہاری ہلاکت ہو تمیں یہ شکل بگاڑنے کا کس نے حکم دیا ہر ۔ وہ بولے یہ ہمارے رب یعنی شاہ ایران کا حکم ہے ۔نبی کریم صلی اللہ علیہ وسلم نے فرمایا لیکن میرے رب نے تو مجھے داڈھی بڑھانے اور مونچھیں کٹوانے کا حکم فرمایا ہی۔پس جو لوگ نبی کریم صلی اللہ علیہ وسلم کے رب کے حکم کی خلاف ورزی کر کے مجوسیوں کے خدا کے حکم کی پیروی کرتے ہیں ان کو سو بار سوچنا چاہیے کہ قیامت کے دننبی کریم صلی اللہ علیہ وسلم کی بارگاہ میں کیا منہ دکھائینںگئے ۔اور اگرنبی کریم صلی اللہ علیہ وسلم فرمائیں کہ تم اپنی شکل بگاڑنے کی وجہ سے ہماری جماعت سے خارج ہو تو شفاعت کی امید کس سے رکھیں گئے ۔
داڈھی رکھنا واجب ہے
داڈھی رکھنا واجب ہے مگر اس کا ثبوت سنت یعنی حدیث سے ہے ۔اسی لیے بعض لوگ سنت کہ دیتے ہیں ۔چناچہ شیخ عبدالحق محدث دہلوی رحمۃاللہ علیہ تحریر فر ماتے ہیں ۔یہ جو کہا جاتا ہے کہ داڈھی سنت ہے اسکا مطلب یہ ہے کہ یہ اسلامی طریقہ ہے یا اس کا واجب ہونا حدیث سے ثابت ہوا ہی۔بلکہ ہر واجب سنت ہی سے ثابت ہوتا ہی۔جیسے کہ در مختار باب وتر میں ہے یعنی نماز وتر کے واجب ہونے کا ثبوت سنت سے ثابت ہوا ہے نہ کہ قرآن سی(لمعات شرح مشکوۃ)
داڈھی کو سنت کہنا ایسا ہے جیسے کہ قربانی کوسنت ابراہیم علیہ اسلام کہا جاتا ہے ۔پس جب کہ قربانی کو سنت ابرہیمی کہنے سے یہ قربانی فرض ہونے سے نکل کر مستحب نہیں بن جاتی ۔اسی طرح داڈھی کو سنت رسول کہدینے سییہ واجب ہونے سے نہیں نکل جاتی بلکہ اس کا منڈوانا حرام ہی رہتا ہے ۔
داڈھی منڈوانے کی تاریخ
تاریخ سے معلوم ہوتا ہے کہ سب سے پہلے یہ عمل قوم لوط علیہ اسلام سے شروع ہوا ۔اغلب یہی ہے وہ مرد پرست تھے جب ان کے مردوں کی داڈھیاں آجاتی تھیں تو امرد ہی رہنے کی غرض سے وہ داڈھی منڈوایا کرتے تھے ۔چناچہ نبی کریم صلی اللہ علیہ وسلم نے ا رشاد فرمایا کہ دس برے کاموں کی وجہ سے قوم لوط ہلاک کی گئی ہے ن میں سے ایک لواطت ہے،اور شراب پینا ،اور داڈھی منڈوانا ،اور مونچھیں بڑھانا بھی شامل ہے ۔(در منثورج۴،روح المعانی )
ان تمام نصوص کے پیش نظر فقہائے امت اس پر متفق ہیں کہ داڈھی بڑھانا واجب ہے ،اور یہ اسلام کا شعارہی،اور اس کامنڈانایا کترانا جبکہ حد شرعی سے کم ہو حرام اور گناہ کبیرہ ہے ،جس پرنبی کریم صلی اللہ علیہ وسلم نے سخت وعیدیں ارشاد فرمائی ہیں ۔ اللہ تعالٰی ہر مسلمان کو اس فعل حرام سے بچنے کی توفیق عطا فرمائے آمین