اپنی ھی منزل کو، پانا مشکل لگتا ھے
ھمت تو ٹوٹ گئی، جانا مشکل لگتا ھے

بہت دور تھی منزل، سوچا نہیں تھا
کیسے آئیں واپس، آنا مشکل لگتا ھے

قدم تو بھٹک گئے، اِدھر کے نہ اُدھر کے
کسی کو یہاں پر، بلانا مشکل لگتا ھے

بیچ منجدھار میں، پھنس کے رہ گئے
کشتی کو اب پار، لگانا مشکل لگتا ھے

ھم رہ گئے بے عقل، صحرا کے سفر میں
ملے ویرانے میں کوئی، دانا مشکل لگتا ھے

ارمان اس دوراھے پر، کھڑا سوچتا رھا
صحیح سمت کو ھے، پانا مشکل لگتا ھے