درجہ بندی: (1 votes - 5.00 average)

::::::: اپنے نبی صلی اللہ علیہ و علی آلہ وسلم کی مدد کیجیے :::::::
الحَمدُ لِلَّہِ وَحدَہُ و الصَّلاۃُ و السَّلامُ عَلیٰ مَن لا نَبِيَّ وَ لا مَعصُومَ بَعدَہُ ، وَ عَلیٰ آلہِ وَ ازوَاجِہِ وَ اصَحَابِہِ وَ مَن تَبعَھُم باِحسَانٍ اِلیٰ یَومِ الدِین،
خالص اور حقیقی تعریف اکیلے اللہ کے لیے ہے ، اور اللہ کی رحمتیں اور سلامتی ہو محمد پر جِنکے بعد کوئی نبی اور معصوم نہیں ، اور اُن صلی اللہ علیہ وسلم کی آل پر ، اور مقدس بیگمات پر اور تمام اصحاب پر اور جو اُن سب کی ٹھیک طرح سے مکمل پیروی کریں اُن سب پر ،
غالباً میری یہ بات پڑہنے والے کے ذہن میں سوال اُٹھے کہ بھلا رسول اللہ صلی اللہ علیہ و علی آلہ وسلم کو مدد کی کیا ضرورت ہے جب کہ وہ اللہ کی محبوب ترین ہستی ہیں اور دُنیا اور آخرت میں اللہ کی ہر مدد اُنہیں حاصل ہے ، جی ہاں درست ہے اُن صلی اللہ علیہ و علی آلہ وسلم کو ہماری مدد کی ضرورت نہیں بلکہ ہم پر اُن صلی اللہ علیہ و علی آلہ وسلم کی مددکرنا فرض ہے اور وہ یوں کہ ہم اُن صلی اللہ علیہ و علی آلہ وسلم کے لائے ہوئے اللہ کے دِین کی کامیابی میں اُن کی مدد کریں ، کافروں کے سامنے اس دین کو کھڑا کریں جو نبی صلی اللہ علیہ و آلہ وسلم لے کر آئے ہیں اور اپنے ناواقف مسلمان بھائی بہنوں کو اُن صلی اللہ علیہ و علی آلہ وسلم کی ذات مُبارک کی سیرت اور عِزت و شان سے آشنا کرائیں اور اگر کوئی مُنافق ، یا کافر اُن صلی اللہ علیہ و علی آلہ وسلم کی شان میں کوئی گُستاخی کرے تو ہم اُس کا وہ جواب دیں جِس کا وہ حق دار ہے ، اور اُس کے ساتھ ساتھ ہر ایک کو یہ پتہ چل جائے کہ اُن صلی اللہ علیہ و علی آلہ وسلم کے صحابہ رضی اللہ عنہم کا دور تو نہیں لیکن اُن صلی اللہ علیہ و علی آلہ وسلم کے مددگار آج بھی اُسی طرح ہیں ،
اب اگر کوئی یہ سوچے کہ وہ اکیلا رسول اللہ صلی اللہ علیہ و علی آلہ وسلم کی مدد کیسے کر سکتا ہے تو یہ اُس کی اپنے دِین کی اساسیات سے لا عِلمی کی دلیل ہے ، معاشرے کی تبدیلی فرد کی تبدیلی کی مرہون منت ہوتی ہے کبھی ایسا نہیں ہوا کہ افراد کی تبدیلی کے بغیر یک دم ہی معاشرہ بدل گیا ہو ، جو لوگ ایک ہی ھلے میں یا قوت و حکومت کے بل بُوتے پر پورا معاشرہ بدلنے یا تیار کرنے کی سعی میں مشغول ہوتے ہیں وہ اللہ کی سُنّت کے خِلاف راہ اپنائے ہوئے ہیں اور اگرتا قیامت بھی اِس راہ پر چلیں گے تو بھی کوئی دیرپا اور مُثبت نتیجہ حاصل نہیں کر سکیں گے ،پس ضروری یہ ہے کہ ہر ایک مُسلمان اپنے دِین کی بُنیاد کو سمجھے اُسے اپنائے اُس پر عمل کرے تو اِنشاء اللہ خود بخود اِسلامی معاشرہ تیار ہو جائے گا اور اُس میں سے صالح قیادت و سیاست بھی ظاہر ہوگی ،صحابہ رضی اللہ عنہم والا اِسلامی جمہوری نظام نظر آئے گا نہ کہ سروں کو گننے والا کافرانہ جمہوری نظام ، اور جب ہر مُسلمان اپنے دِین کی بُنیاد سمجھ جائے گا تو اِنشاء اللہ خود بخود وہ اپنے رسول صلی اللہ علیہ و علی آلہ وسلم کا مددگار بن جائے گا ، پس اِس بات کو سمجھنے کے لیے ہمیں اپنے دِین کی بُنیاد کو سمجھنا ہوگا ، جِس کو ہم اپنی زُبانوں پر تو رکھتے ہیں لیکن دِل و دِماغ میں اُس کا صحیح معنیٰ و مفہوم شاید ہی ہے ، اور اگر کہیں ہے بھی تو مطلوب حد تک اُس پر عمل نہیں ،
آج مُسلمانوں ، یعنی ، اللہ کی واحدانیت کا اور محمد صلی اللہ علیہ و علی آلہ وسلم کے، اللہ کے بندے اور رسول ہونے کا زُبانی اقرار کرنے والوں کی تعداد ہزاروں نہیں ،لاکھوں نہیں ، کڑوڑوں نہیں ، اربوں میں ہے ، اور مال و دولت والوں کی بھی کمی نہیں ، دِینی ، دُنیاوی عِلم والوں کی بھی کمی نہیں ، لیکن رسول کریم صلی اللہ علیہ و علی آلہ وسلم کا یہ فرمان اُن پر بالکل پورا ہوتا ہوا نظر آتا ہے کہ (یُوشِکُ الاُمَمُ اَن تَدَاعَی عَلَیکُم کما تَدَاعَی الاَکَلَۃُ اِلی قَصعَتِہَا ) ( بہت قریب ہے کہ(کافر) قومیں تُم لوگوں کے خِلاف (ہر قِسم کی کراوائیاں کرنے کے لیے ) اِس طرح ایک دوسرے کو دعوت دیں گی جیسے کھانا کھانے والوں کو اُس کے حلقے (دستر خوان ) کی طرف دعوت دی جاتی ہے) کِسی(صحابی رضی اللہ عنہُ ) نے عرض کیا ::: کیا ہم لوگ اُس دِن (یعنی اُس وقت ) کم ہوں گے ؟::: تو رسول اللہ صلی اللہ علیہ و علی آلہ وسلم فرمایا ( بَل اَنتُم یَومَئِذٍ کَثِیرٌ وَلَکِنَّکُم غُثَاء ٌ کَغُثَاء ِ السَّیلِ وَلَیَنزَعَنَّ اللَّہ من صُدُورِ عَدُوِّکُم المَہَابَۃَ مِنکُم وَلَیَقذِفَنَّ اللَّہ فی قُلُوبِکُم الوَہنَ ) ( (نہیں ) بلکہ تُم لوگ اُس دِن (یعنی اُس وقت )بہت زیادہ ہوگے لیکن تُم لوگ سیلاب کی (یعنی سیلاب کے پانی میں بہنے والی ) بُھس (خشک گھاس پھونس )کی طرح ہو گے ، اور ضرور اللہ تعالیٰ تُمہارے دُشمنوں کے دِلوں میں سے تُمہارا خوف اُتار دے گا اور ضرور اللہ تُم لوگوں کے دِلوں میں وھن ڈال دے گا ) تو کِسی(صحابی رضی اللہ عنہُ )نے عرض کِیا ::: اے اللہ کے رسول اوریہ وھن کیا ہے ؟ ::: تو رسول اللہ صلی اللہ علیہ و علی آلہ وسلم فرمایا (حُبُّ الدُّنیَا وَکَرَاہِیَۃُ المَوتِ) ( دُنیا کی محبت اور موت سے کراہت (یعنی ناپسندیدگی)) سُنن ابن ماجہ /حدیث ٤٢٩٧/کتاب الملاحم /باب٥ ، السلسلۃ الصحیحۃ / حدیث ٩٥٨ ،
جی ہاں ، آج مُسلمانوں کی بہت ہی بڑی اکثریت اِس بیماری کا شِکار نظر آ رہی ہے ، ہر طرف سے کافر قومیں ایک دوسرے کو دعوت دے دے کر مُسلمانوں کے خِلاف کاروائیوں کر رہی ہیں ، کہیں مُسلمان کی قدامت پسندی کے خِلاف ، کہیں مُسلمان کی بُنیاد پرستی کے خِلاف ، کہیں مُسلمان عورت کی قید و بے وقعتی کے خِلاف ، کہیں مُسلمانوں کی غیر سُودی معیشت کے خِلاف ، کہیں مُسلمانوں کے قُران کے خِلاف کہ وہ دہشت گردی کی تعلیم دیتا ہے ، کہیں مُسلمانوں کے دینی مدرسوں کے خِلاف کہ وہاں دہشت گرد بنائے جاتے ہیں ، کہیں مُسلمانوں کے رسول صلی اللہ علیہ و علی آلہ وسلم کے خِلاف کہ اُنہوں نے دہشت گردی کی تعلیم دی ہے ،
اور ہم مُسلمان محبتِ رسول کے دعوے کرتے ہوئے اِک دُوجے کا گریبان پھاڑنے میں مشغول ہیں ،کتنے ہیں جِن میں بات کرنے کی حد تک ہی جرات ہو کہ اپنے محبوب رسول اللہ صلی اللہ علیہ و علی آلہ وسلم کی شان میں گستاخی پر کوئی حرف احتجاج ہی بُلند کریں ، اللہ اور رسول اللہ صلی اللہ علیہ و علی آلہ وسلم کی کھلے عام نافرمانی کرنے والوں یا والیوں ( کافر ہوں یہ کلمہ گو مُسلمان) میں سے اگر کِسی کی ''' شان میں گستاخی ''' ہو جائے کہ اُسے وہی کچھ کہہ دِیا گیا جو کچھ وہ ہے ، تو کئی طرف شور و غوغا مچ اُٹھتا ہے ، لیکن ، رسول صلی اللہ علیہ و علی آلہ وسلم ، اُن پر میرا سب کچھ قُربان ہو جائے ، کی شان میں گُستاخیوں پر گُستاخی کی جائے اور پھر بڑی فرعونیت سے اُس کو درست مانا جائے ، اور مُسلمان بھی یہ کہیں کہ ''' حق رائے ''' سب کا ہے،
اللہ کی قسم کچھ بعید نہیں کہ ، زمین پھٹ کر ہمیں غرق کر دے ، آسمان ہم پر ٹوٹ پڑے ، سمندر ہمیں پی جائیں ، پہاڑ ہمیں پیس دیں ، درندے جنگلوں میںسے نکل آئیں اور ہمیں چیر پھاڑ دیں ، اللہ کے فرشتے ہمارے گھر ہماری بستیاں ہم پر اوندھی کر دیں ، بادلوں میں سے پانی کی بجائے آگ برس پڑے ، ہمارے دریا و سمندر لاوا بن جائیں اور ہم پر اُمڈ آئیں ، کیسے مُسلمان ہیں ہم کہ جِس کی رسالت کا کلمہ پڑہتے ہیں ، جِس کی محبت کا دعویٰ کرتے ہیں ، اُسکی شان میں گستاخیاں کی جائیں اور گستاخی کرنے والوں کا ناطقہ بند کرنے کی بجائے ہم اُن کے کُفر کی توجہیات پیش کرتے پھریں کہ ''' حق رائے ''' کا اِستعمال سب کے لیے ہے ، بلکہ اگر کہیں کِسی غیرت مند اور محبِ رسول صلی اللہ علیہ و علی آلہ وسلم نے کوئی کاروائی کی تو اُس کے لیے معذرت بھی کریں ، کیا یہ ہی (حُبُّ الدُّنیَا وَکَرَاہِیَۃُ المَوتِ) نہیں ہے ؟؟؟
اِس بُزدلی کا ایک بُنیادی سبب یہ کہ ہم اُس کلمے کا مفہوم ہی نہیں جان پائے جِسکے بولنے اور پڑہنے کی وجہ سے ہم مُسلمانوں کی صفوں میں گنے جاتے ہیں ، اگر ہم اُس کلمے کا مفہوم جانتے تو اُسکے تقاضے بھی جانتے اور اُنہیں پورا کرتے ہوئے نہیں تو کم از کم اُنہیں پورا کرنے کی کوشش میں تو مشغول نظر آتے ،
لا اَلہَ اِلَّا اللَّہَ ، مُحمَد رَسُول اللَّہ ، پر اِیمان زندگی کے ہر معاملے میں اِس کلمے کے مکمل نفاذ کاتقاضا کرتا ہے ، اِس رواں موضوع """ اپنی نبی صلی اللہ علیہ و علی آلہ وسلم کی مدد کیجیے """ کو اِنشاء اللہ تعالیٰ مکمل طور پر سمجھنے کے لیے مندرجہ ذیل روابط کا بالترتیب مطالعہ کیجییے ، میں بات کو روک نہیں رہا ، بلکہ بات سے متعلق ایسے موضوعات کو الگ مراسلات کی صورت میں ارسال کر رہا ہوں جو ایک مُستقل اورالگ موضوع بھی ہیں ، پس مندرجہ روابط پر اُن کو ارسال کر رہا ہوں ، اُن کو پڑہتے ہوئے ہمارے اِس رواں موضوع کے آخری حصے ""حاصلِ کلام ""کی طرف آئیے،
::: لا اِلہَ اِلَّا اللَّہَ ، مُحمَد رَسُول اللَّہ ، پراِیمان کا تقاضا :::
::: اِیمان کی تکمیل کی شرط ، رسول اللہ صلی اللہ علیہ و علی آلہ وسلم سے مُحبت کرنا:::
::: رسول اللہ صلی اللہ علیہ و علی آلہ وسلم سے مُحبت کی نشانیاں اور سب سے بڑا فائدہ :::
::: رسول اللہ صلی اللہ علیہ و علی آلہ وسلم سے مُحبت کا تقاضا :::مُجھے رسول اللہ صلی اللہ علیہ و علی آلہ وسلم سے مُحبت ہےلیکن :::
::: رسول اللہ صلی اللہ علیہ و علی آلہ وسلم کی عِزت و تعظیم ، اور نافرمانی کا انجام :::
::::::: حاصلِ کلام :::::::
مندرجہ بالا تمام متعلقہ مضامین پڑہنے کے بعد اِنشاء اللہ اب یہ سمجھانا آسان ہو گا کہ ہم اپنے نبی صلی اللہ علیہ و علی آلہ وسلم کی مدد کیسے کریں ؟
مُحمد صلی اللہ علیہ و علی آلہ وسلم کے رسول اللہ ہونے کے قطعی اور یقینی دلائل کا مطالعہ کیا جائے، جِن کی اصل اساس قُران ہے ، اور اِن کو اچھی طرح سمجھ کر اِن کو نشرکیا جائے،
اللہ کی طرف سے رسول اللہ صلی اللہ علیہ و علی آلہ وسلم کی تابع فرمانی کے احکامات کا عِلم حاصل کیا جائے ، اورصحیح سُنّت ، اور صحابہ رضی اللہ عنہم اجمعین ، اور تابعین و تبع تابعین کے اقوال و افعال اور اجماعِ اُمت کی روشنی میں اُن کو سمجھ جائے ، تا کہ صحیح راستے پر رہتے ہوئے اُن صلی اللہ علیہ و علی آلہ وسلم کی تابع فرمانی کی جائے جو یقینا ہم سب کی دِین دُنیا اور آخرت کی کامیابی کی ضمانت اور اُن صلی اللہ علیہ و علی آلہ وسلم کی مدد ہے ،
رسول اللہ صلی اللہ علیہ و علی آلہ وسلم کی سیرت مُبارک کا مطالعہ کیا جائے اور اُس پر عمل کرنے اور اُن صلی اللہ علیہ و علی آلہ وسلم کی سیرت کا عملی نمونہ بن کر اپنی آخرت سنوارنے اور دُنیا میں اُن صلی اللہ علیہ و علی آلہ وسلم کی عِزت و توقیر میں اضافہ کرنے کے لیے مطالعہ کیا جائے ، یہ بھی اُن صلی اللہ علیہ و علی آلہ وسلم کی مدد ہے ، کہ جب ہم عملی طور پر اُن صلی اللہ علیہ و علی آلہ وسلم کی سیرت کا نمونہ ہوں گے تو کِسی کافر کو یہ ہمت نہ ہو گی کہ وہ جھوٹی سُنی سنائی باتوں کی بُنیاد پر ہمارے رسول صلی اللہ علیہ و علی آلہ وسلم کی شان میں کوئی گُستاخی کرے ، کیونکہ پھر وہ یہ سوچنے پر مجبور ہو گا کہ اگر محمد رسول اللہ صلی اللہ علیہ و علی آلہ وسلم کے پیروکار ایسے ہیں تو وہ صلی اللہ علیہ و علی آلہ وسلم خود کیسے ہوں گے ،
اب اِس وقت ہماری اکثریت اپنے رسول صلی اللہ علیہ و علی آلہ وسلم کی ذاتِ مُبارک کے لیے بدنامی اور الزامات کا باعث ہے نہ کہ اُن صلی اللہ علیہ و علی آلہ وسلم کی عِزت و توقیر کا، کہ ہماری معاشرت و معیشت ، پوری کی پوری نہ اِدھر کی ہے نہ اُدھر کی ، اپنے ہی مُسلمان بھائی بہنوں اور ہمارے خِلاف کام نہ کرنے والے کافروں کے جان مال عِزت ہم سے محفوظ نہیں، تو کون سوچے گا کہ محمد صلی اللہ علیہ و علی آلہ وسلم ہر گِز ایسے نہ تھے جیسے ہم اُن کے پیروکار ہیں، پس ، اپنی مُحبت کا عملی ثبوت دینے کی ضرورت ہے ، کافروں کے خِلاف اُن صلی اللہ علیہ و علی آلہ وسلم کی مدد کرنے کی ضرورت ہے ، جب ہم یہ کر چُکیں اور پھر کوئی کافر اُن صلی اللہ علیہ وسلم کی شان میں کوئی گستاخی کرے تو اُسکی گردن اُڑا دینے کی ضرورت ہے ، پس پہلا مرحلہ پورا کرنے میں جلدی کیجیئے اور ،
[رسول اللہ صلی اللہ علیہ و علی آلہ وسلم کا اخلاق اپنایا جائے ، کہ اُن سے بڑھ کر با اخلاق نہ کوئی تھا اور نہ ہوسکتا ہے ،
::: رسول اللہ صلی اللہ علیہ و علی آلہ وسلم کی معاشرت اختیار کی جائے ،
::: رسول اللہ صلی اللہ علیہ و علی آلہ وسلم کی معیشت اختیار کی جائے ،
::: رسول اللہ صلی اللہ علیہ و علی آلہ وسلم کا حُلیہ اپنایا جائے کہ وہ اللہ کو سب سے زیادہ محبوب ہے ،
::: رسول اللہ صلی اللہ علیہ و علی آلہ وسلم کے ہر حُکم پر ہر مُمکن حد تک بِلا چُوں و چراں ، و تاویل کے عمل کیا جائے ،
::: رسول اللہ صلی اللہ علیہ و علی آلہ وسلم نے جِس جِس کام سے منع کِیا ہے اُس سے ہر صورت میں باز رہا جائے، کوئی بہانے بازی ، تاویل و فلسفہ آڑ بنا کر راہِ فرار اختیار نہ کی جائے ،
اگر ہم یہ سب کچھ کریں گے تو رسول اللہ صلی اللہ علیہ و علی آلہ وسلم کی مدد کرسکیں گے ، اور اِنشاء اللہ ہم ایسے مُحمدی ہوں گے جنہیں دیکھ کر دیکھنے والے مُحمد صلی اللہ علیہ و علی آلہ وسلم کی شخصیت مُبارک کی اہمیت اور پاکیزگی کا اندازہ کر سکیں گے اور ہماری مُحبتِ رسول صلی اللہ علیہ و علی آلہ وسلم مریض سے مریض دِل والے گندے سے گندے کافر یا مُنافق کو بھی رسول اللہ صلی اللہ علیہ و علی آلہ وسلم کی شان میں کوئی گُستاخی کرنے سے اگر بالکل روکے گی نہیں تو کم از کم اُن کو لگام ضرور ڈال دے گی اِنشاء اللہ تعالیٰ ، [/b][/u]
اے اللہ میرے یہ اِلفاظ اپنے رسول صلی اللہ علیہ و علی آلہ وسلم کی مدد کے زُمرے میں قُبُول فرما ، اور ہر پڑہنے والے کو اِن پر عمل کرنے کی توفیق عطا فرما ، اور ہر کلمہ گو کو تیری مخلوق میں سے سب سے بہترین، پاکیزہ ترین ، مکمل ترین ،اور تیری محبوب ترین ہستی محمد صلی اللہ علیہ و علی آلہ وسلم کی حقیقی مُحبت عطاء فرما ، اور اُس کے عملی تقاضوں کو پورا کرنے والوں میں سے بنا ، اور ہم سے ہمارے نیک عمل قُبُول فرما اور ہماری غلطیوں کوتاہیوں سے درگزر فرما ، اے اللہ اپنی رحمت اور لطف و کرم سے میری دُعا قُبول فرما ۔
طلبگارِ دُعا ، عادِل سُہیل ظفر