آپ صلی اللہ علیہ وسلم اپنی ذات کے لحاظ سے نہ صرف نوعِ لبشر میں داخل ہیں بلکہ آپ کا افضل البشر،سیدالبشر اور اکمل البشر ہونا ہر شک وشبہ سے بالا تر ہے،آپ صلی اللہ علیہ وسلم نوعِ انسانی کے سردار ہیں۔حوا وآدم علیہھما السلام کیلئے سرمایہء صدا افتخار ہیں۔۔۔۔۔۔۔۔۔۔۔۔!

ارشاد نبوی صلی اللہ علیہ وسلم ہے:
آپ صلی اللہ علیہ وسلم کا بشر، انسان اور آدمی ہونا نہ صرف آپ صلی اللہ علیہ وسلم کیلئے طرئہ امتیاز اور کمالِ شرف ہے بلکہ آپ صلی اللہ علیہ وسلم کے بشر ہونے سے انسانیت وبشریت رشک ِ ملائکہ بنی ہے۔
اﷲ رب العزت خلقتِ آدم کے وقت کا تذکرہ فرماتے ہوئے کہتے ہیں۔
پھر شیطان کا تکبر دیکھئے قرآن کریم نے بتلایا ہے کہ بشر کی تحقیر سب سے پہلے ابلیس نے کی اور بشر اوّل حضرت آدم علیہ السلام کو سجدہ کرنے سے یہ کہکر انکار کیا۔
دوسرے مقام پر یہی مضمون اس طرح ہے۔
بعد میں اﷲ جمیع اِنسانیت کی تخلیق کے بارے میں فرماتے ہیں۔
اب اس مٹی سے بنے انسان کو زمین پر اپنی نیابت وخلافت کیلئے چنا گیا اور نوری مخلوق(فرشتوں)کو اسکے آگے جھکادیا گیا اس سے آدم خاکی کی رفعت شان اورعالی مرتبے کا پتہ معلوم ہوتاہے۔اگر ٹھنڈے دل سے بیٹھ کر غوروفکرکرتے ہوئے اُممِ سابقہ کے حالات وواقعات پر نظر ڈالی جائے تو معلوم ہوگا کہ دعوت توحید کے مخالفین(مشرکین)کا پہلا اعتراض انبیاء کی بشریت پر ہی ہوا ہے اور اسی بنا پر کفار نے انکی اتباع سے منہ پھیرا کہ یہ تو ہماری طرح کے بشر ہے ہم انہیں کیونکر رسول مانیں۔۔۔۔۔۔؟؟آنحضرت صلی اللہ علیہ وسلم کے بشر ہونے پر سب سے پہلے ولید بن مغیرہ نے ہرزہ سرائی کی ،کہنے لگا:
اﷲ نے جواب دیا صبر کر تجھے اس بکواس بکنے کے سبب ایسی جہنم میں داخل کیا جائیگا جس پر اُنیس فرشتے نگہبانی کیلئے مامور ہیں جو آدمی کو جلاکر خاکستر کر ڈالے گی کہ نہ اسمیں جی سکے گا اور نہ مرسکے گا۔
ابنِ کثیروطبرانی میں معاویہ بن سفیانؓ سے مروی ہے کہ مشرکین مکہ نے یہود سے ملکر روح،اصحاب کہف اور ذوالقرنین کی بابت سوال کیا اور آپ صلی اللہ علیہ وسلم نے کہا اچھا ٹھیک ہے میں کل جواب دوں گا(لیکن انشاء اﷲ کہنا بھول گئے)لہٰذا کچھ روز سلسلئہ وحی منقطع رہا۔جس پر انہوں نے بغلیں بجائیں۔اﷲ نے حضور صلی اللہ علیہ وسلم کو تعلیم فرمائی کہ انہیں یوں جواب دیں۔
صالح علیہ السلام کی قوم۔۔۔۔۔۔اپنے نبی کے بارے میں کیسا گمان رکھے بیٹھی ہے،دیکھئے:
جب اﷲ نے ایک علاقے میں رسول کے دونائب(پیغام رساں)بھیجے تو قوم نے جھٹلادیا پھر انکی تائید کیلیے تیسرے شخص کا انتخاب کیا۔قوم نے کہاواہ جی آپ لوگوں میں کیا خوبی ہے۔۔۔۔۔۔؟ان کا اعتراض سُنیئے:
قوم شعیب علیہ السلام اپنے نبی کی بشریت کا انکار کرتی نظر آرہی ہے
قوم صالح علیہ السلام پر اپنے نبی کا بشر ہونا ناگراں ثابت ہورہاہے۔
اور ھود علیہ السلام کی قوم تو اپنے نبی کو اپنے اوپر قیاس کر بیٹھی کہ ہم میں اور اس میں (بوجہ بشریت)کوئی خاص فرق تو نہیں یعنی وہ نبوت کے قائل ہونیکے باوجود کھانے پینے اور بازار میں چلنے والے آدمی کونبی ماننے پر تیار نہیں تھے۔
نوح علیہ السلام کی قوم تو بشر کو نبی ماننے پر تیار ہی نہیں اور متمنی ہے کہ (نوری مخلوق)ملائکہ کو بھیجا جائے تو مانیں گے بشر سے ہمیں کیا غرض۔۔۔۔۔۔۔۔۔۔۔۔؟؟
جب مشرکین مکہ کو حضرت محمد صلی اللہ علیہ وسلم کی دعوت حق کے مقابلے کی سکت نہ رہی تو خُفیہ پلاننگ شروع کردی۔انکی''بند کمرہ میٹنگ''کو اﷲ افشاء فرما رہے ہیں۔
سورئہ ابراہیم میں اﷲ فرماتا ہے آؤ ہم تمہیں قوم نوح، عادو ثمود اور انکے بعد والی قوموں کی خبر دیتے ہیں جب انکے رسولوں نے انہیں دعوت حق دی تو سب جھٹلابیٹھے پھر انکے رسولوں نے جواب دیا۔
وہ اﷲ تو تمہیں بخشش ومغفرت کیطرف بلاتاہے پھر یہ سرکشی کیسی۔۔۔۔۔۔؟وہ ڈھٹائی سے پہلو بدلتے ہوئے بولے اچھا خدا کی بحث چھوڑیں آپ اپنی نسبت کہیں کیا آپ آسمانی فرشتے ہیں یا نوعِ بشر کے علاوہ کوئی دوسری مخلوق ہیں۔۔۔۔۔۔؟
اس بھونڈے سوال کے جواب میں اﷲ تعالیٰ نے جمیع انبیاء علیہ السلام کا مسلک اعتدال انہی کی زبانی سمجھا دیا۔
آخر میں اﷲ نے تمام لوگوں سے کہا کہ اے ناقدر انسانو۔۔۔۔۔۔۔۔۔۔۔۔!تمہیں تو اﷲ کے وقار کا لحاظ اور خوف بھی نہیں تم ایک طے شدہ بات کے اندر بھی بغیر دلیل کے جھگڑا کرنے لگے ہو۔آؤ ہم تمہیں حقیقت حال سے آگاہ کریں۔
تو معلوم ہو اکہ اﷲ کی معرفت کا ذریعہ بھی یہی ہے انبیاء کو انسان(بشر)تسلیم کیا جائے۔اس سے بھی بڑھکر آگے اﷲ پاک منکرین رسالت کا عقیدہ نقل فرماتا ہے کہ یہ اپنی حماقت سے اس بات پر تعجب کرتے ہیں کہ انہی کے خاندان اور نسل کا ایک آدمی انکی طرف رسول بناکر کیونکر آیا ہے۔
فقہء حنفی کی مشہور کتاب''فتاوئ عالمگیری''(ص٢٦٣) میں لکھا ہے کہ جو شخص یوں کہے:

بعض لوگوں کا کہنا ہے کہ آپ صلی اللہ علیہ وسلم خدا کے ''نور'' میں سے تھے جو لباسِ بشریت میں جلوہ گر ہوئے اور بعض حُماقہ کے نزدیک تو ''احد'' اور ''احمد'' میں صرف میمؔ کا پردہ ہے(العیاذ باﷲ) یہ وہی عقیدہ ہے جو عیسائی حضرت عیسیٰ علیہ السلام کے بارے میں رکھتے ہیں۔

لَقَدْ كَفَرَ الَّذِينَ قَالُوا إِنَّ اللَّهَ هُوَ الْمَسِيحُ ابْنُ مَرْيَمَ
(المائدہ آیت ٧٢)


بیشک کافر ہوئے وہ لوگ جنہوں نے کہا،اﷲ تو مسیح بن مریم(میں حلول کرگیا)ہے۔

اللہ اور عبداللہ کو ایک کہنا اس سے زیادہ بیہودہ اور لغو بات اور کیا ہوگی۔۔۔۔۔۔؟سچ کہا جاتا ہے کہ عشق وہ جو عقل و حواس کو معطل کر دے ، ایسے ہی عشق سے متاثر کسی شخص کا یہ شعر اللہ سبحانہ و تعالی کے پاک کلام کا کھلا مخالف ہے۔نقلِ کفر، کفر نباشد ۔ ۔ ۔ ۔ ۔ ۔
اسلام میں ایسے باطل عقیدے کی کوئی گنجائش نہیں۔خود اسلام میں داخلے کا دروازہ کلمئہ شہادت آپ صلی اللہ علیہ وسلم کو اﷲ کا بندہ اور اسکا رسول قرار دیتا ہے تو ہم چوں چراں کرنیوالے کون ہوتے ہیں۔۔۔۔۔۔؟؟
اہل سنت والجماعت کے عقائد کی مشہور کتاب''شرح عقائد نسفی''میں رسول کی کی یہ تعریف کی گئی ہے۔
اﷲ پاک بھی کلام پاک میں یہ اصول بیان فرماتے ہیں کہ پیغمبراوّل تو ہمیشہ نوع بشر سے ہوگا دوسرے یہ کہ ہوگا بھی جنسِ رجال سے یعنی آدمی۔
ایک اور مقام پر فرمایا:
واقعہء معراج کے بیان سے پہلے ہی اﷲ نے بطور تمہید وضاحت کردی کہ کہیں کم فہم لوگ یہاں بھی اپنے قیاس کے گھوڑے دوڑانا شروع نہ کردیں۔ویسے قضیئہ نور وبشر کے حل کیلئے اسراء معراج کی جزئیات پرہی غور کرلیا جائے تو کافی ہوگا کہ نوری مخلوق کا سردار(حضرت جبرئیلؑ)تو معذرت خواہ ہے کہ مجھے ایک قدم بھی آگے جانیکی اجازت نہیں لیکن بشر اعظم(ؐ) کی بلندئ پرواز انکی رفعت شان کا پتا دیتی ہے۔پھر اسے شروع بھی لفظ''بندے'' سے کیا جارہاہے۔
پھر درمیان سورت مشرکین نے احمقانہ فرمائش کی کہ آپ صلی اللہ علیہ وسلم ہمارے سامنے آسمان پر چڑھکرکتاب لے آئیں تو اﷲ نے اپنے محبوب صلی اللہ علیہ وسلم کو حکم دیا کہ انہیں یوں جواب دو۔
نیز آپ صلی اللہ علیہ وسلم کو اپنی امت کے بارے میں غلو کا اندیشہ تھا اس لیے امت کو یہ ہدایت فرمائی۔
یہ حقیقت واضح ہے کہ تمام اہل سنت والجماعت اس امر پر متفق ہیں کہ صرف نوعِ انسانی ہی سے اﷲ تعالیٰ انبیاء کو مبعوث فرماتاہے گویا کسی نبی کی نبوت پر ایمان لانے کا مطلب ہی یہ ہے کہ انکو بشر اور رسول بہ یک وقت تسلیم کیا جائے۔یہی نکتہ کلام پاک بھی بیان کرتاہے کہ انبیاء ہمیشہ نوعِ بشر ہی سے بھیجے گئے ہیں۔گویا کہ عطائے نبوت کے بارے میں یہ بات اﷲ تعالیٰ کی طرف سے ضابطہ کی حیثیت رکھتی ہے۔
جس طرح قرآن کریم نے انبیاء علیہ السلام کی بشریت کا اعلان فرمایا ہے اسی طرح احادیث طیبّہ میں آنحضرت صلی اللہ علیہ وسلم نے بھی بلا تردّد اپنی بشریت کا اعلان کیا ہے۔ملاحظہ کیجئیے:
حضرت عائشہؓ نے فرمایا میں نے آنحضرت صلی اللہ علیہ وسلم کو دیکھا کہ وہ نماز کے بعد دعا فرمارہے تھے:
دوسری جگہ فرمایا:
ایک اور مقام پر آپ صلی اللہ علیہ وسلم اقرار بشریت کیساتھ ساتھ اپنی ذات سے علم غیب کی بھی نفی فرماتے نظر آتے ہیں۔
حجتہ الوداع کے موقع پر آپ صلی اللہ علیہ وسلم نے فرمایا:
تو واضح ہوا کہ آنحضرت صلی اللہ علیہ وسلم اپنے کمالات وخصوصیات میں تمام کائنات میں سب سے اعلیٰ واشرف اور یکتا ہیں کوئی آپ کا ہمثل وثانی نہیں مگر آپ صلی اللہ علیہ وسلم بہر حال انسان ہیں۔کیونکہ بشریت کوئی عاروعیب کی چیز نہیں جسکی نسبت آنحضرت صلی اللہ علیہ وسلم کیطرف کرنا بے ادبی میں شمار ہو۔''اشرف المخلوقات'' کا رتبہ بشرو انسان ہی کو تو ملا ہے لہٰذا بشریت آپ صلی اللہ علیہ وسلم کا کمال ہے۔نیز آپ صلی اللہ علیہ وسلم ''ہادئ راہ''ہونیکی حیثیت سے سراپا نور بھی ہیں۔پس ثابت ہوا کہ آپ صلی اللہ علیہ وسلم کے نور وبشر ہونے میں کوئی ایسی منافات نہیں کہ ایک کا اثبات کرکے دوسرے کی نفی کیجائے۔بلکہ(جیسا کہ ہم نے پہلے عرض کیا)آپ صلی اللہ علیہ وسلم صفت ہدایت اور باطنی نورانیت کے اعتبار سے''نور مجسّم''ہیں لیکن اپنی نوع کی اعتبار سے خالص وکامل بشر ہیں۔