حضرت عیسیٰ علیہ السلام کا نزول اور قادیانی اقرار
دوستوںمرزا غلام احمد قادیانی نے جب تک خود مسیح موعود ہونے کا دعوی نہیں کیا تھا اس وقت تک اس کا بھی یہی عقیدہ تھا کہ حضرت عیسی ؑ زندہ آسمان پر تشریف لے گئے ہیں اور قرب قیامت میں دوبارہ تشرہف لائیں گے اور اسلام کو اطراف عالم میں غالب کریں گے لیکن جب خو د مسیح کذاب بن بیٹھا تو نہ صرف حضرت عیسی ؑ کے بارے میں کہا کہ ان کی وفات ہوچکی ہے اور ان کی قبر کشمیر میں ہے بلکہ ان کی صریح توہین کی اور ان کے معجزوں کا انکار کیا میں یہاں صرف ایک حوالہ دوں گا اور انشاءاللہ اسی حوالہ سے ساری بات سمجھاو¿ں گا قادیانیوں سے جب وفات مسیح پر بات ہو تو یہ حوالہ آپ کے بہت کام آئے گا ملاحظہ ہو:
ھوالذی ارسل رسولہ بالھدی و دین الحق لیظھرہ علی الدین کلہ یہ آیت جسمانی اور سیاست ملکی کے طور پر حضرت مسیح کے حق میں پیش گوئی ہے اور جس غلبہ کاملہ دین اسلام کا وعدہ دیا گیا ہے ،وہ غلبہ مسیح کے ذریعہ سے ظہور میں آئے گا اور جب حضرت مسیح علیہ السلام دوبارہ اس دنیا میں تشریف لائیں گے تو ان کے ہاتھ سے دین اسلام جمیع آفاق اور اقطار میں پھیل جائے گا۔﴾براہین احمدیہ ص ۹۳۵،حصہ چہارم﴿۔
اب میں قادیانیوں سے ہوچھتا ہوں کہ مرزا کی اس عبارت کو غور سے پڑھ کر صرف اتنا بتائے کہ مرزا نے جو قرآن کے حوالے سے کہا کہ حضرت عیسیٰ ؑ اس دنیا میں دوبارہ تشریف لائیں گے یہ سچ تھا یا جھوٹ ،صحیح تھا یا غلط۔
﴾ایک اہم نکتہ﴿:مرزا قادیانی۱۹۸۱ءتک کہتا رہا کہ حضرت عیسیٰ ؑ دوبارہ آئیں گے اس کے بعد کہنا شروع کیا کہ وہ مرگئے ہیں دوبارہ نہیں آئیں گے مسلمان اور قادیانی دونوں فریق اس بات پر متفق ہیں کہ ان دونوں متضاد خبروں میں ایک سچی تھی اور دوسری جھوٹی،قادیانی کہتے ہیں کہ پہلی جھوٹی تھی اور دوسری سچی تھی ۔مسلمان کہتے ہیں کہ مرزا کی پہلی خبر(حضرت عیسیٰ ؑ دوبارہ آئیں گے)سچی تھی اور بعد والی خبر(وفات)جھوٹی تھی،خلاصہ یہ ہوا کہ ایک خبر سچی ایک جھوٹی اور یہ طے شدہ امر ہے کہ جھوٹی خبر دینے والا شخص جھوٹا کہلاتا ہے لہٰذ ا دونوں فریق اس پر متفق ہوئے کہ مرزا قادیانی جھوٹا تھا۔
﴾ایک اور قابل غور نکتہ﴿:یہ تو آپ نے ابھی دیکھا کہ دونوں فریق مرز ا کے جھوٹے ہونے پر متفق ہیں ،آئے اب دیکھتے ہیں کہ کونسا فرےق مرزا کو
”بڑا جھوٹا“مانتاہے۔
مسلمان کہتے ہیں کہ ابتداءسے ۱۹۸۱ ءتک مرزا قادیانی اپنی زندگی کے پچاس برس تک سچ بولتا رہا ،آخری سترہ سالوں میں وفات مسیح کا عقیدہ ایجاد کرکے اس نے جھوٹ بولنا شروع کیا ،اس کے برعکس قادیانیوں کا عقیدہ ہے کہ مرزا نے اپنی زندگی کے پچاس برس تک جھوٹ بکتا رہا اس لئے کہ قادیانیوں کے نزدیک پہلے والی خبر جھوٹ تھی اور آخری سترہ سال میں اس نے سچ بولا۔
خلاصہ یہ کہ مسلمانوں کے نزدیک مرزا کے سچ کا زمانہ پچاس سال اور جھوٹ کا زمانہ صرف آخری سترہ سال اور قادیانیوں کے نزدیک مرزا کے جھوٹ کا زمانہ پچاس سال اور اس کے سچ کا زمانہ صرف سترہ سال۔
بتائے دونوں میں سے کس فریق کے نزدیک مرزا”بڑا جھوٹا“نکلا؟قادیانی اس نکتہ پر ضرور غورکریں۔
﴾ایک اور لائق توجہ نکتہ﴿:مسلمان کہتے ہیں کہ مرزا قادیانی پچاس سال تک سچ کہتا رہا کہ حضرت عیسیؑ دوبارہ آئیں گے،پھر شیطان نے اس کو بہکا دیا اور شیطان کے بہکانے سے کہنے لگا کہ عیسیٰ ؑ دوبارہ نہیں آئیں گے بلکہ میں خود مسیح موعود بن گیا اور قادیانی کہتے ہیں کہ گو وہ پچاس سال تک جھوٹ بکتا رہا کہ عیسیٰ ؑ آئیں گے لیکن پھر اس پچاس سال کے جھوٹے کو اللہ تعالی نے (نعوذ باللہ)مسیح موعود بنا دیا،کیا کسی کی عقل میں یہ بات آسکتی ہے کہ پچاس سال تک جھوٹ بولنے والا مسیح موعود بن جائے۔۔؟؟۔
﴾ایک اور دلچسپ نکتہ﴿:اوپر معلوم ہوچکا ہے کہ مسلمان اور قادیانی دونوں فریق اس پر متفق ہیں کہ مرزا جھوٹا تھا،ادھر مرزا کا دعوی ہے کہ وہ مسیح موعود ہے،ظاہر ہے کہ جھوٹا آدمی جب مسیح موعود ہونے کا دعوی کرے گا تو وہ مسیح کذاب کہلائے گا لہٰذا دونوں فریق اس بات پر بھی متفق ہوئے کہ مرزا ”مسیح کذاب“تھا۔