اللہ تعالیٰ نے رسول اللہ صلی اللہ علیہ و علی آلہ وسلم کو جو مقام و مرتبہ عطا فرمایا وہ کسی دوسرے انسان کو نصیب نہیں ہوا۔ آئیے صحیح احادیث کی روشنی میں شان رسالت کے تذکرے سے اپنے دلوں کو منور کریں۔

جب نبوت محمدی لکھی گئی

عَنْ عَبْدِ اللَّهِ بْنِ شَقِيقٍ عَنْ مَيْسَرَةَ الْفَجْرِ قَالَ قُلْتُ يَا رَسُولَ اللَّهِ مَتَى كُتِبْتَ نَبِيًّا قَالَ وآدَمُ عَلَيْهِ السَّلَام بَيْنَ الرُّوحِ وَالْجَسَدِ
(مسند احمدمسند البصرین حدیث میسرۃ الفجر، سلسلۃ الاحادیث الصحیحۃ حدیث نمبر 1856)
"میسرۃ الفجر رضی اللہ عنہ بیان کرتے ہیں کہ میں نے رسول اللہ صلی اللہ علیہ و علی آلہ وسلم سے عرض کیا "یارسول اللہ! آپ کب نبی لکھ دیے گئے تھے (یعنی آپ کی نبوت کب لکھی گئی)؟"
فرمایا:
"(میری نبوت اسی وقت لکھ دی گئی تھی ) جب آدم (علیہ السلام) ابھی روح اور جسد کے درمیان تھے"

چھے فضیلتیں:

وعن أبي هريرة أن رسول الله صلى الله عليه وسلم قال : " فضلت على الأنبياء بست : أعطيت جوامع الكلم ونصرت بالرعب وأحلت لي الغنائم وجعلت لي الأرض مسجدا وطهورا وأرسلت إلى الخلق كافة وختم بي النبيون " . رواه مسلم
"مجھے دوسرے انبیاء پر چھے فضیلتیں دی گئیں:
1۔ مجھے جوامع الکلم عطا کیے گئے۔
2۔ رعب سے میری مدد کی گئی۔
3۔ میرے لیے مال غنیمت حلال کیا گیا۔
4۔ (ساری) زمین میرے لیے سجدہ گاہ اور پاک بنا دی گئی۔
5۔ مجھے تمام مخلوق کی طرف رسول بنایا گیا۔
6۔ مجھ پر نبوت ختم کر دی گئی"

متبعین کی کثرت

قَالَ أَنَسُ بْنُ مَالِكٍ قَالَ النَّبِيُّ صَلَّى اللَّهُ عَلَيْهِ وَسَلَّمَ أَنَا أَوَّلُ شَفِيعٍ فِي الْجَنَّةِ لَمْ يُصَدَّقْ نَبِيٌّ مِنْ الْأَنْبِيَاءِ مَا صُدِّقْتُ وَإِنَّ مِنْ الْأَنْبِيَاءِ نَبِيًّا مَا يُصَدِّقُهُ مِنْ أُمَّتِهِ إِلَّا رَجُلٌ وَاحِدٌ
صحیح مسلم کتاب الایمان باب فی قول النبی صلی اللہ علیہ وعلی آلہ وسلم انا اول الناس یشفع)
انس بن مالک رضی اللہ عنہ بیان کرتے ہیں کہ نبی صلی اللہ علیہ و علی آلہ وسلم نے فرمایا:
میں جنت میں سب سے پہلا شفیع ہوں گا، مجھ سے قبل جتنے نبی آئے ان میں سے کسی کی اس (کثرت) سے تصدیق نہیں کی گئی جیسی میری تصدیق کی گئی۔ نبیوں میں سے کچھ نبی تو ایسے تھے جن کی تصدیق کرنے والا ان کی امت میں سے ایک ہی آدمی تھا"

سب سے پہلے جنت کے دروازے کھلوانے والے

عَنْ أَنَسِ بْنِ مَالِكٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ آتِي بَابَ الْجَنَّةِ يَوْمَ الْقِيَامَةِ فَأَسْتَفْتِحُ فَيَقُولُ الْخَازِنُ مَنْ أَنْتَ فَأَقُولُ مُحَمَّدٌ فَيَقُولُ بِكَ أُمِرْتُ لَا أَفْتَحُ لِأَحَدٍ قَبْلَكَ
صحیح مسلم کتاب الایمان باب فی قول النبی صلی اللہ علیہ وعلی آلہ وسلم انا اول الناس یشفع)
انس بن مالک رضی اللہ عنہ کہتے ہیں کہ رسول اللہ صلی اللہ علیہ و علی‌آلہ وسلم نےفرمایا:
"میں‌قیامت کے دن جنت کے دروازے پر آؤں گا اور دروازہ کھولنے کے لیے کہوں گا، تو نگران کہے گا "آپ کون ہیں"۔ میں‌ کہوں گا "محمد"۔ تو وہ کہے گا "مجھے یہ حکم دیا گیا تھا کہ آپ سے سے پہلے کسی کے لیے دروازہ نہ کھولوں'۔

اولاد آدم کے سردار صلی اللہ علیہ و علی آلہ وسلم

حَدَّثَنِي أَبُو هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ أَنَا سَيِّدُ وَلَدِ آدَمَ يَوْمَ الْقِيَامَةِ وَأَوَّلُ مَنْ يَنْشَقُّ عَنْهُ الْقَبْرُ وَأَوَّلُ شَافِعٍ وَأَوَّلُ مُشَفَّعٍ صحیح مسلم کتاب الفضائل باب تفضیل نبینا علی جمیع الخلائق)
"ابوہریرۃ رضی اللہ عنہ کہتے ہیں کہ رسول اللہ صلی اللہ علیہ و علی آلہ وسلم نے فرمایا:
"میں قیامت کے دن تمام اولاد آدم کا سردار ہوں۔ اور پہلا شخص ہوں جس کی قبر شق کی جائے گی۔ اور پہلا شفاعت کرنے والا اور پہلا مشفع (جس کی شفاعت قبول کی جائے)ہوں"۔

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى آلِ إِبْرَاهِيمَ إِنَّكَ حَمِيدٌ مَجِيدٌ اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى آلِ إِبْرَاهِيمَ إِنَّكَ حَمِيدٌ مَجِيدٌ