ماہ ربیع الاول اور راہ اعتدال

گذشتہ سال ربیع الاول کی بات ہے۔میں ایک پرائیوٹ کالج میں گیا جہاں میرا اکثر ‏آنا جاتا رہتا ہے پرنسپل صاحب اور تقریبا سارے ہی سٹاف سے ا‌چھا تعلق ہے۔ پرنسپل صاحب میں یہ جذبہ بہر حال کوٹ کوٹ کر بھرا ہوا ہے کہ ہمارے بچوں کو بہترین تعلیم اور تربیت ملنی ‌چاہے۔ اور اس کے لئے وہ اپنی ‌چادر میں رہتے ہوئے بھرپور اقدامات کرتے رہتے ہیں۔

پرنسپل صاحب سے ملاقات ہوئی انھوں نے حسب معلوم مختلف امور پر تبادلہ خیال کے بعد ربیع الاول کے حوالے سے بات شروع کی اور کہا کہ ایک بچے کی والدہ نے ڈاکٹر طاہر القادری صاحب کا ایک پمفلٹ لا کر دیا ہے جس کا عنوان غالبایہ تھا کہ عید میلاد النبی کیسے منایا جائے۔۔والدہ نے تاکید کی کہ ماہ ربیع الاول کے موقع پر یہ یہ اقدامات کر کے حضور صلی اللہ علیہ والہ وسلم سے اپنی محبت اور عقیدت کا اظہار کیا جائے اور بچوں کو یہ بتایا جائے کہ حضور صلی اللہ علیہ والہ وسلم سے محبت کیسےکی جاتی ہے۔اور اس پمفلٹ میں ان امور کو لکھا گیا تھا کہ ہمیں اس دن کیا کیا کرنا ‌چاہے جس سے حضور صلی اللہ علیہ والہ وسلم سے ہماری محبت کا اظہار ہوتا ہو۔ ان امور میں یہی ‌چراغاں کرنا، لائٹس لگانا، درود کی محافل کا انعقاد کرنا وغیرہ جیسے کوئی درجن بھر امور تھے۔پرنسپل صاحب نے اس پر میری رائے طلب کی اور کہا ہم یہاں سکول اور کالج کے بچوں میں ان میں سےاپنے وسائل میں رہتے ہوئے کون کون سے کام کر سکتے ہیں جس سے اس ایونٹ کو ہم سلیبریٹ بھی کریں۔اور عشق رسول صلی اللہ علیہ والہ وسلم کا اظہار بھی کریں۔

میں نے ان سے کہا مجھے وہ پمفلٹ دکھائیں پھر ہی کوئی رائے دے سکتا ہوں۔۔ خیر تلاش کرنے پر وہ پمفلٹ انہیں نہ ملا اور یاد ‏آیا کہ وہ انھوں نے ہیڈ مسٹریس کے پاس بھیجوا دیا تھا کہ وہ اس پر غور وفکر کے بعد تجاویز پیش کریں۔

میں ہیڈ مسٹریس کے پاس ملاقات کے لئے گیا انھوں نے یہ قضیہ کھول کر رکھ دیا اورنہایت ہی پریشانی اور افسردگی کے عالم میں کہا کہ مجھے سمجھ نہیں ‏آتا کہ میں پرنسپل صاحب کو کیا جواب دوں کیوں کہ ایک طرف حضور صلی اللہ علیہ والہ وسلم کا یوم پیدائش منانے کا شعور بچوں کو سکھانے کی بات ہے دوسری طرف کالج کا نظم و نسق ہے۔۔ کیوں کہ یہاں ہر سکول ‏آف تھاٹ کے بچے زیر تعلیم ہیں۔ مجھے خدشہ ہی نہیں اپنے تجربہ کی بنا پر غالب گمان ہے کہ کہیں یہاں مذہبی اور فرقہ وارانہ اختلافات نہ بھڑک اٹھیں۔ اور جو نبی رحمت سارے مسلمانوں کو جسد واحد کی طرح رکھنا اور دیکھنا ‌چاہتے تھے ہم ان کے یوم پیدائش پر ہی باہمی اختلاف کا شکار ہو جائیں۔۔مجھے وہ کہنے لگیں مجھے سمجھ نہیں ‏آ ہا کہ میں کیا کروں اور کیا نہ کروں۔اللہ کا شکر ہے ‏آپ ‏آ گئے ہیں اب مجھے کوئی مشورہ دیں کہ میں سر کوکیا کہوں۔

میں نے ان سے وہ پمفلٹ لیا اور اس کا مطالعہ کیا۔۔ پھر ان سے کہا دیکھیں میڈم اصل میں بات یہ ہے کہ ہمارے ہاں ہر معاملے میں عموما افراط و تفریط کا طریقہ ہی اختیار کیا جاتا ہے لیکن اگر غور کیا جائے تو اس افراد و تفریط کے درمیان میں ہمیشہ ایک راستہ ہوتا ہے اور وہی راستہ صراط مستقیم ہوتا ہے۔ بس اسی کی تلاش کی کوشش کرنی ‌چاہے اور اس پر ‌چلتے ہوئے جو بھی ہو جائے اس کی پروا نہیں ہونی ‌چاہے۔

حضور صلی اللہ علیہ والہ وسلم سے محبت اور عقیدت ہر مسلمان کے ایمان کا حصہ بھی ہے اور ایمان کا تقاضا بھی ہے جس سے کسی کو انکار نہیں ‌چاہے وہ ربیع الاول میں عید منائے یا نہ منائے ۔

اس پمفلٹ میں ماہ ربیع الاول میں جو جو اقدامات کرنے کا کہا گیا ہے ان پر اگر ‏آپ غور کریں تو ‏آپ کو ایک بات سمجھ میں ‏آئے گی کہ ان نقاط میں یہ کہا گیا ہے کہ ‏آپ کو جو حضور صلی اللہ علیہ والہ وسلم سے محبت و عقیدت ہے اس کے اظہار کے لئے ‏آپ یہ یہ طریقہ اختیار کیجئے۔ حتی کہ بسا اوقات ان امور کو لازمی اور ضروری قرار دے دیا جاتا ہے اور نہ کرنے والوں پر انگلیاں اٹھائی جاتی ہیں۔۔ مثلا
‌چراغاں کیجئے
لنگر تقسیم کیجئے
جلوس نکالئے
سبز جھنڈیاں لگائیں۔
‌چراغاں کیجئے
اجتماعی محافل درود کا انعقاد کیجئے
اس روز عید کی طرح نئے نئے کپڑے زیب تن کیجئے وغیرہ
جب کوئی طبقہ یا گروہ ایسا کرنا شروع ہوتا ہے تو دوسرے لوگ جو حضور صلی اللہ علیہ والہ وسلم سے اپنی محبت و عقیدت کا اظہار اس طرح نہیں کرتے یا وہ ایسا کرنے کو بعض وجوہات کی بنا پر درست نہیں سمجھتے تو اختلاف کی خلیج جنم لینا شروع کرتی ہے اور بحث مباحثے کا ایک دروازہ کھل جاتا ہے۔۔ اور پھر بات کہاں سے کہاں پہنچ جاتی ہے۔

ان دونوں انتہاؤں کے درمیان راہ اعتداد یہ ہے کہ ماہ ربیع الاول میں کئے جانے والے یہ سارے کام اصل میں حضور صلی اللہ علیہ والہ وسلم سے محبت و عقیدت نہیں ہے بلکہ محبت اور عقیدت کے اظہار اختیار کردہ انسانی طریقے ہیں جن کا شریعت سے تعلق نہیں ہے۔۔۔۔ شریعت ‏آپ سے صرف یہ تقاضا کرتی ہے اور اس کا بس یہی مطالبہ ہے ‏آپ صلی اللہ علیہ والہ وسلم سے محبت اور عقیدت ہونی ‌چاہے بلکہ سب سے زیادہ ہونی ‌چاہے۔۔ لیکن اس محبت اور عقیدہ کا اظہار ‏آپ کس طرح کریں گے اس کا کوئی طریقہ شریعت نے ‏آپ کو نہیں بتایا۔

محبت ‌چیز ہی ایسی ہے کہ اس کے اظہار کے لئے ہم ہر شخص کو ایک یونیفارم کی طرز کا طریقہ نہیں دے سکتے۔۔۔ ایک ہی ماں باپ کے ‌چار بچے ہوتے ہیں۔ اور ‌چاروں کو ماں باپ سے محبت ہوتی ہے لیکن ان کی محبت کے اظہارکے طریقے مختلف ہوتے ہیں۔
میاں بیوی میں باہمی محبت ہوتی ہے لیکن بسا اوقات دونوں کے محبت کے اظہار کے طریقے الگ ہوتے ہیں۔
اسی طرح دیگر رشتوں پر بھی ‏آپ غور کر لیں۔

تو میڈم شریعت ہم سے صرف یہ تقاضا کرتی ہے کہ ہم اپنی اولاد کو محبت رسول سکھائیں۔۔ محبت رسول کے اظہار کے لئے اختیار کردہ طریقے نہیں۔۔۔ لیکن ہمارے ہاں اب یہ روش ‌چل نکلنی ہے کہ حقیقی عشق مصطفی سکھانے کی طرف توجہ نہ ہونے کے برابر ہے لیکن عشق کے طریقے سکھائے جانے اور منائے جانے پر زور دیا جا رہا ہے۔۔۔ ‌چاہے اس کے لئے ساری رات سرکاری بجلی کی تاروں پر کنڈے ڈال کر بوفر سپیکر لگا کر بیماروں کے ‏آرام میں خلل ڈال کر ہی ہمیں کیوں نہ جلسہ کرنا پڑے لیکن ہم ایسا کریں گے ضرور۔

میں نے کہا میڈم ‏آپ اپنے اسلاف اور۔۔۔۔ماہ ربیع الاول کو دیکھیں۔ یہ ماہ حضور صلی اللہ علیہ والہ وسلم کی حیات میں63 بار ‏آیا اور ‏آپ کی وفات کے بعد

حضرت ابو بکر صدیق رضی اللہ تعالی عنہ کے دور خلافت میں 2 بار اور حیات میں 2 بار ‏آیا
حضرت عمر فاروق رضی اللہ تعالی عنہ کے دور خلافت میں 10 بار اور حیات میں 12 بار ‏آیا۔
حضرت عثمان غنی رضی اللہ تعالی عنہ کے دور خلافت میں 12 بار اور حیات میں 24 بار ‏آیا۔
حضرت علی رضی اللہ تعالی عنہ کے دور خلافت میں 5 بار اور حیات میں 29 بار ‏آیا۔
حضرت معاویہ رضی اللہ تعالی عنہ کے دور خلافت میں 19 بار اور حیات میں تقریبا 49 مرتبہ ‏آیا

غرض اسی طرح اگر ہم ازدواج مطہرات حضرات حسین اور دیگر صحابہ کرام رضی اللہ تعالی عنہم کے اداور کو دیکھیں اس کے بعد تابعین اور ائمہ فقہاء امام ابو حنیفہ، امام شافعی امام مالک امام احمد بن حنبل علیہم الرحمہ کے ادوار کو دیکھیں تو کیا ان کے مبارک دوروں میں بھی سچے عاشق رسول ہونے کا ثبوت دینے کے لئے ماہ ربیع الاول میں گلی گو‌چوں میں یہی سب کچھ ہوتا تھا۔ جو ‏آج ہمارے ہاں ہو رہا ہے اور ایسا نہ کرنے والے کو گستاخ رسول اور منکر قرار دیا جاتاتھا۔۔۔۔

اس لئے میری ‏آپ سے گذارش ہے کہ ‏آپ یہاں کالج کے نظم و نسق میں رہتے ہوئے بچوں کو عشق رسول سکھائیں۔۔۔ عشق رسول کے طریقے مت سکھائیں۔۔۔ اگر ان میں حقیقی عشق پیدا ہو گیا تو اس کے اظہار کا طریقہ وہ خود منتخب کر لیں گے۔۔ یہ فطرت ہے۔۔۔


الحمد للہ میری ان گذارشات سے ان کو تشفی ہوئی اور پرنسپل صاحب سے انھوں نے بات کی اور بعد میں میری بات بھی ہوئی اس اس مسئلہ کو بحسن و خوبی حل کیا گیا۔۔۔

لہذا ہر جگہ اور خصوصا یہاں بحث میں الجھے ہوئے ساتھیوں سے گذارش ہے کہ کیا ایسا ممکن نہیں کہ حب رسول کے اظہار کے طریقوں سے زیادہ حب رسول کو پیدا کرنے کی فکر کی جائے۔۔۔ اور ان طریقوں کو الہامی اور شرعت کا حکم سمجھنے کے تصور پر تھو‎ڑا سا غور کر لیا جائے اور تا کہ ہم یہ فیصلہ کر سکیں کہ زیادہ زور حب رسول کے اظہار کے طریقوں پر لگانا مفید ہے یا حب رسول پیدا کرنے پر زور لگا نا بہتر ہے۔

‏آپ سب کی ‏آراء کا انتظار رہے گا۔
شکریہ

والسلام۔۔۔۔

__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔