بسم اللہ الرحمن الرحیم

وفا

وہ دن بھر کا تھکا ماندہ رات کو گھر پہنچا تو سامنے کمرے میں لگے گھڑیال نے بارہ دفعہ ٹن ٹن بجا کر اس کا استقبال کیا ۔وہ اپنے بیڈروم میں داخل ہوا ۔بستر پر پہنچتے ہی اس نے اپنا جسم بیڈ پر یوں گرا دیا جیسے کوئی تھکا ہارا مزدور منزل پر پہنچ کر سر سے بھاری گھٹری زمین پر پھینک دیتا ہے۔اس میں اتنی بھی ہمت نہ تھی کہ وہ کپڑے بدل سکے اس کا انگ انگ درد کر رہا تھا ۔اس نے کمرے کی لائٹ بجھائی اور بستر پر دراز ہوگیا ۔اس نے اپنی آنکھوں پر اپنے دونوں ہاتھ رکھ دئے اور اعصاب کو سکون دینے کی کوشش کرنے لگا ۔تھوڑی دیر بعد وہ نیند کی آغوش میں پہنچ چکا تھا ۔رات کو پچھلے پہر وہ خواب دیکھتا ہے کہ وہ مرچکا ہے ۔
اس کے والدین ،بہن بھائی بچہ اس کی چارپائی کے گرد گھیراڈالے چیخ و پکار کر رہے ہیں ۔وہ ان کی دلدوز آوازیں سن رہا ہے ،لیکن جواب نہیں دےسکتا ،اسکا منہ کپڑے سے زور سے باندھ دیا جاتا ہے کہ کہیں منہ ٹیڑا نہ ہوجائے اور اسکی دونوں ٹانگیں ٹخنوں کے قریب رسی سے باندھ دی جاتی ہے تاکہ ٹانگیں کھل نہ جائیں۔وہ سنتا ہے کہ اس کے گھر کے ٹیلی فون سے اس کے عزیز و اقارب کو اس کی موت کی اطلاع دی جارہی ہے۔وہ یہ بھی سنتا ہے کہ اس کے بھائی شہر میں رہنے والے اسکے عزیزو اقارب کو اس کی موت کی خبر سنا نے جارہے ہیں،وہ دیکھتا ہے کہ محلے کی عورتیں گھر میں اکھٹا ہونا شروع ہوگئی ہیں ۔اچانک وہ مسجد کے لاو¿ڈ اسپیکر سے آواز سنتا ہے کہ کوئی منادی اعلان کرتا ہے:
::حضرات! ایک ضروری اعلان سنئے ،چوہدری افضل حسین قضائے الٰہی سے انتقال کرگے ہے ۔اسکا جنازہ ٹھیک چار بجے اسکے گھر سے اٹھایا جائےگا ۔تمام حضرات سے اپیل کی جاتی ہے کہ وہ جنازے میں شرکت فرما کر ثواب دارین حاصل کرےں::۔
وہ یہ خوفناک اعلان سن کر چیخنا چاہتا ہے لیکن قوت گویائی سلب ہوچکی ہے ۔وہ اُٹھ کر بھگنا چاہتا ہے لیکن اعضا حکم ماننے سے بغاوت کرچکے ہیں ۔پھر اس نے سنا کہ اسکا چچا اپنے بیٹے سے کہہ رہا ہے کہ غسال اور کفن سینے والے درزی کا بندوبست کرو ۔پھر اسکا ماموں اسکے چچا سے کہہ رہا تھا کہ پہلے محلے کے مولوی صاحب سے یہ تو پوچھ لو کہ کفن کو کپڑا کتنا لگے گا۔پھر اس کے ماموں نے اس کے چچا سے پوچھا کہ کیا قبر کا بندوبست ہوگیا ہے ؟ اس کے چچا نے کہا کہ قبر کا بندوبست تو میں صبح ہی کر آیا تھا اور اپنے سامنے ہی کھدائی شروع کرادی تھی۔اسے پتہ چلتا ہے کہ باہر دریاں بچھ گئی ہیں ۔محلے دار دریوں پر بیٹھنا شروع ہوگئے ہیں۔اندرون شہر سے آنے والے عزیز و اقارب بھی پہنچنا شروع ہوگئے۔اس نے سنا کہ ملتان سے اسکی بہن کا فون آیا ہے اور اس نے تاکیداََ کہا ہے کہ میں فوراََ آرہی ہوں میرے آنے سے پہلے میرے بھائی کا جنازہ نہ آٹھایا جائے۔
اچانک اسکے کانوں میں ایک خوفناک آواز پڑتی ہے:©”میت کو غسل کےلئے تیار کرو اور غسل کا سامان لے آو¿“۔ےہ غسال کی آواز تھی ۔غسال کے حکم پر چند نوجوان اسکی چارپائی اٹھا کر اسکے گھر کے صحن کے ایک کونے میں رکھ دیتے ہیںاور پردے کےلئے ارد گرد چادریں تان دیتے ہیں۔سب سے پہلے اسکا بھائی اسکی کلائی سے اس کی محبوب ”راڈو“ گھڑی اتارتا ہے جو اس نے اپنے دوست سے دوبئی سے منگوائی تھی ۔پھر اس کے ہاتھوں سے سونے کی انگو ٹھی اتار لی جاتی ہے جو اس کی ساس نے اسے اسکی منگنی کے دن پہنائی تھی۔اسکی جامہ تلاشی لی جاتی ہے اور اسکی جیب سے ہزاروں روپے اور کاغذات نکالے جاتے ہیں ،وہ حسرت سے اس ڈرامہ کا ٹکٹ دےکھتا ہے ،جسکی اس نے آج ہی ایڈوانس بکنگ کروائی تھی اور کل دوستوں کے ساتھ الحمرا آرٹ سےنٹر میں وہ ڈرامہ دےکھنا تھا،اس کی قمیض اتار دی جاتی ہے۔اس کی خوبصورت نسواری رنگ کی پینٹ جو اس نے آج ہی پہنی تھی اسکے جسم سے جدا کردی جاتی ہے۔اب اسکے جسم پر فقط ایک جائنگہ رہ جاتا ہے،وہ غسال سے چیخ چیخ کر کہنا چاہتا ہے کہ خدارا میرا جا ئنگہ نہ اتارنا،میں بالکل ننگا ہوجاو¿ں گا،لیکن اسکی زبان تو ہمیشہ کےلئے خاموش ہوچکی تھی ۔غسال کے بے رحم ہاتھ بڑھتے ہیں اور اسکا واحد تن پوش جائنگہ بھی اترجا تا ہے ۔اس ننگ دھڑنگ کو اٹھا کر نہانے والے پھٹے پر لٹا دیا جا تا ہے ۔پھر پانی اور بالٹی کی آواز آتی ہے۔اچانک ٹھنڈے پانی کا ایک ڈونگا اس کے جسم پر گرتا ہے وہ کانپنا چاہتاہے لیکن کانپ نہیں سکتا ۔پھر دھڑا دھڑ اس پرپانی کے ڈونگے گرنے لگتے ہیں ۔پھر غسالاپنے سخت ہاتھوں سے اسکے جسم پر صابن ملنے لگتا ہے ۔اسے الٹا سےدھا کرتا ہے ۔کبھی کسی پہلو لٹا تا ہے اور کبھی کسی پہلو ۔نہلانے کے بعد اسے کفن پہنایا جاتا ہے،اسکے نتھنوں میں روئی ٹھونس دی جاتی ہے،عطر کا چھڑکاو¿ ہوتا ہے ،کفن پر مشک بور بکھیر دیا جاتا ہے ،اور اسے اٹھا کر جنازے والی چارپائی پر لٹا دیا جاتا ہے اور چارپائی کو اٹھا کر گھر کے صحن میں رکھ دیا جاتاہے۔سےنکڑوں مرد و زن اسکا چہرہ دیکھنے کےلئے اسکی طرف لپکتے ہیں۔چیخوں کا ایک طوفان اٹھتا ہے ،آنسو و¿ں کا ایک سیلاب بہہ جاتا ہے۔اسکی بیوی اور اسکی بہنیں اسکے اوپر گرجاتی ہیں ۔اسکے والیےن اور اسکے بچے رورو کر نڈھال ہوجاتے ہیں ۔اچانک مسجد سے پھر ایک اعلان ہوتا ہے :