عادل سہیل

السلام علیکم ورحمۃ اللہ و برکاتہ ،
بھائی نوشاد صاحب کے اعتراضات کے جوابات کا سلسلہ شروع کرتے ہوئے میں نے پہلا مراسلہ یہ ارسال کیا تھا :::
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔
السلام علیکم ورحمۃ اللہ و برکاتہ ،
بھائی نوشاد صاحب ، میرے دستخط میں لکھے ہوئے دو شعر کسی صاحب کے فلسفے کے جواب میں لکھے گئے تھے اور ان پر بھی آپ نے جس طرح """ ایک نظر """ فرمائی ہے اس کے بارے میں بات پھر ان شاء اللہ ، میں نے آپ کو کچھ مضامین پڑھنے کا مشورہ دیا تھا ،آپ ان کو پڑھ لیجیے ، مزید بات کے لیے بے شک ایک نیا تھریڈ کھول لیجیے ، ان شاء اللہ وہاں بات کر لیں گے ، یہاں اس تھریڈ میں اسی موضوع پر بات کریں گے جس پر آپ نے """ ایک نظر """ فرما کر اسے اپنی """ نظر """ کی نذر کیا ہے ،
الحمد للہ ، مجھے اب کچھ دن کے لیے اتنی فرصت میسر ہو گی کہ میں آپ کی """تحقیق """ جو اب """ ایک نظر """ ہو گٕئی ہے ، اُس کے بارے میں کچھ گذارشات پیش کروں ،
گو کہ اس کی چنداں ضرورت نہیں کیونکہ بھائی شمشاد صاحب کی طرف سے مراسلہ رقم 21 میں اس """ ایک نظر """ پر کافی اچھے طور پر نظر کی جا چکی ہے ، اور بھائی نوشاد صاحب کے ذاتی فہم پر مبنی اعتراضات کے جوابات دیے جا چکے ہیں ،
لیکن چونکہ بھائی نوشاد صاحب اپنے سوالات کے جوابات شاید میری زبانی بھی حاصل کرنا چاہتے ہیں اس لیے ان کی اس خواہش کے احترام میں حاضری دے رہا ہوں ،
باقی بات چیت ان شاء اللہ اگلے مراسلات میں ، و السلام علیکم۔

عادل سہیل

السلام علیکم ورحمۃ اللہ و برکاتہ ،
بھائی نوشاد کے اعتراضات کے جوابات میں دوسرا جواب یہ تھا :::
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمۃ اللہ و برکاتہ ،

الحمد للہ ، مجھے اب کچھ دن کے لیے اتنی فرصت میسر ہو گی کہ میں آپ کی """ تحقیق """ جسے""" اب ایک نظر """ کہا گیا ہے ، اُس کے بارے میں کچھ گذارشات پیش کروں ،

گو کہ اس کی چنداں ضرورت نہیں کیونکہ بھائی شمشاد صاحب کی طرف سے مراسلہ رقم 21 میں اس """ ایک نظر """ پر کافی اچھے طور پر نظر کی جا چکی ہے ، اور بھائی نوشاد صاحب کے ذاتی فہم پر مبنی اعتراضات کے جوابات دیے جا چکے ہیں ،

لیکن چونکہ بھائی نوشاد صاحب اپنے سوالات کے جوابات شاید میری زبانی بھی حاصل کرنا چاہتے ہیں اس لیے ان کی اس خواہش کے احترام میں حاضری دے رہا ہوں ،

بھائی نوشاد صاحب آپ نے اپنی""" تحقیق ""'، او معاف کیجیے گا اب کے نام کے مطابق """ایک نظر """ کا اعادہ فرماتے ہوئے اپنے اعتراضات کو دوبارہ مراسلہ رقم 36 میں پیش کیا ،

آپ کا پہلا اور دوسرا اعتراض جو آپ کی ذاتی سوچ کے مطابق """ کسی معنوی اختلاف """ کی نشاندہی کرتے ہیں ،دو ہی نکات کی تکرار ہیں کہ """ انس رضی اللہ عنہ ُ نے مختلف جگہوں کے نام بتائے ہیں ، اور لوگوں کی تعداد بھی مخلتف بتائی ہے """،

جسے آپ اپنے تئیں """ معنوی اختلاف """ قرار دے کر ایک صحیح حدیث کو غلط قرار دیے بیٹھے ہیں ، آپ نے مراسلہ رقم 36 میں لکھا ہے :::

اقتباس:

اصل مراسلہ منجانب : نوشاد احمد میں آپ کی سہولت کے لیئے اپنے سوالات پھر مختصر کرکے پیش کرتا ہوں ۔ ۱:۔ ایک جگہ حضرت انس نے عکل کے لوگوں کا آنا بیان کیا ہے ،ایک جگہ عرینہ کے لوگوں کا آنا بیان کیا ہے۔عرینہ کے کچھ لوگوں کا آنا بیان کیا گیا ہے اور عکل کے آٹھ لوگوں کا آنا بیان کیا گیا ہے۔ ایک جگہ ایک قوم کے آنے کا ذکر ہے۔یہ لوگ عکل سے آئے تھے یا عرینہ سے واضح نہیں ہے ۔خود ایک جگہ حضرت انس عکل کہتے ہیں اور ایک جگہ عرینہ ۔یہ کیسے ہو سکتا ہے کہ حضرت انس جیسے صحابی کہیں ایک جگہ کا نام لیں اور کہیں دوسری جگہ کا۔ ۲:۔ہم نے جو روایات لکھیں ہیں ان میں تیسری روایت کے الفاظ تو اور دلچسپ ہیں۔حضرت انس کہتے ہیں رسول اللہ کی خدمت میں عکل یا عرینہ سے کچھ لوگ آئے۔کیا حضرت انس کے سامنے یہ واقعہ ہوا تھا؟اگر ہاں تو بھلا حضرت انس جیسے صحابی جگہ کا نام کیسے بھول سکتے ہیں۔ہاں اگر یہ واقعہ خود حضرت انس نے کسی اور سے سنا تھا تو ہو سکتا ہے بشری تقاضے کے تحت وہ جگہ کا نام بھول گئے ہوں اسی لیئے عکل یا عرینہ کہا۔لیکن اگر حضرت انس نے یہ واقعہ کسی اور سے سنا تھا تو وہ کون تھا ؟کیوں کہ اس حدیث کی تمام اسناد حضرت انس پر جا کر رک جاتیہیں اورحضرت انس سے پہلے کسی صحابی کا نام نہیں آتا۔تو یہ کیسے ہو سکتا ہے کہ حضرت انس کے سامنے یہ واقعہ ہوا اور آپ جگہ کا نام تک بھول گئے۔

بھائی ، اگر آپ نے واقعتا """ تحقیق """ کی ہوتی ، اور یہ """ ایک نظر """ محض سطحی نہ ہوتی ، اور خاص نکتہء نگاہ سے گذار کر کے نہ کی جاتی تو آپ کی باتیں مختلف ہوتیں ، اور نہ ہی آپ صرف صحیح مسلم کی روایات تک محدود رہتے ، تو آپ کو یہ سب غلط فہمیاں لا حق نہ ہوتیں،
بہر حال اللہ نے جو چاہا ہوا، اور ان شاء اللہ اس میں خیر ہی ہے کہ اللہ اس کے ذریعے اپنے رسول صلی اللہ علیہ وعلی آلہ وسلم کی احادیث پر بلا علم اعتراض کرنے والوں کو ظاہر کرتا ہے ، اور ان کے اعتراضات کی حقیقت بھی ، و لہُ الحمد ،

آپ نے اپنی سوچ کو اس مخصوص ہدف سے استعمال کیا کہ کسی طور اس صحیح حدیث پر قدغن لگا کر اسے ضعیف قرار دے دیا جائے اور ایسے سوالات پیش کیے جن کا علمی طور پر کوئی معیار نہیں ، اگر یہ سوالات سوچنے سمجھنے کے ہوتے تو عُلماء اور امام صاحبان رحمہم اللہ صدیوں پہلے یہ سوالات بھی کر چکے ہوتے ، اور ان کے جوابات بھی تلاش کر کے پیش کر چکے ہوتے ، لیکن انہوں نے ان لفظی اختلافات کی سیدھی سادھی شرح فرمائی اور حدیث شریف کی درستگی پر کسی نے کوئی کلام نہیں کیا، اور بلا شک و شبہ اُن کا """ علم """ اور ان کی """ تحقیق """ واقعتا """ علم اور تحقیق """ ہے ،

ظاہر سی علمی اور عملی حقیقت ہے کہ کوئی بھی عقل سلیم والا کسی علم کے عالم کی مدلل بات چھوڑ کر کسی لا علم کی غیر مدلل ذاتی سوچوں پر مبنی بات کو قبول نہیں کرے گا ، خیر ،،، چلیے آپ کی """ تحقیق """ اور """ ایک نظر """ پر نظر کرتے ہیں ،

آپ نے منقولہ بالا دو اقباسات میں دونقاط پر ہی ذور دِیا ہے کہ :::

::: (۱) ::: وہ لوگ عُکلی تھے یا عُرینی ؟

::: (۲) ::: یہ واقعہ انس رضی اللہ عنہ ُ کا اپنا دیکھا ہوا ہے یا انہوں نے کسی اور سے سنا ؟

اور آپ پر یہ پریشانی بھی وارد دکھائی دیتی ہے کہ جو کچھ آپ کی """ ایک نظر """ کو دِکھائی دیا وہ کچھ انس ابن مالک رضی اللہ عنہ ُ جیسے صحابی سے کیسے ممکن ہے ؟؟؟

آپ کی پریشانی ٹھیک ہے ،کیونکہ عموما ً صحابہ رضی اللہ عنہم اجمعین سے حدیث بیان کرتے ہوئے اُن میں سے کوئی کمزوری ظاہر نہیں ہوئی جو آپ کی ذاتی سوچ پر مبنی """ایک نظر """کے تخلیات میں آن بسِیں ،اور تو اور عربی میں لفظ """قوم""" اور اُردُو میں لفظ """قوم """کے مفاہیم کے اختلاف کو بھی نہ روا رکھا اور بات کو کچھ کا کچھ سمجھا ، یا کچھ کا کچھ بنا کر پیش کیا ، اللہ ہی بہتر جانتا ہے کہ """ ایک نظر """ کے ان نتائج کا اصل سبب کیا رہا،

ایک روایت میں لفظ """قوم """ کے استعمال کی کچھ وضاحت ان شاء اللہ آگے پیش کرتاہوں ،

نوشاد بھائی ، آپ کے ان اعتراضات کا جواب شمشاد بھائی مراسلہ رقم 21 میں دے چکے ہیں ، اور طلحہ بھائی نے بھی مراسلہ رقم 31میں آپ کو بڑے اچھے انداز میں ان روایات میں مذکور مختلف الفاظ کی وجہ کےبارے میں سمجھانے کی کوشش کی ، لیکن اللہ جس کے لیے جو چاہتا ہے وہی اس کی عقل میں داخل ہوتا ہے ،

بھائی میرے ،میری اور آپ کی بات ، اور ہماری طرف سے کسی بات کو نشر کرنا بالکل الگ معاملہ ہیں ، اور صحابہ رضی اللہ عنہم أجمعین کی بات اور ان کی طرف سے کسی بات کو نشر کرنا بالکل الگ ، وہ لوگ ہماری طرح ادھر ادھر کی نہیں ہانکا کرتے تھے اور نہ ہی کسی کی بات اپنی بات بنا کر بتاتے تھے ، بالخصوص جب کوئی قول یا فعل رسول اللہ صلی اللہ علیہ وعلی آلہ وسلم سے منسوب ہو رہا ہو،

لہذا اس علمی حقیت کی بنا پر وثوق کے ساتھ یہ کہا جا سکتا ہے کہ انس ابن مالک رضی اللہ عنہ ُ نے یہ واقعہ خود ہی دیکھا اور مختلف اوقات میں مختلف طور پر اس کا ذکر سناتے رہے ، الفاظ کا یہ اختلاف کسی بھی طور کسی شرعی حکم میں کوئی """ معنوی اختلاف """ پیدا کرنے والا نہیں ،

اور اگر کوئی صحابی رضی اللہ عنہ ُ کوئی ایسا واقعہ بیان کرے جس کا وہ خود شاھد نہیں تو بھی کسی شک و شبہےکے بغیر اس کے بات کو مانا جاتا ہے کیونکہ ہم اہل سنت و الجماعت کے تمام تر مذاھب کا یہ متفق عقیدہ ہے کہ صحابہ رضی اللہ عنہم اجعین سارے کے سارے ہی سچے ، بااعتماد ، اور منصف تھے ، جھوٹ، دھوکہ دہی اور بے انصافی وغیرہ جیسی کسی صفت کا ان کے ہاں وجود نہ تھا ، اور رسول اللہ صلی اللہ علیہ وعلی آلہ وسلم کی ذات مُبارک سے کچھ منسوب کرتے ہوئے تو ایسی کسی صفت کا کوئی تصور بھی محال ہے کیونکہ انہیں خوب اچھی طرح علم تھا کہ جوقول و فعل رسول اللہ صلی اللہ علیہ وعلی آلہ وسلم سے منسوب ہو تا ہے وہ دِین کا حصہ ہوتا ہے ، دِین کے اصول و قواعد میں سے ہوتا ہے ،

میں چونکہ یہاں عقائد ، عبادات ، یا معاملات میں سے کسی پر بات کرنے کے لیے حاضر نہیں ہوا ، آپ کی """ ایک نظر """ کے نتیجے میں جو ایک صحیح حدیث کے بارے میں شکوک ابھارے گئے ہیں ، ان شاء اللہ ان شکوک کی حقیقت پرقارئین کرام کی کچھ نظر کروانے حاضر ہوا ہوں ، تا کہ اللہ تبارک و تعالیٰ اس کے لطف و کرم سے اُس کے حبیب صلی اللہ علیہ وعلی آلہ وسلم کی صحیح ثابت شدہ احادیث کے بارے میں شکوک پھیلانے والوں کو بھی ہدایت دے اور ان شکوک سے متاثر ہونے والوں کو بھی محفوظ کرے اور ان شکوک کو پڑھنے سننے والوں کو بھی اُن شکوک کے شر سے محفوظ رکھے ، بے شک میرا اللہ ہی یہ کر سکتا ہے ۔

اس کے بعد گذارش یہ ہے کہ """ عُکل """ یا """ عُرینہ """ کے ذکر کے بارے میں بھی فی الحال اتنا ہی کہتا ہوں کہ اگر آپ یہ """تحقیق """ پیش کرنے سے پہلے ائمہ رحمہم اللہ کی لکھی ہوئی شروح ، اور کتب البلدان پر بھی """ ایک نظر """ فرما لیتے تو ایسے سوالات نہ اٹھتے ، اُس کی بات ان شاء اللہ آگے کروں گا ،

شمشاد بھائی نے مراسلہ رقم 21 میں بہت خوب لکھا تھا کہ :::

اقتباس:

اصل مراسلہ منجانب : شمشاد احمد آپ نے مسئلہ كي وضاحت كے لئے (تحقيق كے لئےنہيں كيوں كہ آپ نے صرف مسلم كے صرف ايك باب سے 8 احاديث كو ديكھا ہے۔)مطالعہ كيا تو يقينا اكابر علماء كي يہ تحقيق آپ كي نظر سے‌گزري ہو گي كہ۔ كہ اصل ميں يہ كل آٹھ آدمي تھے جن ميں سے چار قبيلہ عرينہ سے تين قبلہ عكل سے ايك شخص كسي دوسرے قبيلے سے تعلق ركھتا تھا۔ اس طرح ان تمام روايات ميں تطبيق ہو جاتي ہے۔۔ جن ميں اس حوالے سے آپ كو كہيں راوي كا شك نظر آتا ہے اور كہيں‌حضرت انس رضي اللہ تعالي عنہ كے حافظہ كي فكر پريشان كر ديتي ہے۔۔ ليكن تعجب ہے۔۔ آپ كو يہ اختلاف اور تضاد نظر آ رہا ہے۔

میں شمشاد بھائی کی اس بات کا حوالہ مہیا کیے دیتا ہوں کہ امام ابن حجر العسقلانی رحمہ اللہ کی """ فتح الباری """ اور امام بدرالدین العینی الحنفی رحمہ اللہ کی """ عمدۃ القاری """میں صحیح البخاری کی ان روایات کی شرح کا مطالعہ کیجیے ،جو روایات میں نے ایک دعویٰ کی پرکھ کے لیے آپ کی خدمت میں مراسلہ رقم 35 میں پیش کی تھی ، لیکن آپ نے اپنے دعویٰ کی طرف پلٹ کر نظر ہی نہیں فرمائی ، شاید اسے کسی کی نظر لگ گئی ، مزید برآں علامہ ملا علی القاری الحنفی رحمہ اللہ کی """ مرقاۃ المفاتیح شرح مشکوۃ المصابیح """ میں حدیث رقم 3539 کی شرح کا مطالعہ کیجیے ،

ان سب نے ہی یہ لکھا ہے کہ عکلیوں اور عرینیوں والے واقعے میں وہ آٹھ لوگ تھے ، چار عرینہ قبیلے سے اور تین عکل قبیلے سے اور ایک ان دونوں قبیلوں کے علاوہ تھا لیکن ان کے ساتھ تھا،

اور یہ تفصیل امام الطبرانی رحمہُ اللہ کی ""مسند الشامین /حدیث 2619""" میں میسر ہے اور اس کی نص مندرجہ ذیل ہے :::

(((((أَنَّ أَرْبَعَةً، مِنْ عُرَيْنَةَ وَثَلَاثَةً مِنْ عُكْلٍ ::: کہ عرینہ میں سے چار لوگ اور عکل میں سے تین لوگ ))))) ،

چونکہ آپ نے واقعہ کی کوئی """ تحقیق """ کی ہی نہیں ، اپنے مخصوص ہدف یعنی حدیث شریف کے بارے میں ، روایات حدیث کے بارے میں شکوک پھیلانے کی دُھن میں آپ کی """ ایک نظر """میں لوگوں کی تعداد بتانے والے الفاظ کا مختلف ہونا کچھ اس طرح پھنسا کہ آپ نے اس کو """ معنوی اختلاف """ قرار دے دیا ،

روایات میں اُن لوگوں کی تعداد کے بارے میں درج ذیل الفاظ کا وارد ہوئے ہیں :::

""" قوم ٌ ::: لوگوں کا ایک گروہ ، عام مفہوم میں صرف مَردوں کے لیے استعمال ہوتا ہے """

جبکہ اُردُو میں قوم ایک بہت بڑی ملت کے لیے استعمال ہوتا ہے ، کسی ایک ملک کے رہنے والوں کے لیے ، کسی ایک دِین کے ماننے والوں کے لیے ، وغیرہ وغیرہ ، اور اُردُو کا یہ مفہوم مکمل طورپر عربی کے مفہوم اور بالخصوص شرعی معاملات کے فہم میں مناسب نہیں رہتا ،

""" نفرٌ ::: لوگ ، شخص """

""" رھطٌ ::: کسی قوم ، کسی قبیلے ، کسی خاندان کےلوگوں کا ایک ایسا گروہ جس کی تعداددس سے کم ہو """

""" اُناس ٌ::: کچھ لوگ """

""" ناساً ::: کچھ لوگ """

""" رِجالاٍ ً ::: کچھ مَرد """

""" ثمانیۃ ::: آٹھ """

کیا ہی بھلا ہوتا کہ آپ کی """ تحقیق """ کی """ ایک نظر """ کا دائرہ کچھ وسیع ہوتا اور آپ شرح کے ساتھ لغت اور غریب الحدیث کی کتابوں پر بھی وہ """ ایک تحقیقی نظر """ فرما لیتے ،

ان سب ہی الفاظ کے معانی اور مفاہیم کچھ اختلاف نہیں رکھتے ، چہ جائیکہ اس واقعے کی درستگی اور اس واقعہ میں ملنے والے شرعی احکامات کے بارے میں کچھ شک پیدا کر سکیں ،

جی تو نوشاد بھائی اُن احادیث کی شرح پر """ ایک نظر """ مت کیجیے گا ، مطالعہ فرمایے گا ، اِن شاء اللہ وہاں آپ کو وہ سب کچھ جو شمشاد بھائی نے کہا تھا کہ بہت تفصیل سے مل جائے گا ، بلکہ آپ کے کچھ دیگر اعتراضات کے جوابات میں مل جائیں گے ، اور یہ واضح ہو جائے گا کہ انس رضی اللہ عنہ ُکی بیان کردہ ساری باتیں ایک ہی ایسے واقعہ سے متعلق ہیں جو انہوں نے خود دیکھا اور ساری باتیں جب ایک واقعہ کی صورت میں جمع کر لی جائیں تو کہیں کوئی اختلاف ، یا تضاد نہیں رہتا ،

جیسا کہ میں نے اپنے شروع کردہ تھریڈ میں ، بھائی عامر مرزا صاحب کے ایک سوال کےجواب میں مراسلہ رقم 45میں اس واقعے کو تمام صحیح روایات میں سے ایک تسلسل کے ساتھ ذکر کیا ہے ، آپ نے یا تو اسکا مطالعہ نہیں فرمایا،یا """ ایک نظر """ کرتے گذر گئے ہیں ، و اللہ أعلم،

چلیے خیر یہاں بھی اس کو نقل کیے دیتا ہوں اِن شاء اللہ ، اور آپ کے سوالات کی روشنی میں ایک دو اضافے بھی کیے دیتا ہوں، اِن شاء اللہ ، اور یہ اضافہ جات الگ رنگسے ظاہر کر رہا ہوں :::

ایک دفعہ پڑھ لیجیے گا ،

((((( مختلف صحیح روایات کو جمع کر کے جب ایک واقعہ کی صورت میں ذکر کیا جائے تو یوں بنتا ہے کہ """"""" ایک دفعہ قبیلہ عُکل اور قبیلہ عُرینہ کے آٹھ لوگ مدینہ المنورہ میں رسول اللہ صلی اللہ علیہ و علی آلہ وسلم کی خدمت میں حاضر ہوئے، ان لوگوں کی حالتء زار کافی خراب تھی ،

انہوں نے صُفہ جو کہ مسجد نبوی سے باہر چبوترہ نُما ایک جگہ تھی ، اُس پر قیام کیا،

مدینہ منورہ کی آب و ہوا اور خوراک وغیرہ ان کو راس نہ آئی

لہذا کچھ دِنوں بعد ان لوگوں کو ایک بیماری لاحق ہو گئی ،

اس بیماری کی وجہ سے اُن لوگوں کی رنگت پیلی ہو گئی ، اور پیٹ پھول کر بڑے ہو گئے ،

( ان علامات کا سبب کوئی بھی بیماری ہوسکتی ہے ، برسام ، مُومہ ، استسقاء وغیرہ سب ہی کی علامات ایسی ملتی جلتی ہوتی ہیں ، اس کے بارے میں کچھ بات چیت ایک اور مراسلے میں کر چکا ہوں ، اور کچھ اور بات ان شاء اللہ اگلے مراسلات میں ہو گی)

ان لوگوں نے مدینہ المنورہ میں مزید رہنا پسند نہ کیا،

اپنی شکایت لے کر وہ رسول اللہ صلی اللہ علیہ وعلی آلہ وسلم کی خدمت میں حاضر ہوئے ،

اور اپنی بیماری اور مدینہ شریف کی آب و ہوا اور خوراک کی شکایت کی ،

اور کہا کہ ہم لوگ چلتے پھرتے رہنے والے ہیں ،

کھلی جگہوں میں رہنے والے اور دُودھ گھی کھانے والے ہیں، ہمیں خوراک میں دُودھ دیا جائے،

رسول اللہ صلی اللہ علیہ وعلی آلہ وسلم چونکہ مدینہ میں ہی ان کی اس خواہش کی تکمیل کے اسباب نہ پاتے تھے ، اس لیے انہوں نے اُن لوگوں کو مدینہ سے باہر صدقے کے اونٹوں کے باڑے میں جا رہنے کا مشورہ دیا ، اور فرمایا کہ ((( تُم لوگ ہمارے چرواہے کے ساتھ(اونٹوں کے باڑوں میں) کیوں نہیں چلے جاتے )))،

اور اُنہیں اُن کی خواہش کےمطابق وہاں موجود وانٹنیوں کا دودھ پینے کی اجازت عطاء فرمائی ،

اور ان کی بیماری کے علاج کے لیے یہ بھی تجویز فرمایا ، بتایا ،کہ وہ لوگ اونٹنیوں کا پیشاب اور دودھ بھی بطور دواء استعمال کریں ،

وہ لوگ مدینہ المنورہ سے نکل کر وہاں اُونٹوں والی جگہ چلے گئے ،

اونٹنیوں کے دودھ کے ساتھ نسخے کے مطابق پیشاب کا استعمال بھی کیا ،

اور وہ لوگ شِفایاب ہوگئے ، ان کے جسم صحت مند اور موٹے ہوگئے ،

اس کے بعد انہوں نے رسول اللہ صلی اللہ علیہ و علی آلہ وسلم کے مقرر کردہ چرواہے رضی اللہ عنہ ُ کو پکڑ کر ، اُن کے ہاتھ پاؤں کاٹے ، اُن کی آنکھوں میں سلائیاں پھیر کر اندھا کر دیا ، اُن کی ز ُبان میں کانٹے گاڑے ،

اور پھر رسول اللہ صلی اللہ علیہ و علی آلہ وسلم کی طرف سے وہاں رکھوائے گئے صدقے کے اونٹ اور اونٹنیاں ہانک کر لے گئے ،

رسول اللہ صلی اللہ علیہ و علی آلہ وسلم کو جب اس کی خبر ملی تو انہوں نے اُن لوگوں کے تلاش میں اپنے کچھ صحابہ رضی اللہ عنہم کو بھیجا ،

صحابہ رضی اللہ عنہم نے ان لوگوں کو جا پکڑا اور جانوروں سمیت واپس رسول اللہ صلی اللہ علیہ و علی آلہ وسلم کی خدمت میں لا پیش کیا،

رسول اللہ صلی اللہ علیہ و علی آلہ وسلم نے اُن لوگوں کے ہاتھ اور پاؤں مخالف سمت سے کٹوا دیے ، یعنی دائیں ہاتھ تو بائیں پاؤں ، یا بائیں ہاتھ تو دائیں پاؤں ،

اور ان لوگوں کی آنکھوں میں اسی طرح کیل گاڑے گئے جس طرح انہوں نے رسول اللہ صلی اللہ علیہ و علی آلہ وسلم کے مقرر کردہ چرواہے رضی اللہ عنہُ کی آنکھوں میں گاڑے تھے ،

اور انہیں ایک کھلے میدان میں چھوڑ دیا گیا،

جہاں وہ لوگ مر گئے)))))

مذکورہ بالا عبارت تقریبا ً ساری صحیح روایات میں موجود معلومات کے مطابق اس واقعے کی خبر پر مشتمل ہے ،جس سے یہ واضح ہو جاتا ہے کہ مختلف روایات میں الفاظ کا فرق صرف واقعے کی مخلتف جزئیات بیان کرتا ہے ، واقعہ سے ماخوذ کسی شرعی حکم پر کوئی تاثیر نہیں رکھتا ، اور نہ ہی کسی تاریخی حقیقت کے غلط یا صحیح ہونے کا کوئی تنازع پیدا کرتا ہے ،

بطور خلاصہ گذارش ہے کہ ، انس ابن مالک رضی اللہ عنہ ُ کے بیان کردہ اس واقعہ کی تمام تر روایات میں """ ایک قوم """ جسے سیاق سباق کے مطابق اُردُو میں """ ایک گروہ """ کہا جائے گاکیونکہ عربی لفظ """ قوم """ اور اُردُو کے لفظ """ قوم """ کے مفہوم میں واضح فرق ہے، جس کا ذِکر میں ابھی اسی مراسلے میں کر چکا ہوں ، ، اللہ ہی جانے آپ نے کس اِرادے سے عربی کے لفظ """ قوم """ کو اُردُو میں بھی """ قوم """ ہی قرار دیا ہے ،شاید یہ تاثر دینے کے لیے کہ یہ بہت بڑا اختلاف ہے کہ ایک طرف تو آٹھ لوگ کہا گیا اور دوسری طرف پوری ہی قوم کہا گیا ،

بہر حال ،بھائی میرے ، """ تحقیق """ اور """ ایک علمی نظر """ یہ ثابت کرتی کہ """ ایک گروہ """ ، اس کی تفصیل """ آٹھ آدمی """ ، اور ان کی تفصیل """ چار لوگ ایک قبیلے سے اور تین لوگ ایک قبیلے سے اور ایک ان کے ساتھ """ مجموعہ ء روایات میں میسر ہے ، و للہ الحمد ،

لہذا اس نکتے میں بھی کہیں کوئی """ معنوی اختلاف """ نہیں ، اور نہ ہی انس ابن مالک رضی اللہ عنہ ُ سے کسی بھول چُوک کا امکان ہے ، اور نہ ہی انہوں نے کسی اور سے سن کر یہ واقعہ اپنے طور پر سنا دیا ہے ، اور نہ اُن سے روایت کرنے والے تابعین رحمہم اللہ کی طرف سے بیان و روایت میں کوئی تصرف ہے ، کہ جس جس نے جن جن الفاظ میں سُنا اسی طرح آگے سنایا ، """لفظی فروقات یا اختلافات """ کی درستگی کی کوشش نہیں کی کیونکہ حقیقت اور شرعی احکام پر ان کی کوئی منفی تاثیر نہیں،

ان شاء اللہ یہاں تک کی بات ہر عقل سلیم والے قاری کو آپ کی """ تحقیق """ کے مطابق """ ایک نظر """ کے نتیجے میں خود ساختہ اعتراضات ، اختلافات اور معنوی فروقات کی حقیقت سمجھانے کے لیے کافی ہو گی ، و الحمد للہ ۔

آپ کے باقی اعتراضات کا جواب ان شاء اللہ اگلے مراسلات میں ، اور ان شاء اللہ کروں گا کہ اگلے آٹھ دس دن میں اس تھریڈ کے ساتھ ساتھ صحیح البخاری اور امام بخاری رحمہُ اللہ پر اعتراضات والے تھریڈ میں بھی باری باری ایک ایک دن حاضری ہوتی رہے ، باذن اللہ ،

تمام قارئین کرام سے گذارش ہے کہ اپنی کوئی بات پیش کرنے سے پہلے میری طرف سے بات مکمل ہونے کا انتظار فرمایے گا ، تا کہ بات کا تسلسل خراب نہ ہونے پائے ، ان شاء اللہ ، و السلام علیکم۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔
اس تھریڈ میں بھائی نوشاد صاحب تو نظر نہیں آئے ، شاید میری گذارش قبول فرما کر میری بات مکمل ہونے کے انتظار میں ہوں ، لیکن دوسرے لوگوں نے ان کے اعتراضات کی حقیقت کھلنے کی ابتداء میں ہی اپنی عادت کے مطابق ادھر ادھر کی باتوں پر مشتمل مراسلات شامل کر کے تھریڈ کو طوالت دیتے ہوئے اس کے اصل موضوع سے دور کرنے کی کوشش شروع کر دی ،
لہذا ، اب ان شاء اللہ میں بھائی نوشاد صاحب کے اعتراضات کے جوابات یہاں پیش کروں گا ، و السلام علیکم۔

فاروق سرورخان

پیشاب ناپاک ہے۔ چاہے انسان کا ہو یا کسی اور جانور کا۔ یہ کسی بھی تاویل سے پاک نہیں ہوسکتا۔ یہ ریسرچ کیجئے کہ یہ روایت ان کتب میں گھسائی کس نے؟

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

مرزا عامر

ابھی تک تو یہ حدیث ہی تھی سنت مبارکہ کہاں سے آگئی ۔ مجھے تو ڈر ہے کہیں اگلا دھاگہ ایسا نہ کھل جائے جس میں مسلمانوں پر پیشاب پینا فرض ہو جائے۔

__________________

میں اک دن لَوٹ کے آوں گا

طلحہ

اللہ ان ماڈرن مولویوں کو ٹھیک کر دے۔

فیصل ناصر

"اللہ ہم سب کو ہدایت دے" کی دعا مناسب نہیں ہے طلحہ بھائی ؟

عادل سہیل

السلام علی من اتبع الھدیٰ ،
میں نے گذارش کی تھی کہ تھریڈ کے موضوع کے مطابق بات کی جائے تھریڈ کو منتشر کرنے کی کوشش نہ کی جإئے ، لیکن ،،،،،،،،،،
جناب ، آپ کو اگر جانوروں کے پیشاب کی پلیدگی اور نجاست کے بارے میں کچھ کہنا سننا ہے تو یا تو میرے شروع کردہ """ ::::: اونٹنیوں کے دودھ اور پیشاب سے علاج ::::: """ میں تشریف لے چلیے یا ایک نیا تھریڈ شروع کر لیتے ہیں ،
یہاں صرف اونٹنیوں کے دودھ اور پیشاب سے علاج والی احادیث کی صحت کے بارے میں بات کرنا مطلوب ہے ،
کس نے کس کتاب میں کیا روایات گھیسڑی ہیں ، آپ اس کی ریسیرچ فرمایے اور ہمیں بھی اپنی اس ریسرچ سے محظوظ فرمایے ،
الحمد للہ ، ہمیں بہت اچھی طرح اپنی کتابوں میں موجود روایات کی درستگی اور نا درستگی کا علم ہے ، ایک دفعہ پھر گذارش ہے کہ صرف اور صرف تھریڈ کے موضوع کے مطابق کوٕئی علمی بات کرنا چاہیں تو کیجیے ، اور ہماری گفتگو کے تسسلسل کو خراب مت کیجیے ، اس طرح آپ اپنے فلسفوں کو درست ثابت نہیں کر سکتے باذن اللہ ، و السلام علی من اتبع الھدیٰ۔

عادل سہیل

السلام علی من اتبع الھدیٰ ،
میں نے گذارش کی تھی کہ تھریڈ کے موضوع کے مطابق بات کی جائے تھریڈ کو منتشر کرنے کی کوشش نہ کی جإئے ، لیکن ،،،،،،،،،،
جناب ، آپ کو اگر جانوروں کے پیشاب کی پلیدگی اور نجاست کے بارے میں کچھ کہپنا سننا ہے تو یا تو میرے شروع کردہ """ ::::: اونٹنیوں کے دودھ اور پیشاب سے علاج ::::: """ میں تشریف لے چلیے یا ایک نیا تھریڈ شروع کر لیتے ہیں ،
یہاں صرف اونٹنیوں کے دودھ اور پیشاب سے علاج والی احادیث کی صحت کے بارے میں بات کرنا مطلوب ہے ،
کس نے کس کتاب میں کیا روایات گھیسڑی ہیں ، آپ اس کی ریسیرچ فرمایے اور ہمیں بھی اپنی اس ریسرچ سے محظوظ فرمایے ،
الحمد للہ ، ہمیں بہت اچھی طرح اپنی کتابوں میں موجود روایات کی درستگی اور نا درستگی کا علم ہے ، ایک دفعہ پھر گذارش ہے کہ صرف اور صرف تھریڈ کے موضوع کے مطابق کوٕئی علمی بات کرنا چاہیں تو کیجیے ، اور ہماری گفتگو کے تسسلسل کو خراب مت کیجیے ، اس طرح آپ اپنے فلسفوں کو درست ثابت نہیں کر سکتے باذن اللہ ، و السلام علی من اتبع الھدیٰ۔

عادل سہیل

السلام علیکم ورحمۃ اللہ و برکاتہ ،
بھائی عامر مرزا صاحب ،
لفظ """ سنت """ کا اطلاق رسول اللہ‌صلی اللہ علیہ وعلی آلہ وسلم کے اقوال ، افعال اور تقریر سب پر ہوتا ہے ،
اگر صرف اس تھریڈ کے موضوع تک ہی محدود رہنا نہ ہوتا تو میں اس کی مزید وضاحت بھی کر دیتا ،
جی ہاں ، عام طور پر اس لفظ کو صرف رسول اللہ‌صلی اللہ علیہ وعلی آلہ وسلم کے افعال مبارکہ کا نام ہی سمجھا جاتا ہے ، اور اسی عام مفہوم کی بنا پر آپ نے تبصرہ فرما دیا ہے ، اس عام مفہوم کو بھی لیجیے تو بھی عامر بھائی اس تبصرے کی گنجإئش نہ تھی کیونکہ میں نے لکھا تھا کہ """" رسول اللہ‌صلی اللہ علیہ و علی آلہ وسلم کی سنت مبارکہ میں سے ایک حدیث """" اگر آپ اس عبارت میں سے """ میں سے """ پر غور فرماتے تو یہ تبصرہ نہ کرتے ،
پھر بھی میرے بھإئی ، میں نے جس واقعے کا ذکر کیا ، اور جس کی درستگی کے بارے میں اعتراضات کے جوابات پیش کرنے کے لیے یہ تھریڈ کھولا ، اس واقعہ میں رسول اللہ‌صلی اللہ علیہ وعلی آلہ وسلم کے قول مبارک بھی ہیں اور فعل مبارک بھی ،
پس اگر آپ """ سنت """ کے عام مستعمل مفہوم تک بھی محدود رہنا چاہیں تو بھی آپ کا یہ تبصرہ بر محل نہیں ،
آخر میں اپنی گذارش آپ سے بھی فردی طور پر کرتا ہوں کہ براہ مہربانی اس تھریڈ کے موضوع کے مطابق اس میں شراکت فرمایے ،
اگر آپ واقعتا بات کو سمجھنا چاہتے ہیں تو دیگر موضوعات کو یہاں شامل فرما کر اس موضوع کو منتشر کرنے کی کوشش مت کیجیے ، ان شاء اللہ ان کوششوں سے حق چھپنے والا نہیں اور ایک صحیح حدیث شریف پر نوشاد بھإئی کے بنإئے ہوٕئے اعتراضات کی حقیقت دبنے والی نہیں، و السلام علیکم۔

arifkarim

کیا علاج کیلئے آپ دوستوں کو اونٹنیوں کا پیشاب ہی ملا ہے؟ بھائی میڈیکل سائنس بہت آگے جا چکی ہے۔ ہم 600 عیسوی میں نہیں رہ رہے جو اونٹنیوں کا پیشاپ پیتے پھریں۔

محمدخلیل

ہینننننننننننننننننننن
یہ میں نے پہلے کیوں نہ پڑھا؟؟؟؟؟//

ویسے وہ کونسی بیماری کا علاج ہے اس میں؟؟؟؟؟؟؟؟/

مرزا عامر

اونٹ کے پیشاب کے تمام فضائل آپ کو اس دھاگے میں مل جئیں گے
::::: اونٹنیوں کے دودھ اور پیشاب سے علاج :::::

عادل سہیل

جی ہاں ، سنن النسائی (کتاب الطہارۃ /باب ۱۹۱)کی روایت میں بڑی واضح علامات مذکور ہیں کہ """اُن لوگوں کی رنگت پیلی ہوگئی اور ان کے پیٹ بڑھ گئے """
اور اُن لوگوں کے بارے میں بھی سنن النسائی کی روایت میں پیٹ بڑھ جانے کا ذکر ہے ،
اور عین ممکن ہے کہ وہی ہوا جیسا کہ بھائی علامہ صاحب نے کسی حوالے کے بغیر یہ لکھا تھا کہ اُن لوگوں کے گُردوں میں پانی پڑ گیا تھا ، واللہ أعلم ، """""""
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔
عربی عبارات کو ٹھیک سے دیکھنے کے لیے """ یہ فونٹ """ اتار کر انسٹال کیجیے ۔

محمدخلیل

میں تو بس یہی کہوں گا کہ اگر حدیث سچی ہے تو میں مان لیتا ہون اگر نہیں ٹھیک تو میں نہیں مانتا

__________________
تم لوگوں کی اس دنیا میں ہر قدم پہ انساں غلط
میں صحیح سمجھ کہ جوبھی کروں تم کہتے ہو غلط
میں غلط ہوں تو پھر کون صحیح؟