کنعان

السلام علیکم

اس پر تھوڑی کوشش کر کے تفصیلی بتائیں کہ ابن عربی متن میں کیسے لکھا ہو تو اردو میں ابن لکھا جائے گا اور بن عربی متن میں کیسے لکھا ہو تو اردو میں بن پڑھا جائے گا۔ پھر اس کے بعد آیت میں اس کی وضاحت فرمائیں۔ صرف ترجمہ میں تحریف لکھ دینا کافی نہیں۔

والسلام

__________________

کنعان

السلام علیکم!

کیا Ibn انگلش کا ورڈ ھے

والسلام

کنعان

السلام علیکم

حضرت عیسٰی بیٹے مریم علیہ السلام کے حوالہ سے اپنی بات ثابت کرنے کے لئے راجیو کو ہی کیوں منتخب کیا جبکہ راجیو کی مثال سے کچھ بھی ثابت نہیں۔

ملکہ الزبتھ کا بیٹا شہزادہ چالس جو ان کے بعد کنگ بنے گا۔ الزبتھ/ کوئین2 کے نام جانا جاتا ھے اپنے باپ کے نام سے نہیں۔ لیکن اس سے بات کا نام کٹ نہیں جاتا جہاں باپ کے نام کی ضرورت ہو وہاں یہ نام ہی استعمال ہو گا مگر ماں کوئین ھے اور اسے دنیا جانتی ھے۔

شہزادہ چالس کے بچے پرنس ولیم اور پرنس ہیری یہ دونوں اپنی ماں لیٹ ڈیانا کے نام سے ہی پکارے اور جانے جاتے ہیں حالانکہ وہ اب اس دنیا میں بھی نہیں رہی، اسے شہرت خوبصورتی اور سوشل ورک میں حاصل ہوئی تھی اور اس کی مقبولیت اور شہرت شہزادہ چالس سے کہیں زیادہ تھی۔

زرداری ملک کا صدر ھے اور اس کے بچے اپنی ماں بےنظیر کے نام سے جانے جاتے ہیں۔

ایسی اور بھی بہت سے مثالی ہیں مگر ان سب کے باپ ہیں اور یہ صرف دنیا میں کسی نہ کسی مقبولیت سے ایک مقبول شخصیت کے نام سے جانے جاتے ہیں۔ ان سب کے باپ ہیں/تھے، عیسٰی علیہ السلام پر واضع آیات ہیں۔

{ یقینا ان لوگوں نے کفر کیا جنہوں نے یہ کہا کہ مسیح بن مریم ہی اللہ ہے }
المائدۃ / 72

{ وہ لوگ بھی قطعا کافر ہو گۓ جنہوں نے یہ کہا کہ اللہ تینوں میں سے تیسرا ہے ، دراصل اللہ تعالی کے سوا کوئ اور معبود نہیں ، اگر یہ لوگ اپنے اس قول سے باز نہ آۓ تو ان میں سے جو کفر پر رہیں گۓ انہیں ضرور المناک عذاب دیا جاۓ گا }
المائدۃ / 73

مریم علیہ السلام پر اللہ سبحان تعالی کا فرمان اور رانا صاحب اپنی لیبارٹری میں ایکس/وائی ۔۔۔۔۔۔۔۔۔۔۔۔۔۔

مریم علیہا السلام نے کہا اے میرے رب ! مجھے لڑکا کیسے ہو سکتا ہے ؟ مجھے تو کسی انسان نے چھوا تک نہیں ، اللہ تعالی نے کہا ، اسی طرح اللہ تعالی جو چاہتا ہے پیدا کرتا ہے ، جب کسی چیز کا فیصلہ کر لیتا ہے تو وہ اس کے لۓ ، ہو جا ، کہتا ہے تو وہ چیز ہو جاتی ہے }
آل عمران / 45 - 47

جبریل نے کہا میں تمہارے رب کا بھیجا ہوا ہوں تاکہ تمہیں ایک پاکیزہ ہبہ کروں ، مریم علیہا السلام نے کہا مجھے لڑکا کیسے ہو گا جبکہ مجھے کسی انسان نے چھوا تک نہیں ہے اور میں بدکار بھی نہیں ہوں ، جبریل علیہ السلام کہنے لگے ایسا ہی ہو گا تمہارا رب کہتا ہے کہ یہ کام میرے لۓ آسان ہے ، اور تاکہ ہم اسے لوگوں کے لۓ (اپنی قدرت کی) ایک نشانی اور رحمت بنا‏ئيں ، اوریہ ایک ایسی بات ہے جس کا فیصلہ ہو چکا ہے }
مریم / 16 – 21

یہاں اللہ سبحان تعالی نشانی اور رحمت پر فرما رہا ھے اور لیبارٹری والے ۔۔۔۔۔۔۔۔ راجیو گاندھی سے دلیل پکڑ رہے ہیں۔

مسیح عیسی بن مریم علیہ السلام تو صرف اللہ تعالی کے رسول اور اس کے کلمہ ( کن سے پیدا شدہ) ہیں جسے مریم (علیہا السلام ) کی طرف ڈال دیا تھا اور اس کے پاس کی روح ہیں اس لۓ تم اللہ تعالی کو اور اس کے سب رسولوں کو مانو اور یہ نہ کہو کہ اللہ تین ہیں ، اس سے باز آجاؤ کہ تمہارے لۓ بہتری ہے ، اللہ تو صرف ایک ہی عبادت کے لا‎ئق ہیں اور وہ اس سے پاک ہے کہ اس کی اولاد ہو ، جو کچھ آسمان وزمین میں ہے وہ اسی کے لۓ ہے اور اللہ کافی ہے کام بنانے والا }
النساء / 171

والسلام

شکاری

محترم،
سورہ انعام کی اس آیت میں‌بھی آبائہم کے ساتھ اخوانہم، ذریاتہم کے الفاظ‌موجود ہیں۔ اور انبیاء کی فہرست میں‌حضرت یحیی اور حضرت عیسیٰ‌علیہم السلام کے نام بھی موجود ہیں۔ اور حضرت یحیی اور حضرت عیسیٰ‌ علیہم السلام کے بھائی اور اولادیں‌نہیں‌تھیں، اس کے باوجود اللہ تعالیٰ‌نے یہاں‌ اولاد و اخوان کا تذکرہ کیا ہے۔ لہٰذا اگر اس آیت میں‌موجود ذریاتہم اور اخوانہم کے الفاظ‌سے حضرت یحیٰ‌اور عیسیٰ‌علیہم السلام کے لئے بھائیوں‌اور اولاد کا اثبات نہیں‌ہوتا، تو اس آیت میں‌موجود لفظ‌ آبائہم سے حضرت عیسیٰ‌علیہ السلام کے والد کا اثبات بھی ہرگز نہیں ہو سکتا۔ تفصیل گزشتہ پوسٹ‌ 44 میں‌ پیش کر دی گئی ہے۔

[/QUOTE]
آیت کے الفاظ‌ملاحظہ کیجئے:

وَمِنْ آبَائِهِمْ وَذُرِّيَّاتِهِمْ وَإِخْوَانِهِمْ ۖ وَاجْتَبَيْنَاهُمْ وَهَدَيْنَاهُمْ إِلَىٰ صِرَاطٍ مُّسْتَقِيمٍ ﴿٨٧﴾
اور ان کے باپ دادوں اور ان کی اولاد اور ان کے بھائیوں میں سے بعضوں کو ہم نے ہدایت دی اور ہم نے انہیں پسند کیا اور سیدھی راہ پر چلایا۔

لہٰذا یہاں پر عمومی رشتہ داروں میں‌سے بعض‌کی ہدایت کا بیان ہے۔ من کے الفاظ بذات خود استثنإء ہیں کہ ان تمام انبیإ کے تمام باپ دادوں، تمام اولادوں‌اور تمام بھائیوں کو ہدایت نہیں‌ملی۔ بلکہ بعض کو ملی ہے۔ نہ تو یہ آیت خاص حضرت عیسیٰ‌علیہ السلام کے لئے ہے۔ نہ یہاں ان کی ولادت ہی کا تذکرہ ہے۔ اور جو آیات حضرت عیسیٰ‌ علیہ السلام کی ولادت کے تذکرہ پر مشتمل ہیں، ان پر آپ توجہ نہیں‌کرتے ، جگہ جگہ عیسیٰ‌ابن مریم اور مریم بنت عمران کے واضح‌الفاظ‌ کو اگنور کرتے ہیں اور دور از کار تاویلات باطلہ کے ذریعے اپنا من چاہا مفہوم ایسی آیات سے کشید کرنے کی کوشش کر رہے ہیں، جن کا آپ کے مدعا سے دور کا تعلق بھی نہیں۔

اللہ تعالیٰ‌ آپ کو اور ہمیں‌ہدایت نصیب فرمائے۔ اور تعصب و انا پرستی سے اپنی پناہ میں‌رکھے۔ آمین یا رب العالمین۔

__________________
نہیں، اے محمدؐ، تمہارے رب کی قسم یہ کبھی مومن نہیں ہوسکتے جب تک کہ اپنے باہمی اختلافات میں یہ تم کو فیصلہ کرنے والا نہ مان لیں،پھر جو کچھ تم فیصلہ کرو اس پر اپنے دلوں میں بھی کوئی تنگی نہ محسوس کریں، بلکہ سر بسر تسلیم کر لیں۔ [النساء: 65]

فاروق سرورخان

جناب عیسی علیہ السلام اس دعوے کے مطابق ، جوزف کارپینٹر اور حضرت مریم علیھا السلام کی اولاد تھے۔ اتفاق سے ان دو محترم افراد کی مزید اولادیں بھی تھیں۔ جن کے نام متی اور مرقس کی انجیل میں‌درج ہیں۔ متی 13:55 اور مرقس 6:3 ۔۔۔ ان کے نام انگریزی میں James, Joses, Simon, and Judas ۔۔۔ ہیں‌ ۔ ناموں سے برطرف یہ ایک تاریخی حقیقت ہے کہ یہ حضرت مریم علیھا السلام کی اولادیں‌تھے۔ جو کہ کم ازکم والدہ محترمہ کی طرف سے حضرت عیسی علیہ السلام کے بھائی بنتے ہیں ۔

چونکہ نبی اکرم حضرت عیسی علیہ السلام کا قتل نہیں‌ہوا بلکہ اللہ تعالی نے ان کی والدہ سمیت ان کو ایک اونچی جگہ پر رکھا ۔ اگر جناب نے ایک عمومی زندگی گذاری تو انہوں نے شادی بھی کی ہوگی اور بچے بھی ہوئے ہونگے۔ یہ آیت اس بات کی گواہی دیتی ہے کہ جن نبیوں‌ کی اولادیں تھیں ان میں حضرت عیسی علیہ السلام بھی شامل ہیں۔ اللہ تعالی اتنی بے دھیانی سے ایسی بات نہیں‌ فرماتا۔۔۔۔ نعوذ باللہ۔

اسی طرح گو کہ کوئی تاریخی معلومات حضرت یحیی علیہ السلام کے برادران یا بچوں کے بارے میں‌موجود نہیں لیکن قرآن حکیم میں‌اللہ تعالی کی گواہی مسلمانوں کے لئے کافی ہے کہ جناب کے بھائی اور بچے ضرور تھے۔

والسلام

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

حیدر Rehan

ڈیونچی کوڈ۔۔۔۔۔۔۔۔۔۔۔۔۔۔۔۔۔۔ایک فلم ہے اس میں بھی حضرت عیسی علیہ سلام کی شادی اور ان کی اولاد کا زکر کیا ہے یعنی یہ فلم ایک راز پر سے پردہ اٹھاتی ہے ۔



فلم صرف اس لیے اچھی اور بہتر لگی کہ جو لوگ حضرت عیسی علیہ سلام کو نعوذباللہ خدا کا بیٹا مانتےہیں ان کے عقیدے پر بہت بری چوٹ پڑتی ہے کہ ان کی اولاد اج انھی کے درمیان گھوم پھر رہی ہے اور ہم کچھ بھی ایسا اس نسل میں نہی دیکھتے ۔

شکاری

نہایت افسوس کی بات ہے کہ ہر دھاگے کی ہر پوسٹ میں‌صرف قرآن ، صرف قرآن کی رٹ لگانے والے احباب بھی مطلب پڑنے پر تحریف شدہ تورات و انجیل سے قرآن کی تفسیر کرنے اتر آتے ہیں، لیکن رسول اللہ صلی اللہ علیہ وسلم کی احادیث‌اگر تفسیر میں‌پیش کر دی جائیں‌تو قرآن کے مکمل کتاب ہونے کا ڈھنڈورا پیٹا جاتا ہے۔ اور حدیث‌سے قرآن کی تفسیر کرنے والوں‌پر پھبتیاں‌کسی جاتی ہیں کہ یہ لوگ تو قرآن کو مکمل کتاب نہیں مانتے، وغیرہ۔ اور خود بالیقین محرف شدہ تورات و انجیل سے قرآنی تفسیر کرتے پھریں‌، پھر بھی مفکرین قرآن کہلائیں۔ بہت خوب۔

حالانکہ حضرت عیسیٰ‌علیہ السلام کے دیگر بھائی یا بہنوں کا معاملہ خود عیسائیوں‌میں‌ایک معرکۃ الآراء اختلافی مسئلہ ہے۔ کیونکہ انجیل میں‌ بھائی اور بیٹے کے الفاظ‌بائیولوجیکل بھائیوں‌اور بیٹوں کے بجائے عمومی خطاب کے طور پر بھی بڑی کثرت سے استعمال ہوتے ہیں۔ اس صفحے پر دیکھیں‌تو خود کیتھولک عیسائیوں‌نے کئی دلائل سے حضر ت عیسیٰ‌علیہ السلام کے کسی بھائی بہن کے وجود کا انکار کر رکھا ہے۔

اور ہم دور کیوں‌جائیں، قرآن نے حضرت عیسیٰ‌علیہ السلام کے کسی بھائی بہن کا یا ان کی اولاد کا تذکرہ نہیں‌ کیا۔ اور یہ معاملہ خود عیسائیوں‌میں‌مشتبہ ہے، احادیث‌رسول صلی اللہ علیہ وسلم سے ان کے کسی بھائی بہن کا تذکرہ نہیں‌ملتا۔ تو اس کا سیدھا سا مطلب یہ ہوا کہ ہم قرآن کی آیت کو دلیل بنانے کے لئے غیر قرآنی مجروح ترین رسیورسز پر اعتماد کر کے قرآن کی واضح‌و صریح‌آیات کی مخالفت کر ہی نہیں‌سکتے۔


پھر کس اعتماد اور یقین کے ساتھ خاں صاحب فرماتے ہیں کہ حضرت عیسیٰ‌علیہ السلام جوزف کارپینٹر کے بیٹے تھے۔ حالانکہ یہ بات قرآن کی کسی بھی آیت سے ثابت نہیں۔ انجیل و تورات جیسی کچھ بھی ہیں، ان کا محرف ہونا بالیقین ہمیں‌معلوم ہے، اس کے باوجود انجیل کے ماننے والے عیسائیوں‌میں‌یہ معاملہ معرکۃ الآراء ہے کہ حضرت عیسیٰ‌ کی ولادت بن باپ ہوئی تھی یا نہیں۔ گویا یہ محرف شدہ انجیل بھی صراحت کے ساتھ کسی شخص‌کو حضرت عیسیٰ‌کا باپ قرار نہیں‌دیتی۔
لیکن معلوم نہیں‌خاں صاحب پر وحی آتی ہے یا انہیں‌قرآن سے زیادہ پر اعتماد کوئی سورس میسر ہے کہ جس کی بنیاد پر وہ کسی جوزف کارپینٹر کو حضرت عیسیٰ‌کا والد قرار دینے پر بضد ہیں۔

حضرت عیسیٰ‌کا آسمانوں پر زندہ اٹھا لیا جانا قرآنی آیات اور احادیث‌رسول صلی اللہ علیہ وسلم سے ثابت ہے۔ ہمارے نزدیک احادیث‌رسول صلی اللہ علیہ وسلم کا درجہ محرف شدہ انجیل و تورات سے بہت بہت بلند ہے۔ اور بذات خود حجت ہے۔ اس کے مقابلے میں‌خاں‌صاحب جیسے سینکڑوں بزعم خویش مفکرین قرآن کی ’شادی کی ہوگی‘، ’بچے ہوئے ہوں‌گے‘ جیسی تحریف نما تاویل مردود و باطل ہے۔ گویا خاں‌صاحب یہ فرمانا چاہتے ہیں کہ واضح‌اور صریح‌احادیث‌کو تو نہ مانیں، لیکن شادی کی ہوگی، بچے ہوئے ہوں گے ، جیسے صریح دلائل پر صمیم قلب سے ایمان لے آیا جائے۔

اور یہ نوٹ فرما لیجئے کہ آیت اس بات کی ہرگز گواہی نہیں‌دے رہی کہ جتنے انبیائے کرام کا تذکرہ گزشتہ آیتوں‌میں‌ہوا ان سب کی اولادیں‌ ضرور ہی موجود تھیں۔ یہ صرف ایک باطل مفہوم ہے جو قرآنی آیات کے حدود الفاظ‌سے ماورا اپنے مدعا کی تائید میں‌قرآن کے ذمہ لگایا جا رہا ہے۔ ورنہ ان آیات میں رشتہ داریوں‌کے ہونے نہ ہونے کا بیان ہی نہیں‌ہے۔

اور سب سے اہم یہ کہ آبائہم کے الفاظ‌سے استدلال ویسے ہی لغو ہے۔جس کی تفصیلات پچھلی پوسٹ میں‌گزر چکیں۔ جن کا ہمارے بھائی کوئی جواب دئے بغیر گزر جاتے ہیں، خیر، انہی تفصیلات کو بار بار دہرانا مناسب نہیں۔

سوال یہ ہے کہ قرآن کریم میں‌اللہ تعالیٰ نے کہاں پر حضرت یحیی علیہ السلام کے برادران یا بچوں کا تذکرہ کیا ہے؟ جس آیت پر یہاں بحث چل رہی ہے، اس سے تو دور دور تک ایسی کوئی خبر نہیں ملتی۔ بلکہ اس کے برعکس قرآن ہی سے یہ بات ثابت ہے کہ حضرت یحیٰ‌علیہ السلام کے والد حضرت زکریا علیہ السلام خوب بوڑھے ہو چکے تھے اور ان کی بیوی بانجھ تھیں، جب اللہ تعالیٰ نے انہیں‌بیٹے کی خوشخبری دی۔ اس کے بعد حضرت زکریا علیہ السلام کی کسی مزید اولاد کا کوئی ثبوت نہیں، جبکہ خود حضرت زکریا علیہ السلام عمر کے اس حصے میں‌تھے کہ حضرت یحیی علیہ السلام کی پیدائش بھی انہیں‌ناممکن محسوس ہوتی تھی۔ چہ جائیکہ یحیٰ کے بعد کسی اور اولاد کی بھی توقع رکھی جا سکے۔

لہٰذا اب صورتحال یوں ہو گئی ہے کہ ایک قطعی غیر متعلقہ آیت سے حضرت عیسیٰ‌علیہ السلام کی ولادت کا ثبوت دینے کی خاطر، کبھی تو انجیل سے قرآن کی ’تکمیل‘ و ’تفسیر‘ کی جا رہی ہے، کبھی ہوا ہوگا، کیا ہوگا، جیسے دلائل سے قرآن کے منہ میں‌اپنی زبان ڈالی جا رہی ہے۔ اس پوری صورتحال کو دیکھ کر یہ بات اظہر من الشمس ہو جاتی ہے کہ قرآن سے ہدایت حاصل کرنا مقصود نہیں ہے، بلکہ قرآن کو ہدایت دینے کی کوشش کی جا رہی ہے۔واللہ اعلم۔ ورنہ ان غیر متعلقہ آیات کے بالعکس جو ولادت عیسیٰ‌علیہ السلام کے ضمن میں‌صریح‌آیات قرآنی موجود ہیں، جن کا بار بار تذکرہ کیا جا چکا ہے، انہیں‌کیوں‌نظر انداز کر دیتے ہیں؟

فاروق سرورخان

بناء‌گواہیوں‌کی روایات محرف شدہ توارات و انجیل سے بہتر کیسے ہیں جبکہ ان کے راوی دوسرے ادیان سے متاثر تھے۔

قرآن حکیم تو حضرت عیسی علیہ السلام کی فطری موت کی(‌صلیب پر نہیں) واضح خبر دیتا ہے ۔ یہ زندہ آسمانوں میں‌اٹھائی جانے والی آیات کون سی ہیں ؟؟ حوالہ فراہم کیجئے؟؟؟ سنی سنائی پر ایمان کی عمارت تعمیر کرنی ہے یا قرآن حکیم پر ؟ قرآن تو پڑھا یا ہی نہیں جاتا۔ سارا زور ان کتب روایات پر ہے ۔۔۔ کیوں؟؟؟

والسلام

کنعان

السلام علیکم

اتنی جلدی موضوع بدلنے کی کیا ضرورت ھے اس پر تو بہت کچھ آپ کہہ چکے ہیں کیا ہر ایک سے اس پر کہنا سننا ضروری ھے، ہو سکے تو عیسٰی علیہ السلام کے والد صاحب کا جو ذکر ہو رہا ھے اس پر اپنی رائے سے نوازیں۔

والسلام

عبداللہ حیدر

السلام علی من اتبع الھدیٰ،
یہ پڑھ کر مجھے ہنسی آ گئی۔ مان لیجیے کہ خان صاحب بمعہ اپنے تراشیدہ مفاہیم قرآن دیگر ادیان سے قطعا متاثر نہیں‌ہیں۔ قصور تو بس ان راویوں کا ہے جو دوسروں سے متاثر ہو گئے تھے۔

rana ammar mazhar

شکاری چاچا جی! کبھی آپ نے عدم وجود باپ "دادا جی" کو دیکھا ہے ؟؟؟

ومن ابائهم وذرياتهم واخوانهم واجتبيناهم وهديناهم الي صراط مستقيم
وَمِنْ آبَائِهِمْ وَذُرِّيَّاتِهِمْ وَإِخْوَانِهِمْ وَاجْتَبَيْنَاهُمْ وَهَدَيْنَاهُمْ إِلَى صِرَاطٍ مُّسْتَقِيمٍ
Tahir ul Qadri
اور ان کے آباؤ (و اجداد) اور ان کی اولاد اور ان کے بھائیوں میں سے بھی (بعض کو ایسی فضیلت عطا فرمائی) اور ہم نے انہیں (اپنے لطفِ خاص اور بزرگی کے لئے) چن لیا تھا اور انہیں سیدھی راہ کی طرف ہدایت فرما دی تھی
Yousuf Ali (To them) and to their fathers, and progeny and brethren: We chose them, and we guided them to a straight way.

جنات عدن يدخلونها ومن صلح من ابائهم وازواجهم وذرياتهم والملائكة يدخلون عليهم من كل باب
جَنَّاتُ عَدْنٍ يَدْخُلُونَهَا وَمَنْ صَلَحَ مِنْ آبَائِهِمْ وَأَزْوَاجِهِمْ وَذُرِّيَّاتِهِمْ وَالْمَلاَئِكَةُ يَدْخُلُونَ عَلَيْهِم مِّن كُلِّ بَابٍ
Tahir ul Qadri

(جہاں) سدا بہار باغات ہیں ان میں وہ لوگ داخل ہوں گے اور ان کے آباء و اجداد اور ان کی بیویوں اور ان کی اولاد میں سے جو بھی نیکوکار ہوگا اور فرشتے ان کے پاس (جنت کے) ہر دروازے سے آئیں گے
Yousuf Ali Gardens of perpetual bliss: they shall enter there, as well as the righteous among their fathers, their spouses, and their offspring: and angels shall enter unto them from every gate (with the salutation):

ربنا وادخلهم جنات عدن التي وعدتهم ومن صلح من ابائهم وازواجهم وذرياتهم انك انت العزيز الحكيم
رَبَّنَا وَأَدْخِلْهُمْ جَنَّاتِ عَدْنٍ الَّتِي وَعَدتَّهُم وَمَن صَلَحَ مِنْ آبَائِهِمْ وَأَزْوَاجِهِمْ وَذُرِّيَّاتِهِمْ إِنَّكَ أَنتَ الْعَزِيزُ الْحَكِيمُ
Tahir ul Qadri

اے ہمارے رب! اور انہیں (ہمیشہ رہنے کے لئے) جنّاتِ عدن میں داخل فرما، جن کا تُو نے اُن سے وعدہ فرما رکھا ہے اور اُن کے آباء و اجداد سے اور اُن کی بیویوں سے اور اُن کی اولاد و ذرّیت سے جو نیک ہوں (انہیں بھی اُن کے ساتھ داخل فرما)، بے شک تو ہی غالب، بڑی حکمت والا ہے
Yousuf Ali "And grant, our Lord! that they enter the Gardens of Eternity, which Thou hast promised to them, and to the righteous among their fathers, their wives, and their posterity! For Thou art (He), the Exalted in Might, Full of Wisdom.

Showing verses 1 to 3 of 3 for word ابائهم

http://www.openburhan.net/ob.php?wor...A6%D9%87%D9%85

rana ammar mazhar

ہو سکے تو موسیٰ علیہ السلام کے "ابْنَ أُمَّ" کا جو ذکر ہو رہا ھے اس پر اپنی رائے سے نوازیں۔

بہرحال ماں کے نام سے پکارے جانے پر کسی کو بن باپ کے پئدا ہونے والا کہنا یہ صرف عیسیٰ اور مریم کے ساتھ ظلم ہے قرآن میں جناب ہارون علیہ السلام بھی اپنے بھائی جناب موسیٰ علیہ السلام کو کہتے ہیں کہ قَالَ يَا ابْنَ أُمَّ لَا تَأْخُذْ بِلِحْيَتِي وَلَا بِرَأْسِي (94-20) یعنی اے اماں کے بیٹے میری داڑھی اور سر کو نہ پکڑ ۔۔۔۔ یہاں کسی نے موسیٰ وہارون علیھما السلام کو کبھی بھی بن باپ والا نہیں پکارا۔

قَالَ يَا ابْنَ أُمَّ لَا تَأْخُذْ بِلِحْيَتِي وَلَا بِرَأْسِي ۖ إِنِّي خَشِيتُ أَنْ تَقُولَ فَرَّقْتَ بَيْنَ بَنِي إِسْرَائِيلَ وَلَمْ تَرْقُبْ قَوْلِي
(20:94)

کہنے لگے کہ "ابْنَ أُمَّ" میری ڈاڑھی اور سر (کے بالوں) کو نہ پکڑیئے۔ میں تو اس سے ڈرا کہ آپ یہ نہ کہیں کہ تم نے بنی اسرائیل میں تفرقہ ڈال دیا اور میری بات کو ملحوظ نہ رکھا

(Aaron) replied: "O son of my mother! Seize (me) not by my beard nor by (the hair of) my head! Truly I feared lest thou shouldst say, 'Thou has caused a division among the children of Israel, and thou didst not respect my word!'"‎

شکاری

اور پھر آپ ہی شکایت بھی کرتے ہیں‌کہ ہماری توجہ صاحب مراسلہ کی جانب زیادہ رہتی ہے۔ میں نے جب گزشتہ پوسٹ میں‌ حضرت عیسیٰ‌علیہ السلام کو زندہ آسمانوں پر اٹھائے جانے والی بات لکھی تھی۔ تب ہی سوچ لیا تھا کہ جواب غزل کے طور پر پورا مراسلہ چھوڑ کر اسی لائن پر خاں صاحب متوجہ ہوں‌گے اور آپ نے بعینہ وہی کیا۔

محترم، حضرت عیسیٰ‌کے آسمانوں پر اٹھائے جانے کے موضوع پر عادل سہیل صاحب کے ساتھ آپ کی طویل گفتگو ہو چکی ہے ۔ یہاں زیر بحث ولادت عیسیٰ کا موضوع ہے۔ اس پر یا تو ہمارے پیش کردہ قرآنی دلائل کا جواب عنایت فرمائیے۔ ورنہ تسلیم کیجئے کہ ان کی پیدائش معجزانہ تھی۔ یا پھر ہمیں‌’سوچنے کا وقت‘ دینے کے لئے کچھ عرصہ اس دھاگے سے بھی غائب ہو جائیں تب تک بہت سا پانی پلوں‌کے نیچے سے گزر چکا ہوگا۔

ویسے آپ کے اس اعتراف سے بڑی خوشی ہوئی کہ آپ کے نزدیک احادیث‌رسول صلی اللہ علیہ وسلم کا مقام محرف شدہ تورات و انجیل سے بھی کم تر ہے۔ کم سے کم آپ کا واضح موقف تو سامنے آیا۔ اور لوگوں‌کے سامنے بھی ذرا بات کھل گئی کہ قرآن کی تفسیر کے لئے انجیل و تورات کی جانب رجوع کر لینا گوارا ہے لیکن احادیث‌کی بات گوارا نہیں۔
ابھی تو آپ سے علم القراءات اور قرآن کے ثبوت کے حوالے سے بھی گفتگو ہونی تھی۔ لیکن آپ میری توقع کے برعکس بہت جلد ہی گھبرا کر بیک فٹ کھیلنے لگ گئے۔ اب تو بس کبھی کبھی ہی آپ سے ہم کلامی کا شرف حاصل ہوتا ہے۔۔۔خیر یہ بھی غنیمت ہے۔

rana ammar mazhar

یونی کوڈ میں جو زنبیل آپ کو اہل رشد سے ملی تھی اس میں سے کچھ اور پیش کریں !!!

کنعان

السلام علیکم محترم

آپ صاحب تھریڈ ہیں اور اپنی کمزوریاں آپ خود واضع کر رہے ہیں۔ سوال والا کوئی آپشن نہیں‌ ھے کنورسیشن پر توجہ دیں، مراسلہ نمبر 46، 47، 48 سے شروع ہو جائیں میں اسی کا انتظار کر رہا ہوں وہیں سب کچھ درمیان میں آتا جائے گا اور سوال کی گنجائش بھی نہیں رہے گی۔

والسلام