برادرم عبداللہ حیدر صاحب کا فراہم کردہ
جناب ابو الاعلىٰ مودودی کا ترجمہ اوپن برہان پر شامل کردیا گیا ہے ۔ میں‌نے اس اردو ترجمے کی ذاتی طور پر ہر آیت کے ساتھ ساتھ پروف ریڈنگ کی ہے کہ ترجمہ درست جگہ لگا ہے۔ لیکن میں‌یہ دعوی نہیں‌کرسکتا کہ یہ سو فی صد درست ہے۔ کیوں‌کہ آنکھ تھک جاتی ہے تو پھر اپنی مرضی سے دیکھتی ہے۔ بسا اوقات غلطی نظر ہی نہیں‌ آتی۔

جو برادران اس ترجمے کی تصدیق کرنے میں‌ مدد کرنا چاہتے ہیں وہ ، اس کو اصل کتاب کے ساتھ ساتھ پڑھیں اور اگر کسی آیت کا ترجمہ غلط جگہ لگا ہوا پائیں تو مہربانی کرکے اس دھاگے میں مجھے مطلع فرمائیں۔

ترجمہ پڑھنے کے لئے اوپن برہان پر

http://openburhan.net/ob.php?sid=1&vid=1

جائیں اور آیت کے ساتھ ساتھ باقی تراجم عام طور پر اور جناب مودودی صاحب کا ترجمہ خاص‌طور پرپڑھتے جائیں۔ جہاں‌ بھی ایسا لگے کہ ترجمہ اپنی جگہ پر درست نہیں‌لگا ہوا ہے ۔ اس کو نوٹ کرلیں۔ اور پھر ایک ہی مراسلے میں ساری غلطیوں‌کی نشاندہی کردیں۔

ایسا پہلے بھی ہو چکا ہے کہ بعض‌ تراجم اپنی درست جگہ نہیں‌پائے گئے اور مجھے یقین ہے کہ ایسی خرابی پھر بھی نظر آئے گی ۔ نشاندہی پر درستگی کا وعدہ ہے۔

اسی طرح‌اگر کہیں ٹائیپنگ کی غلطی نظر آئے تو مودودی صاحب کا ترجمہ ایکسل فائیل میں ڈاؤن لوڈ کرلیں ، اس میں صرف اور صرف ترجمے کو درست کریں‌، باقی سب ایسا ہی چھوڑ دیں اور یہ درست شدہ فائیل مجھے ای میل کردیں۔

میں ایک ایک کرکے تمام کے تمام تراجم ایکسل فارمیٹ‌میں ایک ہی جگہ رکھنے کا ارادہ رکھتا ہوں۔ انشاء اللہ ۔۔ اس کے لئے یو آر ایل بعد میں ۔۔۔ انشاء‌اللہ

والسلام

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف