بِسۡمِ ٱللهِ ٱلرَّحۡمَـٰنِ ٱلرَّحِيمِ
سَبِّحِ ٱسۡمَ رَبِّكَ ٱلۡأَعۡلَى (١) ٱلَّذِى خَلَقَ فَسَوَّىٰ (٢) وَٱلَّذِى قَدَّرَ فَهَدَىٰ (٣) وَٱلَّذِىٓ أَخۡرَجَ ٱلۡمَرۡعَىٰ (٤) فَجَعَلَهُ ۥ غُثَآءً أَحۡوَىٰ (٥) سَنُقۡرِئُكَ فَلَا تَنسَىٰٓ (٦) إِلَّا مَا شَآءَ ٱللَّهُ‌ۚ إِنَّهُ ۥ يَعۡلَمُ ٱلۡجَهۡرَ وَمَا يَخۡفَىٰ (٧) وَنُيَسِّرُكَ لِلۡيُسۡرَىٰ (٨) فَذَكِّرۡ إِن نَّفَعَتِ ٱلذِّكۡرَىٰ (٩) سَيَذَّكَّرُ مَن يَخۡشَىٰ (١٠) وَيَتَجَنَّبُہَا ٱلۡأَشۡقَى (١١) ٱلَّذِى يَصۡلَى ٱلنَّارَ ٱلۡكُبۡرَىٰ (١٢) ثُمَّ لَا يَمُوتُ فِيہَا وَلَا يَحۡيَىٰ (١٣) قَدۡ أَفۡلَحَ مَن تَزَكَّىٰ (١٤) وَذَكَرَ ٱسۡمَ رَبِّهِۦ فَصَلَّىٰ (١٥) بَلۡ تُؤۡثِرُونَ ٱلۡحَيَوٰةَ ٱلدُّنۡيَا (١٦) وَٱلۡأَخِرَةُ خَيۡرٌ۬ وَأَبۡقَىٰٓ (١٧) إِنَّ هَـٰذَا لَفِى ٱلصُّحُفِ ٱلۡأُولَىٰ (١٨) صُحُفِ إِبۡرَٲهِيمَ وَمُوسَىٰ (١٩)


شروع الله کے نام سے جو بڑا مہربان نہایت رحم والا ہے
اپنے رب کے نام کی تسبیح کیا کر جو سب سے اعلیٰ ہے (۱) وہ جس نے پیدا کیا پھر ٹھیک بنایا (۲) اور جس نے اندازہ ٹھہرایا پھر راہ دکھائی (۳) اور وہ جس نے چارہ نکالا (۴) پھر اس کو خشک چورا سیاہ کر دیا (۵) البتہ ہم آپ کو پڑھائیں گے پھر آپ نہ بھولیں گے (۶) مگر جو الله چاہے بے شک وہ ہرظاہر اور چھپی بات کو جانتا ہے (۷) اور ہم آپ کو آسان شریعت کے سمجھنے کی توفیق دیں گے (۸) پس آپ نصیحت کیجیئے اگر نصیحت فائدہ دے (۹) جو الله سے ڈرتا ہے وہ جلدی سمجھ جائے گا (۱۰) اور اس سے بڑا بدنصیب الگ رہے گا (۱۱) جو سخت آگ میں داخل ہوگا (۱۲) پھر اس میں نہ تو مرے گا اور نہ جیئے گا (۱۳) بے شک وہ کامیاب ہوا جو پاک ہو گیا (۱۴) اور اپنے رب کا نام یاد کیا پھر نماز پڑھی (۱۵) بلکہ تم تودنیا کی زندگی کو ترجیح دیتے ہو (۱۶) حالانکہ آخرت بہتر اور زیادہ پائدار ہے (۱۷) بے شک یہی پہلے صحیفوں میں ہے (۱۸) (یعنی) ابراھیم اور موسیٰ کے صحیفوں میں (۱۹)

__________________