سیفی خان

جزاک ِ اللہ

راجہ اکرام

السلام علیکم
جزاک اللہ خیر

عبدالہادی احمد

بخاری و مسلم کی اس حدیث پاک میں ہم اہل پاکستان کے لیے نصیحت و موعظت کا بڑا سبق پنہاں ہے۔تاہم جو بیماری ہمارے دلوں کو لگ گئی ہے اس کا علاج صرف اللہ رب العالمین کے پاس ہے۔حکومت ،فوج یاعدالت سے اس کا مداوا نہیں ہوگا۔محبت اور اخوت وہ دولت ہے جو صرف اللہ تعالیٰ کے قبضہ قدرت میں ہے اور وہی عطا فرما سکتا ہے۔
هُوَ الَّذِيْۤ اَيَّدَكَ بِنَصْرِهٖ وَ بِالْمُؤْمِنِيْنَۙ وَ اَلَّفَ بَيْنَ قُلُوْبِهِمْ لَوْ اَنْفَقْتَ مَا فِي الْاَرْضِ جَمِيْعًا مَّاۤ اَلَّفْتَ بَيْنَ قُلُوْبِهِمْ وَ لٰكِنَّ اللّٰهَ اَلَّفَ بَيْنَهُمْ اِنَّهٗ عَزِيْزٌ حَكِيْمٌ( وہی تو ہے جس نے اپنی مدد سے اور مومنوں کے ذریعہ سے تمہاری تائید کی۔اور مومنوں کے دل ایک دُوسرے کے ساتھ جوڑ دیے۔ تم روئے زمین کی ساری دولت بھی خرچ کر ڈالتے تو اِن لوگوں کے دل نہ جوڑ سکتے تھے مگر وہ اللہ ہے جس نے ان لوگوں کے دل جوڑے، یقینًا وہ بڑا زبردست اور دانا ہے۔ (الانفال:62-63)
یہ رسول اللہ صلی اللہ علیہ و سلم سے کہا جا رہا ہے کہ آپ ساری دنیا کی دولت خرچ کر کے بھی ان صحابہ کے دلوں میں محبت پیدا نہ کر سکتے،اللہ نے اپنی رحمتِ خاص سے یہ محبت پیدا فرما دی۔لہٰذا یہ نعمتِ عظمیٰ اورساری کائنات سے قیمتی یہ دولت پانے کے لیے ہمیں بھی اللہ کی رحمت سے رجوع کرنے کی ضرورت ہے۔
سورئہ آل عمران کی"وَاعتَصِمو بِحَبلِ اللہ"سے شروع ہونے والی معروف آیت کا یہ ٹکڑاملاحظہ ہو:
وَ اذْكُرُوْا نِعْمَتَ اللّٰهِ عَلَيْكُمْ اِذْ كُنْتُمْ اَعْدَآءً فَاَلَّفَ بَيْنَ قُلُوْبِكُمْ فَاَصْبَحْتُمْ بِنِعْمَتِهٖۤ اِخْوَانًا( تم ایک دوسرے کے دشمن تھے ، اُس نے تمہارے دل جوڑ دیے اور اُس کے فضل و کرم سے تم بھائی بھائی بن گئے ۔(آل عمران:103)
ہمارے دل آج پھر پارہ پارہ ہو رہے ہیں تو آئیے کہ ہم اللہ سے اس کی وہ نعمت مانگیں جس کا نام محبت اور اخوت ہے جو بن مانگے ملتی بھی نہیں۔کیا ہمارا حال وہ نہیں ہو گیا جو اس آیت کے اگلے حصے میں بیان ہوا ہے:
وَ كُنْتُمْ عَلٰى شَفَا حُفْرَةٍ مِّنَ النَّارِ فَاَنْقَذَكُمْ مِّنْهَا ( تم آگ سے بھرے ہوئے ایک گڑھے کے کنارے کھڑے تھے ، اللہ نے تم کو اس سے بچا لیا ۔ (آل عمران:103)
بلکہ آج تو ہم آگ کے گڑھے کے کنارےکھڑے نہیں رہے،اس کے اندر گر پڑے ہیں،اس کے شعلوں میں گھرچکےہیں۔توکیااب بھی اللہ سے اس کی رحمت اور نعمت مانگنے کا وقت نہیں آیا؟
اے رب العالمین! اے اکرم الاکرمین!!
تو ہماری التجا سن لے،تو ہمارے پارہ پارہ دلوں کو جوڑ دے
تو اپنے فضل و کرم سے ہمیں پھر سے بھائی بھائی بنا دے

محمد یاسرعلی

آمین یا اللہ ہمارے باہمی جھگڑے اور اختلافات کو ختم کر دے