السلام علیکم ورحمتہ اللہ وبرکاتہ


حج کا وقت مقرر ہے



يَسْأَلُونَكَ عَنِ الْأَهِلَّةِ قُلْ هِيَ مَوَاقِيتُ لِلنَّاسِ وَالْحَجِّ وَلَيْسَ الْبِرُّ بِأَنْ تَأْتُواْ الْبُيُوتَ مِن ظُهُورِهَا وَلَـكِنَّ الْبِرَّ مَنِ اتَّقَى وَأْتُواْ الْبُيُوتَ مِنْ أَبْوَابِهَا وَاتَّقُواْ اللّهَ لَعَلَّكُمْ تُفْلِحُونَ

(اے حبیب!) لوگ آپ سے نئے چاندوں کے بارے میں دریافت کرتے ہیں، فرما دیں: یہ لوگوں کے لئے اور ماہِ حج (کے تعیّن) کے لئے وقت کی علامتیں ہیں، اور یہ کوئی نیکی نہیں کہ تم (حالتِ احرام میں) گھروں میں ان کی پشت کی طرف سے آؤ بلکہ نیکی تو (ایسی الٹی رسموں کی بجائے) پرہیزگاری اختیار کرنا ہے، اور تم گھروں میں ان کے دروازوں سے آیا کرو، اور اﷲ سے ڈرتے رہو تاکہ تم فلاح پاؤ

They ask thee concerning the New Moons. Say: They are but signs to mark fixed periods of time in (the affairs of) men, and for Pilgrimage. It is no virtue if ye enter your houses from the back: It is virtue if ye fear Allah. Enter houses through the proper doors: And fear Allah: That ye may prosper.


پارہ 2 سورہ 2 سورہ البقرہ آیت 189

حج اسپیشل



بوڑھے کمزور مرد اور عورت کا حج و عمرہ جہاد کے برابر ہے

سنن نسائی

السلام علیکم ورحمتہ اللہ وبرکاتہ

احرام کی پابندیاں اور کون کون سی احتیاط لازم




جب کسی مرد نے احرام کی نیت کر کے تلبیہ "لبیک" پرھ لیا تو اس پر احرام کی یہ پابندیاں لگ گئیں

1۔ پہلی پابندی ۔۔۔۔ مرد احرام کی حالت میں کسی قسم کا سلا ہوا کپڑا نہیں پہنیں البتہ چادر تبدیل کرنے کی جرورت پیش آئے تو چادر کی جگہ دوسری چادر ہی استعمال کرے اس لیے اپنے ساتھ ایک دو چادریں زائد لے جائیں البتہ خواتین ہر قسم کا سلا ہوا کپڑا پہن سکتی ہیں عورت کو سر کے بال چھپانا بھی ضروری ہے لہاذا احرام کے وقت دوپٹہ کی جگہ رومال بندھوایا جاتا ہے تا کہ چہرہ کو نہ لگے اس رومال کے اتارنے اور کھولنے سے اضحرام نہیں ٹوٹتا اس لیے خواتیں وضو کرتے وقت رومال کھول کر بالوں کا مسح کریں


2۔ دوسری پابندی ۔۔۔ مرد احرام کی حالت میں اپنا چہرہ اور سر نہیں ڈھانپے رات کو سوتے وقت بھی سر اور چہرہ کھلا رہے جبکہ عورت صرف چہرے پر کپڑا نہ لگنے دے اس کا مطلب یہ نہیں کہ پردہ نہ کرے لیکن چہرے کے آگے کتاب ہاتھ کا پانکھا رکھ سکتی ہے

3۔ تسیسری پابندی یہ ہے ۔۔ کہ احرام کی ھالت میں مرد و عورت بدن کے کسی بیھ حصے کے بال نہ کاٹیں نہ موڑیں گے اور نہ توڑیں گے مرد وضو کرتے وقت چہرے پر آہستہ ہاتھ پھیریں آحرام کی ھالت میں وضو یا غسل کرتے وقت بدن اور سر کو ضور سے نہ رگڑیں اگر رگڑنے کی وجہ سے بال ٹوٹیں گے تو صدقہ دینا ہوگا ۔ پس اگر تین بال سے زیادہ ہو تو صدقہ میں پونے دو سیر گہیوں یعنی گندم دیدیں اگر تین بال یا اس سے کم ہوں تو پھر کوئی معمولی صدقہ بھی کافی ہے اگر کسی شخص کے بال خود بخود گر جاتے ہوں تو اس پر کفارہ واجب نہیں احتیاطا کچھ دے دے تو بہتر ہے

4۔ چوتھی احتیاط ۔۔۔ حالت احرام میں مرد و عورت ناخن نہیں کاٹیں گے

5۔ پانچویں احتیاط۔۔۔۔ حالت احرام میں مرد و عرت دونوں کے لیے ہر قسم کی خوشبو لگانا منع ہے البتہ نیت کرنے اور تلبیہ پڑھنے سے پہلے ہلکی سی خوشبو بدن کپڑوں پر لگا سکتے بلکہ اس وقت خوشبو لگانا مستحب ہے لیکن اس کا نشان اور دھبہ باقی نہ رہے حتی کہ خوشبو دار میوہ سونگنا بھی مکروہ ہے

6۔چھٹی احتیاط ۔۔۔۔ حالت احرام میں مرد حضرات دستانے اور موزے نہیں پہنے گے جس میں پاؤں کے اوپر کی درمیانی ہڈی اور دائیں بائیں کا حصہ چھپ جائے اس لیے یا تو کھلا جوتا پہنے یا ہوائی چپل پہنیں البتہ خواتین اگر پہنا چاہیں تو پہن سکتی ہیں

7۔ ساتویں احتیاط۔۔۔۔ اسی طرح اگر کوئی شخص اپنی بیوی کے ساتھ ہے تو احرام کی حالت میں بیوی کے ساتھ شہوت کی بات کرنا حرام ہے

جزاک اللہ

لکھنے میں کمی زیادتی ہوئی ہو تو اللہ عزوجل معاف فرمائے آمین

السلام علیکم ورحمتہ اللہ وبرکاتہ

آج کی آیت مبارکہ۔۔۔۔۔۔۔۔۔ حالت احرام میں جنگلی جانوروں کا شکار حرام ہے



پہلی آیت:-

يَا أَيُّهَا الَّذِينَ آمَنُواْ لَيَبْلُوَنَّكُمُ اللّهُ بِشَيْءٍ مِّنَ الصَّيْدِ تَنَالُهُ أَيْدِيكُمْ وَرِمَاحُكُمْ لِيَعْلَمَ اللّهُ مَن يَخَافُهُ بِالْغَيْبِ فَمَنِ اعْتَدَى بَعْدَ ذَلِكَ فَلَهُ عَذَابٌ أَلِيمٌ


اے ایمان والو ضرور اللّٰہ تمہیں آزمائے گا ایسے بعض شکار سے جس تک تمہارے ہاتھ اورنیزے پہونچیں کہ اللّٰہ پہچان کرادے ان کی جو اس سے بن دیکھے ڈرتے ہیں پھر اس کے بعد جو حد سے بڑھے اس کے لئے دردناک سزا ہے

O ye who believe! Allah doth but make a trial of you in a little matter of game well within reach of game well within reach of your hands and your lances, that He may test who feareth him unseen: any who transgress thereafter, will have a grievous penalty.

پارہ 7 سورہ 5 سورہ المائدہ آیت 94



آج کی آیت مبارکہ۔۔۔۔۔۔۔۔۔ حالت احرام میں جنگلی جانوروں کا شکار حرام ہے



دوسری آیت:-

يَا أَيُّهَا الَّذِينَ آمَنُواْ لاَ تَقْتُلُواْ الصَّيْدَ وَأَنتُمْ حُرُمٌ وَمَن قَتَلَهُ مِنكُم مُّتَعَمِّدًا فَجَزَاءٌ مِّثْلُ مَا قَتَلَ مِنَ النَّعَمِ يَحْكُمُ بِهِ ذَوَا عَدْلٍ مِّنكُمْ هَدْيًا بَالِغَ الْكَعْبَةِ أَوْ كَفَّارَةٌ طَعَامُ مَسَاكِينَ أَو عَدْلُ ذَلِكَ صِيَامًا لِّيَذُوقَ وَبَالَ أَمْرِهِ عَفَا اللّهُ عَمَّا سَلَف وَمَنْ عَادَ فَيَنتَقِمُ اللّهُ مِنْهُ وَاللّهُ عَزِيزٌ ذُو انْتِقَامٍ

اے ایمان والو شکار نہ مارو جب تم احرام میں ہو اور تم میں جو اسے قصداً قتل کرے تو اس کا بدلہ یہ ہے کہ ویسا ہی جانور مویشی سے دے تم میں کے دو ثقہ آدمی اس کا حکم کریں یہ قربانی ہو کعبہ کو پہونچتی یا کفارہ دے چند مسکینوں کا کھانا یا اس کے برابر روزے کہ اپنے کام کا وبال چکھے اللّٰہ نے معاف کیا جو ہو گزرا اور جو اَب کرے گا اللّٰہ اس سے بدلہ لے گا اور اللّٰہ غالب ہے بدلہ لینے والا

O ye who believe! Kill not game while in the sacred precincts or in pilgrim garb. If any of you doth so intentionally, the compensation is an offering, brought to the Ka'ba, of a domestic animal equivalent to the one he killed, as adjudged by two just men among you; or by way of atonement, the feeding of the indigent; or its equivalent in fasts: that he may taste of the penalty of his deed. Allah forgives what is past: for repetition Allah will exact from him the penalty. For Allah is Exalted, and Lord of Retribution.

مسئلہ : مُحۡرِم پر شکار یعنی خشکی کے کسی وحشی جانور کو مارنا حرام ہے ۔ مسئلہ : جانور کی طرف شکار کرنے کے لئے اشارہ کرنا یا کسی طرح بتانا بھی شکار میں داخل اور ممنوع ہے ۔ مسئلہ : حالتِ احرام میں ہر وحشی جانور کا شکار ممنوع ہے خواہ وہ حلال ہو یا نہ ہو ۔ مسئلہ : کاٹنے والا کتّا اور کوّا اور بچھو اور چیل اور چوہا اور بھیڑیا اور سانپ ان جانوروں کو احادیث میں فواسق فرمایا گیا اور ان کے قتل کے اجازت دی گئی ۔ مسئلہ : مچّھر ، پسّو ، چیونٹی ، مکھی اور حشراتُ الارض اور حملہ آور درندوں کو مارنا معاف ہے ۔ (تفسیرِ احمدی وغیرہ)

پارہ 7 سورہ 5 سورہ المائدہ آیت 95




آج کی آیت مبارکہ۔۔۔۔۔۔۔۔۔ حالت احرام میں پانی کا شکار جائز ہے



أُحِلَّ لَكُمْ صَيْدُ الْبَحْرِ وَطَعَامُهُ مَتَاعًا لَّكُمْ وَلِلسَّيَّارَةِ وَحُرِّمَ عَلَيْكُمْ صَيْدُ الْبَرِّ مَا دُمْتُمْ حُرُمًا وَاتَّقُواْ اللّهَ الَّذِيَ إِلَيْهِ تُحْشَرُونَ


حلال ہے تمہارے لئے دریا کا شکار اور اس کا کھانا تمہارے اور مسافروں کے فائدے کو اور تم پر حرام ہے خشکی کاشکار جب تک تم احرام میں ہو اور اللّٰہ سے ڈرو جس کی طرف تمہیں اٹھنا ہے

Lawful to you is the pursuit of water-game and its use for food,- for the benefit of yourselves and those who travel; but forbidden is the pursuit of land-game;- as long as ye are in the sacred precincts or in pilgrim garb. And fear Allah, to Whom ye shall be gathered back.

اس آیت میں یہ مسئلہ بیان فرمایا گیا کہ مُحۡرِم کے لئے دریا کا شکار حلال ہے اور خشکی کا حرام ، دریا کا شکار وہ ہے جس کی پیدائش دریا میں ہو اور خشکی کا وہ جس کی پیدائش خشکی میں ہو ۔

پارہ 7 سورہ 5 سورہ المائدہ آیت 96





آج کی حدیث مبارکہ۔۔۔ جو مُحرم احرام میں فوت ہو جائے
"یعنی احرام میں"



حضرت ابن عباس رضی اللہ عنہ فرماتے ہیں ہم آنحضرت صلی اللہ علیہ وسلم کے ساتھ سفر میں تھے کہ ایک شخص جو احرام باندھے ہوئے تھا اونٹ سے گرا اور گردن ٹوٹ جانے کی واجہ سے فوت ہو گیا آپ صلی اللہ علیہ وسلم نے فرمایا اسے بیری کے پتوں اور پانی سے غسل دے دو انہی کپڑوں میں کفن دے دو اور اس کا سر نہ ڈھکو کیونکہ قیامت کے دن یہ اسی طرح تہلیل یا تلبیہ کہتے ہوئے اٹھایا جائے گا

"راوی کو شک ہے کہ تہلیل فرمایا یا تلبیہ دونوں کے معنی ایک ہی ہیں"

یہ حدیث حسن صحیح ہے

ترمذی شریف جلد 1 کتاب الحج حدیث 838

السلام علیکم ورحمتہ اللہ وبرکاتہ

آج کی آیات مبارکہ ۔۔۔۔۔۔۔۔۔۔۔ منٰی کی حاضری اور اعمال



وَاذْكُرُواْ اللّهَ فِي أَيَّامٍ مَّعْدُودَاتٍ فَمَن تَعَجَّلَ فِي يَوْمَيْنِ فَلاَ إِثْمَ عَلَيْهِ وَمَن تَأَخَّرَ فَلَا إِثْمَ عَلَيْهِ لِمَنِ اتَّقَى وَاتَّقُواْ اللّهَ وَاعْلَمُوا أَنَّكُمْ إِلَيْهِ تُحْشَرُونَ

اور اﷲ کو (ان) گنتی کے چند دنوں میں (خوب) یاد کیا کرو، پھر جس کسی نے (منیٰ سے واپسی میں) دو ہی دنوں میں جلدی کی تو اس پر کوئی گناہ نہیں اور جس نے (اس میں) تاخیر کی تو اس پر بھی کوئی گناہ نہیں، یہ اس کے لئے ہے جو پرہیزگاری اختیار کرے، اور اﷲ سے ڈرتے رہو اور جان لو کہ تم سب کو اسی کے پاس جمع کیا جائے گا

Celebrate the praises of Allah during the Appointed Days. But if any one hastens to leave in two days, there is no blame on him, and if any one stays on, there is no blame on him, if his aim is to do right. Then fear Allah, and know that ye will surely be gathered unto Him.

پارہ 2 سورہ 2 سورہ البقرہ آیت 203



آج کی آیات مبارکہ ۔۔۔۔۔۔۔۔۔۔۔عرفات کی حاضری



لَيْسَ عَلَيْكُمْ جُنَاحٌ أَن تَبْتَغُواْ فَضْلاً مِّن رَّبِّكُمْ فَإِذَا أَفَضْتُم مِّنْ عَرَفَاتٍ فَاذْكُرُواْ اللّهَ عِندَ الْمَشْعَرِ الْحَرَامِ وَاذْكُرُوهُ كَمَا هَدَاكُمْ وَإِن كُنتُم مِّن قَبْلِهِ لَمِنَ الضَّآلِّينَ

تم پر کچھ گناہ نہیں کہ اپنے رب کا فضل تلاش کروتو جب عرفات سے پلٹو تو اللّٰہ کی یاد کرو مشعر حرام کے پاس اور اس کا ذکر کرو جیسے اس نے تمہیں ہدایت فرمائی اور بیشک تم اس سے پہلے بہکے ہوئے تھے

پارہ 2 سورہ 2 سورہ البقرہ آیت 198

شان نزول :بعض مسلمانوں نے خیال کیا کہ راہِ حج میں جس نے تجارت کی یا اونٹ کرایہ پر چلائے اس کا حج ہی کیا اس پر یہ آیت نازل ہوئی ' مسئلہ : جب تک تجارت سے افعال حج کی ادا میں فرق نہ آئے اس وقت تک تجارت مباح ہے۔

عرفات ایک مقام کا نام ہے جو مَوقَف ہے ضحاک کا قول ہے کہ حضرت آدم و حوا جدائی کے بعد ۹ذی الحجہ کو عرفات کے مقام پر جمع ہوئے اور دونوں میں تعارف ہوا اس لئے اس دن کا نام عرفہ اورمقام کا نام عرفا ت ہوا ایک قول یہ ہے کہ چونکہ اس روز بندے اپنے گناہوںکا اعتراف کرتے ہیںاس لئے اس دن کا نام عرفہ ہے مسئلہ :عرفات میںوقوف فرض ہے کیونکہ افاضہ بلا وقوف متصور نہیں۔





آج کی حدیث مبارکہ۔۔۔۔۔۔۔۔۔۔۔۔۔۔۔ صبح کے وقت منٰی سے عرفات جاتے ہوئے لبیک اور تکبیر کہنے کا بیان


حضرت انس رضی اللہ عنہ سے پوچھا گیا کہ وہ دونوں صبح کو منٰی سے عرفات جا رہے تھے کہ رسول کریم صلی اللہ علیہ وسلم کے ساتھ آپ لوگ آج کے دن کس طرح کرتے تھے؟ انس رضی اللہ عنہ نے بتلایا کوئی ہم میں سے لبیک پکارتا ہوتا اس پر کوئی اعتراض نہ کرتا اور کوئی تکبیر کہتا اس پر بھی کوئی انکار نہ کرتا

"اس حدیث سے معلوم ہوا کہ حاجی کو اختیار ہے لبیک پکارتا رہے یا تکبیر کہتا رہے"

بخاری شریف جلد 3 کتاب الحج حدیث 1659





آج کی حدیث مبارکہ۔۔۔۔۔۔۔۔۔۔۔۔۔۔۔ عرفات میں دو نمازوں "ظہر اور عصر" ملا کر پڑھنا


حضرت عبداللہ بن عمر رضی اللہ عنہ سے پوچھا کہ عرفہ کے دن وقوف میں آپ کیا کرتے ہیں؟ اس پر سالم رضی اللہ عنہ بولے کہ اگر تو سنت پر چلنا چاہتا ہے تو عرفہ کے دن نماز دوپہر ڈھلتے ہی پڑھ لینا عبداللہ بن عمر رضی اللہ عنہ نے فرمایا کہ سالم نے سچ کیا صحابہ رضہ اللہ عنہم آنحضرت صلی اللہ علیہ وسلم کی سنت کے مطابق ظہر اور عصر ایک ہی ساتھ پڑھتے تھے میں نے سالم سے پوچھا کہ کیا رسول اللہ نے بھی اسی طرح کیا تھا؟ سالم نے فرمایا اور کس کی سنت پر اس مسئلہ میں چلتے ہو

بخاری شریف جلد 3 کتاب الحج حدیث 1662

السلام علیکم ورحمتہ اللہ وبرکاتہ

آج کی آیت مبارکہ۔۔۔۔۔۔۔ وقوفِ مزدلفہ



فَإِذَا أَفَضْتُم مِّنْ عَرَفَاتٍ فَاذْكُرُواْ اللّهَ عِندَ الْمَشْعَرِ الْحَرَامِ وَاذْكُرُوهُ كَمَا هَدَاكُمْ وَإِن كُنتُم مِّن قَبْلِهِ لَمِنَ الضَّآلِّينَ

پھر جب تم عرفات سے واپس آؤ تو مشعرِ حرام (مُزدلفہ) کے پاس اﷲ کا ذکر کیا کرو اور اس کا ذکر اس طرح کرو جیسے اس نے تمہیں ہدایت فرمائی، اور بیشک اس سے پہلے تم بھٹکے ہوئے تھے

Then when ye pour down from (Mount) Arafat, celebrate the praises of Allah at the Sacred Monument, and celebrate His praises as He has directed you, even though, before this, ye went astray.

پارہ 2 سورہ 2 سورہ البقرہ آیت 198

آج کی آیت مبارکہ۔۔۔۔۔۔۔ منٰی کی حاضری اور اعمال



وَاذْكُرُواْ اللّهَ فِي أَيَّامٍ مَّعْدُودَاتٍ فَمَن تَعَجَّلَ فِي يَوْمَيْنِ فَلاَ إِثْمَ عَلَيْهِ وَمَن تَأَخَّرَ فَلَا إِثْمَ عَلَيْهِ لِمَنِ اتَّقَى وَاتَّقُواْ اللّهَ وَاعْلَمُوا أَنَّكُمْ إِلَيْهِ تُحْشَرُونَ

اور اﷲ کو (ان) گنتی کے چند دنوں میں (خوب) یاد کیا کرو، پھر جس کسی نے (منیٰ سے واپسی میں) دو ہی دنوں میں جلدی کی تو اس پر کوئی گناہ نہیں اور جس نے (اس میں) تاخیر کی تو اس پر بھی کوئی گناہ نہیں، یہ اس کے لئے ہے جو پرہیزگاری اختیار کرے، اور اﷲ سے ڈرتے رہو اور جان لو کہ تم سب کو اسی کے پاس جمع کیا جائے گا

Celebrate the praises of Allah during the Appointed Days. But if any one hastens to leave in two days, there is no blame on him, and if any one stays on, there is no blame on him, if his aim is to do right. Then fear Allah, and know that ye will surely be gathered unto Him.

پارہ 2 سورہ 2 سورہ البقرہ آیت 203

آج کی آیت مبارکہ ۔۔۔۔۔۔ سر کے بال منڈوانے اور کتروانے کا بیان



ثُمَّ لْيَقْضُوا تَفَثَهُمْ وَلْيُوفُوا نُذُورَهُمْ وَلْيَطَّوَّفُوا بِالْبَيْتِ الْعَتِيقِ

پھر انہیں چاہئے کہ (احرام سے نکلتے ہوئے بال اور ناخن کٹوا کر) اپنا میل کچیل دور کریں اور اپنی نذریں (یا بقیہ مناسک) پوری کریں اور (اﷲ کے) قدیم گھر (خانہ کعبہ) کا طوافِ (زیارت) کریں

"Then let them complete the rites prescribed for them, perform their vows, and (again) circumambulate the Ancient House."

پارہ 17 سورہ 22 سورہ الحج آیت 29



آج کی حدیث مبارکہ ۔۔۔۔۔۔۔۔۔ ترکِ حج پر وعید

حضرت علی رضی اللہ عنہ کہتے ہیں کہ آنحضرت صلی اللہ علیہ وسلم نے فرمایا:- جو شخص توشے "زاد راہ" اور ایسی سواری کی ملکیت رکھتا ہو کہ اسے بیت اللہ تک پہنچا سکے اور اس کے باوجود اس نے حج نہیں کیا تو اس میں کوئی فرق نہیں کہ وہ یہودی یا نصرانی ہو کر مرے

ترمذی شریف جلد 1 کتاب الحج حدیث 710

السلام علیکم ورحمتہ اللہ وبرکاتہ

آج کی آیت مبارکہ ۔۔۔۔۔۔۔۔۔۔۔۔۔۔۔ قربانی



لَكُمْ فِيهَا مَنَافِعُ إِلَى أَجَلٍ مُّسَمًّى ثُمَّ مَحِلُّهَا إِلَى الْبَيْتِ الْعَتِيقِ

تمہارے لئے ان (قربانی کے جانوروں) میں مقررہ مدت تک فوائد ہیں پھر انہیں قدیم گھر (خانہ کعبہ) کی طرف (ذبح کے لئے) پہنچنا ہے

In them ye have benefits for a term appointed: in the end their place of sacrifice is near the Ancient House.

پارہ 17 سورہ 22 سورہ الحج آیت 33



آج کی دوسری آیت مبارکہ ۔۔۔۔۔۔۔۔۔۔۔۔۔۔۔ قربانی




وَلِكُلِّ أُمَّةٍ جَعَلْنَا مَنسَكًا لِيَذْكُرُوا اسْمَ اللَّهِ عَلَى مَا رَزَقَهُم مِّن بَهِيمَةِ الْأَنْعَامِ فَإِلَهُكُمْ إِلَهٌ وَاحِدٌ فَلَهُ أَسْلِمُوا وَبَشِّرِ الْمُخْبِتِينَ

اور ہم نے ہر امت کے لئے ایک قربانی مقرر کر دی ہے تاکہ وہ ان مویشی چوپایوں پر جو اﷲ نے انہیں عنایت فرمائے ہیں (ذبح کے وقت) اﷲ کا نام لیں، سو تمہارا معبود ایک (ہی) معبود ہے پس تم اسی کے فرمانبردار بن جاؤ، اور (اے حبیب!) عاجزی کرنے والوں کو خوشخبری سنا دیں

To every people did We appoint rites (of sacrifice), that they might celebrate the name of Allah over the sustenance He gave them from animals (fit for food). But your god is One God: submit then your wills to Him (in Islam): and give thou the good news to those who humble themselves,-

پارہ 17 سورہ 22 سورہ الحج آیت 34



آج کی تیسری آیت مبارکہ ۔۔۔۔۔۔۔۔۔۔۔۔۔۔۔ قربانی



وَالْبُدْنَ جَعَلْنَاهَا لَكُم مِّن شَعَائِرِ اللَّهِ لَكُمْ فِيهَا خَيْرٌ فَاذْكُرُوا اسْمَ اللَّهِ عَلَيْهَا صَوَافَّ فَإِذَا وَجَبَتْ جُنُوبُهَا فَكُلُوا مِنْهَا وَأَطْعِمُوا الْقَانِعَ وَالْمُعْتَرَّ كَذَلِكَ سَخَّرْنَاهَا لَكُمْ لَعَلَّكُمْ تَشْكُرُونَ

اور قربانی کے بڑے جانوروں (یعنی اونٹ اور گائے وغیرہ) کو ہم نے تمہارے لئے اﷲ کی نشانیوں میں سے بنا دیا ہے ان میں تمہارے لئے بھلائی ہے پس تم (انہیں) قطار میں کھڑا کر کے (نیزہ مار کر نحر کے وقت) ان پر اﷲ کا نام لو، پھر جب وہ اپنے پہلو کے بل گر جائیں تو تم خود (بھی) اس میں سے کھاؤ اور قناعت سے بیٹھے رہنے والوں کو اور سوال کرنے والے (محتاجوں) کو (بھی) کھلاؤ۔ اس طرح ہم نے انہیں تمہارے تابع کر دیا ہے تاکہ تم شکر بجا لاؤ

The sacrificial camels we have made for you as among the symbols from Allah: in them is (much) good for you: then pronounce the name of Allah over them as they line up (for sacrifice): when they are down on their sides (after slaughter), eat ye thereof, and feed such as (beg not but) live in contentment, and such as beg with due humility: thus have We made animals subject to you, that ye may be grateful.

پارہ 17 سورہ 22 سورہ الحج آیت 36



آج کی چوتھی آیت مبارکہ ۔۔۔۔۔۔۔۔۔۔۔۔۔۔۔ قربانی

لَن يَنَالَ اللَّهَ لُحُومُهَا وَلَا دِمَاؤُهَا وَلَكِن يَنَالُهُ التَّقْوَى مِنكُمْ كَذَلِكَ سَخَّرَهَا لَكُمْ لِتُكَبِّرُوا اللَّهَ عَلَى مَا هَدَاكُمْ وَبَشِّرِ الْمُحْسِنِينَ



ہرگز نہ (تو) اﷲ کو ان (قربانیوں) کا گوشت پہنچتا ہے اور نہ ان کا خون مگر اسے تمہاری طرف سے تقوٰی پہنچتا ہے، اس طرح (اﷲ نے) انہیں تمہارے تابع کر دیا ہے تاکہ تم (وقتِ ذبح) اﷲ کی تکبیر کہو جیسے اس نے تمہیں ہدایت فرمائی ہے، اور آپ نیکی کرنے والوں کو خوشخبری سنا دیں

It is not their meat nor their blood, that reaches Allah: it is your piety that reaches Him: He has thus made them subject to you, that ye may glorify Allah for His Guidance to you and proclaim the good news to all who do right.

پارہ 17 سورہ 22 سورہ الحج آیت 37




آج کی حدیث مبارکہ ۔۔۔۔۔۔۔۔۔۔۔۔ عیدالفطر اور عید الاضحی اور کھانے کے متعلق



حضرت عبداللہ بن بریدہ رضی اللہ عنہ اپنے والد سے نقل کرتے ہیں کہ رسول اللہ صلی اللہ علیہ وسلم عید الفطر کے لیے اس وقت تک نہ جاتے جب تک کچھ کھا نہ لیتے جب کہ عید الاضحیمیں اس وقت تک کچھ نہ کھاتے جب تک نماز نہ پڑھ لیتے

علماء حضرات کا مسلک یہی ہے کہ عیدالفطر میں نماز سے پہلے کچھ کھا لینا مستحب ہے پھر اگر کھجور کھائے تو یہ اس سے بھی بہتر ہے لیکن عیدالاضحی میں نماز سے پہلے کچھ نہ کھانا مستحب ہے

ترمذی شریف جلد 1 کتاب العیدین حدیث 472




آج کی حدیث مبارکہ ۔۔۔۔۔۔۔۔۔۔۔۔ ایک راستے سے جانا دوسرے راستے سے واپس آنا



حضرت ابو ہریرہ رضی اللہ عنہ فرماتے ہیں کہ رسول اکرم سلی اللہ علیہ وسلم عیدین کی نماز کے لیے جس راستے سے جاتے اس سے واپس تشریف نہ لاتے بالکہ دوسرے راستے سے واپس آتے

ترمذی شریف جلد 1 کتاب العیدین حدیث 471






آج کی حدیث مبارکہ ۔۔۔۔۔۔۔۔۔۔۔۔ خواتین اور عید کی نماز

حضرت ام عطیہ فرماتی ہیں کہ آپ صلی اللہ علیہ وسلم عیدین کے لیے کنواری لڑکیوں جوان خواتین عورتوں پردہ دار عورتوں اور عذر والیوں کو نکلنے کا حکم دیا کرتے تھے عذر والی عورتیں عیدگاھ سے باہر رہتیں اور مسلمانوں کی دعاؤں میں شریک ہوتی ان میں سے ایک نے عرض کیا یا رسول اللہ! اگر کسی عورت کی چادر نہ ہو تو؟

فرمایا:" اسکی بہن اسے اپنی چادر عارۃ "ادھار" دے دے

حضرت عائشہ رضی اللہ عنہ فرماتی ہیں اگر رسول اللہ عورتوں کی ان چیزوں کو دیکھتے جو انہوں نے نئی نکالی ہیں تو انہیں مسجد جانے سے منع فرما دیتے

جس طرح بنو اسرائیل کی عورتوں کو منع کر دیا گیا

بغیر زینت عورت عید گاہ جائے ممانعت نہیں زینت کر کے جائے تو ممانعت ہے واللہ اعلم

ترمذی شریف جلد 1 کتاب العیدین حدیث 470

وعلیکم السلام ورحمتہ اللہ وبرکاتہ

شکریہ بہت بہت آپ سب کا اس دھاگے کو پسند کرنے کے لیے اور اللہ عزوجل کا بھی لاکھوں کڑوڑوں دفعہ شکر ادا کرتی ہوں کہ اس نے مدد فرمائی اور مکمل کیا ٹاپک

کچھ لکھنے بیان کرنے میں کمی زیادتی ہوئی ہو تو اللہ عزوجل معاف فرمائے آمین