بسم اللہ و الصلاۃ و السلام علی رسول اللہ ، اما بعد ،

::::::: اپنے لیے وہ چنیے جس میں زیادہ خیر اور نفع ہے :::::::

السلام علیکم ورحمۃ اللہ و برکاتہ ،
شرعی اعمال کی درجہ بندی کے مختلف قوانین ہیں ، اوربوقتء عمل ان درجات کے مطابق کسی عمل کو اختیار کرنے اور کسی کو ترک کرنے کے بارے میں بھی قسی طرح قوانین مرتب کیے گئے ہیں ، انہی قوانین میں سے ایک یہ بھی ہے کہ """ إن تعارض الواجب مع المستحب قدم الواجب ::: اگر واجب اور مستحب میں ٹکراو ہو تو واجب کو فوقیت دی جائے گی"""،
یہ بات بالکل معروف اور معلوم ہے کہ بار بار حج اور عمرہ کرنا شرعی واجبات میں سے نہیں ، ایک مُستحب یعنی پسندیدہ نفلی عمل ہے ،
اسکی دلیل رسول اللہ صلی اللہ علیہ و علی آلہ وسلم کا یہ فرمان مبارک ہے کہ جب انہوں نے لوگوں کو حج کا حکم دیا تو ایک صحابی رضی اللہ عنہ ُ نے عرض کیا """ اے اللہ کے رسول ، کیا حج ہرسال کرنا ضروری ہے؟ """
تو ان صلی اللہ علیہ وعلی آلہ وسلم نے اِرشاد فرمایا ((((( اِن قُلتُ نعم لَوَجَبَتْ وَلَمَا اسْتَطَعْتُمْ ::: اگر میں نے ہاں کہہ دیا تو یہ فرض ہی ہوجاتا اور تُم لوگ اس کی طاقت نہ رکھتے)))))صحیح مُسلم/حدیث1337 /کتاب الحج/باب73،
پس زندگی میں ایک دفعہ سے زیادہ حج کرنا نفلی کاموں میں شامل ہوتا ہے ، اور اسی طرح عمرہ بھی ، فقہاء کی اصطلاح میں اسے مُستحبات ، یعنی پسندیدہ کاموں میں شمار کیا جاتا ہے، اور مستحبات نوافل سے ہوتے ہیں ، یعنی فرض نہیں ہوتے ،
لیکن اب معاملہ کچھ یوں ہو چکا ہے کہ اس نفلی کام کو گویا کہ فرائض سے بڑھ کر أہمیت دی جانے لگی ہے اور لوگ بار بار حج اور عمرے کرتے ہیں ، جس کے لیے بسا أوقات وہ قانونی مخالفات کے علاوہ شرعی مخالفات کا شکار بھی ہوتے ہیں،
اس کے مقابلے میں مثال کے طور پر ہم ایک ایسا کام لیتے ہیں جو شرعاً تو فرض ہے لیکن عملی طور پر مسلمانوں میں گویا کہ نفلی بھی نہیں رہا ، وہ ہے غریبوں، یتیموں ، بیواؤں کی مدد کرنا ،
اگر ہم تھوڑا سا غور کریں تو ہمیں یہ دکھائی دیتا ہے کہ ہمارے دینء حق اسلام میں اس مددگاری کو دین کا ایک رُکن بنا دیا گیا ہے ، جی ہاں ، زکوۃ کی ادائیگی غریبوں اور محتاجوں کی مدد گاری ہی کے لیے تو ہے اور زکوۃ اسلام کا ایک رُکن ہے ،
لہذا اگر کوئی شخص یہ جانتا ہے کہ دُنیا میں کہیں بھی اُس کے مسلمان بھائی بہنوں میں سے لوگ غربت اور مالی پریشانیوں کی وجہ سے ضروریات ء زندگی تک بھی پوری نہیں کر پا رہے ، ان کی خوراک ، ان کے لباس ، ان کے علاج ، اُن کی رہائش وغیرہ جیسے بنیادی ضروریات کی تکمیل سے بھی وہ لوگ عاجز ہیں ، تو اس پر فرض ہے کہ اُن کی مدد کرے ، اور اس کےء نفلی حج اور عمرے کی ادائیگی پر مُقدم ہے ،
اس بات پراُمت کے سارے ہی عُلماء کا اتفاق ہے کہ مالی اور جسمانی طور پر حج کرنے کی طاقت رکھنے والےمُسلمان پر زندگی بھر میں صِرف ایک ہی دفعہ حج کرنا فرض ہے ،
اس عظیم عبادت میں نفلی طور پر تکرار کرنے کے بارے میں کسی عدد کا کوئی تعین نہیں ، بلکہ یہ ہر شخص کے جسمانی اور مالی حال پر منحصر ہے ، اس کے اِرد گِرد اس کے غریب و نادار ، ضرورت مند رشتہ داروں اور مسلمان بھائی بہنوں کے حالات پر منحصر ہے، کہ ان کی ضروریات کی تکمیل زیادہ أہم ہےکیونکہ اُس میں ساری اُمت کے لیے فائدہ ہے یا اُس ایک اکیلے شخص کا ،
بلکہ اگر وہ شخص اپنے اِرد گِرد اپنے غریب رشتہ داروں ، پڑوسیوں ، اور اپنے مسلمان بھائی بہنوں کو غربت و ناداری میں چھوڑ کر ان نفلی عبادات کے لیے پیسہ خرچ کرنے کی بجائے اُن کی ضروریاتء زندگی پوری کرنے کے لیے وہی پیسہ خرچ کر دے تو کسی اور سے پہلے ان شاء اللہ خُود اس کے لیے سب سے زیادہ فائدہ مند ہو گا ، اور اگر ایسا کرنے میں اس کی نیت صاٖف ہو ، صِرف اللہ کے لیے ہی وہ ایسا کرے تو اِن شاء اللہ نفلی حج اور عمرے سے زیادہ اجر و ثواب کا باعث ہو گا کیونکہ اس طرح اس کی نیکیاں صِرف اسی کی ذات تک محدود نہ ہوں گی ، بلکہ کئی اور لوگوں میں پہنچیں گی اور ایک لا محدود سلسلہ چل پڑے گا ، جبکہ اُس کے نفلی حج اور عمرےکے اعمال اسی تک محدود اور چند دنوں پر محیط ہوں گے ،
پس ان نفلی عبادات میں اپنا مال ، وقت اور جان خرچ کرنے سے کہیں بہتر یہ ہے کہ یہ سب کچھ ایسے نیک کاموں میں لگایا جائے جن کا نفع اُس شخص کے لیے دُنیااور آخرت میں کہیں زیادہ ہو ، اور صرف اسی کے لیے ہی نہیں اس کے کئی اور مسلمان بھائیو اور بہنوں کے لیے خیر کا سبب ہو ،
مثلاً ، ایک شخص اپنا فرضی حج تو کر چکا ہے ، اب دوبارہ نفلی حج کرنے کی بجائے وہ کسی ایسے بھائی بہن کی مدد کر دے جو اپنا فرضی حج کرنا چاہتا ہے ، کسی غریب بچی کی شادی کروا دے ، کسی غریب بیوہ ، یتیم، اپاہج ، معذور وغیرہ کو روزگار کا کوئی سلسلہ بنا دے ،غرضیکہ بہت سی ایسی نیکیاں ہیں جن میں اگر وہی اور اُتنا ہی جان مال اور وقت لگایا جایا جتنا نفلی حج یا عُمرے میں لگایا جاتا ہے تو اس کا أجر و ثواب نفلی حج یا عُمرے کے أجر و ثواب سے کہیں زیادہ اورہمیشہ یا دیر تک رہنے والا ہو جائے،
پھر ایک عجیب مصیبت یہ بھی دیکھنے میں آتی ہے کہ کچھ لوگ نفلی حج یا عمرے کے لیے قرض لیتے ہیں ،اُن کا مقصد خواہ کچھ بھی رہا ہو لیکن پریشانی والی بات یہ ہے کہ وہ لوگ کسی ایسے کام کے لیے جو کسی بھی طور ان پر فرض نہیں کو کرنے کے لیے قرض لے کر نکلتے ہیں ،
جبکہ زندگی بھر میں ایک اکلوتا حج بھی اسی وقت فرض ہوتا ہے جب کسی کے پاس اپنے ذاتی مال میں سے، اپنے حج کے سفر کی مدت کے لیے اُس کی ذمہ داری میں رہنے والے اُس کے اھل خانہ کی ضروریات پوری کرنے کے بعد ، اپنے آنے جانے ، وہاں رہنے ، اور دورانء سفر اپنی ضروریات پوری کرنے کے لیے اضافی مال ہو ،
اپنا ذاتی مال نہ ہونے کی صورت میں تو اکلوتا حج بھی فرض نہیں ہوتا چہ جائیکہ نفلی حج یا عمرے کے لیے قرض لےکر اپنی آخرت کے لیے مزید خطرہ مول لیاجائے ، اور وہ اس طرح کہ اگر قرض کی ادائیگی سے پہلے مر گیا تو اُس کے پاس لاکھوں کڑوڑوں مقبول نیکیاں ہونے کے باوجود جنت میں داخلے سے روکا رکھا جائے گا جب تک کہ صاحبء حق کی طرف سے معاف نہ ہو یا وہ حق ادا نہ ہو ،
پس ہمیں نفلی عبادات ، اور نفلی اعمال کی ادائیگی سے پہلے خوب اچھی طرح سوچنا چاہیے کہ کون سا کام ہمارے لیے ، اور ہمارے رشتہ داروں کے لیے اور ہماری امت کے لیے زیادہ خیر والے ہیں ، اور انہی کاموں کو سر انجام دینا چاہیے۔ والسلام علیکم۔
حج سے متعلق درج ذیل دیگر مضامین بھی یہیں اسی فورمز میں موجود ہیں ،
ان شاء اللہ ان کا مطالعہ سب کے لیے اور بالخصوص حج پر جانے والوں کے لیے مفید ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔
::::::: حاجیوں کے لیے کچھ طبی نصیحتیں :::::::
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔
::: حج کی اِقسام :::
::::: عمرہ اور حج کا طریقہ صحیح سُنت کے مطابق :::::
۔۔۔۔۔۔۔۔۔۔۔۔۔
ماہ حج اور ہم ::: ماہ حج پہلے دس دِن ::: فضلیت اور احکام
۔۔۔۔۔۔۔۔۔۔۔۔۔
::: ماہ حج اور ہم ::: عُمرہ کا طریقہ :::

__________________
اب نہ ہو گا کہیں کوئی نزول کتاب ::: بند کر دیا رب العالمین نے یہ باب
ہے جو بھی صحیح سنت رسالت مآب ::: بے شک ہے وحیء رب الارباب