عَنِ النَّبِيِّ صَلَّى اللَّہ عَلَيْہ وَسَلَّمَ ، قَالَ : " مَا مِنْ أَيَّامِ الْعَمَلُ الصَّالِحِ فِيہَا أَحَبُّ إِلَى اللَّہ مِنْ ھذِهِ الأَيَّامِ يَعْنِي أَيَامَ الْعَشْرِ ، قَالُوا : يَا رَسُولَ اللَّہ , وَلا الْجِھَادُ فِي سَبِيلِ اللَّہ ؟ قَالَ : " وَلا الْجِھَادُ فِي سَبِيلِ اللَّہِ إِلا رَجُلا خَرَجَ بِنَفْسِہ وَمَالِہ فَلَمْ يَرْجِعْ مِنْ ذَلِكَ بِشَيْءٍ۔۔۔ او کما قال علیہ السلام

رواه البخاري

نبی کریم صلی اللہ علیہ وسلم نے فرمایا کہ، ’’کوئی دن ایسے نہیں جن میں نیک عمل اللہ تعالی کو اتنا پسند ہو جتنا ان دنوں میں پسند ہے یعنی (ذو الحجۃ کے) دس دنوں میں ۔ صحابہ کرام رضوان اللہ علیہ اجمعین نے پوچھا: جہاد فی سبیل اللہ بھی نہیں ؟ آپ صلی اللہ علیہ و سلم نے فرمایا ہاں جہاد فی سبیل اللہ بھی نہیں مگر یہ کہ کوئی شخص اپنی جان اور مال کے ساتھ نکلے اور کچھ بھی لے کر واپس نہ آئے یعنی (شہید ہو جائے)

ذرا سوچئیے ۔۔ کس قدر فضیلت ہے ان دس دنوں کی اور ان میں عبادت کی
اللہ کے ساتھ اک نیا تعلق جوڑنے کا حسین موقع ہے
ایک سنہری موقع ۔۔ وہ ثواب کمانے کا موقع جس کا مستحق ایک مجاہد جان اور مال لگا کر ہوتا ہے۔
گھر بیٹھے صرف اپنے اللہ سے لو لگائیے اور بے شمار نیکیاں کمائیے ، اپنے درجات بلند کیجئے
اپنے دلوں میں ایمان کا چراغ جلانے کا ایک انمول موقع
اللہ تبارک و تعالی کا شکر ادا کیجئے کہ زندگی میں اک بار پھر یہ موقع عطا کیا، اسے غنیمت جانیے اور اپنے رب کو راضی کر لیجئے۔۔ تا کہ یہ مشکل وقت ختم ہو، آسانیاں پیدا ہوں

اللہ ہمیں عمل صالح کی توفیق عطا فرمائے۔۔ آمین

__________________
محتاج اصلاح و دعا