جہاں کہیں بھی کوئی مسلمان اپنی قوم کی موجودہ خستہ حالی کا رونا رو رہا ہوتا ہے وہاں عام طور پر یہ ذکر بھی ملتا ہے کہ کسی دور میں ہم مغرب سے صرف جنگ کے میدان میں ہی نہیں دوسرے اہم میدانوں میں بھی صدیوں آگے تھے ۔کبھی کبھی کچھ لوگ مسلمانوں کی حالت کے اس الٹنے کی وضاحتیں بھی پیش کرتے ہیں لیکن اکثر یہ گھسی پھٹی اور افسانوی طرز کی ہوتی ہیں جو وقتی طور پر دل کو بہلانے کا بہانہ میسر کرتی ہیں۔


کسی دور میں مسلمان بلکل ایک سپر پاور تھے مگر آہستہ آہستہ انہوں نے اپنی یہ حیثیت کھونا شروع کر دی اور آخر کاروہ مغرب سے بہت پیچھے رہ گئے۔ پچھلے تین سو سالوں سے مغرب مسلمانوں سے ہر بڑی جنگ جیتتا چلا آرہا ہے۔ آج دنیا میں امریکہ جیسی سپر پاور کے مقابلے کا کوئی اسلامی ملک نہیں۔ طاقت کی اس منتقلی کا آغاز کب اور کیسے ہوا؟ وہ کونسی ایسی چیز تھی جس کے پانے سے یہ طاقت مغرب کو حاصل ہوگئ اورجس کے کھونے سےطاقت مسلمانوں کےہاتھوں سے نکل گئی اور جنگوں میں انکی شکستوں کا سلسہ شروع ہوگیا؟


کیا مسلمانوں کی طرح اب مغرب کے زوال کا وقت بھی قریب آ چکا ہے؟ اگر دنیا پر مغرب کے غلبے کا دور ختم ہو گیا تو پھر کس کا دور شروع ہو سکتا ہے، چین کا، انڈیا کا یا دوبارہ مسلمانوں کا؟

__________________