Zullu230

آ پ نے یہ بتانا ہے کہ ہم ایسی کونسی مثال قائم کر رہے ہیں جو ہماری آئیندہ آنے والی نسلوں کے لئے قابل تقلید ہو۔

محمد کاشف حبیب

کچھ بھائی تقلید نہیں کرتے جناب ان کا بھی خیال رکھیے!

Zullu230

دیکھیے پاکستان کی آبادی 16 کروڑ سے زائد ہے۔ اور یہ توقع کرنا کہ سب ایک ہی ڈگر پر چلنا شروع ہو جائیں یہ نا ممکن ہے۔ ہاں! اگر 50 %لوگ کی آپس میں ذہنی ہم آہنگی اور رائے میں مماثلت قائم ہو جائے تو میرا خیال ہے کہ یہ ایک مثالی کامیابی ہو گی۔

ماموں نعمان کا

مولانا طارق جمیل صاحب
مولانا منظور وٹو صاحب
مولانا علی شیر حیدری صاحب
مولانا مسعود اظہر صاحب
اور بہت سے علماء اکرام کی آڈیو بیانات کی سیڈیز میرے پاس ہیں

ابن جلال

اچھی بات ہے ، دوسروں کو بھی دے اور خودبھی علماء کرام کی تعلیمات پر عمل کرے ،
اللہ تعالی مجھے اور آپ کو اسلامی تعلیمات پر عمل کرنے کی توفیق عطاء فرمائے

فیصل ناصر

شرم آتی ھے یہ سوچ کر آنے والی نسلیں ہمیں کس حوالے سے یاد رکھیں گی

Zullu230

بہت سے حوالوں سے یاد رکھیں گی!!!!!!

فیصل ناصر

کچھ وضاحت فر ما ئیں ؟؟؟

Zullu230

آپ حال سے ماضی کی طرف پاکستان کے حالات اور واقعات پر نظر دوڑائیں تو بہت کچھ سکرین پر کسی فلم کی طرح گھومنا شروع ہو جائے گا۔ کچھ اشارے میں دے دیتا ہوں:۔

1۔ میریٹ ہوٹل میں بم دھماکہ(اور لا تعداد دھماکوں کے نتیجے میں بے گناہوں کی زندگیوں کا خاتمہ)
2۔ گزشتہ انتخابات میں جمہوریت کی بحالی
3۔ لال مسجد کا اپرہشن اور یتیم و بے سہارہ بچوں اور بچیوں کی فاسورس سے جلائی گئی لاشوں کا منظر
4۔ بینظیر بھٹوکی ہلاکت
4( الف) 1998 میں ایٹمی دھماکے
(ب) ڈاکٹر قدیر کی نظر بندی
5۔ مشرف کا سیاہ دور آمریت
6۔ ضیا کا دور آمریت اور بھٹو کی پھانسی
7۔ 1971 پاکستانی تاریخ کا وہ سال جس پر ہماری نسلیں ماتم کیا کریں گی۔
8۔ ایوب خان کا دور آمریت
9۔ لیاقت علی خان کا قتل
10- 1947 ۔ پاکستان کے معرض وجود میں آنے کے بعد تاریخ کے بد ترین ہنگامے،انڈیا سے پاکستان آنے والوں کا سفاکانہ قتل اور لوٹ مار۔

کیا یہ حوالے کافی نہیں ہیں!!!

فیصل ناصر

کیا یہ شرمناک واقعات نہیں ؟؟؟

Zullu230

سر فخر سے بلند کرنے والے واقعات بھی ایک دو کی تعداد میں لکھے ہیں لیکن کیا کروں کوئی اور ذہن میں آیا ہی نہیں۔

اچھی اور قابلِ تقلید معاشرتی اور سماجی روایات کو پروان چڑھانے کے لئے اچھے نیک۔ محب وطن اور مخلص افراد کی ضرورت ہوتی ہے جو مل کر اچھی اچھی روایات قائم کرتے ہیں لیکن ۔ ۔ ۔ ۔ ۔ ۔ ۔ ۔ ۔!

فیصل ناصر

اگر آپ کا مطلب
گزشتہ انتخابات میں جمہوریت کی بحالی
یا
ایٹمی دھماکے

تو بھائی اس نام نہاد جمہوریت کے ثمرات نے تو دور آمریت کو بھی شرمادیا
رہ گئے ایٹمی دھماکے تو بلا شبہ یہ ایک کارنامہ ھے
مگر ان دھماکوں کے خالق کی آجتک نظربندی (اب تو ایک جمہوری حکومت ھے) بجائے خود ایک شرمندگی ھے
علاوہ ازیں آج پاکستان کےتمامتر معروضی حالات انہی دھماکوں کے مرہونِ منّت ہیں
ٹیکنالوجی حاصل کرلی تھی تو کیا یہ بھی ضروری کہ مولاجٹ للکار للکار کر اس کا اعلان کیا جائے
باوجود اسکے کہ (اُس وقت ) ھمارے معاشی حالات اور سماجی تعلقات ان دھماکوں کے مضمرات کو سنبھالنے کے قابل نا تھے

عروج

کیا ملک کا موجود ھونا نعمت نہیں آئندہ نسلوں کے لیے۔ جو یوں مایوسی کا ذکرکر رھے ھیں اپنی اولاد کی اس نہج پر تربیت کریں کہ وہ آپکو اسلام کو اورپاکستان کو اچھے الفاظ میں ایک احسان کے طور پر یاد کریں۔۔۔۔۔۔۔۔۔۔ اچھے ، بُرے واقعات، لمحات اور حادثات ھر قوم کی زندگی میں آتے ھیں ۔ آخر َمیں بھی تو مثبت سوچ کسی کی اچھی تربیت کی وجہ سے ھی رکھتی ھوں۔

saraah

واعلیکم السلام
کسی سیانے کا قول ہے معاشرے پر آپکا بہترین احسان یہ ہے کہ آپ خود کو سنوار لیں (یقینا اس کا مطلب آپ ظاہری طور پہ سنورنا نہیں لے رہے ہونگے)
تو بہتر عملی نمونہ یہی ہوتا ہے کہ آغاز اپنی ذات سے کیا جائے۔جتنا آپ کے اختیار میں ہے جو آپ کا شعور کہتا ہے کہ یہ بہتر ہے وہ آپ کریں باقی اللہ پہ چھوڑ دیں،کیونکہ ہم نے صرف تدبیر کرنی ہوتی ہے اپنی محدود عقل کے ساتھ۔۔باقی تقدیر میں جو لکھا ہوتا ہے وہی ہوتا ہے آپ تدبیر کریں ۔۔۔۔بس ۔۔۔افراد مل کر معاشرہ بناتے ہیں جب فرد کچھ اچھا کرے گا تو ایک نا ایک دن معاشرہ بھی ٹھیک ہوجائے گا ۔۔۔ حالات بد ترین ہیں لیکن مایوس ہونے کی اجازت ہمارا مذہب ہمیں نہیں دیتا یہ بات زہن میں رکھیے

__________________

Zullu230

جاپانیوں پر ایٹم بم گرائے گئے اور جل کر راکھ بن گئے۔ اُنہوں نے اپنے اوپر ہونے والے ظلم کا بدلہ امریکیوں سے اس طرح لیا کہ ٹیکنالوجی کے میدان میں امریکہ کو پیچھے چھوڑ دیا۔ صدیوں سے نشے میں سوئی ہوئی چینی قوم میں مائوزے تنگ نے کروٹ بدلی تو چینی قوم آج دنیا کی دوسری بڑی معاشی طاقت ہے۔ اُن کی آئیندہ نسلیں اپنے اسلاف کے کارناموں پر فخر کریں گی۔

ہماری نسلیں ہمارے کن کارناموں پر فخر کریں گی؟