اصل مراسلہ منجانب : سعیدیہ رضویہ

"رہی ہوں" نہیں "رہا ہوں"۔ میں اپنے مدرسے دارلعولم ضیاالقرآن سعیدیہ رضویہ سے ہوں۔

میں نے از حد احترام سے ہی وہ سب کُچھ لکھا تھا۔ شاید آپ پر دو ٹکے والا لفظ گراں گزرا۔ اس کی حقیقت کُچھ یوں ہے کہ دو کتابیں پرھ کر بغیر سوچے سمجھے جو علم حاصل ہوتا ہے اور پھر اس پر اترایا جاتاہے وہ علم دو ٹکے کا ہی ہوتا ہے۔ اور جو شخص اس پر اتراتا ہے وہ دو ٹکے کا ہی ہوا۔ یہ جملہ ادبی کتابوں میں بارہا لکھا جاتا اور پڑھا جاتا ہے۔ میرا نہیں خیال اس سے کسی کی تحقیر مراد ہو۔
تاہم اگر ایسا ہے تو میں معذرت خواہ ہوں۔ اُمید ہے حیدر صاحب میری فروگزاشت کو نظر انداز فرمائیں گے ،۔ انشا اللہ

اصل مراسلہ منجانب : حیدر

حقیقتا میرا سوال یہ نہیں تھا کہ کیا چوری ڈکیتی کا پیشہ مجبوری میں جائز ہے۔
میرا سوال اصل میں یہ تھا کہ جو حضرات "مجبوری کو جواز بنا کر" سُود جیسے معاملے میں جاب کرنے کی اجازت دیتے ہیں وہ چوری ڈکیتی کے وقت صم بکم کیوں ہونے لگتے ہیں؟

یا تو کہہ دیں کہ چوری ڈکیتی ، سود سے بھی بڑا گناہ ہے۔ لیکن اگر ایسا ہے تو پھر وہ آیت کہاں جائے گی جس میں سُود والوں کو خدا اور رسول سے جنگ کا انتباہ ہے؟ وہ احادیث کہاں جائیں گی جس میں بتایا گیا تھا سُود کا کم سے کم تر درجے کا گناہ بھی ایسا ہے جیسے ماں سے ستر مرتبہ زنا کرنا (یہ جملہ لکھنے پرفیملی فورم کے دعوے داروں سے معذرت)۔ وہ تمام تحاریر کا کیا کہیں کہ جن میں بتایا جاتا ہے کہ سُود معاشرے کی تباہی ہے۔ شراب اگر اُم الخبائث ہے تو سُود ابُ الخبائث ہے۔ اس قدر وعیدیں تو چوری کے بارے میں نہیں ہیں جس قدر سود کے بارے میں ہیں۔ لیکن پھر کیا وجہ ہے کہ ہمارے علما سُودی نوکری کو تو جائز قرار دینے میں تامل نہیں برتتے لیکن چوری ڈکیتی کی جاب کے بارے میں جھٹ سے فتویٰ آ جاتا ہے؟

اصل مراسلہ منجانب : سعیدیہ رضویہ

اس تھریڈ کے مطالعہ کے بعد میں اس نتیجہ پر پہنچا ہوں کہ صاحب تھریڈ کا مقصد محض علما کرام پر انگشت نمائی کرنا اور انکے کاموں کی تحقیر کرنا مقصود تھا۔ آج کل یہ روش عام چل نکلی ہے کہ دو ٹکے کے لونڈے، دو چار کتابیں پڑھ کر خود کو عالم فاضل تصور کرنے لگتے ہیں اور بزرگان دین کی تحقیر کرنے لگ پڑتے ہیں۔

اصل مراسلہ منجانب : سعیدیہ رضویہ

دو کتابیں پڑھ کر عالم فاضل بن کر نازک مسائل پر گفتگو کرنے کا انجام یہ ہوتا ہے کہ جب تین کتابیں پڑھا ہوا تربیت یافتہ شخص سامنے آتا ہے اور آپ کے علم پر اعتراضات اُٹھاتا ہے تب وہی حال ہوتا ہے جو اس وقت احادیث کا حال فورم پر ہو رہا ہے