میں نے آج ہی یہ مضمون لکھا ہے اس میں آپ کےدونوں سوالوں کا جواب بھی موجود ہے۔تاہم اس کے نتیجے میں کچھ سوال اور بھی پیدا ہوں گے۔ میں چاہتا ہوں آپ بھی اور دیگر بھائی بہن بھی ان کا جواب ضرور لکھیں:




امت مسلمہ جرمِ ضعیفی میں مبتلا ہے۔ اس سے بڑا جرم اور ہو ہی نہیں سکتا کہ وہ قوم جو خود کو پیغمبر آخرالزمان صلی اللہ علیہ وسلم سے منسوب کرتی ہے، غیرت اور حمیت سے عاری ہو جائے۔ وہ شخص مسلمان ہو ہی نہیں سکتا کہ جو کفار کی غلامی پر راضی ہو، طاقت ور کی کاسہ لیسی کرے اورخود کو طاقت اور مزاحمت کی صلاحیت سے یکسر محروم کر دے۔ وہ شخص جسے کفر کی طاقت کے آگے سجدہ ریز ہونے میں ذرا باک نہ ہو، مسلمان تو کیا، انسان کہلانے کا مستحق بھی نہیں۔ قوموں کی بزدلی اورکمزوری کا صرف یہی نتیجہ بر آمدنہیں ہوتا کہ ان کو طاقت کے سامنے سجدہ ریز ہوناپڑتا ہے، بلکہ طاقت ور قومیں انہیں اپنے سامنے جھکانے کے بعد اپنے گھٹیا ترین مقاصد کے لیے استعمال بھی کرتی ہیں۔ پاکستان کی افوج کا سپہ سالارجب امریکہ کے آگے جھک گیا، تودس برس تک ساری فوج کوبھی امریکہ اورصلیب کے آگے سر جھکائے رکھنا پڑا۔ اکیلامشرف ہی بش کے آگے سجدہ ر یزنہیں ہو گیا، ساری پاکستانی فوج ہی امریکی مقاصد کے لیے استعمال ہونے لگی۔ ملک اور فوج کے سارے وسائل بھی امریکہ کو خدمات مہیا کرتے رہے۔ وہ فوج جو اللہ کے دین کی محافظ تھی، اللہ تعالیٰ کے آگے سر جھکانے والوں کا خون بہانے اور اسامہؒ بن لادن جیسے اللہ کے مجاہد بندوں کا تعاقب کرنے میں مصروف ہو گئی۔
آخر اس بات کا جواز کیا تھا کہ پاکستان کے ہوائی اڈوں سے صلیبی طیارے اڑکرافغانستان اوراس کے ملحقہ علاقوں میں مسلمانوں پر بم اور میزائل برساتے رہیں۔ اس جنگ میں شرکت سے ہم نے امریکہ اورعالم کفر کو خوش کرنے کی کوشش میں کیااپنے رب کو ناراض نہیں کرلیا؟ اورکیااللہ کے غضب کو للکار کر بھی امن وسکون اور خوش حالی سے رہنا ممکن ہے؟ ان جرائم پر پاکستانی عوام کی مجرمانہ خاموشی اورحکومت اور فوج کی جانب سے ظالموں کی نصرت وحمایت کو برقرار رکھنے کی وجہ سے پاکستان پرعمومی مصیبتیں اور آفات آرہی ہیں۔ جہاد کو دہشت گردی کہنے میں نام نہاد مسلمان حکومتیں اور اسلامی ممالک کے ذرائع ابلاغ ہی پیش پیش نہ رہے، مسلمان دانش وراور نام نہاد علمائے امت بھی امریکہ کی ہاں میں ہاں ملانے میں ایک دوسرے پر بازی لے جانے لگے۔ خصوصاً جب نائن الیون کے بعدہزاروں مسلمان جہاد میں حصہ لینے کے جرم میں قتل کردیے گئے یاگوانتا نامو بے اور دیگر امریکی جیلوں میں ڈال دیے گئے، اس وقت خوف سے کلیجے منہ کو آنے لگے۔ امریکہ دندناتا ہوا افغانستان اور پھرعراق میں جا گھسا تو مسلمان قوم کی بے بسی دیکھی نہ جاتی تھی، بڑے بڑے شیخ الاسلام اور علم وفضل کے دریااپنی خانقاہوں میں سمٹ گئے، یاخوف سے گھروں میں دبک گئے۔ ہم نے چیچنیا کے شہر گروزنی اورکوسوو میں سروں پر سامان لادے بچوں کی انگلیاں پکڑے آنکھوں میں آنسو لیے پناہ کی تلاش میں مسلمان عورتوں کوبھاگتے دیکھااورچپکے بیٹھے رہے۔ کشمیر میں نوجوانوں کی لاشوں پر سینے پیٹتی مائیں دیکھیں اور ٹس سے مس نہ ہوئے۔ کابل، قندھار، بغداد، فلوجہ، بصرہ، بیروت اور غزہ میں خون کے دریا بہتے یوں دیکھتے رہے جیسے تماش بین فلمیں دیکھتے ہیں۔ ہمارا رویہ ایسا تھا جیسے مرغیوں کے ڈربے سے ذبح کرنے کے لیے چندمرغیاں نکال لی جاتی ہیں تو زندہ بچ جانے والی مرغیاں اطمینان کا سانس لیتی ہیں کہ چلو اپنی جان بچ گئی۔ ہم نے معلومات کے تبادلے کے طور پر اور کبھی دہشت گردی کی جنگ میں شرکت کے نام پراپنے بھائیوں اور بہنوں کو پکڑ پکڑ کر امریکی قاتلوں کے سپرد کیا۔ ملک کے تمام وسائل امریکہ کے حوالے کیے رکھے اور اس کی خوش نودی کے لیے اپنے لوگوں کا قتل عام تک کر گزرے۔ پاکستان اس وقت جس بدامنی، غربت ومہنگائی، قتل وغارت، چوری، ڈاکے، لوٹ مار، کرپشن، گیس اور بجلی کی لوڈشیڈنگ، ڈرون حملوں، صلیبی قبضے، امریکی غلامی، بھارتی ثقافت اور ہندوکلچرکے غلبے کا سامنا کر رہا ہے کیا ہم نہیں سمجھتے کہ یہ ہماری ہی بد اعمالیوں کا شاخسانہ ہے؟ برس ہا برس سے ہم ظالم وجابر حکمرانوں کے تسلط، بے کردار لیڈروں کی سیاسی وفکری غلامی، ڈینگی وائرس، زلزلوں، طوفانی بارشوں، سیلابوں اورخشک سالی سمیت مختلف مصائب کے گرداب میں بری طرح پھنسے ہوئے ہیں، کیا ہمیں کبھی خیال آتا ہے کہ یہ اللہ کے غیظ وغضب کو للکارنے کا نتیجہ ہو سکتاہے!
پاکستانی عوام اللہ تعالیٰ کے مختلف عذابوں کو دیکھ کر صرف آنکھیں موندلینے پر اکتفا کیے ہوئے ہیں۔ اگروہ ان جرائم کا ذمے دارصرف حکمرانوں کو سمجھ ر ہے ہیں اورخود کوبے گناہ خیال کرتے ہیں۔ اگر وہ نہیں سمجھتے کہ ظلم کرنا بھی ظلم ہے اور ظلم ہوتے دیکھ کر خاموشی اختیار کرنا بھی ظلم ہے۔ یا اگران کا خیال ہے کہ اللہ تعالیٰ ویسے ہی ان سے راضی ہوکر انہیں معاف کردے گاتوان کی یہ سوچ سراسر غلط ہے۔ اللہ تعالی کا ایک قانون اور نظام ہے جس میں کبھی ردوبدل نہیں ہوسکتا۔ اللہ کی سنت کبھی تبدیل نہیں ہوتی۔ اہل پاکستان کا پہلا جرم توپاکستان کے مقصدِ قیام سے انحراف ہے۔ ہم نے اللہ سے وعدہ کیا تھاکہ اس خطے میں اللہ کے دین کوسربلند اورشریعتِ مطہرہ کونافذ کیا جائے گا۔ اس مقصد کے لیے ضروری تھا کہ ہم بحیثیت امت مضبوط تر ہوتے، فروعی اختلافات ختم کرتے اور حق کے قیام اور جہاد کے اجرا ءکی ہرتدبیر کرتے۔ مسلمان کی حیثیت سے ہم میں سے ہر ایک پر فرض تھا کہ یہ ملک جو اللہ کے دین کے نفاذ کے لیے حاصل کیا گیا تھااس میں اللہ کے دین کو عملاً نافذکرنے کے لیے اپنی جان لڑا دے۔ اگراسلام کے دشمن بزور طاقت اسلام کے نفاذکو روکتے، تواس مقصد عظیم کے لیے ہم جہاد کرتے، ان کے خلاف قوت استعمال کرتے۔ بدر و احد اوراحزاب وحنین میں اللہ کے رسول ﷺنے تنفیذِ دین میں رکاوٹ بننے والوں کے خلاف جہاد کر کے اس کا عملی نمونہ پیش فرمایاہے۔
دراصل پاکستان تو ہم نے بنا لیا، مگر حقیقی پاکستان بنانے کے لیے ضروری تھاکہ اسے قرآن کی تجربہ گاہ بنایا جاتا۔ وہ لوگ جو اس ملک کے اختیار و اقتدار پر فائز ہوئے ان کا قرآن سے کوئی تعلق نہ تھا۔ حضرت قائداعظمؒ نے قرآن کو پاکستان کی منزل قرار دیا تھا۔مسلمانانِ پشاور کے عظیم اجتماع سے خطاب کرتے ہوئےآپ نے فرمایاتھا:
"اسلامی حکومت کا یہ امتیاز پیشِ نظر رہنا چاہیے کہ اس میں اطاعت اور فرامین کا مرجع اللہ تعالیٰ کی ذا ت ہے جس کے لیے تعمیل کا مرکز قرآنِ مجیدکے احکام اور اصول ہیں قرآنِ کریم کے احکام ہی سیاست و معاشرت میں ہماری آزادی اور پابندی کی حدود متعین کرتے ہیں۔’اسلامی حکومت‘ دوسرے الفاظ میں قرآنی اصول اور احکام کی حکمرانی ہے۔ " تاہم قائد کے جانشینوں نے قرآن کو پسِ پشت ڈال دیا۔ ہماری موجودہ حالت دراصل قرآن سے دوری کا شاخسانہ ہے۔ قرآن سے دوری کا سب سے بڑا نقصان یہ ہوا کہ ہم اسلام کی اصل قوت یعنی جذبہ جہاداور شوق شہادت سے نا آشنا ہو گئے۔ مغرب ومشرق میں ہمارے سب دشمن ہماری اسی طاقت سے خوف زدہ ہیں، ورنہ عسکری اعتبار سے تو ان کو اسلام اور مسلمانوں پر واضح برتری حاصل ہے۔ اپنے اس غلبے کو قائم رکھنے کے لیے انہوں نے دس برس پہلے مسلمانوں کے خلاف جو جنگ چھیڑی اس میں اس بات کا پورا اہتمام کیا کہ مسلمانوں کا جذبہ جہاد بیدار نہ ہونے پائے۔ اس کام پر وہ آج بھی کھربوں ڈالر کا سرمایہ خرچ کرتے ہیں جوہتھیاروں، افواج اور دیگر سامانِ جنگ کے علاوہ عالم گیر سطح پرپروپیگنڈے پر صرف ہوتا ہے۔ ذرائع ابلاغ میں اربوں ڈالر تقسیم ہوتے ہیں تا کہ اسلامی جہاد کو دہشت گردی ثابت کیا جا سکے۔ اس سرمائے کا ایک بڑا حصہ مسلمانوں کے درمیان ایسے افراد کی’ خدمت‘ پر صرف ہوتا ہے جو جہاداور جذبہ جہادکے خلاف مغربی دلائل کو اسلامی رنگ میں پیش کر تے ہیں۔ یہ لوگ جہاد کے معجزانہ اثرات کی نفی کے لیے’منطق‘ پر مبنی مواد ا کٹھا کر کے مسلما نوں کو یہ با ور کروا تے ہیں کہ مغرب اورامریکہ کی ہر بات کو من و عن تسلیم کر ناہی حکمت کا تقاضاہے، اسی میں ہما ری بھلا ئی ہے اورامریکہ سے لڑنا دیوار سے سر ٹکرانے کے مترادف ہے۔ اہل مغرب کے بینکوں سے نکلنے والی رقوم سے پاکستان میں ان گنت این جی اوز، چینلز اور اخبارات وجراید چلتے ہیں۔ مغرب کی تجوریوں سے ڈالر اور پائونڈ وصول کر نے والے دانش فروش سکالرزاور علمائے سوکی تعداد روز بروز بڑھ رہی ہے۔ سرکاری ذرائع ابلاغ کوبھی اس مد میں بھاری وسائل بطور امداد حاصل ہیں، نوجوان نسل کومتاثر کرنے والی یونیورسٹیوں اور دانش گاہوں کوبھی ان کے تصرف میں دے دیا گیا ہے۔ کسی بھی چینل کو دیکھیں وہاں پر مخلوط نوجوان نسل کے ساتھ مذاکرے کے پرگرام میں اسلام کی نئی تشریح کے ساتھ روشن خیالی کا پیغام دیا جا رہا ہو گا۔ کہیں جاوید غامدی، ڈاکٹر خالد ظہیر اور خورشید ندیم جہادکی مغرب کے لیے قابلِ قبول تشریح پیش کرتے نظر آتے ہیں تو کہیں پیپلز پارٹی اور اے این پی کے سیاسی قائدین جہاد کے خلاف وعظ و ارشاد فرماتے دکھائی دیتے ہیں۔ حسن نثار، نذیرناجی اورہودبھائی جیسے مفکرین تو جذبہ جہاد کو انتہا پسندی اور مسلمانوں کے زوال و تباہی کااصل سبب ثابت کرنے کی کوشش کرتے ہیں۔
پاکستان کی بزدل قیادت نے جہا د کا نام تک لینا چھوڑ دیاہے۔ کشمیری مجاہدین اور ان کی جد وجہد سے منہ موڑ لیاگیا ہے۔ بڑی بے شرمی سے جہاد کو دہشت گردی اور مجاہدین کو دہشت گرد کہا جاتا ہے۔ اسلام واہل اسلام سے دشمنی اور امریکہ وعالم کفرکی غلامی کی راہ اس لیے اختیار کی گئی، تاکہ ان پرکہیں جہاد کی حمایت کا الزام نہ لگ جائے، امریکہ کہیں ان کا تورہ بورا ہی نہ بنا ڈالے۔ تورا بورہ بننے سے تو وہ بچ گئے مگراس کے بدلے پاکستان کوبے پناہ قدرتی آفات ومصائب کا سامنا کر نا پڑا جواللہ کی سرکشی اختیارکرنے کا لازمی نتیجہ ہوتاہے۔ اسلام کے نام پر بننے والے ملک میں امریکا، اقوام متحدہ اوریورپی یونین کے اسلام دشمن قوانین جاری ہو گئے اور پاکستان پر یہودونصاریٰ کی بالادستی قبول کرلی گئی۔ حکومت کے ارکان و اعیان خاموشی سے مسلمانوں کو ملیامیٹ ہوتا دیکھ کرخوش ہوتے اور ڈالروں کے منتظر رہتے ہیں۔ بلکہ ان میں ایسے بھی ہیں جوجہاد کو پاکستان کے لیے نقصان دہ ثابت کرنے کی پوری کوشش کرتے ہیں۔ امریکی نقطہ نظر کی ترجمانی کرنے والے پاکستانی نژاد مفکرین میں حسین حقانی پیش پیش ہیں۔ ا مریکہ میں مو جود ا سلا می گروہ جیسے" اسلا مک سو سا ئٹی آف نا رتھ امریکہ "کو نسل آن امیریکن اسلا مک ریلیشنز اور مسلم ا سٹوڈنٹ ایسو سی ایشن حسین حقانی کی مسلم دشمن تنظیم کے خاص نشانے پر ہے۔ حسین حقانی نے "جیوش انسٹی ٹیوٹ آف سیکو ر ٹی "کے پلیٹ فارم پر تقریر کر تے ہو ئے پا کستان اور پا کستا نیوں کا خوب مذاق اڑا یا اورپاک ا مریکہ تعلقات میں باعث اضطراب پہلوئوں کی نشان دہی کر تے ہو ئے کہا کہ" پاکستان اور سعودی عرب ا مریکہ کے سب سے بڑے مشکل دو ا تحادی ہیں"۔ پا کستان اور ا مریکہ کے تعلقات کو مشکل بنانے والے با عث اضطراب اور خطرناک پہلوئوں کی نشان دہی کرتے ہوئے حقانی نے پاکستان کے ایٹمی ہتھیا روں کے پھیلا ئوکے رحجان اورپا کستان کے اسلا می عسکری تحریک کے مر کز کے طور پرکر دار کی دہائی دی ہے۔ پا کستان کو اسلا می عسکری تحریک کا مرکزقرا ر د یتے ہو ئے حسین حقانی نے کہا" پا کستان مستقبل میں ا مریکہ اور مغربی دنیا کے امن کے لیے ایک سنگین خطرہ رہے گا۔" مولانا سید ابو ا علیٰ مو دودیؒ کی ”الجہاد فی الاسلام“ حسین حقانی کے نزدیک"عا لمی جہا دی کوششوں کے لیے ایک ا بلنے والی پلیٹ"ہے۔ پاک فوج کے خلاف ز ہر ا فشا نی کر تے ہو ئے کہتے ہیں: "پا کستان کی فوج ا سٹریٹجک و جو ہ کی بنا پر وقتاًفوقتاً اسلامی عسکریت پسندوں کے ساتھ اتحاد کر تی ر ہتی ہے اور مسجد اور فوج کے درمیان یہ اتحاد ہی تھا جس نے طالبان کو جنم دیا۔" حسین حقانی کشمیر کے مسئلے کو عسکری قیادت کی چال کہتے ہیں: "جس کے ذریعے وہ پا کستان پر حکمرا نی کر نا چا ہتی ہے۔"
افسوس اہلِ پاکستان نے حق کی قدر کرنے کا حق ادا نہیں کیا۔ پاکستانیوں نے قرآن کی پکار کا کماحقہ جواب نہیں دیا۔ جہاد جو ہماری اصل قوت اور دنیا بھر میں اسلام اور مسلمانوں کے تحفظ اوردفاع کا سامان ہے، ہم نے اس سے منہ موڑ لیا۔ جہاد تر ک کرنے کا اصل مفہوم یہ ہے کہ ہم نے ساری دنیا میں پرچم الٰہی کو لہرانے کے لیے اپنی صلاحیتیں استعمال نہ کیں، اسی لیے ہماری وحدت تتر بتر ہوہو گئی اور ہمارے دشمن بھوکے کتوں کی طرح ہمارے اوپر جھپٹ پڑے۔ آج وہ ہمیں بھنبھوڑ رہے ہیں، نوچ رہے ہیں اور ہم نہ صرف ان سے بچتے پھر رہے ہیں بلکہ ان کی خوشی کے لیے خود اپنے ہاتھوں سے اپنی گردنیں کاٹ کر ان کے قدموں میں ڈال رہے ہیں۔ پورے عالم اسلام کا یہی حال ہے۔ ہم سب کچھ ہوتے ہوئے بھی کچھ نہیں، ایک سو ستر کروڑ کی تعداد میں ہوتے بھی تنہا ہیں۔۔۔ ستاون ممالک ہوتے ہوئے بھی ہمیں اکیلا ہونے کی شکایت ہے۔ہمارا مرض لا علاج ہے، ہمارے دکھ کا کوئی مداوا ہو بھی نہیں سکتاجب تک ہم قرآن کی طرف رجوع نہیں کریں گے۔ اگر مومن کا نور مبین کھو جائے اور وہ ظلمات میں ٹھوکریں کھا رہا ہو تو اس پر لازم ہے کہ وہ کھوئے ہوئے نور کو ڈھونڈے اور اس سے اپنے ماحول کو روشن کرے اور پھر اس نور کو چار دانگ عالم میں پھیلا دے۔ کیا ہم نہیں جانتے کہ تمام عالم کو روشن کرنے کی صلاحیت صرف ہمارے پاس ہے۔ وہ نور ہم نے چھپا کر کیوں رکھا ہوا ہے جو اس لق ودق اندھیرے میں ہمیں بھی منور کر سکتا ہے اور کل عالم میں بھی روشنی پھیلا سکتا ہے۔
مومن کو نوید دی گئی ہے کہ اس کو وہ سب ملے گا جس کے لیے وہ کوشش اور جدوجہد کرے گا۔ اگر پسینہ بہائے گاتو اس کا اجر پائے گا اورحق کی شہادت دیتے ہوئے اپنا گرم خون نچھاور کرے گا، تواس کے اجرِعظیم سے بھی محروم نہیں رہے گا۔ مسلمانوں کے امراضِ قلب وروح کا علاج صرف اور صرف جہاد میں مضمر ہے۔ جہادہی ہماری داخلی وخارجی سلامتی کا ضامن ہے۔ جہادہی ہمارااصل ایٹم بم ہے اورموثرترین deterrent ہے، یقین نہیں آتا تو افغانستان میں مٹھی بھر طالبان کو جہاد لڑتے دیکھ لیں۔ امریکہ وہاں جہاد کی طاقت سے عاجز آ چکا ہے۔ اس سے پہلے جہاد سوویت یونین کے پر خچے اڑاچکا ہے۔ جہاد ہے تو یہ امت ہے جہاد نہیں تو نہ امت ہے نہ اس کا وقاراور شرف ہے، نہ اس کے لیے امن و سلامتی کی کوئی ضمانت ہی ممکن ہے۔"جو لوگ ہماری خاطر مجاہدہ کریں گے انہیں ہم اپنے راستے دکھائیں گے(سورئہ عنکبوت 69)۔"سورئہ صف میں عذابِ الیم سے نجات دلانے کے لیے ایک تجارت کی نشان دہی کی گئی ہے:
" اے لوگو جو ایمان لائے ہو، بتائوں تم کو وہ تجارت جو تمہیں عذاب الیم سے بچا دے؟ ایمان لائو اللہ اور اس کے رسول پر، اور جہاد کرو اللہ کی راہ میں اپنے ما لوں سے اور اپنی جانوں سے یہی تمہارے لیے بہتر ہے اگر تم جانو۔ اللہ تمہارے گناہ معاف کر دے گا، اور تم کو ایسے باغوں میں داخل کرے گا جن کے نیچے نہریں بہتی ہوں گی، اور ابدی قیام کی جنتوں میں بہترین گھر تمھیں عطا فرمائے گا۔ یہ ہے بڑی کامیابی اور وہ دوسری چیز جو تم چاہتے ہو وہ بھی تمہیں دے گا، اللہ کی طرف سے نصرت اور قریب ہی میں حاصل ہو جانے والی فتح۔ اے نبی، اہل ایمان کو اس کی بشارت دے دو۔" (الصف:13-10 )