حیدر

عقیدہ ۔ ۔ ۔ مبارکباد۔۔۔۔شمولیت ۔ ۔ ۔ ایمان
کیا کسی کو "محض" مبارکباد دینے سے ایمان خطرے میں پڑ جاتا ہے۔

آخر یہ سادہ سی بات سمجھ میں کیوں نہیں آتی کہ مبارکباد اُسی چیز کی ہوتی ہے جو وقوع پذیر ہو چکی ہو۔ حضرت عیسیٰ کی پیدائش کی خؤشی منانا (صرف وہی کیوں۔۔۔باقی پیغمبر کیوں یاد نہیں آتے) پر کسی کو بھی اعتراض نہیں ہے۔ مسئلہ آتا ہے حضرت عیسیٰ کے بطور ابن اللہ خوشی منانے پر۔
عیسائی حضرت مسیح کو بطور ابن اللہ مان کر خوشی مناتے ہیں۔ اگر جرات ہے تو قرآنی کے مطابق کی مبارکباد دے کر دیکھ لو۔۔۔جس طرح کی حضرت جعفر طیار نے کی تھی۔

لیکن مجھے اُمید ہے کہ سوال پھر بھی وہیں رہے گا کہ عید کی مبارک باد دینے سے عیسائیوں کا ایمان خطرے میں نہیں پڑتا۔۔۔ کرسمس کی مبارکباد سے ہمارا ایمان کیوں؟

ہم اپنی اولاد کو بُرے لوگوں کی صحبت میں بیتھنے سے کیوں منع کرتے ہیں؟ ایمان و عقیدہ تو وہاں بھی سلامت رہتا ہے۔
ہم خؤد ۔۔شراب اور جُوا، زنا کی محفل میں بیٹھنے سے کیوں کتراتے ہیں؟ حالانکہ ہم نہ تو ان میں ملوث ہوتے ہیں اور ہمیں تو اپنے ایمان پر پورا بھروسہ ہوتا ہے۔
ہم قتل و خون خرابے کے وقت محفوظ پناہگاہیں کیوں ڈھونڈتے ہیں؟ حالانکہ ہمیں یقین ہوتا ہے کہ اللہ نے جو وقت معین کر دیا وہ آ کر رہنا ہے۔

حدیث پاک ہے اور خود ہمارا مشاہدہ بھی ہے کہ ہمارا ایمان ایک مخصوص سطح پر نہیں رہتا۔ یہ زیادہ کم ہوتا رہتا ہے۔ جب ہم نیک لوگوں کی صحبت میں ہوتے ہیں تو ایمان برھتا ہے۔۔۔۔۔ جب ہم بُرے لوگوں کی صحبت میں ہوتے ہیں تو ایمان کم ہونا شروع ہو جاتا ہے۔

بعینہ یہی ہماری گفتگو اور روز مرہ بول چال سے بھی ہے۔ ہمیں بار بار متنبہ کیا جاتا ہے اسلام میں کہ بات کرتے وقت احتیاط کیا کرو۔ ایسا نہ ہو تم کسی بات کو معمولی سمجھ رہے ہو اور وہ تمہارے اعمال کو جلا کر خاک کر دے۔

عیسائیوں کے ساتھ تعلقات بڑھانے اور انسانیت دکھانے کے لیے اگر کوئی "ابن اللہ" کی پیدائش کی مبارک دے سکتا ہے تو کوئی اور ہندووں سے اسلامی ٹرمز بڑھانے کے لیے اپنے عقیدے کو مضبوط جانتے ہوئے اور ایمان پکا کرتے ہوئے ان کے بتوں کو سجدہ بھی کر سکتا ہے۔ دور کیوں جائیں ۔۔۔ انڈیا میں خان فیملی کا حآل دیکھ لیں۔ شاہ رُخ خان بھی اسی سوچ میں بہے جا رہا ہے۔


میرے پاس تو لاجکس ختم ہو گئی ہیں۔ باقی لکم دینکم ولی دین

فیصل ناصر

بھائی
میں نے تو آجتک کسی کو کرسمس مبارک نہیں کہا
لیکن اگر میں کہونگا تو صرف ایک شخص کا دل رکھنے کے لئے اور اس سے یقینا میرے عقیدے پر کوئی فرق نہیں پڑے گا
میں حضرت عیسی کا اللہ کا رسول اور پیغمبر ہی مانتا ہوں اور مانتا رہونگا

اور غیر ممالک میں رہنے والے غیر مسلموں کے کولیگ اور پڑوسی اور ملنے جلنے والے

میری ساری دلیل اس بات کے لئے ہے کے ایسا کرنے سے کفر کا فتوی کیونکر لاگو ہوسکتا ہے
احتیاط کریں ، گریز کریں ، اس طرح کی بات سمجھ میں آتی ہے
لیکن ناقابل معافی کفر کے فتوے ‌ !!!
یار تھوڑا خیال کرو

ایک اور بات بتائیں
اہل کتاب سے شادی جائز ہے
ظاہر ہے شادی کے بعد لڑکی یا عورت اپنے مذہب کے مطابق ہی زندگی بسر کرے گی
اس سے کسی پر فتوی نہیں لگتا
لیکن کسی کا دل رکھنے ،اس کو تھوڑی سے خوشی دینے پر بندہ کافر

چلیں جی میں اس بحث سے کنارہ

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

اداس ساحل

ویری سمارٹ۔۔۔۔۔۔۔۔۔۔۔۔۔۔۔۔۔۔۔

آپ ذرا ایک دفعہ پھر سے دھاگے یعنی تھریڈ کو پڑھیے۔ تھریڈ میں لگے ہوئے پوسٹرز کو دیکھیے۔ اصل میں شاید آپ کو اس شدت پسندی کے ماحول اور گفتگو کی اس قدر عادت ہو گئی ہے، کہ اب آپ کو فیل ہی نہیں ہوتا کہ اس سے کسی کے جذبات مجروح ہو سکتے ہیں۔

عیسائی ہو چاہے مسلم، دل سب کا اللہ نے ایک ہی بنایا ہے۔ جس طرح سے کچھ لوگ "میری کرسمس" پر بڑا سا کراس لگائے ہوئے ہیں، اگر "اللہ اکبر" پر کوئی کراس لگائے تو آپ کے جذبات کا کیا ہو گا۔ پھر آپ ہمدردی کی چادر پھیلا دیں گے۔

آپ تو کم از کم پاکستان سے باہر ہیں۔ میرا خیال ہے آپ کو اس چیز کا سب سے ذیادہ خیال ہونا چاہیے۔ آخر کنعان صاحب نے بھی تو اس قدر تفصیل سے بیان کیا ہے۔

__________________

مرزا عامر

میں نے بھی تفصیل سے بیان کیا ہے شاید آپ کو نظر نہیں آیا۔

فیصل ناصر

واہ آزادی اظہار کے علم برداروں کا یہ رویہ حیران کن ہے بلکہ قابل مذمت ہے

یہ ساری شدت پسندی تب کہاں‌گم ہوجاتی ہے جب کوئی پادری قرآن کو جلا رہا ہوتا ہے ؟؟

کنعان

حیدر

مجھے نہیں معلوم "کفر کا فتویٰ" کس مستند عالم نے دیا ہے۔ گر میرے جیسا کوئی نام نہاد عالم بن کر ایسے فتوے دے دیتا ہے تو الگ بات ہے۔
ہاں حرام ہونے کا فتویٰ دینا الگ بات ہے۔ حرام فعل کا ارتکاب ہونے سے کوئی کافر تو نہیں ہو جاتا ۔۔۔۔بس ایمان پر سوالیہ نشان آ جاتا ہے تاوقتیکہ وہ توبہ کر لے۔
یہ ایسے ہی ہے کہ کوئی شراب پی لے یا زنا کر لے ۔۔۔تو اس پر کفر صادر نہیں ۔ لیکن "توبہ" پھر بھی "لازم" ہے۔

معمولی سی بات پر ایمان کس طرح ضائع ہو جاتے ہیں ۔ ۔ ۔ یہ مجھے کل رات کو خؤاب میں معلوم ہوا۔

میرا خیال ہے کہ قرآن میں ہی کہیں اُن بدووں کو اللہ کی طرف سے شدید تنبہی کی گئی تھی کہ جو نبی ہاک صلی اللہ علیہ وسلم کے گھر کے باہر آ کر اونچی آواز لگا کر ان کو بُلایا کرتے تھے ۔ تنبیہ شاید یہ تھی کہ "ایسا نہ ہو تمہارے اعمال غارت کر دئیے جائیں اور تم کو علم بھی نہ ہو"۔
حالانکہ نبی پاک صلی اللہ علیہ وسلم کس قدر محنت کرتے تھے لوگوں کو اسلام کی طرف لانے کے لیے، کس قدر محبت تھی انکو لوگوں سے، راتوں کو جاگ جاگ کر امت کے لیے دعا کیا کرتے تھے۔۔۔۔ لیکن اللہ ایک معمولی بات پر شدید وارننگ جاری کر رہا ہے۔


اسی لیے علما کئی بظاہر معمولی دکھنے والی باتوں پر سخت احکام لگاتے ہیں کہ کہیں مسلمان بھٹک کر "حدود اللہ" کے پاس نہ چلا جائے۔
حدود اللہ کی مثال ایک دو چراہگاہوں کی سی ہوتی ہے۔ جن کے درمیان نہ نظر انے والی باونڈری یا حد ہوتی ہے۔ جب کوئی بھیڑ بکری اس حدود کے پاس چرتی ہے تو اس بات کا خطرہ ہوتا ہے کہ وہ گھاس چرتے چرتے دوسری چراہگار میں نہ چلی جائے اور اس کو علم بھی نہ ہو پائے۔ حتیٰ کہ اس کو بھیڑیے کھا جائیں۔

راجہ اکرام

ہم جس عقیدے کی بات کر رہے ہیں وہ ہے عیسائیوں کا سیدنا عیسیٰ علیہ السلام کے متعلق عقیدہ
بنی کو نور یا بشر تسلیم کرنے میں اور کسی کو اللہ کا بیٹا تسلیم کرنے میں کچھ فرق ہے یا نہیں ؟

نور اور بشر والا عقیدے میں اختلاف توحید کے حوالہ سے تباہ کن ہے یا کسی کو نعوذ باللہ خدا کا بیٹا تسلیم کرنے والا؟؟

کہاں کی مثال کہاں دے رہے ہیں آپ
جب عقیدے کی بات ہو تو ہماری مراد یہاں عقیدہ توحید و تنزیہہ ہے۔۔ باقی نور ماننا یا زندہ ماننا یہ بعد کی باتیں ہیں

__________________
محتاج اصلاح و دعا

عبداللہ حیدر

السلام علیکم،
کسی کفریہ کام کرنے سے ہمیشہ یہ لازم نہیں آتا کہ اس کا مرتکب کافر ہو جائے۔
تکفیر معین کی شروط و ضوابط یہاں دیکھیے:
تکفير معين کے اصول و قوانين
والسلام علیکم

عادل سہیل

السلام علیکم ورحمۃ اللہ و برکاتہ ،
اللہ تعالیٰ ہم سب کو ہر ایک کلمہ گو کو ہر وسوسے سے بچنے کی ہمت عطاء فرمائے ،
بڑی دُکھ زدہ حیرت کے ساتھ یہاں اپنے بھائیوں کے تبصرے پڑھے ہیں ، کہ ہم لوگ اپنے دِین کی بنیادی معلومات سے اس قدر دور ہیں کہ عقائد اور عمل کو ایک دُوسرے سے جدا سمجھے ہوئے ہیں ،
جبکہ دونوں لازم و ملزوم ہیں اور ایک دوسرے کی حقیقت کے آئینہ دار ہیں ، اِنسان کی ز ُبان سے خواہ کسی بھی عقیدے کا اظہار ہوتا ہو ، اُس کے اعمال اُس کے اظہار کی سچائی یا جھوٹے پن کی گواہی ہوتے ہیں ، اور اسی طرح اِنسان کے اقوال اُس کے عقائد کا اظہار ہوتے ہیں ، کیونکہ عموماً الفاظ بولنے والے کے باطن میں پائے جانے والے خیالات کے سانچے ہوتے ہیں ، سوائے منافقین کے الفاظ کے، پس اگر کوئی یہ کہے کہ میں فلاں عمل کو کافروں کا عمل تو مانتا ہوں لیکن انہیں اُس عمل کی مبارکبادی دے کر ان کے عمل پر رضامندی کا اظہار نہیں کرتا تو ایسی بات کو سوائے اس کے اور کچھ نہیں کہا جا سکتا کہ ایسی بات کہنے والا شخص دھوکے کا شکار ہے ،
میں نے """ ویلنٹائن ڈے عیدء محبت """ والے مضمون میں لکھا تھا :::
""""" یہ بات واضح ہے کہ ویلنٹائن کا دن یا محبت کی عید غیر اسلامی دینی تہوار ہیں اور ان کو منایا جانا اسلام کی بجائے دوسرے دین کے لیے رضامندی کا اظہار ہے اور اس باطل دِین کو پھیلانے کی کوشش اور سبب ہے ،خواہ منانے اور منوانے والے اپنی بدعملی کی کوئی بھی تاویل کرتے رہیں لیکن اس حقیقت سے اِنکار نہیں کیا جا سکتا کہ اُن کی ایسی بد عملیاں اُن کے دِلوں میں کافروں اور اُن کے تہوراوں کے لیے پسندیدگی کی موجودگی کا پتہ دیتی ہیں ، اللہ توتعالیٰ کا فرمان ہے (((((وَمَنْ يَبْتَغِ غَيْرَ الْإِسْلَامِ دِينًا فَلَنْ يُقْبَلَ مِنْهُ وَهُوَ فِي الْآخِرَةِ مِنَ الْخَاسِرِينَ ::: اور جو کوئی اسلام کے علاوہ کچھ اور کو دین چاہے گا تو اس کا کوئی عمل قُبُول نہ ہوگا اور وہ آخرت میں نقصان اُٹھانے والوں میں ہو گا)))))سُورت آل عمران / آیت 85،
یہاں یہ تاویل بھی کام نہیں دے سکتی کہ ہم یہ کام کافروں کے دِین کا حصہ سمجھ کر نہیں کرتے ، کیونکہ اگریہ سمجھ کر کرنے لگیں تو پھر تو کرنے والے کسی شک و شبہ کے بغیر کافروں کے ولی ہو گئے ، کفر پر راضی ہوگئے اور اگر توبہ کیے بغیر اور اپنے پھیلائے ہوئے ، اپنے چلائے ہوئے گناہوں کا ازالہ کیے بغیر مر گئے تو اللہ کے ہاں اُن کے برے انجام کی خبر اللہ پاک دے چکا ہے ،
اور اگر کوئی مُسلمان ایسا کام کافروں کا دِین سمجھ کر نہ بھی کرے تو بھی وہ کام بذات خود کافروں کے دِین ، اُن کی خاص عادات و روسومات میں سے ہونے کے سبب مُسلمانوں کے لیے حرام ہی ہے ، اور مُسلمانوں کی اُس میں کسی بھی طرح کی شمولیت انتہائی خوفناک نتیجے کی حامل ہے """""
بھائیو ، کافروں کے کسی بھی تہوار میں کسی بھی قسم کی شمولیت کسی بھی مسلمان کے جائز نہیں ، اس مسئلے سے متعلق معلومات ایک الگ تھریڈ """ غیر مسلموں کے تہواروں میں شمولیت """ میں ارسال کر چکا ہوں ، سب ہی سے درخواست ہے کہ بڑے تحلی اور توجہ سے اس تھریڈ کا مطالعہ کیجیے ، اُس تھریڈ میں بھی """ خلافء قران ، قران فہمی """والوں نے حسبء عادت قران کریم کی آیات مبارکہ کی وہی غلط تاویلات لکھی ہیں جو یہاں اِس تھریڈ میں ہیں ، اُن تاویلات کی حقیقت بھی الحمد للہ وہاں بیان ہپو چکی ہے ،
اور """ میلاد النبی """ کے دلائل کے طور پر جو آیات غلط بیانی کے ساتھ دلیل بنانے کی کوشش کی جاتی ہے اُس کوشش کی حقیقت جاننے کے لیے درج ذیل لنک سے میری کتاب """ عید میلاد النبی صلی اللہ علیہ وعلی آلہ وسلم اور ہم""" کا نسخہ اتاریے اور اُس کا مطالعہ فرمایے ، اِن شاء اللہ فائدہ ہو گا ،
پہلا ربط

دوسرا ربط
۔۔۔۔۔۔۔۔۔۔۔۔۔۔۔۔۔۔۔
اس کے علاوہ یہاں اِس تھریڈ میں کچھ ایسی باتیں پڑھنے کو ملی ہیں جن سے یہ اندازہ ہوتا ہے کہ کچھ بھائیوں کو کفریہ عمل اور کفریہ عقیدے کے فرق کا اندازہ نہیں ،
عقیدہ ہی وہ چیز ہے جو کسی انسان کو مسلمانوں یا کافر وں کی صفوف میں گنے جانے کا فیصلہ کرنے کا پہلا اور آخری ذریعہ ہوتا ہے ،
جبکہ کوئی کفریہ ، یا شرکیہ عمل کرنے والے کو کافر یا مشرک قرار دینا درست نہیں ہوتا ، پس اگر کوئی کسی کفریہ یا شرکہک عمل کے کلمہ گو عامل کو محض اُس عمل کا عامل ہونے کے سبب کافر یا مشرک کہتا ہے تو وہ غلط کہتا ہے ،
لیکن جو کوئی کسی کفریہ یا شرکیہ عقیدے کی موجودگی میں ، اور اس عقیدے کے کفر یا شرک ہونے کا علم رکھنے کے بعد بھی اُس عقیدے کی موافقت والے کام کرتا ہے اُس کا معاملہ الگ ہوجاتا ہے ،
رہا معاملہ حرام اور ناجائز کام کرنے کا تو اُن میں سے بہت سے کام ایسے ہیں جو حرام ہونے کے باوجود اِسلام سے خارج کر دینے والے نہیں ہوتے ،جِن میں سے ایک کام کافروں کے تہواروں میں کسی بھی قِسم کی شمولیت بھی ہے ،
خواہ اُس تہوار کی وجہ کچھ بھی رہی ہو ، جب وہ تہوار کفار سے متعلق ہے، اُن کے لیے خاص ہے تو وہ انہی کا ہے ،
پس اُس میں کسی بھی قِسم کی شرکت کسی مُسلمان کے لیے جائز نہیں ،
۔۔۔۔۔۔۔۔۔۔۔۔۔۔۔۔۔۔۔۔
مجھے اِس تھریڈ میں بھائیوں کے خیالات پڑھ کر سب سے زیادہ دُکھ اس بات کا ہوا کہ بھائی اِسلام کا ایسا روپ بنانا چاہتے ہیں جو اللہ کے رسول صلی اللہ علیہ و علی آلہ وسلم ، صحابہ رضی اللہ عنہم اجمعین ، تابعین ، تبع تابعین اور صدیوں تک اُمت کے ہاں نہ تھا ، کہ اپنے دِین کی حدود سے خارج ہو کر کافروں کے سامنے اُن کی رضا مندیاں حاصل کرسکنے والی خوش اخلاقی اپنائی جائے ، ایسی خوش اخلاقی جس میں حلال و حرام کی بھی تمیز نہ رہے،
افسوس کہ میرے بھائی اپنی کوتاہ علمی کو وسیع نظری سمجھتے ہیں ، اور اپنی کوتاہیوں کو رسول اللہ صلی اللہ علیہ وعلی آلہ وسلم کی سیرتء مبارکہ کے کسی ایک پہلو کے ذریعے دُرست بنانےکی کوشش بھی کرتے ہیں ، انہیں رسول اللہ صلی اللہ علیہ وعلی آلہ وسلم کی سیرتء مبارکہ میں یہ نظر نہیں آتا کہ انہوں نے کافروں کے ساتھ تلوار سے جہاد بھی کیا ، کافروں کو پابندء سلاسل بھی کیا ، کافروں اور منافقوں کے لیے کسی بھی قِسم کی نرمی کو رد بھی کیا ،
ارے اللہ کے بندو ، کیا ہمارے سارے ہی عمل رسول اللہ صلی اللہ علیہ وعلی آلہ وسلم کی سیرتء مبارکہ کے مطابق ہیں !!! ؟؟؟
اور تو اور ہمارے تو حلیے ،معاشرت ، معیشت کسی میں بھی سیرتء مبارکہ کا عکس نہیں ملتا ، لے دے کے ہمیں کافروں سے دوستیوں اور محبتوں کے اظہار اور اُن کے تہواروں میں شمولیت اور مبارکبادیں دیتے ہوئے سیرتء مبارکہ یاد آتی ہے ،
اسے کہتے ہیں """ العُذر أقبح مِن الذنب ::: بہانے بازیاں گُناہ سے زیادہ بری ہوتی ہیں """،
بھائیو ، اگر کوئی اللہ اور اُس کے رسول صلی اللہ علیہ وعلی آلہ وسلم کے فرامین ، خلفاء راشدین اور صحابہ رضی اللہ عنہم اجمعین کے اقوال و افعال کے بر عکس کافروں کے تہواروں میں شمولیت ، اور اُن کو مبارکبادیں دینے کو حرام نہیں سمجھتا تو اسے چاہیے کہ وہ ہمارے ذِکر کردہ دلائل کے درجے والے دلائل سے اپنی بات ثابت کرے ، اور اپنی ذاتی سوچوں کو اللہ اور اس کے رسول صلی اللہ علیہ وعلی آلہ وسلم کے احکام کے تابع کرے ، اور صحابہ رضی اللہ عنہم اجمعین کی جماعت کے اقوال و افعال کے مطابق تابع کرے ،اپنی ذاتی سوچوں کو اللہ کا دِین سمجھنے کا ذریعہ نہ بنائے ،
اور کسی کو یہ سمجھائی دے رہا ہے کہ ہر انسان کا دل اللہ نے ایک جیسا بنایا ہے لہذا اُس کے ہر انسان کے جذبات کا خیال رکھا جانا چاہیے ،
لا حول ولا قوۃ الا باللہ ،
اِن لوگوں کی تنگ نظری اور شدت پسندی اس قدر بڑھ چکی کہ کفر یہ عقیدے کا نشان صلیب سینے پر لگائے پھرنے والے کافر ، اور اللہ کی تکبیر کے کلمات سینے پر لگائے ہوئے مُسلمان میں انہیں کچھ فرق ہی نہیں لگتا، دونوں ہی کے جذبات انہیں درست لگتے ہیں ،
ان کی شدت پسندی اور تنگ نظری انہیں یہ بھی نہیں دیکھنے دیتی کہ جن دِلوں کو ایک ہی دِل کہہ رہے ہیں اُنہی دِلوں میں سے وہ دِل بھی ہیں جن پر اللہ کی طرف سے مہریں لگی ہوئی ہیں ، اور انہی دِلوں میں سے وہ بھی ہے جو اللہ کی نافرمانی سے لبریز ہیں ، انہی دِلوں میں سے وہ بھی ہیں جو اللہ اور اُس کے رسول محمد صلی اللہ علیہ وعلی آلہ وسلم پر ایمان نہیں رکھتے ، انہی دِلوں میں سے وہ بھی ہیں جو ابلیس کے پیروکار ہیں ، انہی دِلوں میں سے وہ بھی ہیں جو اللہ اور اُس کے رسول محمد صلی اللہ علیہ وعلی آلہ وسلم کے حقوق پامال کرنے والے ہیں ،
ہر انسان کے جذبات کا خیال رکھنے والوں کو انسانوں کے خالق و مالک کے حقوق اور عزت کا ،اور اُس کے بعد سب سے زیادہ بلند رتبے اور حق والی ہستی محمد رسول اللہ صلی اللہ علیہ وعلی آلہ وسلم کے حقوق اور عزت کا خیال رکھنا یاد نہیں ،
اللہ ہی ہے جو ان لوگوں کو ہدایت دینے پر قادر ہے ،
اللہ تبارک و تعالیٰ ہم سب کو حق جاننے ، ماننے ، اپنانے اور اُسی پر عمل پیرا رہنے کی توفیق عطاء فرمائے ، و السلام علیکم۔

__________________
اب نہ ہو گا کہیں کوئی نزول کتاب ::: بند کر دیا رب العالمین نے یہ باب
ہے جو بھی صحیح سنت رسالت مآب ::: بے شک ہے وحیء رب الارباب