rana ammar mazhar

کتاب ۳۰ سال پہلے پڑھی تھی، نیٹ پر شائید نہیں ہے، صرف اتنا ہے

پاک وہند میں اہلحدیث کی قرآنی خدمات

مرزا حیرت دہلوی ‘انگریزی ترجمہ قرآن کریم ‘مکمل طبع ہوا۔

__________________
كان شعبة بن الحجاج بن الورد يقول لأصحاب الحديث: "يا قوم! إنكم كلما تقدمتم في الحديث تأخرتم في القرآن"

شکاری

بھائی اب اس قصے کا کوئی انت تو ہے نہیں۔ ہم ایک کربلا والے واقعے پر جوابات دے چکے تو اب آپ واقعہ حرہ کی طرف جا رہے ہیں۔ اور کتنی دفعہ بتائیں‌کہ ہم یزید کا دفاع نہیں کر رہے، بلکہ کسی بھی شخص پر معین لعنت یا تکفیر سے بچنے کی بات کر رہے ہیں۔

سو باتوں‌کی ایک بات ، ہمیں‌ صرف یہ بتا دیا جائے کہ کیا تاریخ میں‌بلا سند آنے والی روایات اس حد تک قابل قبول ہیں کہ ان کی بنیاد پر کسی بھی شخص پر لعن طعن یا تکفیر کی جائے؟ اگر آپ کا جواب ہاں میں‌ہے تو پھر یزید کا یقینی جنتی ہونا انہی تاریخی روایات کی مدد سے ثابت ہو جائے گا کیونکہ بعض‌روایات کی رو سے وہ قسطنطنیہ والے پہلے جہادی لشکر کا سپہ سالار تھا۔ اگر آپ کا جواب نہیں میں‌ہے تو بھائی پھر کیوں‌اپنا اور ہمارا وقت ضائع کر رہے ہیں؟ تاریخ‌ میں‌جو کچھ یزید کے بارے میں‌بیان ہوا ہے، جب امام غزالی رحمہ اللہ پانچویں‌صدی میں‌ حقیقت تک نہیں‌پہنچ پا رہے تو ہم چودہویں‌صدی میں‌کیسے پہنچیں۔ اور فرض کر لیں‌کہ یزید کائنات کا سب سے خبیث‌ترین شخص بھی ہے، تب بھی کیا اس پر لعنت کرنا مباح کے درجہ سے بڑھے گا؟

دیکھئے، میں‌ ابو لہب پر لعنت کر سکتا ہوں، ابوجہل پر لعنت کر سکتا ہوں۔ کیونکہ ان کے بارے میں‌وحی نے خبر دے دی ہے کہ یہ لوگ جہنمی ہیں۔ میں‌مرزا قادیانی پر لعنت کر سکتا ہوں جس کے مرتد اور جہنمی ہونے پر امت کا اجماع ہے، جو بذات خود حجت ہے۔ لیکن اس لعنت کا مجھے کیا کچھ ثواب ملے گا؟ میں ان دائمی جہنمی لوگوں پر لعنت کرنے کے بجائے ان کے افکار و نظریات کا رد کروں تو کچھ ثواب کی امید بھی ہوگی، ان شإاللہ۔ لیکن مجرد لعنت کرتے جانا اور ہر سال ایک خاص گروہ کے پروپیگنڈا سے متاثر ہو کر ویب سائٹس، فورم، بلاگز، مضامین میں‌یزید پر لعنت کئے جانا، یہ کون سا شرعی حکم پورا کیا جا رہا ہے؟ کیا ہم جھوٹ‌نہیں بولتے، کیا ہم نمازوں کو ضائع نہیں‌کرتے، تو کیا ہم خود لعنتی نہیں‌ہیں؟ تو کیا جھوٹ بولنے والوں پر ہمیں معین کر کے لعنت کرتے رہنا چاہئے؟ نمازیں‌ضائع کرنے والوں کے بارے میں‌پمفلٹ پر نام لکھ کر لعنت شائع کرنی چاہئے؟ کیا ہو گیا ہے ہمیں؟ کیا ہمارے اپنے گناہ ویسے ہی کم ہیں جو ایک اور گناہ بے لذت کا بار سر پر ڈالیں؟

اور بے فکر رہیں، جیسے آپ مجھے نہیں‌روک رہے لعنت نہ کرنے سے، میں‌بھی آپ کو لعنت کرنے سے روک نہیں‌ رہا۔ آپ بے شک یزید کو پلید بھی کہیں‌اور لعنت بھی کریں۔ لیکن بس یہ یاد رکھیں‌کہ آپ محققین اہل سنت والجماعت اور جمہور علمائے کرام کے مسلک کے خلاف یہ کام کر رہے ہوں گے۔ اور فرض کر لیجئے کہ یزید واقعہ حرہ کا ذمہ دار تھا، سانحہ کربلا پر خوش تھا، نمازیں‌چھوڑتا اور شراب پیتا تھا، لیکن کیا آپ یا میں‌ یہ بات جانتے ہیں کہ اس نے مرنے سے قبل توبہ کی تھی یا نہیں؟ اور زندگی میں‌ سچی توبہ کر لینے سے کون سا گناہ ہے جو معاف نہیں ہو سکتا؟ فرض کر لیجئے کہ وہ توبہ کر کے مر گیا، تو آپ زندگی بھر جو اسے لعنت دیتے رہے ہیں، وہ واپس لوٹ کر آپ ہی پر آئے گی یا نہیں؟ بروز محشر، اگر ہم سے یہ پوچھ لیا جائے کہ کون سی وحی نے آپ کو بتایا تھا کہ واقعی یزید لعنتی ہے، تو ہمارا کیا جواب ہوگا؟

اگر کسی کو لعنت کرنے کا اتنا ہی چسکا ہے اور وہ اہل بیت کی محبت کو کسی پر لعنت کر کے ہی ظاہر کرنا چاہتا ہے تو اس کے لئے بھی بہترین طریقہ یہ ہے کہ یوں کہے کہ جس نے اہل بیت کرام کو قتل کیا، اس پر اللہ کی لعنت ہو، جو واقعہ حرہ کا ذمہ دار تھا اس پر اللہ کی لعنت ہو۔ اس طریقے سے بروز قیامت ہم پوچھ گچھ سے بھی بچ سکیں‌گے اور لعن طعن کرنے کی نفسانی خواہش بھی پوری ہوتی رہے گی۔

اور بھائی واقعہ کربلا کے جو لوگ انکاری ہیں۔ یا حضرت حسین رضی اللہ عنہ کی کربلا میں‌شہادت ہی کو نہیں‌مانتے، ، ان میں‌سے کوئی بھی بروز محشر سوال نہیں کیا جائے گا، کیونکہ کربلا کا انکار کرنا کوئی گناہ نہیں۔ جبکہ کسی بھی مومن پر لعنت کرنا گناہ ہے۔ ہمیں‌نہیں معلوم یزید مومن ہے یا کافر۔ یہ تو بس اللہ رب العزت ہی جانتے ہیں، ہمیں‌اتنا معلوم ہے کہ اگر وہ کافر ہوا تو ہماری لعنت سے اس کے کئے گئے مظالم کا کچھ بدلہ نہیں ہو سکتا، اگر وہ مومن تھا تو ہمارا اپنا ایمان خطرے میں‌پڑ جائے گا۔ اسی لئے میں اپنے ان متجددین بھائیوں‌ کی باتوں کا جواب دینا ضروری نہیں‌سمجھتا، لیکن آپ کی بات کا جواب صرف اس لئے دے دیتا ہوں کہ شاید آپ یا آپ کی فکر کا کوئی ایک شخص‌بھی کسی لعن طعن والے فعل سے باز آ کر جمہور اہل سنت والجماعت کے معتدل مسلک کو اپنا لے تو اس کے ساتھ میرا بھی کچھ بھلا ہو جائے۔ ورنہ یقین مانیں کب کی طبیعت اکتا چکی اس بے کار کی تکرار سے اور بار بار ایک ہی بات کو دہرانے سے۔ اللہ تعالیٰ ہمارے دلوں کو حق قبول کرنے کے لئے کھول دیں۔ آمین یا رب العالمین۔

__________________
نہیں، اے محمدؐ، تمہارے رب کی قسم یہ کبھی مومن نہیں ہوسکتے جب تک کہ اپنے باہمی اختلافات میں یہ تم کو فیصلہ کرنے والا نہ مان لیں،پھر جو کچھ تم فیصلہ کرو اس پر اپنے دلوں میں بھی کوئی تنگی نہ محسوس کریں، بلکہ سر بسر تسلیم کر لیں۔ [النساء: 65]

شعبان نظامی

محترم! کون سا جمہور آپ کو کھائے جا رہا ہے؟
آپ نے بھی اہل سنت میں ڈیرھ اینٹ کی علیحدہ مسجد بنا لی ہے۔
آپ کو اپنے لوگوں کی بات تو کم از کم ماننی چاہیے۔
آپ نے علماء دیو بند کے حوالے بھی دئیے لیجیے علمائے دیوبند کا مسلک بھی دیکھیے

حضرت مولانا قاسم نانوتوی بانی دار العلوم دیوبند فرماتے ہیں:
” تاوقتیکہ امیر معاويہ رضی اﷲ عنہ یزید پلید راولی عہد خود کردند فاسق معلن نہ بود اگر چیزے کر دبا باشددر پردہ کہ دہ باشد کہ حضرت امیر معاويہ راازاں خبر نہ بود“

جس وقت حضرت امیر معاويہ رضی اﷲ عنہ نے یزیدپلید کو اپنا ولی عہد کیا تھا اس کا فسق ظاہر نہ تھا اگرکچھ کیا ہوگا تو در پردہ، جس کی خبر امیر معاویہ رضی اﷲ عنہ کو نہ تھی ۔(از مکتوبات شیخ الاسلام ج1ص2
حضرت حسین احمد مدنی ارشاد فرماتے ہیں:

”خلاصہ کلام یہ ہے کہ مورخین میں سے ان لوگوں کا قول کہ حضرت معاویہ رضی اﷲ عنہ کے زمانہ حیات میں یزید معلن بالفسق تھا اور ان کو اس کی خبر تھی اور پھر انہوں نے اس کو نامزد کیا بالکل غلط ہے، ہاں ہو سکتا ہے کہ وہ اس وقت میں خفیہ طور پر فسق وفجور میں مبتلا ہو مگر ان کو اس فسق وفجور کی اطلاع نہ ہو ان کی وفات کے بعد وہ کھیل کھیلا اور جو کچھ نہ ہو نا چاہيے تھا کر بیٹھا (مکتوبات ج1ص266)
اورحضرت مولانا رشیداحمد گنگوہی ہدایۃ الشیعہ میں فرماتے ہیں
اب حقیت خلفاء خمسہ کی اورتغلب یزیدپلید کا مثل آفتاب کے روشن ہوگیا

شکاری

شعبان بھائی،
میرے خیال سے آپ نے اور میں‌نے اپنی اپنی بات بہت مناسب الفاظ میں اور مفصل کہہ ڈالی ہے۔ اور پچھلے مراسلہ جات میں‌درج ذیل باتوں پر آپ کا ہمارا اتفاق ہے کہ:

1۔ یزید پر لعنت کرنا محقق اہل سنت والجماعت کا مذہب نہیں ہے۔ بلکہ لعنت سے سکوت کرنا چاہئے۔
2۔ یزید کی تکفیر بھی اگرچہ بعض علماء نے کر رکھی ہے۔ لیکن جمہور علماء کا مسلک اس کے برعکس ہے یعنی یزید کافر نہیں تھا، البتہ فاسق و فاجر تھا۔
3۔ ایک عام مسلمان کے لئے احتیاط والی راہ یہی ہے کہ نہ یزید پر اور نہ کسی اور پر معین کر کے لعنت کرے، بلکہ اس کے برعکس اہل بیت پر درود پڑھے، یا ان کے فضائل بیان کرے کہ جس پر ثواب کی بھی توقع ہے۔

باقی ہمیشہ سے کچھ علماء نے یزید پر لعنت کی ہے تو کچھ نے سکوت کیا ہے۔ کچھ نے یزید کی تکفیر کی ہے تو کچھ نے اس کے برخلاف کہا ہے۔ لہٰذا چونکہ علمائے کرام اس مسئلے میں تاریخی روایات کے متفرق ہونے کی وجہ سے باہم متفق نہیں‌ہیں۔ لہٰذا ہمیں‌احتیاط والی راہ پر عمل کرنا چاہئے تاکہ نادانستگی میں‌کہیں‌ اپنے اوپر بے لذت گناہوں‌کا بار نہ لادتے رہیں۔

اللہ تعالیٰ ہم سب کے دلوں‌کو اہل بیت کرام کی محبت اور ان کی درست عملی اطاعت کے جذبے سے بھر دے۔ اور اہل بیت کے سب دشمنوں کو خاک میں‌ملا دے۔ اہل بیت کرام کے قتل اور ان کی عزت پر انگلی اٹھانے والوں پر، اور اس پر خوش ہونے والوں پر، اللہ تعالیٰ‌کی، فرشتوں کی اور سارے انسانوں‌و جنوں کی لعنت ہو۔ اہل مدینہ کو اور حرم پاک کی حرمت کی پامالی کرنے والوں پر سارے جہان والوں کی لعنت ہو۔ اور اے اللہ، ہمیں‌ دنیا میں‌بھی مومن زندہ رکھنا اور مرتے وقت بھی ایمان کی حالت میں‌موت دینا، ہمیں قبروں کی وحشت اور عذاب سے بچانا، اور اسے جنت کے باغوں سے ایک باغ بنانا، ایسے کاموں سے بچانا جو ہماری قبروں کو جہنم کے گڑھوں میں‌سے ایک گڑھا بنا دیں۔ اور انا و عصبیت کو قبول حق کی راہ میں‌رکاوٹ نہ بننے دینا۔ اور اے اللہ، اگر ہم گمراہ ہو گئے ہیں تو ہمارے دل تیرے ہاتھ میں‌ہیں، ہمارے دلوں کو صراط مستقیم کی جانب پھیر دے۔ جو لوگ صراط مستقیم پر تھے ان کی راہ ہمیں چلانا۔ اور بروز قیامت ہمیں‌ ہمارے پیارے نبی صلی اللہ علیہ وسلم کا اور اہل بیت و صحابہ کرام رضوان اللہ علیہم اجمعین کا جنت میں‌ساتھ نصیب فرمانا۔ آمین یا رب العالمین۔

بلال الراعی

اب تو مزید بحث کی کوئی ضرورت نہیں رہی۔ اللہ ہم سب کو سمجھ عطا فرمائے۔آمین۔

شعبان نظامی

بالکل شکاری صاحب آپ نے بالکل ٹھیک فرمایا:
کیونکہ یہ تمام خرابیاں یزید میں پائی جاتی تھیں اور جمہور علماء اس پر متفق ہیں کہ یزید قتل حسین رضی اللہ عنہ اور واقعہ حرہ میں ملوث تھا اور یہ تمام باتیں درجہ تواتر اختیار کئے ہوئے ہیں اس لیے اسے معین کر کے لعنت کرنا بھی جائز ہے۔
والسلام

حیدر

قانون شکنی اور دوسروں کی درخؤاست کو نظر انداز کرتے رہنا ہم پاکستانیوں، خاص کر مسلمانوں اور مزید خاص کر اُن مسلمانوں کی عادت بن چکی ہے جو دین کے ٹھیکیدار بنے رہتے ہیں۔ پھر جب کاروائی ہوتی ہے تو جہاد کا علم بلند کر لیتے ہیں۔

فیصل ناصر

میرا خیال ہے اب ہر دو طرفین کی جانب سے کافی دلائل آچکے ہیں
اس سے زیادہ کی اب گنجائش نہیں ہے

حیدر بھائی چاہیں تو اس تھریڈ کو بند کردیں
رانا صاحب نے حضرت حسین کے بارے میں ایک نئی زاویہ پیش کیا ہے
وہ چاہیں تو اس سلسلے میں اپنے دلائل ایک نئے تھریڈ میں پیش کرسکتے ہیں

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

حیدر

تھریڈ بند ہے۔
۔