سڑل سڑل کی آوازیں اور بھینی بھینی سی بکرے کی چانپوں کی خوشبو، شہر کے وسط میں سلطان کے دل میں اتر رہی تھی۔ ایک گہما گہمی کا عالم تھا اور چھوٹے ادھر آ، صاحب کو چٹنی دے۔ بوتل کو اس میز پر پہنچا، یہ سب آوازیں پیٹ میں دوڑتے ہوئے چوہوں کو آزادانہ گھومنے پر مجبور کر رہی تھیں۔

اگلے روز سلطان نےمسجد میں رضا کار اور دوسرے لوگوں کو دیکھا جو خون دھونے میں مصروف تھے، اور ہر کوئی غم اور غصّے میں اپنے آپنے جزبات کا اظہار کر رہا تھا۔ محّلے میں ایک ماتم کا سماء تھا۔ جس کو دیکھو آنکھوں میں ایک انجانا سا سوال لیکر نظر آ رہا تھا۔ لگتا تھا جسم تو ہیں لیکن جان سے خالی تھیں اور جزبات سے عاری تھیں۔

اگلے دن اخبار نے سلطان کو چونکا دیا ۔ شہر میں کافی لوگ ایک موزی بیماری کا شکار ہو گئے کور گجھ تو درد کی تاب نہ لاتے ہوئے مر گئے۔ تفصیلات کے مطابق شہر کے وسط جو تکّے لگانا والا تھا، اس کے پاس جو تیل تھا وہ مرے ہوئے کتے کی چرتی سے بنایا گیا تھا اور وہ کئی سالوں سے یہ کام بناء کسی ڈر کے کر رہا تھا۔


مسجد میں جو دھماکہ ہوا، عینی شاہدین کے مطابق ایک حملہ آور نے خود کو بم دھماکے سےاڑا دیا تھا۔ لوگوں کے ملے جلے تاثرات تھے۔ کوئی دہشت گردی کو کوس رہا تھا تو کوئی حکومت کی نا اہلی کی دلیلوں پر دلیلیں دے رہا تھا۔ غرض مختصر یہ کہ جتنے منہ تھے، اتنی ہی باتیں تھیں اور قیاس آرائی کی فضاء تھی۔

سلطان نے ہاتھ میں اخبار کو تھامے سامنے برآمدے میں لگے ہوئے آئینے میں اپنے آپ کو دیکھ رہا تھا۔ دماغ میں ٹھاٹھیں مارتی ہوئی سوچیں کبھی اسے مسلمان سوداگر کو کوس رہی تھیں جو حرام جانور کی چربی سے لوگوں کو مار رہا تھا اور کچھ سوچیں اس جوان کی جانب تھیں جو مسجد میل لوگوں کو صفحہ ہستی سے مٹا رہا تھا۔


آئینہ انسان کا عکس ہوتا ہے اور آنکھیں انسان کو اپنے اندر کے انسان کے بارے میں بتاتی ہیں ۔ یہ ہلاکتیں، یہ دنگے، یہ بے ایمانی ، یہ انتشار کہاں سے آیا اور اندر آ کر بس گیا۔ کیا یہ مزہب سے آیا یا لوگوں کی سوچوں سے اسے جنم دیا؟ یہ انسان کے اندر بسے ہوئے کسی لالچ نے؟؟؟؟