السلام عیکم!
میری وائف نے مجھے اپنی ایک سہیلی (جس کا تعلق فقہ جعفریہ سے ہے) کے بارے میں بتایا کے اُس کے خاوند کا انتقال گلشنَ اقبال میں واقع ایک امام بارگاہ میں ہونے والے ایک "بم دھماکے" میں‌ ہوا تھا۔ شوہر کی وفات کے بعد اللہ کی اُس نیک بندی نے اپنی ذندگی کا مقصد اپنے بچوں کی بہترین تعلیم و تربیت کو بنا لیا اور ایک تعلیمی ادارے میں نوکری کرلی۔
اُس خاتون نے بتایا کے جب بھی اُس کا دل اُداس ہوتا یا گھبراتا ہے تو وہ اپنے بچوں کو ساتھ لیکر گھر کے قریب واقع "امام بارگاہ" میں‌چلی جاتی ہے اور وہاں نماز، تسبیحات و دیگر عبادات سے اپنے دل کو سکون و اطمینان پہنچاتی ہے۔

میری وائف بیمار ہے اور اُس کی خواہش ہے کے وہ بھی کسی مسجد میں کچھ لمحات اللہ عزوجل کی بارگاہ میں سربسجود ہو کر گذارے۔ مشکل یہ ہے کہ ایسی کوئی مسجد ہمارے علاقے میں نہیں ہے۔
میری بیوی مجھ سے سوال کرتی ہے کے اسلام میں "خواتین کا مسجد میں عبادت کرنا" پسندیدہ فعل کیوں نہیں سمجھا جاتا؟
کیا آج کے زمانے میں جب خواتین معاشرے کی دیگر شعبوں حتیٰ کے مذہبی حلقوں میں بھی مردوں کے شانہ بشانہ کام کررہی ہیں، تو کیوں نا مساجد میں خواتین کے داخلے پر لگی غیر مرئی پابندی کے خلاف احتجاج کیا جائے اور دیگر مسالک (اہل حدیث و فقہ جعفریہ) کی طرح مسلک اہلسنت کی خواتین کو بھی مساجد میں داخلے کی اجازت دی جائے بلکے اُن کے اس شوق کی حوصلہ افزائی کی جائے؟

میری اس فورم کے اہل علم و دانش حضرات سے گذارش ہے کے وہ اس معاملے پر اپنی قیمتی اور صائب رائے سے نوازیں۔
شکریہ!

نوٹ: برائے کرم اس تھریڈ میں محض اس حساس موضوع سے متعلق علمی اور عقلی گفتگو کی جائے اور کسی قسم کی مسلکی بحث کو درمیان میں نہ لایا جائے۔