حضرت مالک ابن دینار رحمتہ اللہ علیہ فرماتے ہیں میں نے ایک جوان کو دیکھا کہ اس کے چہرہ نورانی سے دعا کی قبولیت کے آثار ظاہر ہیں اور اس کے رخساروں پر آنسو بہہ رہے ہیں میں نے اسے پہنچانا کہ بصرہ میں اسے مالدار دیکھا تھا مجھے اس کی پریشان حالی پر سخت رنج ہوا اور اس حال میں دیکھ کر رونے لگا اس نے بھی مجھے دیکھ کر پہچانا اور رو دیا پھر اس نے مجھے سلام کیا اور کہا کمال خدا کے واسطے اپنے وقت خاص خلوت میں مجھے ضرور یاد رکھنا اور خدا سے میرے حق میں توبہ اور مغفرت کی دعا کرنا امید ہے کہ تمہاری دعا کی برکت سے وہ رحیم وکریم مجھ پر رحم فرمائے اور میرے گناہ معاف کردے مالک رحمتہ اللہ علیہ فرماتے ہیں کہ وہ چل دیا اور آنکھوں سے آنسو رواں تھے جب حج کا زمانہ آیا میں مکہ معظمہ کو روانہ ہوا اور وہاں پہنچا ایک دن مسجد حرام میں تھا کہ لوگوں کے مجمع پر نظر پڑی ایک جوان نظر آیا جو زارقطار رورہا تھا اور اس کے رونے کی کثرت سے لوگ طواف سے رکے ہوئے تھے میں بھی لوگوں کے ساتھ ٹہھر کر اسے دیکھنے لگا معلوم ہوا کہ یہ تو میرا دوست ہے اسے پاکر بہت خوش ہوا اور اسے سلام کیا کہا شکر خدا اللہ تعالی نے تیرے خوف کو امن سے بدل دیا اور جو تیری تمنا تھی تجھے دے دی مالک کہتے ہیں میں نے کہا تجھے خدا کی قسم سچ بتا تیرا کیا حال ہے تو اپنے حال سے مجھے مطلع کر جواب دیا سب خیریت ہے اس نے اپنے فضل وکرم سے مجھے بلایا اور میں آیا اور جو کچھ مانگا سو پایا مالک رحمتہ اللہ علیہ فرماتے ہیں میں طواف میں مصروف ہوا اور وہ مجھے چھوڑ کر چلا گیا پھر میں نے اسے نہ دیکھا اور نہ کچھ خبر پائی