السلام علیکم دوستو
شادی شادی شادی
ایک ایسا موضوع جس میں ہر خاص و عام یکساں دلچسپی رکھتا ہے۔ البتہ یہ ضرور ہے کہ دلچسپی کی وجوہات، اور اس متعلق نقطہ ہائے نظر مختلف ہو سکتے ہیں۔
کچھ کی ہو نہیں رہی اس لئے شادی شادی کرتے نہیں تھکتے
اور کچھ کر کے پچھتا رہے ہیں اور سب کو شادی شادی کہہ کر ڈرانے کی کوشش کرتے ہیں
اور کچھ کرنے کے بعد پر سکون زندگی بسر کر رہے ہیں اور ہر وقت یہی کہتے سنے جاتے ہیں کہ ’’ اصل زندگی تو شادی کے بعد ہے‘‘
یہ باتیں تو چلتی ہی رہتی ہیں۔
ایک اور موضوع جو زیادہ زیر بحث رہتا ہے وہ ہے ’’رشتے نہ ملنے یا رشتے نہ طے پانے کے مسائل‘‘
اس کے اسباب و وجوہات بھی مختلف فورمز پر پڑھنے کو ملتے ہیں ۔ اور بہت سے لوگ اس عزم کا اظہار کرتے نظر آتے ہیں کہ ہم ان رسوم کو ختم کرنے کی کوشش کریں گے ۔ اور سادگی اور سنت کو اپنانے کی کوشش کریں گے
یہ نہایت خوش آئند بات ہے ۔ اللہ سب کو اس کی توفیق عطا فرمائے ۔۔ آمین

لیکن بعض اوقات یہ بھی دیکھا گیا ہے کہ جب اپنی باری آتی ہے تو انسان سارے عزم و ارادے بھول جاتا ہے ۔ اور پھر وہی حوروں کی تلاش اور وہی کار کوٹھی کے مطالبے دیکھنے کو ملتے ہیں۔

آئیے ہم دیکھتے ہیں کہ ہمارا کیا حال ہے۔
ہر ساتھی جو غیر شادی شدہ ہے مرد یا خاتون، یہ بتائے کہ اس کا جیون ساتھی کیسا ہونا چاہئے ۔ کیا خصوصیات اس کا مطالبہ یا تقاضہ ہیں جو اس کے جیون ساتھی میں ہونی چاہئیں؟
گزارش ہے کہ ان خیالات کا اظہار کریں جن پر عمل کرنے کا عزم صمیم آپ رکھتے ہوں ۔

اور جو شادی شدہ بھائی بہن ہیں وہ یہ بتائیں کہ شادی سے پہلے ان کے ذہن میں کیا خیالات تھے اس بارے میں۔
اور شادی کے بعد آپ نے کیا نتیجہ اخذ کیا کہ کن خصوصیات کی وجہ سے تعلقات خوشگوار اور مضبوط ہوتے ہیں۔
یا یوں کہیے کہ اگر اب آپ کو شادی کا موقع ملے تو آپ کی کیا ڈیمانڈز ہوں گی۔

یاد رہے : خصوصیات سے مراد صرف اخلاق و سیرت نہیں بلکہ وہ ساری ڈیمانڈز ہیں جو کی جاتی ہیں۔ جن میں خوبصورتی سے لے کر گاڑی بنگلہ اور جہیز سب شامل ہے

__________________
محتاج اصلاح و دعا