لڑکا متوسط طبقے کا ہے ۔
لڑکی کا گھرانہ غربت کی چکی میں پس رہا ہے ۔
لڑکا اور لڑکی دونوں چاہتے ہیں کہ وہ اسلامی طریقے کے مطابق نکاح کر لیں ۔
لڑکا اور لڑکی اپنے والدین کی رضا مندی سے نکاح کرنا چاہتے ہیں ۔
لڑکے نے اپنے گھر والوں سے بات کی ۔ اور گھر والے مان گئے ۔ (کہ زندگی بیٹے نے گزارنی ہے ۔ اسے اپنی زندگی کے اہم فیصلے کرنے کا حق حاصل ہے)
لڑکی نے اشاروں کنائیوں سے اپنے گھر والوں سے بات کی ۔ مگر اس کے والدین کا کہنا ہے کہ "غیر برادری" میں شادی نہیں ہو سکتی۔
لڑکے کے گھر والے رشتہ مانگنے گئے مگر لڑکی کے والدین نے انکار کر دیا ہے
لڑکا شریف خاندان کا ہے ۔ کوئی نشہ وغیرہ نہیں کرتا ۔ حتیٰ کہ کبھی پان سیگرٹ بھی استعمال نہیں کیا۔ مناسب قسم کی جاب بھی کرتا ہے ۔ اور اس کا سابقہ کریکٹر بھی بہت عمدہ ہے ۔۔ پھر بھی لڑکی کے والدین "برادری " کی دیوار چین سامنے کھڑی کیے ہوئے ہیں ۔

مسئلہ بہت گھمبیر ہو گیا ہے !!۔
مسئلے کے سلجھاو کے لیے آپ سب کا مشورہ درکار ہے ۔
لڑکی کے رشتے کی بات اس کے والدین "اپنی برادری" میں کہیں کر رہے ہیں ۔ لڑکی کہتی ہے کہ وہ خود کشی کر لے گی مگر کسی اور جگہ شادی نہیں کرے گی۔
لڑکی کے والدین کو کیسے راضی کیا جائے ؟
اگر وہ راضی نہ ہوں تو کورٹ میرج کرنے میں کیا مشکلات پیدا ہو سکتی ہیں ؟
اگر وہ گھر سے بھاگ جائیں تو دونوں خاندانوں میں " قتل و غارت " ہو سکتی ہے ۔!

آپ کے خیال میں مسلئے کا حل کیا ہو سکتا ہے؟

__________________

سورج ہوں زندگی کی رمق چھوڑ جاونگا
میں ڈوب بھی گیا تو شفق چھوڑ جاوں گا