عزیزان پاک نیٹ السلام علیکم
اکثر یہ سننے میں آتا ہے کہ اردو فورمز اور بلاگستان ترقی و فروغ اردو ادب کے لئے نمایاں گراں قدرخدمات سرانجام دے رہے ہیں ۔
کیا یہ خدمت اخبارات ،جرائد و رسائل ، میگزین اور کتب سے بہتر انداز میں ہے ؟
کیا یہ سب اتنا معیاری ہے کہ اسے اردو ادب کا اثاثہ سمجھا جائے گا ؟
کیا کوئی ایسا پیمانہ ہے جس سے اندازہ لگایا جا سکے کہ نیٹ استعمال کرنے والوں کے رحجان کا تناسب نکالا جا سکے ؟
کیا سیاسی و مذہبی بحث و مباحثہ ، گپ شپ سے مثبت نتائج حاصل ہو رہے ہیں ؟
قارئین کی اکثریت کس قسم کے موضوعات پر وقت صرف کرنا پسند کرتی ہے ؟
ایسی بنیادی وجوہات بیان کریں کہ اردو فورمز پر لکھنا کیوں ضروری ہے ؟ اگرچہ وہی کام کاپی پیسٹ سے بھی کیا جا رہا ہے ۔
جو لکھاری فورمز چھوڑ کر صرف اپنے بلاگ پر لکھنے کو ترجیح دیتے ہیں ۔ انہیں فورمز سے کیا شکایات ہو سکتی ہیں ؟
اکثر ایکٹو ممبران کچھ عرصہ بعد ان ایکٹو ہو جاتے ہیں ۔کیا وہ نئےممبران کے لئے جگہ چھوڑ جاتے ہیں ۔ اور ایسا وہ خیر سگالی کے تحت کرتے ہیں ؟
دو سال پہلے 23 نومبر 2009 کو پاک نیٹ کے اعلی انتظامی رکن کے اس مراسلہ کے بعد آج صورتحال میں کتنی بہتری پاتے ہیں آپ ؟
ہم میں سے کتنے ہیں جنہوں نے اس کا بیڑا اٹھایا ؟ اور الفاظ سے آگے بڑھ کر عملی لحاظ سے ناممکن کو ممکن بنانے کی کوشش کی ؟
کیا عدم برداشت معاشرے میں مثبت تبدیلی لا سکتی ہے؟
کیا سیاسی اور مذہبی جماعتوں کے لیبل سینے پر سجا کر ہم قوم کی تربیت کا حق ادا کر رہے ہیں یا اپنی اپنی پارٹیوں اور رہنماؤں کو پروموٹ ؟
میرے پروفائل میں میرے Statistics میرا کیسا نقشہ پیش کرتے ہیں ؟
پاک نیٹ پر مزید لکھنے کی مضبوط وجوہات کیا ہو سکتی ہیں ؟
کیا محبت نہ کرنا محبوب کی بے وفائی سے بہتر نہیں ؟
پاک نیٹ سے میرا گہرا رشتہ ہے جو چھوٹ نہیں سکتا ۔
قلم کی گارنٹی نہیں کیونکہ وہ یہاں بنا سیاہی کے چلتا ہے ۔

نوٹ ! ایسے بہت سے ممبر یہاں موجود ہیں جو حقائق کی روشنی میں میری گزارشات کا بہت اچھا جائزہ پیش کر سکتے ہیں ۔ نام نہیں لکھوں گا کیونکہ پھر دعوت عام نہیں رہے گی ۔ خاص ہو جائے گی ۔ اور خواص کی آنکھوں کا میں کبھی تارا نہیں بن سکتا ۔

__________________
شائد میرا سفر یہیں تک تھا