wajee

بالکل بالکل صحیح کہاں ۔۔۔۔۔

محمدعمر

بالکل ٹھیک کہا آپ نے

سحر

مجھے ایک بات سمجھ نہیں آتی ہے کہ کیوں پاکستانی اردو میں ان تمام کارٹون وغیرہ کو ٹرانسلیٹ نہیں کرسکتے ہیں ،
کیوں ہم پہلے انگلش کے محتاج بنے ہوئے تھے اب ہندی کے بن گئے ہیں ۔

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے

راجہ اکرام

سلام واحد بھائی
بہت ہی اہم مسئلہ کی جانب آپ نے توجہ مبذول کروائی ہے۔ اس میں کوئی شک نہیں کہ میڈیا کی آزادی سے جہاں فائدے ہوئے ہیں وہیں نقصانات کی بھی اک لمبی فہرست ہے۔
معاشرتی اور اخلاقی پہلو تو کبھی کبھار زیر بحث آجاتے ہیں لیکن اردو زبان میں ہندی کی آمیزش کے جو وار ہم پر کیا جا رہا ہے اسے بہت کم لوگ محسو س کرتے ہیں۔۔

ہمیں یقینا اس جانب توجہ کی ضرورت ہے

__________________
محتاج اصلاح و دعا

shafresha

السلام علیکم،
میری ذاتی اور تجربے کے مطابق اس کے اہم وجہ "مطلوبہ تکنیکی صلاحیت" کا دستیاب نا ہونا ہے۔ جو لوگ ڈبنگ کے طریقہ کار سے واقف ہیں وہ جانتے ہیں کے یہ کام کتنی مہارت کا متقاضی ہے۔
بھارت کی ویڈیو مارکیٹ کا شمار دُنیا کی بڑی ویڈیو مارکیٹس میں ہوتا ہے۔ اربوں روپوں کی اس انڈسٹری کے لیئے کئی کروڑ روپوں کے ساز و سامان کو مہیا کرنا کوئی مشکل کام نہیں ہے۔

شہزاد وحید

سب سے پہلے تو میں یہ کہنا چاہوں گا کہ ہندی زبان تو اب ہندوستان میں بھی بہت کم بولی جاتی ہے۔ صرف چند الفاظ ہندی کے ہونے سے وہ زبان ہندی نہیں ہو جاتی۔ ہندوستان میں بڑی تعداد میں لوگ اب اردو ہی بولتے ہیں اور منافقت یہ کہ اسے اردو زبان ماننے کو تیار نہیں اور جانتے ہیں کہ یہ ہندی بھی نہیں اسی لئیے اسے ہندوستانی زبان بولتے ہیں۔

خیر یہ بات صحیح ہے کہ جتنی بھی فلموں پر "اردو زبان میں" کا لیبل لگا ہوتا ہے وہ تمام کی تمام انڈیا میں ہی ڈب کی جاتی ہیں۔ اور اگر انٹیرنیٹ سے ڈاؤنلوڈ کی جائیں تو "ہندی میں" کے لیبل سے ہی ملتی ہیں۔
میرے خیال سے وجہ یہ ہے کہ ایک تو یہ کافی محنت طلب کام ہے اور مہنگا بھی۔ اور اس میں کافی تکنیکی مہارت بھی چاہیئے ہوتی ہے۔ انڈیا میں جو لوگ فلم کی ڈبنگ کرتے ہیں ان کو اپنے کام کے پیسے اور منافع بھی ملتا ہے۔ دوسرے لفظوں میں پیسے پورے ہو جاتے ہیں اور مزید فائدہ منافعے کی صورت میں ملتا ہے۔ کیونکہ وہاں کی مارکیٹ بہت بڑی ہے۔
پاکستان میں بھی یہ کام چل سکتا ہے لیکن شاید پاکستانی لوگوں‌ کے پاس مناسب ٹیکنالوجی نہیں ہے اور تکنیکی مہارت جیسے مناسب آوازیں منتخب کرنا، آواز کی پچ کنٹرول، الفاظ منتخب کرنا وغیرہ وغیرہ۔ یا پھر پاکستان میں جو ڈبنگ کرنے والے ہیں وہ بس کام سے پیچھا چھڑانے والی بات کرتے ہیں۔ کیونکہ ایک دو پاکستانی ڈبنگ والی فلمیں میری نظر سے گزری ہیں یقین کریں ہنسی آتی ہے دیکھ کر اور پانچ منٹ سے زیادہ کی بندہ دیکھ ہی نہیں پاتا کہ اتنی گھٹیا ڈبنگ تھی۔
خیر لیکن "جیو چینل" والوں نے کچھ فلموں کی ڈبنگ کی ہے جسے میعاری کہا جا سکتا ہے اور "سٹار لائیٹ چینل" والے بھی اب آکر کچھ اچھی ڈبنگ کرنا شروع ہوئے ہیں۔ امید ہے عام مارکیٹ میں بھی کام مزید اچھا ہو گا۔

عامرشہزاد

بہت ہی اہم مسئلہ کی جانب آپ نے توجہ مبذول کروائی شکریہ