اسرائیل میں عربی زبان لازمی

اسرائیلی حکومت نے ایک نئے پروگرام کی منظوری دی ہے جس کے تحت شمالی اسرائیلی اسکولوں میں عربی کو لازمی قرار دیا جائے گا۔ ابھی تک 200 اسکولوں نے اس پروگرام میں شمولیت اختیار کی ہے جن میں سے 42 کا تعلق مذہبی اسکولوں سے ہے ۔ حکومت نے مزید کہا کہ اس پروگرام کو پورے اسرائیل کے اسکولوں میں لاگو کیا جائے گا۔ وزارت کے مطابق اب تک ان کے پاس 1000 اساتذہ موجود ہیں جو کہ تمام کے تمام یہودی ہیں تاہم اس سال سے 50 عرب اساتذہ بھی عربی کی تدریس کا آغاز کریں گے۔

عربی سیکھنا مشکل کیوں؟

جامعہ حیفہ کے ماہرین کی ٹیم نے تحقیق کے بعد بتایا کہ عام طور پر جب نئی زبان سیکھی جاتی ہے تو دماغ کے دونوں حصے استعمال ہوتے ہیں لیکن عربی سیکھنے کے لیے ایسا کرنا محنت ضائع کرنا ہے۔ انہوں نے کہا کہ عربی حروف کو سمجھنے کے لیے دماغ کا صرف بایاں حصہ کام آتا ہے کیونکہ یہ حصہ اشیاء کی تفصیل کو باریکی سے سمجھنے میں مدد دیتا ہے۔
اسرائیلی سائنسدانوں کی اس تحقیق میں چالیس لوگ شامل تھے اور اسے ’نیورو سائیکالوجی‘ میں شائع کیا گیا ہے۔

ماہرین کا کہنا ہے عربی زبان سیکھنے کے لیے مختلف حروف کو پہچاننے اور ایک دوسرے فرق کرنے کا عمل بظاہر دوسری زبانوں سے مختلف ہے۔انہوں نے کہا کہ اس عمل میں نکتوں کو سمجھنے جیسی باریک باتوں کاخیال رکھنا پڑتا ہے۔
تحقیق میں شامل چالیس افراد میں سے کچھ طلباء صرف عبرانی زبان سے واقف تھے جبکہ کچھ عربی زبان بھی بول اور پڑھ سکتے تھے۔
ماہرین نے سکرین پر ایک سیکنڈ کے دسویں حصے کے لیے ان لوگوں کو ان زبانوں کے حروف دکھائے۔ یہ حروف سکرین کے مختلف حصوں پر نمودار ہوتے تھے۔ ایسی صورتحال میں جب کوئی چیز سکرین کے ایک حصے پر تھوڑی دیر کے لیے دکھائی جائے دماغ کا ایک حصہ ہی اس تصویر کی تشریح کر سکتا ہے۔
تمام طالب علموں نے عبرانی زبان کے حروف کو باآسانی پہچان لیا اور اس سے پہلے انگریزی زبان کے ساتھ بھی یہی نتیجہ سامنے آیا تھا۔
انگریزی اور عبرانی کے حروف کو باآسانی ایک دوسرے سے فرق کیا جا سکتا ہے کیونکہ وہ واضح طور پر ایک دوسرے سے مختلف ہیں جبکہ عربی زبان کے حروف میں بہت باریک فرق ہوتا ہے۔
ماہرین نے کہا کہ اس تحقیق کے بعد انہیں سمجھنے میں مدد ملی کہ بچوں کو عربی سمجھنے میں مشکل کیوں پیش آتی ہے۔ اب مارین یہ جاننے کی کوشش کریں گے عربی زبان سمجھنے والے لوگوں کا دماغ عربی کے حروف دیکھنے پر کس طرح کام کرتا ہے۔ اس تحقیق کی روشنی میں ماہرین سمجھنے کی کوشش کریں گے کہ بچوں کو عربی زبان سکھانے کا بہترین طریقہ کیا ہو سکتا ہے۔
Israel to make Arabic compulsory in its northern schools - Arab News
‭BBC Urdu‬ - ‮آس پاس‬ - ‮عربی سیکھنا مشکل کیوں؟ ‬

__________________

میں اک دن لَوٹ کے آوں گا