رضی

اقبال! تیرے دیس کا کیا حال سناؤں؟
دہقان تو مرکھپ گیا، اب کس کو جگاؤں
ملتا ہے کہاں خوشہ گندم، کہ جلاؤں

شاہیں کا ہے گنبدِ شاہی پہ بسیرا
کنجشک فرومایہ کو اب کس سے لڑاؤں

مکاری و عیاری و غداری و ہیجان
اب بنتا ہے ان چار عناصر سے مسلمان

قاری اسے کہنا تو بڑی بات ہے یارو
اس نے تو کبھی کھول کے دیکھا نہیں قرآن

بیباکی و حق گوئی سے گھبراتا ہے مومن
مکاری و روباہی پہ اتراتا ہے مومن

جس رزق سے پرواز میں کوتاہی کا ڈر ہو
وہ رزق بڑے شوق سے کھاتا ہے مومن

شاہیں کا جہاں آج ممولے کا جہاں ہے
ملتی ہوئی ملا سے ، مجاہد کی اذاں ہے

مانا کہ ستاروں سے بھی آگے ہیں جہاں اور
شاہیں میں مگر طاقت پرواز کہاں ہے؟

کردار کا، گفتار کا، اعمال کا مومن
قائل نہیں، ایسے کسی جنجال کا مومن

سرحد کا ہے مومن، کوئی بنگال کا مومن
ڈھونڈے سے بھی ملتا نہیں قرآن کا مومن

ہر داڑھی میں تنکا ہے، ہر آنکھ میں شہتیر
مومن کی نگاہوں سے اب بدتی نہیں تقدیر

توحید کی تلواروں سے خالی ہیں نیامیں
اب ذوقِ یقین سے نہیں کٹتی، کوئی زنجیر

دیکھو تو ذرا، محلوں کے پردوں کو اٹھاکر
شمشیر و سِناں رکھی ہیں، طاقوں میں سجا کر

آتے ہیں نظر مسندِ شاہی پہ رنگیلے
تقدیرِ امم سوگئی، طاؤس پہ آکر

مرمر کی سلوں سے کوئی بے زار نہیں ہے
رہنے کو حرم میں کوئی تیار نہیں ہے

کہنے کوہر شخص مسلمان ہے لیکن
دیکھو تو کہیں نام کو کردار نہیں ہے

محمودوں کی صف، آج ایازوں سے پرے ہے
جمہور سے سلطانی جمہور ورے ہے

تھامے ہوئے دامن ہے، یہاں پر جو خودی کا
مر مر کے جئے ہے، کبھی جی جی کے مرے ہے

پیدا کبھی ہوتی تھی سحر، جس کی اذاں سے
اس بندہِ مومن کو اب میں لاؤں کہاں سے

__________________

عشق قاتل سے بھی مقتول سے ہمدردی بھی ،یہ بتا کس سے محبت کی جزا مانگے گا؟
سجدہ خالق کو بھی ابلیس سے یارانہ بھی، حشر میں کس سے عقیدت کا صلہ مانگے گا؟

ARHAM

ترے دریا میں طوفاں کیوں نہیں ہے
خودی تیری مسلماں کیوں نہیں ہے
عبث ہے شکوئہ تقدیر یرزداں
تو خود تقدیر یزداں کیوں نہیں ہے

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔

رضی

نگاہِ فقر میں شانِ سکندری کیا ہے
خراج کی جو گدا ہو ، وہ قیصری کیا ہے!

بتوں سے تجھ کو امیدیں ، خدا سے نومیدی
مجھے بتا تو سہی اور کافری کیا ہے!

فلک نے ان کو عطا کی ہے خواجگی کہ جنھیں
خبر نہیں روش بندہ پروری کیا ہے

فقط نگاہ سے ہوتا ہے فیصلہ دل کا
نہ ہو نگاہ میں شوخی تو دلبری کیا ہے

اسی خطا سے عتابِ ملوک ہے مجھ پر
کہ جانتا ہوں مآلِ سکندری کیا ہے

کسے نہیں ہے تمنائے سروری ، لیکن
خودی کی موت ہو جس میں وہ سروری کیا ہے!

خوش آگئی ہے جہاں کو قلندری میری
وگرنہ شعر مرا کیا ہے ، شاعری کیا ہے!

رضی

پریشان ھو کے میری خاک آخر دل نہ بن جاۓ
جو مشکل اب ہے یا رب پھر وہی مشکل نہ بن جاۓ
نہ کر دیں مجھ کو مجبور نوا فردوس میں حوریں!
مرا سوز دردں پھر گرمی محفل نہ بن جاۓ!
کبھی چھوڑی ھوئی منزل یاد آتی ہے راہی کو
کھنک سی ہے جو سینے میں غم منزل نہ بن جاۓ
بنایا عشق نے دریاۓ نا پیدا کراں مجھ کو!
یہ میری خود نگہداری مرا ساحل نہ بن جاۓ!
کہیں اس عالم بے رنگ و بو میں بھی طلب میری
وہی افسانہ دنبالہ محمل نہ بن جاۓ!
عروج آدم خاکی سے انجم سہمے جاتے ہیں
کہ یہ ٹوٹا ھوا تارا مہ کامل نہ بن جاۓ!

رضی

لا پھر اک بار وہي بادہ جام اے ساقي

ہاتھ آ جاۓ مجھے ميرا مقام اے ساقي

تين سو سال سے ہيں ہند کے ميخانے بند

اب مناسب ہے ترا فيض ہو عام اے ساقي

ميري ميناۓ غزل ميں تھي ذرا سي باقی

شيخ کہتا ہے کہے يہ بھي حرام اے ساقي

شير مردوں سے ہوا بيشہ تحقيق تہي

رہ گۓ صوفي و ملا کے غلام اے ساقي

عشق کي تيغ جگر دار اڑا لي کس نے؟

علم کے ہاتھ ميں خا لي ہے نيام اے ساقی

سينہ روشن ہو تو ہے سوز سخن عين حيات

ہو نہ روشن، تو سخن مرگ دوام اے ساقي

تو مري رات کو مہتاب سے محروم نہ رکھ

ترے پيمانے ميں ہے ماہ تمام اے ساقي

ننھا بچہ

اقبال تیری قوم کا اقبال فکس ہوگیا۔۔۔

رضی

رضی